ރާއްޖެ އިން މި އަހަރު ހައްޖަށް ދިޔަ ބައެއް މީހުން މައްކާގައި.---މިހާރު ފޮޓޯ: އަހުމަދު އަބްދުﷲ ސައީދު
21 އޯގަސްޓް 2017 - 11:40
26 comments
މި އަހަރުގެ ހައްޖުގެ އަޅުކަމަށް މީހުން ގެންދިއުމަށް ރާއްޖެ އަށް ސައޫދީ ސަރުކާރުން އެންމެ ފަހު ވަގުތު ހަމަޖައްސައިިދިން އިތުރު 1،000 ކޯޓާ އިން 500 ކޯޓާ ހައްޖު ކޯޕަރޭޝަނާ ހަވާލުކޮށް، ބާކީ ކޯޓާ ރައީސް އޮފީހުގެ ބެލުމުގެ ދަށުން ދޫކުރާ ގޮތަށް ހަމަޖައްސައިފި އެވެ.
ސައޫދީ ސަރުކާރުން ކުރިން ނިންމާފައި އޮތީ ރާއްޖެ އަށް މި އަހަރު 1،000 ކޯޓާ ދިނުމަށެވެ. އެ ކޯޓާ ހައްޖު ކޯޕަރޭޝަނާއި ތިން ކުންފުންޏަކަށް ބަހާލައި، މި އަހަރު ޖާގަ ލިބުނު އެންމެން މިހާރު ތިބީ މައްކާގަ އެވެ.
ނަމަވެސް އެންމެ ފަހު ވަގުތު ރާއްޖެ އަށް އިތުރު 1،000 ކޯޓާ ދިނުމުން ހައްޖަށް މީހުން ގެންދަން މިހާރު ވަނީ ދަތިތަކަކާ ކުރިމަތިވެފަ އެވެ.
މައްކާ އިން ހޮޓާ ހޯދުމާއި ވެކްސިން ޖެހުމާއި އެ ނޫން ވެސް ދަތުރުގެ އިންތިޒާމްތައް އަވަސް އަރުވާލައިގެން ކުރަން ޖެހުމުން އުނދަގޫތަކެއް ކުރިމަތިވާނެ އެވެ. އެކަމަކު، ފަހުން ހަމަޖައްސައިދިން ކޯޓާ އަށް ރާއްޖޭގައި ހުންނަ ސައުދީ އެމްބަސީން ވިސާ ޖެހުމުގެ ކަންކަމަށް ވަނީ ތައްޔާރުވެފަ އެވެ.
ހައްޖު ކޯޕަރޭޝަނަށް ދިން 500 ކޯޓާ އިން ހައްޖަށް ދާން ބޭނުންވާ މީހުންނަށް މިހާރު ވަނީ ފުރުސަތު ހުޅުވާލައިފަ އެވެ. އެކަމަކު ރައީސް އޮފީހުގެ ބެލުމުގެ ދަށުގައިވާ ކޯޓާ އިން ފުރުސަތު ދޭނެ އުސޫލެއް އެ އޮފީހުން އަދި އިސްލާމިކް މިނިސްޓްރީން ވެސް އަދި އާއްމެއް ނުކުރެ އެވެ.
އެ ކޯޓާ ހަވާލުކުރަނީ މި އަހަރު ހައްޖަށް މީހުން ގެންދަން ޝަރުތު ހަމަވި ތިން ކުންފުންޏާ ކަމެއް އަދިި އެ ކުންފުނިތަކަށް ކޯޓާ ބަހާނެ އަދަދެއް ވެސް އަދިއެއް ނޭނގެ އެވެ.
ހައްޖު ކޯޕަރޭޝަނުން ރޭ ނެރުނު އިއުލާނެއްގައި ބުނީ ހައްޖަށް ދާން ބޭނުންވާ މީހުން މިރޭ 11:00 ގެ ކުރިން އެ ކޯޕަރޭޝަނަށް ގުޅައި ނަން ނޯޓު ކުރަން ޖެހޭނެ ކަމަށެވެ. ހައްޖު ކޯޕަރޭޝަނަށް މިހާރު ފައިސާ ދައްކައި ނިންމައި ކުރިއަށް އޮތް އަހަރުތަކަށް ޖާގަ ކަށަވަރުވެފައި މީހުންނާއި މިހާރު ފައިސާ ދައްކަމުންދާ މީހުންގެ އިތުރުން ވަގުތުން ފައިސާ ދައްކާ މީހުންނަށް ވެސް މި ކޯޓާ އިން ފުރުސަތު ދޭ ގޮތަށް ވަނީ ހަމަޖައްސައިފަ އެވެ.
އަލަށް ހަމަޖެހުނު 1،000 ކޯޓާ އިން ޖާގަ ލިބޭ މީހުން އަންނަ ހޮނިހިރު ދުވަހު ފުރާނެ ކަމަށް ލަފާކުރެވޭ ކަމަށް ހައްޖު ކޯޕަރޭޝަނުން ވަނީ ލަފާކޮށްފަ އެވެ.
އިސްލާމިކް މިނިސްޓްރީގެ އޮފިޝަލަކު ވިދާޅުވީ ފަހުން ލިބުނު ކޯޓާއާ ގުޅޭ ގޮތުން ވާހަކަ ދައްކާނީ ރައީސް އޮފީހުން ކަމަށެވެ. ރައީސް އޮފީހުގެ ތަރުޖަމާން ފޯނު ނުނަންގަވާތީ އެ އޮފީހުގެ ބަހެއް އަދިއެއް ނުލިބެ އެވެ.
ރާއްޖެ އަށް މި އަހަރު ފުރަތަމަ ހަމަޖައްސައިދިން 1،000 ކޯޓާގެ ތެރެއިން 700 ކޯޓާ ދިނީ ހައްޖު ކޯޕަރޭޝަނަށެވެ. ބާކީ 300 ކޯޓާ ދިނީ ސިސިލްފަރާއި ޒައީމާ އާއި ހަރަމައިން ކުންފުންޏަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބޫ
22 August 2017
ރައީސް އޮފީސް އިން ކޮންޓްރޯލް ނަގަން ޖެހުން މިއީ އިސްލާމިކް މިނިސްޓަރުގެ މައްސަލަ އެއް އުޅެނީބާ؟؟؟ ތިަޔ ފުރުސަތު ތައް ނުގެއްލި މި 1000 ހައްގުފުރުސަތުގެ ބޭނުްނ ކުރެވެނެ ކަމުގައި ދކެެމު
އަތްފުނާ
21 August 2017
އެއީ ރައީސްގެ މަސައްކަތުން ހޯދި ކޯޓާ ތަކެއް.އާންމުކޮށް ސައުދީގެ އިހުތިޔާރުން ދޭ ކޯޓާ ފިޔަވައި ދެން އިތުރު ކޯޓާ މިލިބެނީ ގައުމެއްގައި ހުންނަށް ރައީސެއްގެ ވަރަށް މަސައްކަތުން.އެހެންވެ ނަހަމަގޮތުގައި ގޮސްދާނެތީވެ ފަހުން ލިބުނު ކޯޓާގެ ތެރެއިން ބައެއް އެއޮތީ ރިޒާވް ކޮށްފައި.
މަހޭ
21 August 2017
ކޮރަޕްޝަނުން ހޯދާ ކޯޓާއިން ހައްޖު އަޅުކަމަށް ދިޔުމުން އެހަލާލު ވާނެތޯ؟
ބްލެޑާރ
21 August 2017
ރައިސް އޮފީހުން ދޭ ކޯޓާތައް ލިބޭނީ ސިޔާސީ ނުފޫޒު ގަދަ ބޭފުޅުން ކައިރިއަށް ހިނގައި ގެންނެވެ... ހައްޖުގެ އަޅުކަން ވެސް މި ސަރުކާރުން ކޮރަޕްޓް ކޮށްފިއެވެ.
ހަސަނު
21 August 2017
ކީއްކުރަންތޯ ރއީސް އޮފީހަށް ހއްޖު ކޯޓާ ދެނީ. އެއީ މީހުން ހައްޖަށް ފޮނުވާ ތަނެއްނޫން.. ހުރިހާ ކޯޓާއެއް ހައްޖު ކޯޕަރޭޝަނަށް ދިނީމާ އެ ނިމުނީ... މިހާރު ދެން އފެދޭނީ ސައުދީ ކަދުރަށް ދިމާވި މައްސަލަ
މެންޓަލިސްޓް
21 August 2017
މުޅިގައުމުގައި އޮތީވައްކަން ،،، ހައްޖުކޯޓާޢިންވެސް ވައްކަމެށްކޮށްނުލައި ހަމަލޮލަށްނިންޖެއްނާންނާނެ ،،،، ވައްކަންކުރަން އާދަވީމައި މަގުމަތީން ގާބުރިއެއްވެސް ވަގަށްނުނަގައި ނުވެއްނިދޭނެ ،،،، އެއީޒާތެއްގެ ބައްޔެއް ،،،، ވަރަށްވެދުން
ޢަލިދީދީއައްޑޫސިޓީ
21 August 2017
ޕީޕީއެމް މަޖިލިސް މެމްބަރުން، ފަނޑިޔާރުން، ސިފައިންނާ ފުލުސް ކުދިން މި 500 ކޯޓާގެ ދަށުން ފުރާ ވާހަކަ ރަށުތެރޭ އެބަކިޔާތަ؟
އުދުހޭ
21 August 2017
ކޮރަޕްޝަނުގެތެރެއިން ކޯޓާ ހޯދައިގެން ހައްޖުވާ މީހުންގެ ހައްޖު ސައްހަވާނެތޯ ސުވާލު އުފެދޭ! މުޅި އުމުރު އެއްކުރި ފައިސާ ޔަގީންނުވާ ގޮތަކަށް ހަރަދުކުރުމަކީ ބުއްދިވެރިކަމެއްނޫން.
ހަޑިގިއްލާ
21 August 2017
އެއްކަމެއްވެސް އެކަންކުރަން އޮންނަ އުސޫލް ކުރުމަކީ މިސަރުކާރު އެހާ ގަޔާވާކަމެއްނޫން! ކޮރަޕްޝަނޭ، ވައްކަމޭ ކިތައްމެ ވަރަކަށް ގޮވިޔަސް ކަށީގައި ހިފައިފައިވާ ކަންކަން އެނޫންގޮތަކަށް ކުރުމަކީ ވާނެކަމެއްނޫން. އެހެންޏާފަހެ އިސްލާމިކްމިނިސްޓްރީއިން އެކަން ކޮށްލީމަ ނިމުނީނު!
އުމަރު
21 August 2017
މީގެ ކުރިން ހައްޖަށް މީހުން ފޮނުވަނީ އަމިއްލަ ފަރާތްތަކުން، މިހާރު ސަރުކާރުން ކޯޕަރޭޝަނެއް ހަދައިގެން އަދި ކޮންމެވެސް ބައެއް އަމިއްލަ ފަރާތްތަކަށް ދީގެން، މިހާރު ސަރުކާރުގެ ތެރޭގައިވެސް ބައިބައިވުން އުފެދުނީ، އެއްބައި ހައްޖު ކޯޕަރޭޝަނަށް އަނެއްބައި ރައީސް އޮފީހަށް، މިވަނީ ކިހިނެއްތޯ؟ ސަރުކާރުން ފޮނުވާ މީހުން ހައްޖު ކޯޕަރޭޝަނަށް ދީގެން ކުރިއަށް ގެންދޭ، ކޯޓާވެސް ޖެހެނީ ސަރުކާރުގެ އެކި މިނިސްޓްރީތަކަށް ފުލެޓްތަށް ބަހާހެން ބަހަންތޯ؟ މިފަދަ ބައިބައިވުންތަކުގެ ސަބަބުން މުޅި ޤައުމު ހަލާކުވަނީ