ލާމު އަތޮޅު ލިންކު ރޯޑު.-- ފޮޓޯ: ތޮއްޓޭ ފޮޓޯގްރަފީ
21 އޯގަސްޓް 2017 - 11:08
14 comments
ލ. ގަމުގައި ކޭބަލް ޓީވީގެ ހިދުމަތްދޭ ކުންފުންޏެއް، ގަވައިދާ ހިލާފުވެގެން ތިން ލައްކައެއްހާ ރުފިޔާއިން ބްރޯޑްކާސްޓިން ކޮމިޝަން (ބްރޯޑްކޮމް) އިން ޖޫރިމަނާކޮށްފި އެވެ.
ގަވައިދާހިލާފަށް ބްރޯޑްކާސްޓްކޮށްގެން، ލ. ގަމު ޕިކްސެލް ވިޝަން 296،000 ރުފިޔާއިން ޖޫރިމަނާ ކުރީ، އެކަމާ ގުޅޭގޮތުން ބްރޯޑްކޮމް އަށް ހުށަހަޅާފައިވާ މައްސަލައެއް ބެލުމަށް ފަހު އިއްޔެ އެވެ.
ބްރޯޑްކޮމް އިން ބުނިގޮތުގައި މީޑިއާނެޓާއި ހާލި އިންވެސްޓްމަންޓާ ގުޅިގެން ގަމުގައި ބްރޯޑްކާސްޓިންގެ ހިދުމަތްދޭ ޕިކްސެލް ކުންފުނިން ވަނީ، މީޑިއާ ނެޓުން އެކްސްކްލޫސިވް ރައިޓްސް ނަގާފައިވާ ޗެނަލްތަކާއި އެހެން ޗެނަލްތައް ވެސް ރީބްރޯޑްކާސްޓްކޮށްފަ އެވެ.
ބްރޯޑްކޮމް އިން ބުނީ، ވިޝަން ކުންފުނިން ގަމު ކައުންސިލަށް މައުލޫމާތު ދީފައިވާ ގޮތުގައި އެ ކުންފުނިން ދައްކަނީ އަށް ޗެނަލް ކަމަށެވެ. އެކަމަކު ކައުންސިލުން ޗެކްކޮށް ބެލިއިރު، އެ ކުންފުނިން 148 ބޭރުގެ ޗެނަލް ރީބްރޯޑްކާސްޓްކުރާކަން އެނގިފައިވާކަން ބްރޯޑްކޮމްއިން ބުންޏެވެ.
ޖޫރިމަނާކޮށްފައި ވަނީ ރިބްރޯޑްކާސްޓްކުރުމުގެ ހައްގު ނުހޯދައި ދައްކާފައިވާ ކޮންމެ ޗެނަލަކަށް 2،000 ރުފިޔާގެ މަގުންނެވެ. މި ފައިސާ އެއް މަސް ދުވަހުގެ ތެރޭގައި ދެއްކުމަށް އެ ކުންފުންޏަށް ބްރޯޑްކޮމް އިން ވަނީ އަންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ ބަކުރު
22 August 2017
ސަރުކާރު ހިންގަން އެހެން މެހެން ލާރި ފޭރެނީ.
މޮގާބޭ
22 August 2017
ދަރިފުޅާ މިސްކިތަށް ދަނީ ނަމާދަށް މިސްކިތުގެ ދޮރުމަތީ ފައިވާން ބަހައްޓާތީވެސް ދަޢުލަތަށް ކޮއްމެވެސް ޢާމްދަނީއެއް ހޯދަމާ ހިނގާ؟؟؟؟؟؟
ގަން ރެފިއުޖީ
21 August 2017
ތިޔައީ ވަރަށްރަނގަޅު ނިންމުމެއްކަމަށް ދެކެން، ގާނޫނުތަކާ ޚިލާފަށްކުރާކަންކަމުން ރައްޔިތުންނަށް ނޭނގިތިބެ ލިބޭ ހިތްހަމަޖެހުމަށްވުރެ އެ ރައްޔިތުންނަށްވެސް ގައުމަށްވެސް ލިބޭގެއްލުން މާބޮޑު، ލ.ގަމުގައި ގާޑިޔާ ހިންގުމުގެ ނަމުގަ ހުއްދަނެތި އިމްޕޯރޓްމުދާ ވިއްކާ، ރެސްޓޯރަންޓް ކެފޭ ހިންގާ ފަރާތްތައްވެސް މިކަމާ ވިސްނެވުން މުހިންމު، ދައުލަތަށް ދައްކަންޖެހޭ ޖީއެސްޓީ ނުދައްކާ ވިޔަފާރިކުރަން ނޫޅުއްވާތި
ލަދުހަޔާތް
22 August 2017
ވިސްނާ ފިކުރު ކޮށްލަ ބަލަ ތިޔަ ދައްކާ ވާހަކައަށް. އެމީހުން އިމްޕޯރޓް މުދާ ވިއްކުމަކީ ކުއްވެރިވާ ކަމެއް ނޫން.. ގައުމުގަ ތިބި ނިކަމެތި ރައްޔިތު މީހާ ހަމަ ބައި ރުފިޔާއަށްދޭ ސުޕާރި ވިއްކީމަ ދައުލަތުން އޭނަ އިމްޕޯރޓް މުދާ ވިއްކުމުގެ ހުއްދަ ނުހޯދައޭ ކިޔާފަ ގާނޫނު ހިފާގެން އައިސް އޭނަ ފަހާ ދުވަން ވެއްޖެއްޔާ ކޮބާތޯ ސަލާމަތެއް. ގާނޫނުގަ ލިޔެފަ އޮންނަ ކޮންމެ ކަމަކީ ޕްރެކްޓިކަލީ އެ ހުރިހާ ކަމެއް އިމްޕްލިމެންޓް ކުރެވޭނެ ކަމެއް ނޫން.
މެންޓަލިސްޓް
21 August 2017
ތިޔައީވަރަށްފައްކާކަމެށް ،،،، ސަރުކާރުން ފައިސާހުސްވާންފެށީމައި ވީހާގިނައެއްކޮށް ކުންފުނިތަކާޢި މީސްމީހުން ޖޫރިމަނާކުރެވޭތޯ ބަލާ ،،، އަދިޖޫރިމަނާ ދެއްކުމަށް އިންކާރުކުރަނަމަ ބަންދުކޮށް ބިރުދައްކާ އެންމެފަހުން ސަރުކާރު ޕާޓީއަށް ސޮއިކުރީމައި ހުރިހާކަމެށް ނިމޭނެކަމަށް އަންގާ ،،، އެވެސް ސިޔާސީ މޮޅުއުކުޅަކަށްވާނީ ،،، ބައެއްހޮޓާތަކުގައި ރާއްޖެޓީވީ އަބަދުދައްކާތީވެ މީރާއިން އެތަންތަނަށް ވަދެ އޯޑިޓްކޮށް ބޮޑެތި ޖޫރިމަނާދެއްކުމަށް އަންގާ އެންމެފަހުން ތަނުގެ މެނޭޖްމަންޓް އެހެންބަޔަކު ނަގައިހިސާބަށްދުއްވާލާ ދެންއަންނަބަޔަކު ރާއްޖެޓީވީ ނުދައްކާގޮތަށްވެސް އެބަހުރި ދާދިފަހުން ހަދާފައި ،،، ދެންއެޔަށްކިޔާނީ ޕޮލިޓިކްސްއޭ ،،، އޭރުން އެކަންއެނުމުނީ ،،، ވަރަށްވެދުން
ގޮންގް
21 August 2017
ލާމު ހާދަ ރީއްޗޭ....
އަޙްމަދު މުޙައްމަދު
21 August 2017
ހަމަ ރަނގަޅު ކުރަންވީ މަހުފީގެ ގޮތުގައި 300 ރުފިޔާ ދެއްކިތާ 2 ދުވަސް ތެރޭގައި ކަނޑާލައިފި ޚިދުމަތްނުދީ ފައިސާކޮޅު ކައިލައިގެން އެތިބޫ
ޑައިމަންޑް
21 August 2017
ޖޫރީމަނާ ފައިސާލިބެނީ ކޮންފަރާތަކެއްތޯ؟
ޙުއްބުލްވަޠަން
21 August 2017
މީވެސް މިހާރު ވަރުގަދަ ވިޔަފާރީއަކަށް ވެއްޖެ. އެއްބަޔަކަށް ވާދަ ކުރުމުގެ އިތުރުން އެއްބަޔަކު އަނެއްބަޔަކަށް ވިޔަފާރި ހަލާކުކުރުން އޮތީ ކަމަކަށް. ރަނގަޅަށްވާ ކަހަލަ ޚިދުމަތެއްވެސް ދެވެނީއެއް ނޫން.
ހަސަންއ
21 August 2017
ތީ ކޯޒްނެޓް އައް ލިބުން ވަރަ ބޮޑު ގެއްލުމެއް... ބަޑީސް ނެޓްއިންވެސް އަޕީކޮއް ވަރައް ގިނަ ޗެނަލްތައް ރިބުރޯޑްކާސްޓް ކުރޭ... އަޅުގަޑޫ އެމައްސަލަ ކޮމިސަނައް ވައްދާނަން...
ފޮނިކަލޯ
21 August 2017
ތީ އެއްވެސް ކަމެއްނޫން އަވަހައް ކޮންމެ ގެއަކުން އެއަދަދު ހަމަވާވަރައް ފައިސާ ނަގާ ބޮޑުވެގެން މައްސަލަ ޖައްސައިފިނަމަ ބުނާނީ ސަރުކާރު ހިންގަން ފައިސާނެތިގެން ކުންފުނިން އަންގައިގެން ނަގާ ފައިސާ އޭ..