ސަރުކާރުން ތިން ގޯތި ވިއްކަން އިއުލާންކޮށްފައިވާ މ. ދަންޑެހެލުގެ: މާލެއިން 19 ގޯއްޗެއް ވިއްކަން ވަނީ އިއުލާންކޮށްފައި.
16 އޯގަސްޓް 2017 - 16:27
47 comments
މާލެއިން ވިއްކަން ސަރުކާރުން ނިންމާފައިވާ 19 ބިން ވިއްކަނީ އަކަފޫޓެއް 15،000ރ.ގެ ރޭޓުން ކަމަށް ހައުސިން މިނިސްޓްރީން އިއުލާންކޮށްފި އެވެ.
އެ ގޯތިތައް އަކަފޫޓެއް 15،000ރ.ގެ ރޭޓުން ވިއްކައިފި ނަމަ ދައުލަތަށް މަދުވެގެން ގާތްގަނޑަކަށް 792 މިލިއަން ރުފިޔާ ލިބޭނެ އެވެ.
ހައުސިން މިނިސްޓްރީން ކުރި އިއުލާނުގައިވާ ގޮތުން، އޯކިޑްމަގު މާފަންނުއާގެއިން ދައުލަތަށް ނެގި ބައި، މ. ދަންޑެހެލުގެ ކިޔާ ބިމުން ތިން ގޯއްޗާއި ބޮޑުތަކުރުފާނު މަގުގައި ކުރީގެ ކުނިކޮށިން ހަ ގޯތި އަދި އެ މަގުގައި ވިލާ ކޮލެޖާ ޖެހިގެން ހުޅަނގަށް ހުންނަ އެސްޓީއޯއިން ރެޑީ މިކްސް ކޮންކްރީޓް ތައްޔާރުކުރާ 378 ނަންބަރު ކޮށިން 10 ގޯތި ވިއްކަން ވަނީ ނިންމައިފަ އެވެ.
އެ މިނިސްޓްރީން ކުރި އިއުލާނުގައިވާ ގޮތުން މ. ދަންޑެހެލުގެ އިން ވިއްކަން ހަމަޖައްސާފައި ވަނީ 5559.4 އަކަފޫޓުގެ ގޯއްޗަކާއި 5812.40 އަކަފޫޓުގެ ދެ ގޯއްޗެވެ. އަދި ބޮޑުތަކުރުފާނު މަގުގައި ކުރީގެ ކުނިކޮށިން ވިއްކާ ހަ ގޯތީގެ ގޮތުގައި ހިމެނެނީ 5219.85 އަކަފޫޓުގެ އެއް ގޯއްޗާއި 4985.08 އަކަފޫޓުގެ ދެ ގޯއްޗާއި 5233.19 ތިން ގޯތި އަދި 4377.03 އަކަފޫޓުގެ ހަތަރު ގޯއްޗެވެ. އަދި އެ މަގުގައި ވިލާ ކޮލެޖާ ޖެހިގެން ހުޅަނގަށް ހުންނަ އެސްޓީއޯއިން ރެޑީ މިކްސް ކޮންކްރީޓް ތައްޔާރުކުރާ 378 ނަންބަރު ކޮށިން ވިއްކާ 10 ގޯތީގެ ގޮތުގައި ހިމެނެނީ 7682.41 އަކަފޫޓުގެ އެއް ގޯއްޗާއި 7201.27 އަކަފޫޓުގެ ދެ ގޯއްޗާއި 6551.88 އަކަފޫޓުގެ ތިން ގޯތި ހިމެނެ އެވެ.
ހައުސިން މިނިސްޓްރީން ކުރި އިއުލާނުގައިވާ ގޮތުން އެންމެ ބޮޑު އަގެއް ދައުލަތަށް ލިބޭނީ ކުނި ކޮށިން ވިއްކާ 7682.41 އަކަފޫޓުގެ ގޯތިންނެވެ. އެ ގޯތީގެ އަކަފޫޓެއް 15،000ރ. އަށް ވިކިއްޖެ ނަމަ ގާތްގަނޑަކަށް 115 މިލިއަން ރުފިޔާ ލިބޭނެ އެވެ. އެ ބިންތަކުގެ ތެރެއިން އެންމެ ކުޑަ އަގެއް ލިބޭނީ ރެޑީ މިކްސް ކޮންކްރީޓް ތައްޔާރުކުރާ ކޮށިން ވިއްކާ 4377.03 އަކަފޫޓުގެ ގޯތިންނެވެ. އެ ގޯތީގެ އަކަފޫޓެއް 15،000ރ. އަށް ވިކިއްޖެ ނަމަ 65 މިލިއަން ރުފިޔާ ލިބޭނެ އެވެ.
އެ ގޯތިތައް ގަންނަން އަގު ހުށަހަޅަން ދިން މުއްދަތު ބަދަލުކޮށް ގޯތިތަކުގެ ސައިޒު ހިމެނުމަށްފަހު ހައުސިން މިނިސްޓްރީން ނެރުނު އިއުލާނުގައި ބުނެފައި ވަނީ މިހާރު އަގު ހުށަހަޅަން ޖެހެނީ މި މަހުގެ 27 އިން ފެށިގެން ސެޕްޓެމްބަރު 14އާ ދެމެދުގަ އެވެ.
ހައުސިން މިނިސްޓްރީން ބުނީ މީގެ އިތުރުން ބިން އަމިއްލަ ކުރުމަށް ގޯތި ގަންނަން ހުށަހެޅި އަގު ދައްކަން ޖެހޭނެ ކަމަށެވެ. އަދި ބިން ގަތުމަށް އެ ދުވަހަކު ހުށަހަޅާ އެންމެ މަތީ އަގު، ޖެހިގެން އަންނަ ދުވަހުގެ ހެނދުނު 8:00 އިން ފެށިގެން، އެ މިނިސްޓްރީގެ ނޯޓިސް ބޯޑްގައާއި ވެބްސައިޓްގައި ޝާއިއު ކުރާނެ ކަމަށް ވެސް ބުނެފައިވެ އެވެ.
އެ މިނިސްޓްރީން ބުނީ އަގު ހުށަހެޅުމުގެ މުއްދަތު ހަމަވާއިރު އެންމެ މަތީ އަގެއް ހުށަހަޅާފައިވާ ފަރާތަކަށް ބީލަން ކާމިޔާބުވީ ކަމަށް ނިންމޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަދަލުމޭން
17 August 2017
މަބުނީ މާފަންނު އާގެ ނަގަންވެގެން އެގޭގެ ވެރި ފަރާތަށްވެސް ދިނީ ތިޔަ ބުނާ އަދަދުހޭ. އެހެން ކަމުގައިވާނަމަ ހައުދަހާވާ މުއްސަންޖެއްވާނޭ. އެކަމު ހިޔެއް ނުވޭ ނޫސްތަކުގަ މިބުނާ ބަދަލެއް އެ އާއިލާއަށް ދިންހެނެއް. އެހެން ކަމުގައިވާނަމަ އެއީވެސް ހާދަ ބޮޑު އަނިޔާއެކޭ...
ސޯޓު
17 August 2017
ތިބިންތައް ވިއްކުމުގެ ބަދަލުގައި އެތަންތަނުގައި ފުލެޓުތައް އަޅަން އެންމެ އަވަހަށް މަސައްކަތް ނިންމާ ބަޔަކަށް ހަވާލުކޮށްބަލަ ، އެފުލެޓުތައް ނިމުމުން 20 އަހަރުން އަގުދައްކާގޮތަށް ބޯހިޔާވަހިކަމަށް ބޭނުންވެފައި ތިބި ހުރިހާ ރައްޔިތުންނަށް އެފުލެޓުތައްދިނުމުން ރައްޔިތުންގެ ތާއީދުލިބި އަދި ހިތްހަމަޖެހި ރައްޔިތުންގެ ހާސްކަން ފިލާނެ ، އޭގެ އިތުރުން ދައުލަތަށްވެސް ކޮންމެއަހަރަކުވެސް އާމްދަނީ ލިބޭނެ އެފުލެޓުތަކުގެ އަގު ބަހާލައިގެން ކުޑައަގަކުންނަމަވެސް ދައްކަމުންދާތީވެ.... މިހާރު ތިގޮތަށް ތިބިންތައް ތިއަގުގައި ވިއްކަން ނިންމީ ގޮންމެވެސް ކަމަކަށް ލާރިބޭނުންވެގެން އެކަމަކަށް ހަރަދުކުރަން.... މިސަރުކާރަކީ ރައްޔިތުންގެ ލާބައަށް މަސައްކަތްކުރާބައެއްނޫންކަން އެބައެގޭނޫންތޯ...
ހުރިގޮތއ
17 August 2017
ފޮށިފޮށީގައިވަަން ފައިސާ ހުސްކުރާނެގޮތެއް ނޭންގިގެންތޯ މިއުޅެނީ! އެ ފައިސާތައް ހަރުމުދަލަށް ބަދަލުކުރަނީއެވެ. ހެޔޮވާނީ ކިހިނެތްތޯއެވެ. މާލޭގައި މި އުޅެނީ ނޭވާނުލެވިގެންނެވެ. ދުއްވާއެއްޗެއް ޕާކުކޮށްލާނެ ތަނެއް ނެތިގެންނެވެ. މަގުތަކުގައި ރަގަޅަށް ހިނގާ ނުލެވިގެންނެވެ. މިފަދަ ހާލަތެއްގައި ތިއްބާ ދައުލަތުގެ ބެލުމުގެ ދަށުގައިހުރި ބިންތައް ދައުލަތުގެ ފައިސާއަށް ވިއްކަން. ޔާﷲ އަޅަމެން މިކަމުން ސަލާމަތްކުރައްވާއްދޭ!
ކުމުންދޫ އަލީ
17 August 2017
ތަރައްގީ ތަ؟
އާރަށް
17 August 2017
ކޮންމެ އެއްޗެކޭ ކިއަސް މިމީހުން ވިއްކާނެ. މިއީ ރައްޔިތުންގ އަޑުއަހާ ސަރުކާރެއްނޫން. ވެރިއަކަށް އަންނަމީހަކަށް މިހާބޮޑު ބާރެއްދީފައިވޭތަ؟ ތިޔަހާވަރުން ދަންޏާ ދިވެހިން ނިދާ އެނދުވެސް ނޭންގިތިއްބާ ވިއްކާލާނެ. އޭރުން އަދި މާގިނަ ފައިސާ ލިބޭނެ. މުއީޒޫ އަހަރެންގެ 5 އަހަރުގެ ދަރިފުޅަށްވެސް އެނގޭ މަގޭ މުދާކޮޅު ވިއްކާލީމާ މިވަގުތަށް ފައިސާ ލިބޭނެކަން. އޭނާއަށް ނޭންގެނީ އެ ވިއްކުމަށްފަހު އޭގެ މައްޗަށް އޭނާގެ ބާރު ނުހިނގާނެކަމާއި، އޭނާ ނިކަމެތިވާނެކަން. ފައްކާ އިކޮނޮމިސްޓެއް.
ރުޅި
17 August 2017
ބަލަ އެންމެންގެ ކުރިމަތީގައި ނޫންތަ ބިޑްތައް ކަޑާ އޯޕަންކުރަނީ. މިހާރުވެސް ތިޔައޮތީ ގޯސްވެފަ. ހުވާކޮށްފަ މިބުނީ ތިޔައީ ހަމަ ނަން ޖަހާ ނިމިފަ ހުރި ބިންތައް. ތިޔަހާ ބޮޑެތި ބިން ދެރަވަރަކު މީހަކަށް ނުގަނެވޭނެ. ތިޔަ ބިންތައް ގަނެ ފަންސަވީސް ބުރީގެ ޓަވަރު ހަދާނީ. މިހާރުވެސް އަމިއްލަ ގެ އެހެންގެއަކާ ލާޖެހި މީހުން ތިޔަ ހިތްގައިމު ހިސާބުން ބިން ބޭނުންނުވާނީ ކީއްވެ؟ ތިޔައީ ހަމަ ބަޔަކު ބިން ބޭނުންވާތީ އެ މީހުންނަށް އެ ބިންތައް ދޭނެގޮތެއް ނޭންގިގެން ކުރިކަމެއް. ތިޔަތަންތަނަށް ކަރުދާހުގައި އަދަދު ޖަހާފައި ހުއްޓަސް ދައުލަތަށް ޙަޤީގަތުގައި ލޯލާރިއެއްވެސް ނުލިބޭނެ. މާލޭގައި ޖާގަ ނެތިގެން މިހާރުވެސް މިއުޅެނީ އަމިއްލަ ފައިވާންގަނޑު ބައިދާނެ ތަންނެތިގެން. ނުވިތާކަށް ދައުލަތުގެ ވެހިކަލްތައް ބާއްވާލާނެ ތަނެއްނެތް. ކާރިސާއެއްގައި އެންމެން އެއްވެލާނެތަނެއްނެތް؟ މުއީޒޫ މިމަހުވެސް 2.2 ބިލިއަން ދައުލަތަށް ލިބިއްޖެ. އެވަރުވެސް މަދީތަ. ނަމަނަމަ ލައިގެން ހުރި މުންޑުގަނޑު ބާއްވާތި.
އުދުހޭ
17 August 2017
ޔާމީނު ބިން ގަތީ އަކަފޫޓަކަށް 2،500ރ އަށް. ރައްޔިތުންނަށް މި ވިއްކަނީ 15،000ރ އަށް؟ ރައީސުލްޖުމްރޫރިއްޔާއަށްވުރެ ގިނަ ފައިސާ އަޅުގަނޑުމެންނަށް ލިބެނީތޯ؟ https://mihaaru.com/news/4731
މުހަންމަދު ގެ ﷲއަބުދު
17 August 2017
ތަމެންނަށް ވެގެން އުޅޭގޮތަކީ, ސިޔާސީގޮތުން ފެރަޅައިޒް ވީ....ބޮޑުވަރު ނުވަނީސް އަވަހަށް ފަރުވާ ފަށާ....މިހާރުވެސް މަސައްކަތް....އަވަސް ޝިފާއަކަށް އެދެން
މެސީ
17 August 2017
ވެރިކަމަށް އެރީއްސުރެ ހޭބުއްދިފިލާފަ ތަންތަންވިއްކާ ދައުލަތުގެ މުދާވިއްކުމުގައި ފައިސާ ފައިސާ ފައިސާ މިވަރުކަމެއް ނުދެކެން ދައުލަތަށް އާއްމުރައްޔިތުން އަތުންފެލައިގެން ނަގާފައިސާވެސްް ދެގުނަކޮށްގެން އުޅޭއިރުވެސް ހިފިނުހުރެގެން ތަނެއްއޮތިއްޔާ ވިއްކަނީ ފައިސާ ފައިސާ ފައިސާ
ފަޒީލްފަﷲ7886
17 August 2017
ތިޔައީ ދިވެހި ރައްޔިތުން ބޭނުން ވާ ގޮތެއް ނޫން. ރައްޔިތުން ގެ މުދަލެއް ވަކި ފަރުދެއްގެ މިލްކަކައް ވުމަކީ ރައްޔިޔުންނަށްވެވޭ ބޭއިންސާފެއް. އަދި ހަރުމުދާ ވިއްކާ ވަރެއް ނުވެޔޭ. އެވަރު ވީމަ އަހަރުންނައް ވެސް އެގޭނެ.