އެމްޓީސީސީގެ އަހަރީ އާއްމު ޖަލްސާގައި އެ ކުންފުނީގެ ސީއީއޯ ޒިޔަތު ބައިވެރިވެވަޑައިގަންނަވަނީ. ފޮޓޯ: ހުސެއިން ވަހީދު /މިހާރު
30 އޯގަސްޓް 2017 - 15:26
13 comments
އެމްޓީސީސީ އަށް ރިސޯޓެއް ހަދަން އަނެއްކާވެސް ރަށެއް ދޭން ސަރުކާރުން ނިންމާފައިވާ ކަމަށް އެ ކުންފުނިން ރޭ ބުނެފި އެވެ.
ދަރުބާރުގޭގައި ބޭއްވި އެ ކުންފުނީގެ އަހަރީ އާއްމު ޖަލްސާގައި ހިއްސާދާރަކު ކުރި ސުވާލަކަށް ޖަވާބު ދެއްވަމުން ސީއީއޯ އިބްރާހިމް ޒިޔަތު ވިދާޅުވީ އެމްޓީސީސީން ދެމުން އަންނަ ފެރީ ޚިދުމަތަށް ސަބްސިޑައިޒް ކުރުމުގެ ގޮތުން ރަށެއް ދޭން ނިންމާފައިވާ ކަމަށެވެ. ނަމަވެސް އެއީ ކޮން ރަށެއް ކަމެއް އޭނާ ވިދާޅެއް ނުވެ އެވެ.
ޒިޔަތު ވިދާޅުވި ގޮތުގައި ރިސޯޓެއް ތަރައްގީ ކުރުމަށް ރަށެއް ހަމަޖައްސައި ދެއްވާނެ ކަމަށް ޓޫރިޒަމް މިނިސްޓަރު މޫސާ ޒަމީރު ވަނީ އަންގަވައިފަ އެވެ. އެގޮތުން ދިނުމަށް ހަމަޖެހިފައި ވަނީ މިހާރު ސަރުކާރުން ދޫކުރަން އިއުލާން ކޮށްފައިވާ ރަށްތަކުގެ ތެރެއިން ރަށެއް ކަމަށް ވެސް އޭނާ ވިދާޅުވި އެވެ.
"ވަރަށް އަވަހަށް އެއިން ރަށެއްގެ ނަން [ޓޫރިޒަމް މިނިސްޓްރީ އަށް] ފޮނުވާނެ،" ޒިޔަތު ވިދާޅުވި އެވެ.
ޒޯން ތިނެއްގައި ފެރީ ޚިދުމަތް ދިނުމަށް ސަރުކާރާއި އެމްޓީސީސީއާ ދެމެދު ވެފައިވާ އެއްބަސްވުމުގެ ދަށުން ވ. ފޮއްތެޔޮ ދީފައި ވެ އެވެ. ނަމަވެސް ފަހުން އެ ރަށް ވަނީ އަނބުރާ ސަރުކާރަށް ނެގުމަށް ފަހު އެއް މިލިއަން ޑޮލަރު އެ ކުންފުންޏަށް ދީފަ އެވެ.
އޭގެ ކުރިން ވެސް ރިސޯޓެއްގެ ގޮތުގައި ތަރައްގީކުރަން އދ. ދިއްފުށި (ހޮލިޑޭ އައިލެންޑް ރިސޯޓް) އެ ސަރުކާރުން އެމްޓީސީސީ އަށް ދީފައިވެ އެވެ. އެކަމަކު ފަހުން އެ ރަށް ވަނީ ވިލާ ޝިޕިން އެންޑް ޓްރޭޑިން ކޮމްޕެނީއަށް ވިއްކާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Fee es em
31 August 2017
ކުރިން ވެސް ތިކަހަލަ މަޅިޖެހި. ހޮލިޑޭއައިލެންޑް ގާސިމަށްދޭން ވެގެން.
ސޭކުބެ
31 August 2017
އަހަރެން ހީކޮއްގެންހުރީ ހޮލިޑޭއައިލެންޑަކީ ސަރުކާރުން ގާސިމަށް ދިންރަށެއްކަމަށް. މިހާރު މިއެގުނީ ގާސިމް އެރަށްހެދީ އެމްޓީސީސީން ކުއްޔަށް ނަގައިގެންކަން، އަދި ފަހުން އެމްޓީސީސީން އެރަށް ވިއްކާލީކަން. މިހާރު އެގިއްޖެ ގާސިމަށް ސީދާ ސަރުކާރުން ދިންރަށެއްވެސް ނެތްކަން. ޕެރަޑައިސްއަކީވެސް ކޮންމެވެސް އެހެންކުންފުންޏެއްގެ އަތުން ޤާސިމް ގަނެގެން ހެދިރަށެއް އަދި ފަންއައިލެނޑާ ރޯޔަލް އައިލެންޑްވެސް ބައެއްގެ އަތުން ޤާސިމް ގަތީކަމަށްވަނީ.
ސިއްތިއިބުރާހިމު
31 August 2017
އެހެންތަ ހދ އަތޮޅުންތަ ؟
ޏޮމި
31 August 2017
ހޮލިޑޭ ވިއްކާލީ ނުއަގުގައި
އަހްމަދު މާހިރު
31 August 2017
STO އަށް ނުވިކަމެއް MTCC އަށް ވާނެބާ؟ MTCC ތަނެއް ހަދަން ބޭނުންވާނެ 25 އަހަރު.
ގޮނު
31 August 2017
ޗަންޕާ ނޫނީ ޝިޔާމް ނޫނީ ޔުނިވާސަލަށް ރަށްދޭން ޖަހާމަޅިއެއް
ޑޭލައިޓްރޮބަރީ
31 August 2017
ދޭނެމީހާ މިހާރު އޮންނާނީ ނިންމާފަ. އޭނަރަށް ކުރަހާ ޑިޒައިން ކުރުމުގަ ވަރަށް ބިޒީ.
ޖައްރާފު
30 August 2017
މިފަހަރު ހަދާނީ މަހާރިސޯރޓް އެއްބާ؟
ދދސދ
30 August 2017
އެމްޓީސީސީ ތިޔަ ރަށްރިސޯޓް ހަދަން އެހެން މީހަކަށް ދޭތޯ ބަލާ އެއީ ކާކުތޯ ބަލައްޗެ. މިސަރުކާރުގެ އާޢުސްމިން ކަރަޕްޝަން ހިންގަނީ ވަރަށް ފާޅުގައި ސިއްރަކުންނޫން.
މުގާބޭ
30 August 2017
މިކޮމެންޓަަށް %500 ތާއީދު. އެކަން އެހެންވުމާ ވަރަށް ގާތް.
ސައްޕެ
30 August 2017
ކޮންމެވެސް މީހަކަ ރިސޯޓެއް ދިނުމުގެ ޕްލޭންއެއް ހެން ހާދަ ހީވޭ!!
ބަކުރު އެންޑް ޒުބޭރް
30 August 2017
ތިރަށް ދެން ބާއްވާނީ އެމްްޓީސީސީ ބޮޑެތިބޭފުޅުން ކުރުނބާއަޅާކަށްނޫން.