މީހަކު ބިސް ކޭހަކުން ބިސްތަކެއް ނަގަނީ .--- މިހާރު ފޮޓޯ: ހުސައިން ވަހީދު
12 އޯގަސްޓް 2017 - 20:57
7 comments
ބައެއް ގައުމުތަކުން ބާޒާރަށް ނެރެފައިވާ ކުކުޅު ބިހުގައި "ޕިޕްރޯނިލް" ކިޔާ ވިހަ ޕެސްޓިސައިޑް ހުރުމުން، އެ ބިސް ރާއްޖެ އެތެރެ ކޮށްފައިވޭތޯ މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) ން ބަލަން ފަށައިފި އެވެ.
އެތަނުން މިރޭ ނެރުނު ނޫސް ބަޔާނެއްގައި ބުނީ ބުޅަލާއި ކުއްތާ ފަދަ ޖަނަވާރުތަކުގައި އަޅާ އުކުނު ނައްތާލުމަށް ބޭނުންކުރާ މި ކެމިކަލް ހިމެނޭ ބިސް ބާޒާރަށް ނެރެފައިވަނީ ނެދަލޭންޑްސް އާއި ބެލްޖިއަމާއި ޖަރުމަނުގެ އިތުރުން ފްރާންސް އިން ކަމަށެވެ.
މީގެ ތެރެއިން ރާއްޖެ އަށް ބިސް އެތެރެކުރަނީ ނެދަލޭންޑްސް އިންނެވެ.
އެމްއެފްޑީއޭ އިން ބުނިގޮތުގައި ވިހަ ހިމެނޭ ބިސް ފެނުނު ގައުމުތަކުގެ ތެރެއިން ނެދަލޭންޑްސް ފިޔަވައި އެހެން ގައުމަކުން، މިދިޔަ ހަ މަސް ދުވަހު ރާއްޖެ އަށް ބިސް އެތެރެއެއް ނުކުރެ އެވެ. އަދި ނެދަލޭންސް އިން ވެސް އެތެރެ ކޮށްފައިވަނީ މަދު އަދަދެއްގެ ބިސް ކަމަށް އެ އިދާރާ އިން ބުނެ އެވެ. އެމްއެފްޑީއޭ އިން ބުނީ، ތަޣައްޔަރުވެފައިވާ ކަމަށް މިހާތަނަށް އިއުލާންކޮށްފައިވާ އެއްވެސް ބެޗެއްގެ ބިސް ރާއްޖެ އެތެރެ ކޮށްފައިނުވާ ކަމަށެވެ.
އެމްއެފްޑީއޭ އިން ބުނީ ރައްކާތެރިކަމުގެ ފިޔަވަޅެއްގެ ގޮތުން، ރާއްޖެއަށް އެތެރެ ކުރާ ބިހާއި ބިހުގެ ބާވަތްތަކަށް ސަމާލުކަމެއް ދީގެން ބަލަމުން އަންނަ ކަމަށެވެ.
ޔޫރަޕިއަން ކޮމިޝަނުން މިއަދު ބުނީ ޔޫރަޕުގެ 15 ގައުމާއި ހޮން ކޮންގާއި ސްވިޒަލެންޑުން ވެސް ވިހަ ބިސް ފެނިފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަޓް
13 August 2017
ޕިޕްރޯނިލްއިން ވާ ނުބައި އަސަރުތަކަކީ ކޮބައިކަންވެސް ލިއެލިނަމަ. މިހާރު ވިއްކަން ހުންނަ ތަރުކާރީ ކާއިރުވެސް ތިޔަ ޒާތުގެ ޕެސްޓިސައިޑްސް ހަށިގަނޑަށް އެތެރެނުވާކަމެއް ޔަގީނެއްނޫން. ދަނޑުވެރިން ފައިދާ ހޯދަން ބޭސް ޖަހަނީ ވަކި ވަރަކަށްނޫން. އޯގަނިކް އެއްޗިއްސެއްނޫން ގިނައިން ވިއްކަން މިހުންނަނީ. ޝައްކުވޭ ކާތަކެތީގަ ހުންނަ ކެމިކަލްސްއިން ކަމަށް ބަލިގިނަވަނީ.
ތައްޔިބު
13 August 2017
ދަނޑުވެރިޔާ ފާފަކޮށްފަ ތައުބާ ނުވާނަމަ ކޫޑިއަކުން ސަލާމަތް ނުވާނެ. ވަގުތީ ގޮތުން ހިނގައިދާނެ އެކަމަކު އޭނަގެ އާމްދަނީގެ ބޮޑު ބައެއް ދާނީ ކޫޑި ބޭސް ގަތުމަށް.
ބޮނަސް
13 August 2017
ރާއްޖޭގެ ދީނީ އިލްމްވެރިން ދިވެހިން ކައިބޮއި އުޅޭނެ ގޮތް ދީނާ އެއްގޮތަށް ބަހައްޓަން ދަސްކޮށްދިން ނަމަ ދިވެހިން މިއަދު ދުވާލަކު 3 ފަހަރު ކަނޑުމަސް ކައިގެން ޖިސްމާނީ ބަލިތަކާ ރޫހާނީ ބަލިތަކުގަ ވަގުތު ބޭކާރު ކުރާކަށް ނުޖެހޭނެ. އަބަދު މަސް ކެއުމަކީ ރަސްރަސްކަލުންގެ ދިރިއުޅުން. ބިހަކީ ވެސް އެހާ ބޭނުން އެއްޗެއް ނޫން.
ނޭންގޭ
13 August 2017
އެގޭކަމަކީ މިދިއަހަރާއި އަޅާކިޔާއިރު ބިސް އަގުހެޔޮވެފާ ގިނަކަން! ސަބަބެއްނެތި މިހެންނުވާނެ! މީ ވިސްނާލަންޖެހޭކަމެއް!
ޒައިނާ
13 August 2017
އެހެން ގައުމު ތަކުން އެނަގާ ހުސްކޮށް މިދިޔަ ހަފަތާގަ އެކަން ނިއްމައިފި. މިރާއްޖޭގައި އަދި އެކަން ބަލަނިއްޔޯ. ކިހާރަނގަޅު، މިމީހުން އެކަން ބަލާ ނިމެންދެން އަހަރުމެން ދިވެހިން އެބިސް ކައިގެ ހެވި ދިއްލިފަ!
ބޭކާރު ކަންކަން
12 August 2017
ދުނިޔޭގެ ކުރިއަރާފައި ވާ ގައުމުތަކުން އެތައް ޓެސްޓު މަރުހަލާ ތަކެއް ކަޑައްތު ކޮށްފައި ހުންނަ ބިސް ކައި އުޅެނީ. ދެން އިންޑިޔާގެ އެންމެ ނިކައްމާ ބިސް ވޭތުވެދިޔަ 30 އަކަށް އަހަރު ތެރޭގައި އަހަރެމެން ކައި މިއުޅެނީ، ކޮން ޓެސްޓެކޭ ކިޔާކަށް ތަ؟ ރާއްޖެ އަށް މި ގެންނަ ބިސް އެއިން އެއްވެސް ޓެސްޓަކުން ފާސް ނުވާނެ ކަން ކަށަވަރު ޔަޤީން. ޓެސްޓު ކުރުމުގެ ބަދަލު ގައި ދިވެހިންނަށް ބަލިތައް ޖެހެނީ ކީއްވެގެން ކަން ދިރާސާކޮށްދީ.
އަތްފުނާ
12 August 2017
އެހެންވިއްޔާ ނެދަލޭންޑްސް އިން ރާއްޖެ އަށް އެތެރޭކުރާ ބިސް ތި ސަޕްލައިކުރަނީ ރިސޯރޓުގައި އުޅޭ ފަތުރުވެރިންނަށް....،އަހަރެމެން ދިވެހިން ކާން ގެންނަށް ބިސް މި އެތެރޭކުރަނީ މިއޮއް އިންޑިޔަ އިން.