ގޯތި ވިއްކަން ހައުސިން މިނިސްޓްރީން އިއުލާންކޮށްފައިވާ 378 ނަމްބަރު ކޮށި. ފޮޓޯ: ނިޝާން އަލީ /މިހާރު
28 އޯގަސްޓް 2017 - 11:57
26 comments
މާލެއިން ވިއްކަން ހުޅުވާލި ގޯތިތަކަށް އެއްވެސް ބަޔަކު މިހާތަނަށް އަގު ހުށަހަޅާފައިނުވާ ކަމަށް ހައުސިން މިނިސްޓްރީން ބުނެފި އެވެ.
ސުޕްރީމް ކޯޓު ކުރިމަތީގައި އޮތް މާފަންނުއާގެއިން ދައުލަތަށް ނެގި ބިން ހިމެނޭ ގޮތަށް މާލޭގެ އެންމެ އަގު ބޮޑު ތިން ހިސާބަކުން 19 ބިމެއް ވިއްކަން ހައުސިން މިނިސްޓްރީން ވަނީ މި މަހުގެ 16 ވަނަ ދުވަހު އިއުލާންކޮށްފަ އެވެ. އެ އިއުލާނުގައިވާ ގޮތުން އެ ތަންތަނުން ގޯތި ގަންނަން ޝައުގުވެރިވާ ފަރާތްތަކުން އަގު ހުށަހަޅަން ޖެހެނީ އިއްޔެއިން ފެށިގެން އަންނަ މަހުގެ 14 ވަނަ ދުވަހުގެ ނިޔަލަށެވެ.
ހައުސިން މިނިސްޓްރީން ވާހަކަދެއްކެވި ބޭފުޅަކު މިއަދު ވިދާޅުވީ މާލެއިން ގޯތި ގަންނަން އިއްޔެ އާއި މިއަދު އެއްވެސް ބަޔަކު އަދި އަގު ހުށަހަޅާފައިނުވާ ކަމަށެވެ. އަދި އެއްވެސް ބަޔަކު އަގު ހުށަހަޅައިފި ނަމަ އެ އަގުތައް އެ މިނިސްޓްރީގެ ނޯޓިސް ބޯޑުގަ އާއި ވެބްސައިޓްގައި ޝާއިއުކުރާނެ ކަމަށް ވެސް އޭނާ ވިދާޅުވި އެވެ.
"މިއަދުގެ މިހާތަނަށް އެއްވެސް ބަޔަކު ނެތް އަގު ހުށަހަޅާފައެއް. އެހެންވީމަ އަގުތައް ފެންނަން ނެތީ،" އެ އޮފިޝަލް ވިދާޅުވި އެވެ.
ހައުސިން މިނިސްޓްރީން ކުރި އިއުލާނުގައިވާ ގޮތުން، ވިއްކަނީ އޯކިޑްމަގު މާފަންނުއާގެއިން ދައުލަތަށް ނެގި ބައި، މ. ދަންޑެހެލުގެ ކިޔާ ބިމުން ތިން ގޯއްޗާއި ބޮޑުތަކުރުފާނު މަގުގައި ކުރީގެ ކުނިކޮށިން ހަ ގޯތި އަދި އެ މަގުގައި ވިލާ ކޮލެޖާ ޖެހިގެން ހުޅަނގަށް ހުންނަ އެސްޓީއޯއިން ރެޑީ މިކްސް ކޮންކްރީޓް ތައްޔާރުކުރާ 378 ނަންބަރު ކޮށިން 10 ގޯއްޗެވެ.
އެ އިއުލާނުގައިވާ ގޮތުން ޖުމްލަ 19 ގޯތި ވިއްކުމަށް ހަމަޖެހިފައި ވަނީ އަކަފޫޓެއް 15،000ރ.ގެ ރޭޓުންނެވެ. އެ ގޯތިތައް އަކަފޫޓެއް 15،000ރ.ގެ ރޭޓުން ވިއްކައިފި ނަމަ ދައުލަތަށް މަދުވެގެން ގާތްގަނޑަކަށް 792 މިލިއަން ރުފިޔާ ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބެ
29 August 2017
އަގުހުށަހެޅިއަސް އެނގޭނީ ތެދެއް ބުނިއްޔާއެވެ. އިތުބާރެއް ނުކުރެވެއެވެ.
ނަގޫރޯޅި
28 August 2017
މިސަރުކާރުން ރައްރަސުގަ ކަމެއް ނުކޮއްދޭކަމައް ތިބުނަނީ ލޯކަނުވީމަ. އެހެންނޫނީ ކިޔާނީ ކޮންމެސް އެހެންވާހަކަޔެއް. މާލޭން ތިބޮޑެތި ބިންތައްވިއްކިޔަސް މާލޭރައްޔިތުންނައް ވަކިހާއްސަފައިދާއެއްނުވާނެ، އެލާރި ލިބޭނީ ސަރުކާރައް، ފ. އަތޮޅައް ގެންނައުޅުނު ތަރައްގީ ހުއްޓުވީ ކޮންބައެއް، ހީކުރީތަ ފ.އަތޮޅު ނަގައިގަނެގެން ސައުދީއައްގެންދާނ؟. ނުވިސްނޭބަޔަކަ ކަންތައްކޮއްދޭން އުޅޭނެކަމެއްނެއް.
ގާބޭ
28 August 2017
ސަރުކާރުން ކުއްޔަށް ހިފާފަ ހުރިތަން ތަން ދޫކޮށްލާ ތިތަނުން 1 ބިމުގައި އިމާރާތެއް ހަދާލަނިކޮށް ސަރުކާރަށް އެ ސަލާމަތް ކުރެވުނީ އެތައް ބިލިޔަން ރުފިޔާ. މަހުކުއްޔަށް މިހާރު ސަރުކާރުން ކުރާޚަރަދު އެނގޭމީހަކު ނިކަން އާއްމުކޮށްދީބަލަ.
ރާއްޖެތެރެމީހާ.
28 August 2017
ތިއައްވުރެ މާތާހިރުވީސް ކަންނޭގޭ ތިން 19 ބިމުގައި ރަންގަޅު އިންވެސްޓެއްކޮށް ދަރިންގެ ދަރިންގެ ޖީލުތަކަށް ފައިދާވާގޮތަށް ކުރިއަތް ގެިންދިއައިއާ.......ވަގުތުތީ ފައިދާނެގުމުގެ ބަދަލުގައި އޭރުން އެތަށް ބިލިއަން ރުފިއާ ދައުލަތެއް ލިބޭނެ ނޫން....
ޑޮކްޓަރުންގެ ސިޓީ / އައްޑޫ ސިޓީ
28 August 2017
ޔާމީން އަބުދުލް ޤައްޔޫމް ކުރިޔަށް ނެރުއްވާ "ތަފާތު ކުރުމުގެ ސިޔާސަތު" ދަމަހައްޓަން މަސައްކަތްކޮށް "މާލެ އަށާއި މާލޭ މީހުންނަށް މޮޅުގޮތް" ރާއްޖޭގެ އެހެން "ރަށްރަށުގެ ހުރިހާ ރައްޔިތުންނަށް ނިކަމެތިގޮތް" ހަދަން ހިފާފައިވާތީ ރާއްޖެ މިވަނީ ހީނުކުރާފަދަ ހާލަތަކަށް ވެއްޓިދާފަދަ މަރުހަލާ އެއްގައި. . . . . ދައުލަތަށް އާމްދަނީ ހޯދުމުގެ ނަމުގައި މާލެއިން ބިންވިއްކަން ތިޔަ އުޅޭ އުޅުމަކީ "ރަނގަޅު ނިޔަތެއްގައި ކުރާން އުޅޭ ރަނގަޅު ކަމެއްނޫން" ވީމަ އަދި ތިއީ ޤާނޫނީ އިމުގެ ބޭރުން އިންތިހާއަށް ނުފޫޒު ބޭނުންކޮށްގެން ކުރާކަމެއް ކަމުގައިވާތީ "ރައްޔިތުންގެ ވެރިކަމެއް ޤާއިމް ވުމާއި އެކުގައި ބަދަލު ދިނުމެއްނެތި މުއާމަލާތް ރޫޅާލާނެ" ކަން އިގޭއިރު ތިބިބްތައް ގަންނާނެ ބަޔަކު ނުވާނެ . . ޤާނޫނު އަސާސީގައި "ރައްޔިތުން އެދިފައިވަނީ ލާމަރުކަޒީ އުސޫލުން ރާއްޖޭގެ އިދާރީ ދާއިރާތަކަށް ބަހާލައިގެން ހިންގުމަށް" މިހުރިހާ މުސީބާތެއް ޖެހުނީ "ޤާނޫނު ކޮށާލާފައި" ސެންޓްރަލައިޒް ކުރަން ޔާމީން ބޭނުންވުމުން.
ހަބީބު
28 August 2017
ކާކުތޯ ގަންނާނީ މީހަކު މަރުވަނީ 1 ޖެނުއަރީގަ ނަމަވެސް ދަފްތަރުން އުނިކުރަނީ ފެބްރުއަރީގަ ދަފްތަރުން އުނިކުރާދުވަސް އެއީ މަރުވިދުވަސް މިކަހަލަ ފަނޑިޔާރުގެޔާ މުވައްސަސާތައް މިހުރީ ހެޔޮނުވާނެ ގަންނަން ކުޅުދުއްފުށި ބިއްލޫރި އެއާޕޯޓުން އެދިނީ ރަނގަޅު ހިޔާލެއް
ޒެޑްސް 1
28 August 2017
އަގުހެޔޮކޮށްލާ. އޭރުން ގަންނާނެ މީހުން ވާނެ. މި ދޯ ބޭނުމަކީވެސް. އަގުދަށް ކޮށްފައި، ކަލޭމެން ބޭނުންވާ މީހާ އަށް ހެޔޮ އަގުގައި ދިނުން.
އަޝްރަފް
28 August 2017
ބޮލެއް ހުރި އާންމު ވިޔަފާރި ވެރިޔަކުވެސް ނުވަތަ ފައިސާވެރިޔަކުވެސް ތިޔަތާކަށް ބިޑެއް ހުށައެއްނާޅާނެ. ސަބަބަކީ ތިޔައީ %100 ކޮރަޕްޝަން ކަން އެންމެނަށްވެސް އެނގޭތީ. ތިޔަ ބިންތައް މިހާރު ހުންނާނީ ދޭން ބޭނުންވާ ފަރާތްތަކަށް ދީ ނިންމާފަ، ރަނގަޅަށްވިއްޔާ އެޑްވާންސްވެސް ނަގާފަ. ދެންބުނެވެންނު އެހެން ބަޔަކު ކުރިމަތި ނުލާތީ ހަމައެކަނި އަގު ހުށަހެޅިފަރާތްތަކަށް ދިނިއްޔޭ. މަކަރާއި ވައްކަމާއި ކޮރަޕްޝަނާއި ދެންކިޔާނެކަމެއްނެތް ހުރިހާއެއްޗަކުން ފުރިބާރުވެފައިވާ ސަރުކާރެއް މިއޮތީ ގެނެވިފަ.
މަކަރުވެރިން
28 August 2017
ކަލޯ ދައުލަތަށް ލާރި ނުލިބިގެންތަ 1.2 ބިލިއަން ދަވާލީ، ކިހާ ބޮޑު ދުއްޕާނެއް، މިއުޅެނީ މަގުމަތީ ހިނގާ ނުލެވިގެން މީހުން ގިނަކަމުން މާލޭގަ، އަދިވެސް ތޮށްޖެހުން ބޮޑުވާނެ ގޮތެއް އޮތިއްޔާ އެގޮތެއް ހޯދަނީ ތިޔަހޯދާ 0.7 ބިލިއަނަށް ވުރެ ތިޔަތަންތަން ހުސްކޮށް ހިތްފަސޭހައަށް ބާއްވާ ހުސް ބިންތަކަކަށް ބޭއްވިޔަސް މާލޭގައި ދިރިއުޅޭ ރައްޔިތުންގެ އެއިން ލިއްބައިދޭ ސިއްހީ އިޖުތިމާއީ ނަޕުސާނީ ދުޅަހެޔޮކަމުގެ ހެޔޮފައިދާގެ އަގު މާރަގަޅު ވާނެ ކަމަށް ފެނޭ
ހެޔޮ ވިސްނުން
28 August 2017
ތިޚިޔާލަށް ވަރަށް ތާއީދު!
ަހހަހހަހ
29 August 2017
ނަޝީދު ނުކައި އެންމަ ލާރި އެއްވެސް
އަހްމަދު މާހިރު
28 August 2017
ކޮބާތަ ހައުސިން މިނިސްޓަރު ދަންނަވާބަލަ އަގު ހުށައަޅުއްވަން... އެއްމެފަހުން ވެސް އެބޭފުޅާ ދެއްތޯ 6 މިލިއަންއަށް ގެޔެއް ބައްލަވާ ގަތީ.
ހަހަހަހހަހަހ
29 August 2017
ބަލަގަ ގެއެއް ބައްލަވަގަތީމަ ކޮބާތަ މައްސަލައަކީ؟؟ އަހްމަދު މާހިރު ގޭގަ އޮތަކަސް ނުގަނެވޭނޭ.. ފައިސާ ލިބޭނެ ކިތައްމަ ގޮތެއް އެބަހުރި..