އުރީދޫގެ "ފަސޭހަ ހޯމް ބްރޯޑްބޭންޑް" ތައާރަފްކުރުމަށް މިއަދު ބޭއްވި ޕްރެސްކޮންފަރެންސްގައި އެ ކުންފުނީގެ ސީއީއޯ ނަޖީބު ހާން(މ) އަދި އެ ކުންފުނީގެ އިސްވެރިން ބައިވެރިވެވަޑައިގަންނަވަނީ. ފޮޓޯ: އުރީދޫ
27 އޯގަސްޓް 2017 - 14:15
23 comments
ކޭބަލް ބޭނުން ނުކޮށް "ފަސޭހަ ހޯމް ބްރޯޑްބޭންޑް" ގެ ނަމުގައި އުރީދޫގެ ބްރޯޑްބޭންޑުގެ ހިދުމަތް މުޅި ރާއްޖެއަށް ދޭން ފަށައިފި އެވެ.
ރާއްޖޭގައި ފުޅާ ދާއިރާއެއްގައި މުއާސަލާތީ ހިދުމަތްދޭ ކުންފުނިން މިއަދު ބުނީ އެ ކުންފުންޏަށް އިންޓަނެޓްގެ ހިދުމަތް ދިނުމުގެ ލައިސަންސް ލިބުމާއެކު އެންމެ ބޮޑު އަމާޒަކަށްވީ ރާއްޖޭގެ އެކި ހިސާބުތަކުގައިވާ އާއިލާތަކާއި ވިޔަފާރިތަކަށް ހަލުވި ސްޕީޑުގެ ބްރޯޑްބޭންޑް ފޯރުކޮށްދީ އެ ހިދުމަތުގެ ފައިދާތަކާ ގުޅުވައިދިނުން ކަމަށެވެ.
"މިއަދު ރާއްޖޭގެ އެންމެހާ ހިސާބުތަކަށް ހޯމް ބްރޯޑްބޭންޑުގެ ހިދުމަތް ތައާރަފްކުރުމާ އެކު ޑިޖިޓަލް ދިވެހިރާއްޖެ އެއް ގާއިމްކުރުމަށް އަޅުގަނޑުމެން ކުރަމުންދާ މަސައްކަތަށް އިތުރު ކުރިއެރުމެއް ލިބިގެން ދިއުމަކީ އަޅުގަނޑުމެންނަށް ލިބިގެންދާ ވަރަށް ބޮޑު ފަހުރެއް،" އުރީދޫގެ ސީއީއޯ ނަޖީބު ޚާން ވިދާޅުވި އެވެ.
އޭނާ ވިދާޅުވީ ފަސޭހަ ހޯމް ބްރޯޑްބޭންޑު ފަރުމާކޮށްފައި ވަނީ ކޮންމެ މީހަކަށް ވެސް ހިދުމަތް ހޯދުމުގެ ފުރުސަތު ފޯރުކޮށްދިނުމުގެ އަމާޒާއެކު މާކެޓުގައި އެންމެ އަގުހެޔޮ ރޭޓުތަކުގައި ކަމަށެވެ.
އުރީދޫން ބުނީ "ފަސޭހަ ހޯމް ބްރޯޑްބޭންޑް" ގެ ހިދުމަތަށް، ރާއްޖޭގެ އެކި ހިސާބުތަކުގައިވާ އުރީދޫ އެކްސްޕީރިއަންސް ސެންޓަރުތަކުން މިހާރު އެދެވޭނެ ކަމަށެވެ. އަދި އެ ހިދުމަތް ދިނުމުގެ ކުރިން، ސެޓަޕް ފުރިހަމަކޮށް އެކްޓިވޭޓް ކޮށްފައިވާ ރައުޓަރެއް ކަސްޓަމަރަށް ލިބޭނެ ކަމަށެވެ. އެގޮތުން މިނިޓެއް ތެރޭގައި މި ހިދުމަތް ގޭގައި ބޭނުންކުރަން ފެށޭނެ ކަމަށް ބުންޏެވެ.
އުރީދޫން ވަނީ 10 އެމްބީޕީއެސް އާއި ހަމައަށް ސްޕީޑް ލިބޭ، ތަފާތު ތިން ޕެކޭޖެއް ތައާރަފްކޮށްފަ އެވެ. އެގޮތުން އުރީދޫ ހޯމް ބްރޯޑްބޭންޑްގެ 50 ޖީބީގެ ޕެކޭޖެއް ވިއްކަނީ މަހަކު 699ރ އަށެވެ. އަދި 120 ޖީބީ ހިމެނޭ ޕެކޭޖެއް ވިއްކަނީ 1،099ރ. އަށެވެ. އަދި 180 ޖީބީ ހިމެނޭ ޕެކޭޖެއް ވިއްކަނީ 1،549ރ. އެވެ.
އެ ކުންފުނިން ބުނީ ޕެކޭޖުގެ މުއްދަތުގެ ތެރޭގައި ލިބިފައިވާ ޑޭޓާ އެލަވަންސް ހުސްވިކަމުގައި ވިއަސް އެއްވެސް އިތުރު ޗާޖަކާއި ނުލައި ދަށް ސްޕީޑެއްގައި އިންޓަނެޓް ބޭނުންކުރެވޭނެ ކަމަށެވެ. އޭގެ އިތުރުން ބޫސްޓާއެއް ހިޔާރުކޮށްގެން ޑޭޓާ އެލަވަންސް އިތުރު ކުރެވޭނެ އެވެ. އެ ކުންފުނިން ހަތް ޖީބީގެ ހޯމް ބޫސްޓަރެއް ވިއްކަނީ 100ރ. އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައުމާ
29 August 2017
ތި ޕެކޭޖް މާ އަގުބޮޑު، ދިރާގުން ފައިބަރ ބްރޯޑްބޭންޑް އިންޓަނެޓް ދޭ 290 ރުފިޔާއަށް 15ޖީބީ އަންލިމިޓެޑް ކޮށް. ސްޕީޑް ދަށްވީމަވެސް ދޭ 1އެމް.ބީ.ޕީ.އެސް އަށް ، އެކަމަކު އުރީދޫ ތިދެނީ 128ކޭ،ބީ.ޕީ.އެސް އަށް. ކަޑައޭ ތީތި.
ހީވަނީ
28 August 2017
ކޮންމެ ކޮމެންޓަކަށް ރިޕްލައި ކޮއްފަ ހުރީމަ ހާދަވައްތަރޭ އުރީދޫ ކަމަކާ
ޙެހެ
27 August 2017
ކަމަކު ނުދޭ އެއްމެ އަގުހެޔޮ ޕެކޭޖު ތިއިނީ 699 އައް ތިވަރަކައް މުސާރަ ނުލިބޭ ދިރާގު ގަ އެބައިން 299 އައް 15ޖީބީ ލިބޭ ޕެކެޖެއް ތިވަރުން އަދި ދިރާގު ދޫކޮއް ލެވެން ނެތް
ދެން ވިސްނަ
27 August 2017
އަހަރެމެން ކޮން ހާލެއްގަ ކުރިން އުޅުނީ. އުރީދޫ ނާންނައިރު 500 ރުފިޔާއަށް ދިރާގު ސިމް ވިއްކި ދުވަސް އަހަރެމެން ހަނދާނެއް ނުނެތޭ. އޭރު މޯބައިލް ގެންގުޅެވޭނީ މުއްސަންޖަކަށް. މިހާރަށްވުރެ ކުޑަ މުސާރައެއްގައި ރައްޔިތުން އުޅުނީ. ''އުރީދޫ - ދިވެހިންގެ ނަސީބު''
ތިކަން
28 August 2017
އަބަދު އަބަދު ތިޔަސިމްކާޑް ވާހަކަ ދައްކަން ތިބެވޭކަށް ނެތް. އުރީދޫއަށްވެސް ވީކަމެއްނެތް
ވަޔަރލެސް
27 August 2017
ވަޔަރލެސް ވީމަ ތިޔަކަށް އިތުބާރެއް ނެތް. މިހާރުވެސް މިގެންގުޅޭ ހޭންޑް ސެޓައް ރަނގަޅަކަށް ސްޕީޑެއް ނުލިބޭ
ސީ 8
27 August 2017
އުރީދޫއިންވެސް ހަދަނީ ދޮގު. ފުރަތަމަ އަހަރެން އިންޓަނެޓް ހުށަހަޅަން ދިޔައީމަ ބުނީ ގުޅާފުރަތަމަ މަހު ހިލޭ ލިބޭނެޔޭ، އެކަމަކު، މަހުގރ 6 ވަނަ ދުވަހު ގުޅާދިނީ 15 ވަނަ ދުވަހު ބިލުއަތުވެއްޖެ!
އަބުއި
27 August 2017
މަށަކަށް ތިހެނެއް ނުވޭ. މަވެސް އެ ބޭނުންކުރިން ފުރަތަމަ ދުވަހުން ފެށިގެން.
މަ / ކުޑަހުވަދޫ
27 August 2017
މިހާރު ޑާޓާގެ އަގު ހެޔޮވެއްޖެ ކަމުގެ އިހްސާސް އެބަކުރެވޭ.
ނަސީބް
27 August 2017
އަސްލުވެސް ދޯ!
ޓެކް މޭން
27 August 2017
ތިވަރަކުން ދިރާގު ދޫކޮށްލެވޭކަށް ނެތް. މާ އަގުބޮޑުވެފައި ޔަގީންކަމެއް ނެތް ސްޕީޑާ ދޭތެރޭ. މިބުނީ ދިރާގު ވަކި ރަނގަޅެކޭނޫން.
ދެންހުރޭ
27 August 2017
ދިރާގު ދޫކޮށްލާކަށް ނުބުނޭނު.
ހުސެޭނުބެ
27 August 2017
އަގު ހެޔޮކަމަކަށް ނުބުނެވޭނެ. އެހެން އޮޕަރޭޓަރސް އެއްވަރެއް. 180ޖީބީ ދިރާގަށްވުރެ އަގުބޮޑު
ފައިބަރ
27 August 2017
ބުރޯ ކިހިނެއް ވަޔާލެސްއާ ފައިބަރޔާ ކޮމްޕެއާރ ކުރާނީ؟ އަދި ވިސްނާލަބަލަ.
އަތްފުނާ
27 August 2017
އުރީދޫ އަކީ ބޭކާރު ޚަަރަދުތައް ނުކޮށް ކަސޓަމަރުންނަށް ފުދުންތެރި ، ބޭނުންތެރި އަދި އެކަށީގެންވާ އަގެއްގައި ހިދުމަތް ދޭ ބައެއް.ބަޔަކު އަހަރެމެން އަތުގައިވާ ފައިސާ ފެލައި ހުސްނުކުރަނީސް އުރީދޫ އައިސް އަހަރެމެން ސަލާމަތް ކޮށްދިނީ.އުރީދު އަކީ ގުޅުމަށް އިހުތިރާމު ކުރާބައެއް