ޕީޕީއެމްގެ "ރުމާލު 2" ޖަގަހަ ހުޅުވުމުގެ ރަސްމިއްޔާތަށް ރައީސް ޔާމީންގެ ދެކަނބަލުން ރޭ ވަޑައިގަންނަވަނީ.---މިހާރު ފޮޓޯ: ނިޝާން އަލީ
15 އޯގަސްޓް 2017 - 16:46
85 comments
"އަޅުގަނޑުމެންގެ ގެއަށް ވަން ފައިސާ ހަލާލު ނޫން" ކަމަށް ވިދާޅުވެ ރައީސް އަބްދުﷲ ޔާމީން ރޭ ދެއްކެވި ވާހަކަފުޅުގެ މާނަ އޮޅުވާލަމުން ދާ ކަމަށް ވެރިކަން ކުރާ ޕީޕީއެމުން މިއަދު ބުނެފި އެވެ.
ރިޔާސީ ކެމްޕެއިނަށް ހެދި "ރުމާލު 2" ޖަގަހަ ހުޅުވައިދެއްވުމަށްފަހު ވާހަކަފުޅުދައްކަވަމުން ރައީސް ވަނީ ކުރީގެ ނައިބު ރައީސް އަހުމަދު އަދީބު ހޭދަކުރެއްވީ ރަނގަޅު ފައިސާއެއް ނޫން ކަން މިހާރު އެނގޭ އިރު "އަޅުގަނޑުމެންގެ ގެއަށް ވަން ފައިސާ ހަލާލު ނޫން" ކަމަށާއި އޭގެ އިތުރުން އެ ފައިސާއިން އިންތިހާބުވި މެމްބަރުން ވެސް މަގާމުން ދުރުވާން ޖެހޭނެ ކަމަށް ވިދާޅުވެފަ އެެވެ. ރައީސްގެ އެ ވާހަކަފުޅާ ގުޅިގެން ގިނަ ބަޔަކު ދަނީ ފާޑުކިޔަމުންނެވެ.
އެކަން ދިފާއުކޮށް ޕީޕީއެމުން ނެރުނު ބަޔާނުގައި ބުނީ ރައީސް އެހެން ވިދާޅުވެފައިވަނީ އެމްޑީޕީގެ ވެރިކަމުގައި ރައީސް އޮފީހުގައި އުޅުނު އަދި މިހާރު އަލްޖަޒީރާގައި މަސައްކަތް ކުރަމުން އަންނަ ވިލް ޖޯޑަން ތައްޔާރުކުރި "ސްޓީލިން ޕެރެޑައިސް"ގެ ރިޕޯޓާ ގުޅިގެން ކަމަށެވެ.
ރައީސް ވަނީ އޭގައި ބުނެފައިވާ ގޮތަށް އެމަނިކުފާނަށް ލިބިވަޑައިގަންނަވާ ފައިސާއަކީ ހަލާލު އެއްޗަކަށް ނުވާނަމަ، އަދީބުގެ ފަރާތުން ފައިސާ ލިބުނު ބޭފުޅުންނަށް ވެސް ލިބުނީ ހަލާލު ފައިސާތޯ ސުވާލު އުފައްދަވާފައި ކަމަށެވެ. އަދި އެމަނިކުފާނުގެ ބަސްފުޅު އެއްކޮށް އަޑުއަހާލުމުން އެކަން އެނގިގެންދާ ކަމަށް ބުންޏެވެ.
އެމްއެމްޕީއާރުސީން ވަގަށް ނެގި ފައިސާ ހަމައެކަނި ވަން ކަމަށް އަލްޖަޒީރާ އިން ދެއްކީ، އެމަނިކުފާނުގެ ގެކޮޅު ދޫވައްސަށް ކަމަށާއި އެކަމަކު އެގޮތަށް އެ ޓީވީން ބުނުމަކީ މައްސަލައެއް ކަމަށް ރޭ ރައީސް ވިދާޅުވި އެވެ.
"އެބަ ތުހުމަތުކުރޭ އަދީބުގެ ފައިސާއިން އަޅުގަނޑަށް ބައެއް ލިބުނު ކަމަށް. އަލްޖަޒީރާއިން ވެސް ފެނުނީ އަޅުގަނޑުގެ ގެއަށް ފޮށިތައް ވައްދާ ތަން، މި ނޫން އެހެން އެއްވެސް އެއްޗެއް އަލްޖަޒީރާ އަށް ވެސް ނުފެނުނު،" ރައީސް ވިދާޅުވި އެވެ.
އެމަނިކުފާނު ވިދާޅުވިގޮތުގައި އެ ފައިސާ ހަރަދުކޮށްފައިވަނީ ރައްޔިތުންގެ މަޖިލީހުގެ ކޮންކޮން މެންބަރުންނެއް އިންތިހާބު ކުރަންތޯ ބަލަންޖެހޭ ކަމަަށެވެ.
"އެ ފައިސާ ވަދެފައިވަނީ ފޮށިފޮށީގައި ހަމައެކަނި ދޫވެއްސަކަށް ނޫން. ރައްޔިތުންގެ މަޖިލީހަށް އޭރު ކޮންމެެހެން ވެސް ހޮވަން އަޅުގަނޑުމެން ބޭނުންވި ބޭފުޅުންނަށް ހަަރަދުކޮށްފައި ހުންނާނީ އަހުމަދު އަދީބު. އެހެންވީމަ އަޅުގަނޑުމެންގެ ގެއަށް ވަން ފައިސާ ޝައްކެތް ނެތް ގޮތުގައި ހަލާލެއް ނޫން. މި ދެންނެވި މެމްބަރުން ވެސް މިކަން ގަބޫލުކުރެވޭ ނަމަ އަވަހަށް މަގާމުން ދުރަށް ވަޑައިގަންނަވާ،" ރައީސް ވިދާޅުވި އެވެ.
ރާއްޖޭގައި މިހާތަނަށް ހިންގި އެންމެ ބޮޑު ހިޔާނާތަކީ އޭރުގެ ނައިބު ރައީސް އަދީބު އިސްކޮށް ހުންނަވައި ކުރެއްވި އެމްއެމްޕީއާރުސީގެ ވައްކަމެވެ. އަލްޖަޒީރާ އިން ދެއްކި ޑޮކިއުމެންޓަރީއެއްގައި ރައީސް ޔާމީންގެ ގެކޮޅަށް ގިނަ އަދަދެއްގެ ފައިސާ ގެންގޮސްފައި ވާނެ ކަމަށް، އޭރު އަދީބުގެ އަރިހުގައި މަސައްކަތްކުރި މީހަކު ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރާހީމް ރަޝީދު
16 August 2017
ދިވެހިން މިތިބީ ހަމަ ޙަޤީޤަތުގަވެސް ހަމަބުއްދި ފިލާގޮއްސަ. ﷲ އާ ރަސޫލާ އަންގަވަނީ ވައްކަމާ ރިޝްވަތު ޙަރާމް އޭ. މި ރަައީސް ވިދާޅުވީ "ހެޔޮވަރުގެ ޢަދަދެއްވިއްޔާ އަނބިމީހާވެސް ތީ ކޮންފައިސާއެެއްތޯ ސުވާލު ނުކުރާނެ....." މިކަމަށްވެސް އަތްޖެހީ ދިވެހިން. މިއަދު އެ ފައިސާ އަކީ ޙަލާލު ނޫން ފައިސާކަމަށް އެއްބަސްވެ ޢިއުލާނު ކުރީމަ އަތްޖެހީވެސް ދިވެހިން. ﷲ އިންސާނާ އުޅެން އަމުރުކުރަށްވާފަވާ އުސޫލްތައް ފުނޑާލާ ތިމާމެންކުރާ ކޮންމެކަމެއް ހަލާލުކޮށް ހަމަބުއްދިޔަށް ގޮންޖަހަމުން ތި ގެންދަނީ ފުލުހުންނާ ސިފައިން އަދި ޖޫޑިޝަރީ އަމިއްލަ މުށުތެރޭގަ އޮތީމަ. ތިބާރުވެސް ކެނޑި ހަމަބިމަށް ފައިބަންޖެހޭ ދުވަހު ތި ޚިޔާނާތްތަކުގެ މައްސަލަ ތަކަކީ ބެލޭނެ އަދި އަގު އަދާކުރުވާނެ މައްސަލަތައް.
ގޮއްޔެ
16 August 2017
ކީކޭދޯ ދެން ބުނާނީ؟ މުޅި ދނިޔޭގެ އެންމެނަށް ފެންނަން އެއޮތީ އެބޭފުޅާ ދެއްކި ވާހަކަ. މިހާރު މިދާވަރުން ދަންޏާ ދިވެހި ބަސް މާނަ ކުރަން ޢާންމު ރައްޔިތުން ދާން ޖެހެނީ ޕީ.ޕީ އެމް އޮފީހަށް ދެއްތޯ؟؟ ކޮންމެ ފަދަ ވާހަކައެއްވެސް އެބޭފުޅާ ދައްކަވަފާނެ. ދެން އެއަށް މީހުން ހަޖޫ ޖަހަން ފަށާއިރަށް އަރިސް ކުދިންކޮޅު އެކަމާ ދެކޮޅަށް ވަކާލާތު ކުރަންފަށާނެ. އެބޭފުޅާ ވާހަކަ ދައްކަން ފެށުމުގެ ކުރިން ހުންނެވީ ހަމަބުއްދި ސަލާމަތުންތޯ ޗެކު ކޮށްލަ ދެއްވަންވީ ނޫންތޯ؟؟
ހިޔަނި
16 August 2017
ޅެން ލިޔަނީވެސް ކިޔަނީވެސް ދިވެހި ބަހުން. އެކަމަކު މާނަ އޮންނަނީ ޅެންވެރިޔާގެ ބަނޑުގައި ކަމަށް ވަނީ.އެހެންވީމާ ދިވެހި ބަހުން ދެއްކި ވާހަކަޔަކަށް ވިޔަސް މިގޮތަށްދިމާނުވާނެބާ؟
ރޯކޫތާ ހުސްދޮގޭ
16 August 2017
އަޅުގަނޑަކީ އެއްވެސް ޕާޓީ އެއްގެ މީހެއްނޫން، އެކަމު ރޔ ގެ ވާހަކަފުޅު މާނަ ކުރިޔަސް ނުކުރިޔަސް އަދި ހަމަ ގައިމުވެސް އަޅުގަނޑަށް އިނގެނީ ރޔ ދެއްކެވި ވާހަކަ މާނަ ކުރާކަށް ނުވެސް ޖެހޭ، ސަރީހަ އިބާ ރާތުން ރޔ ނުވިސްނާ އެއްޗެހި ވިދާޅުވެފަ ރޔ ތިޔަ އުޅުއްވަނީ ތި ދެއްކި ވާހަކަތަށް އިވުނު ދިވެހި ރައްޔިތުން ކުއްވެރި ކުރަންތޯ؟ ރޔ ތިޔަ ކަހަލަ ކަންތައް ކުރުމުން ހީ ނުކުރާ ވަރަށް ރަްޔިތުންގެ އިތުބާރު ދާނީ ވެއްޓެމުން. ވިސްނާލުން ރަނގަޅު. ވ ސަލާން
ހަތިފުށި އަހަންމަދު
16 August 2017
ބަޔަކު މާނައެއް ނޫންކަންނޭނގެ އޮޅުވާލަނީ. ކޮށްފައިހުރި ވައްކަންތަކެއް އޮޅުވާލަން އުޅެނީ ނަމަވެސް މިފަހަރު ތިއޮތީ ބޭޒާރުވެފަ.
ދިވެހިބަސް
16 August 2017
ރައީސްގެ ވާހަކަ ފުޅު ދެއްކެވީ ދިވެހިންބަހުންނޫންތަ؟ މަށަށްވެސް ދިވެހިބަސް އެގެއޭ.
ކިޔުންތެރިއެއް
16 August 2017
މީގަ ތަރުޖަމާއެއް ބޭނުމެއް ނުވާނެ ބަސްބުނެނިމިފަ އެއޮތީ އޮޅުވައެއްވެސް ނުލެވޭނެ ސާފުދިވެހިބަހުން ބުނެފަ އެވަނީ
ކުމާރު
16 August 2017
ނޭނގުނޭ ތިޔަ ވިދާޅުވި ބަހުގެ މާނައެއް !
ކާފަ
16 August 2017
ޕީޕީއެމްއެިން ތަރުޖަމާކުރީ ކޮންބަހަކަށްތޯ؟
ކާފަ
16 August 2017
ތަރުޖަމާކުރުމަށް ބުނެދީފައިވާ "އެމަނިކުފާނަށް ލިބިވަޑައިގަންނަވާ ފައިސާއަކީ ހަލާލު އެއްޗަކަށް ނުވާނަމަ،" މީގެންވެސް އެނގޭދޯ އެބަ ރަޢިސަށް ބައިއެޅިކަން. އެމަނިކުފާނަށްވެސް ފައިސާތަކެއް ލިބިއްޖެކަން. އެމަނިކުފާނަށް ލިބުނު ފައިސާ ޙަލާލުވާނަމަ އަދީބު ބޭނުންކުރިފައިސާވެސް ހަލާލުވާންވާނެދޯ އެކަމު އެފަކީރު ޖަލުގައި މީނާ ރިޔާސަތުގައި.