14 އޯގަސްޓް 2017 - 12:47
27 comments
ޔޫތު މިނިސްޓްރީއަށް އަލަށް އައްޔަން ކުރި ޕާމަނަންޓް ސެކްރެޓަރީ ފާތުމަތު މުނާ ގޭގައި މަޑުކުރަން އެ މިނިސްޓްރީން އެންގި މައްސަލަ ސިވިލް ސާވިސް ކޮމިޝަން (ސީއެސްސީ)ން ބަލަން ފަށައިފި އެވެ.
މޯލްޑިވްސް މީޑިއާ ކައުންސިލް (އެމްއެމްސީ)ގެ ޑިރެކްޓަރެއްގެ މަގާމުގައި ކުރިން ހުންނެވި މުނާ، ޔޫތު މިނިސްޓްރީގެ ޕީއެސްގެ މަގާމަށް ހަމަޖެއްސީ މި މަހުގެ އެއްވަނަ ދުވަހު އެވެ. އެކަމަކު އޭނާ އަށް މަގާމުގެ ލިޔުން ދިން ދުވަހުން ފެށިގެން، ވަކި އެއްޗެއް އަންގަންދެން ގޭގައި މަޑުކުރަން ޔޫތު މިނިސްޓްރީން ވަނީ އަންގާފަ އެވެ.
ސީއެސްސީން ބުނިގޮތުގައި މުނާ ގޭގައި މަޑުކުރަން އެންގި މައްސަލަ އެތަނަށް ވަނީ ހުށަހަޅާފަ އެވެ. އެހެންވެ، މިނިސްޓްރީން އެގޮތަށް އަމަލުކުރި ސަބަބު ބަލަމުން އަންނަ ކަމަށް ސީއެސްސީން ބުންޏެވެ.
ސިވިލް ސާވިސްގެ ގާނޫނުގައި ކުރިން އޮތް ގޮތުން، ޕާމަނަންޓް ސެކްރެޓަރީން އައްޔަން ކުރާނީ ސީއެސްސީންނެވެ. އެކަމަކު މިދިޔަ އަހަރު އެ ގާނޫނަށް ގެނައި އިސްލާހެއްގެ ދަށުން، މިހާރު ޕީއެސްއިން އައްޔަން ކުރަން ޖެހޭނީ މިނިސްޓަރުގެ ލަފައާ އެކުގަ އެވެ. އެކަމަކު ޕީއެސް ގޭގައި މަޑުކުރަން އެންގުމުގެ ބާރު މިނިސްޓަރަށް ނުވަތަ މިނިސްޓްރީއަށް ވެސް ދީފައެއް ނުވެ އެވެ.
މުނާއާ މަގާމުގެ ލިޔުން ހަވާލު ކުރުމަށް އެ މިނިސްޓްރީގައި ބޭއްވި ރަސްމިއްޔާތުގައި މިނިސްޓަރު އިރުތިޝާމް އާދަމް ވެސް ބައިވެރިވެވަޑައިގަތެވެ. އެ ރަސްމިއްޔާތުގައި މަގާމުގެ ލިޔުން މުނާއާ ހަވާލުކޮށްދެއްވީ ސީއެސްސީގެ ރައީސް އަލީ ޝަމީމް އެވެ.
މި މައްސަލާގައި ޔޫތު މިނިސްޓްރީން އެއްވެސް ވާހަކައެއް ނުދައްކަ އެވެ.
އެނގިފައިވާ ގޮތުގައި ޔޫތު މިނިސްޓްރީގެ ޕީއެސްގެ މަގާމު ސީއެސްސީން މުނާ އަށް ދިނީ ގިނަ ބަޔަކާ އިންޓަވިއުކޮށް، އިމްތިހާނެއް ވެސް ހެދުމަށް ފަހު އެވެ. އެ މަގާމު ހަމަޖެހުމާ އެކު އޭނާ ވަނީ އެމްއެމްސީގެ ޑިރެކްޓަރުގެ މަގާމުން ވަކިވެވަޑައިގެންފަ އެވެ.
ބިޒްނަސް އެޑްމިނިސްޓްރޭޝަންގެ ދާއިރާއިން މާސްޓާސް ނަންގަވާފައިވާ މުނާ ވަނީ ހައުސިން މިނިސްޓްރީގެ ޑިރެކްޓަރުކަމާއި ހެލްތު މިނިސްޓްރީގެ ހިއުމަން ރިސޯސަސް އޮފިސަރުގެ މަގާމު ވެސް ފުރުއްވައިފަ އެވެ.
ޕީއެސް އަކީ ސަރުކާރުގެ ކޮންމެ މިނިސްޓްރީއެއްގައި ވެސް ސިވިލް ސާވިސް މުވައްޒަފުންގެ އެންމެ އިސް ވެރިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުރައިދޫ
15 August 2017
ކިހޢދުވަހެއް ނަގާނެ؟؟؟.. 1-2-3 އަހަރު؟
އަސުރުމާ
15 August 2017
ވަރަށް ސުމެއްގެ ކޮމިޝަނެއް. މިނިސްޓަރު ރުހޭ މީހެއް ނޫނީ ޕީއެސް އަކަށް ނުލެވޭނެއޭ ކިޔާ ގާނޫނަށް ބަދަލުގެނައިރު އަމިއްލަ ނަފްސުގެ ދިފާއުގައި އަނގަވެސް ހުޅުވާލަން ނުކެރުނު ކޮމިޝަނެއްތީ! ކޮމިޝަނުގެ ބޭނުމެއް ނެތް ރައީސުލްޖުމްހޫރިއްޔާ ރުހޭ މީހުން ސިވިލްސާވިސް އަށް ލާން ޖެހޭކަމަށް ވަންޏާ
ކާޖާ
14 August 2017
ސަބަބު ސާފު އިބްތިއަށްވުރެ މުނާ ރީތި ވީމަ!؟ މެމްބަރުން ...........!
ސުވާދީބު ރާނީ
14 August 2017
ސީ. އެސް.ސީ އިން ގޭމް ކުޅެނީ. ފޭކު ތަނެއް އެއީ.
އިބޫ
14 August 2017
ސީއެސްސީ އަކީ ވެސް މިހާރު ފިޔަ ކޮށާފަ ބަނދެފައި އިން ދޫންޔެއް. ކުރެވޭނެ އެއްކަމެއްވެސް ނެތް ތިޔަ ކޮމިޝަނަނކަށް
ނާ ހަމަ ތެދެއް؟
14 August 2017
އެއީ ތެދެއް. މުވައްޒަފުން ލައްވަ އެތައް ފަހަރެއްގެ މަތިން ބޭކާރު މަސައްކަތް ކުރުވާ. އެކަމަކު ހުރިހާ މަސް ދެމަސް ދުވަހުގެ މަސައްކަތް ކުރީމަ ކޮންމެ ފަހަރަކުވެސް ނިމެނީ އެވެސް ނުދޭގޮތަށް. ތަބާ ވަނީ އިންސާނުންގެ ތެރެއިންވާ ތާޤޫތުންނަށް. ދެންވާނީ ކިހިނެތް؟
އަލްޖިބްރާ
14 August 2017
ތިމައްސަލައެއް ނުބެލޭނެ !
މޫސި
14 August 2017
އޭ.. އެއީ ކޮންމެސް ސިޔާސީ މީހެއްގެ ރައްޓެއްސެއްގެ ތިމާގެ މީހެކޯ... މި ފަހުން ސައިޑު ބަދަލު ކުރި މެމްބަރެއް އެއީ.. އޯޑަރު އައީ ހަމަ ސީދާ މަތިންނޯ...... ދެން މިއަސު ސީސި އަކުން ކުރާނެ އެއް ކަމެއްވެސް ނުންނާނެ.. ސިސީ ގެ ބޮޑު މީހާ ގެއަށް ފޮނވާލަފާނެތީޯ އޭނާ ހުންނަނީ އަދި މާ ބިރަކުން..
ބަނޑު ޝަމީ
14 August 2017
ސިވިލްސާރވިސް އަކީ ސިވިލް ސާރވަންޓުގެ ކަންކަން ރަނގަޅުކުރުމަށް އުފައްދާފައިވާ މުއައްސަސާއެއްކަމަކު އެތަނުގެ ވެރިންގެ އަމިއްލަ ކަންކަން ރަނގަޅުކުރުމަށްޓަކައި ސަރުކާރުގެ ރުހުން ހޯދުމަށް މަސައްކަތްކުރަމުންދާތަން މިހާރު މިދަނީ އާއްމުވަމުން. ސިވިލް ސާރވިސްގެ މުވައްޒަފުންގެ މުސާރައާއި އިނާޔަތްތަކަށް ހެޔޮބަދަލެއް ގެނައުމަށް ނުކުޅެދިފައިވާ ކަމިޝަނުގެ މަސައްކަތަކީ މުވައްޒަފުންގެ ހައްގުތަށް ހަނިކުރުމާއި ، ސިޔާސީ ކޯރޑިނޭޓަރުންގެ އަޅުންނަށް ސިވިލް ސާރވެންޓުން ބަދަލުކުރުމަށް އެހީތެރިވެދިނުން
ވައުދު
14 August 2017
ރާއްޖޭގެ މުއައްސަސާތަކުގެ އިސްމަގާމުތަކުގެ ނާޖާއިޒް ބޭނުން ހިފައި ދިވެހި ދަރިންނާއި މެދު ގާނޫނާއި އިންސާފުން ބޭރުން އަމަލުކުރަމުންދާ އެންމެހައި ފަރާތްތަކަށް ހަލާކުހުރި! އެފަދ ފަރާތްތަކާއި މެދު ހަރުކަށި ފިޔަވަޅު އަޅަންޖެހޭ އަދި ވަކި މުއްދަތެއް ވަންދެން ނުވަތަ އުމުރުދުވަހަށް ދައުލަތުގެ އެއްވެސް މަގާމަކަށް ނާދެވޭނެ ފަދަ މާއްދާއެއް ގާނޫނު އަސާސީއަށް ގެންނަންޖެހޭ