ގާސިމްގެ ވަކީލުން: ގާސިމް ބޭރަށް ފޮނުވަން ކޯޓުގެ ހުކުމުގައި ދައުލަތުގެ އިދާރާތަކަށް އަންގާފައި އެންގުމަށް އަމަލު ނުކުރާތީ ގާސިމްގެ ވަކީލުން ވަނީ ފާޑު ވިދާޅުވެފައި --ފޮޓޯ/މިހާރު
01 ސެޕްޓެމްބަރ 2017 - 18:45
28 comments
ޖުމްހޫރީ ޕާޓީގެ ލީޑަރު ގާސިމް އިބްރާހިމް އިތުރު ފަރުވާއަށް ރާއްޖެއިން ބޭރަށް ގެންދަން ކޯޓުގެ ހުކުމުގައި އަންގާފައިވާ އެންގުން ތަންފީޒު ނުވުމަކީ ލަދުވެތި ކަމެއް ކަމަށް ގާސިމްގެ ވަކީލުން މިއަދު ބުނެފި އެވެ.
ހޮސްޕިޓަލްގައި އޮންނަވަނިކޮށް ގާސިމްގެ ޣައިރު ހާޒިރުގައި ތިން އަހަރާއި ދެ މަހާއި 12 ދުވަހަށް ޖަލަށް ލާން ކުރި ހުކުމުގައި ދައުލަތުގެ އިދާރާތަކަށް އަންގާފައިވަނީ ހުކުމް ތަންފީޒު ކުރަމުން ދިޔަޔަސް އިތުރު ފަރުވާއަށް ގާސިމް ރާއްޖެއިން ބޭރަށް ފޮނުވަން ހުރަސް އެޅިގެން ނުވާނެ ކަމަށާއި އެ އިންތިޒާމްތައް ދައުލަތުން ހަމަޖައްސަން ޖެހޭނެ ކަމަށެވެ.
އެކަމަކު ހުކުމުގެ އެ ބައި ސަރުކާރުން މިހާރު ވަނީ ހައި ކޯޓުގައި އިސްތިއުނާފްކޮށްފަ އެވެ.
ގާސިމްގެ ވަކީލުން ނެރުނު ބަޔާނެއްގައި ބުނެފައިވާ ގޮތުގައި ގާސިމްގެ ހުކުމް ތަންފީޒު ކުރަން ވަގުތީ ގޮތުން ގޭ ބަންދަށް ބަދަލުކުރަން ކަރެކްޝަނަލް ސާވިސް އިން ނިންމާފައި ވިޔަސް ގާސިމްގެ ސިއްހީ ހާލަތު ހުރި ގޮތުން ހޮސްޕިޓަލުން ދޫނުކުރަން ޑޮކްޓަރުން އޮތީ ނިންމައިފަ އެވެ. އެހެންވެ، ގާސިމް އަދިވެސް އޮންނެވީ ހޮސްޕިޓަލްގައި ކަމަށް ބަޔާނުގައިވެ އެވެ.
ވަކީލުން ބުނީ ފަރުވާއަށް ބޭޭރަށް ފޮނުވަން ހުކުމުގައި އަންގާފައި އޮތް އެންގުން ހަފުތާއެއް ވީއިރު ވެސް ތަންފީޒު ނުކުރެވުމަކީ ދައުލަތުގެ އިދާރާތަކާ މެދު ލަދުވެތި ކަމެއް ކަމަށެވެ.
ގާސިމް ކޯޓަށް ހާޒިރުނުވީ އެއީ ކޯޓަށް ހާޒިރުނުވެވޭ ފަދަ ބައްޔެއް ކަމަށް ޑޮކްޓަރު ބުނެފައިވާތީ ކަމަށާއި އޭގެ ލިޔުންތައް ވެސް ކޯޓަށް ހުށަހެޅި ކަމަށް ބަޔާނުގައިވެ އެވެ.
ވަކީލުން ބުނީ ޑޮކްޓަރުގެ ލިޔުންތައް ހުށަހެޅުމުން ދެ ފަހަރަކު އަޑުއެހުން ކެންސަލް ވެސް ކުރި ކަމަށެވެ. އެކަމަކު ހުކުމްކުރި ރޭ ކޯޓަށް ހާޒިރުވުމުގެ އަމުރު ކުއްލި ގޮތަކަށް ފޮނުވުމުން ވެސް ގާސިމްގެ ބަލި ހާލަތު ހުރި ގޮތުން އެކަމަށް އުޒުރުވެރިވާ ކަމަށް ބަޔާންކޮށް ކޯޓަށް ސިޓީއެއް ފޮނުވި ކަމަށް ވަކީލުން ބުނެ އެވެ. ނަމަވެސް އެ ސިޓީ ކޯޓުން ބަލައިނުގަނެ، ޣައިރު ހާޒިރުގައި ހުކުމްކުރީ ކަމަށް ބަޔާނުގައިވެ އެވެ.
"ރޭގަނޑު 12 ވެސް ޖެހި ފަހުން އެމަނިކުފާނުގެ ޣައިރު ހާޒިރުގައި ކްރިމިނަލް ކޯޓުން އެމަނިކުފާނުގެ މައްޗަށް ހުކުމް ކޮށްފައިވާއިރު އެމަނިކުފާނުގެ ބަލި ހާލަތަށްޓަކައި ލިބެން ޖެހޭ ފުރުސަތުތައް އެމަނިކުފާނަށް ލިބިވަޑައިގެންފައި ނުވާކަމީ ހާމައަށް ފެންނަން އޮތް ކަމެކެވެ،" ވަކީލުން ބުނެފައިވެ އެވެ.
ގާސިމްގެ ވަކީލުން ބުނީ ދައުވާ ލިބޭ މީހެއްގެ ބަލި ހާލަތާ ގުޅޭ ގޮތުން ޑޮކްޓަރަކު ދީފައިވާ އިރުޝާދަކާ ޚިލާފަށް ކޯޓުން އަމަލު ކުރުމަކީ ކުރެވިގެންވާނެ ކަމެއް ނޫން ކަމަށެވެ. އަދި އެއީ ބައިނަލްއަގްވާމީ އުސޫލުތަކާ ޚިލާފް ކަމެއް ކަމަށް ވެސް ބުންޏެވެ.
ވަކީލުންގެ ބަޔާނުގައި ވަނީ ބަލި މީހާއަށް ދޭން ޖެހޭ ފަރުވާ ކަނޑައަޅަނީ ޑޮކްޓަރު ކަމަށާއި ގާސިމް އިތުރު ފަރުވާއަށް ރާއްޖެއިން ބޭރަށް ގެންދަން ލަފާ ދެނީ ވެސް ރާއްޖޭގެ އެންމެ ބޮޑު ތިން ހޮސްޕިޓަލްގައި މަސައްކަތް ކުރާ ޑޮކްޓަރުން ކަމަށެވެ.
"ބަލިވެގެން ހޮސްޕިޓަލަށް ދާ ފަރާތްތަކަށް ބޭނުންވާ ފަރުވާ ކަނޑައެޅުމާއި ހޮސްޕިޓަލްގައި އެޑްމިޓްކޮށްގެން ފަރުވާ ދޭން ޖެހޭ ނަމަ އެޑްމިޓް ކުރުމާއި މި ކަންކަމަކީ ޑޮކްޓަރުން ކަނޑައަޅުއްވާ ކަންކަމެވެ. އެއީ ބަލި މީހާ އަމިއްލައަށް ކަނޑައަޅާ ކަންކަމެއް ނޫނެވެ،" ބަޔާނުގައިވެ އެވެ.
ގާސިމް ބޭރަށް ފޮނުވަން ކޯޓުގެ ހުކުމުގައި އެންގި ބައި އެޓާނީ ޖެނެރަލްގެ ފަރާތުން އިސްތިއުނާފަށް ހުށަހެޅީ ގާސިމް ބޭރަށް ފޮނުވުމުގެ އިންތިޒާމްތައް ހަމަޖައްސާނެ ކަމުގެ ޔަގީންކަން ސަރުކާރުން ދީފައި އޮތުމަށް ފަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހުސަން ފަރީދު
02 September 2017
ލަދުވެތި ކަމެކޭ އަޅެ ފަހެ ތިމީހުން ތިހެން ބުުނާއިރު ވެސް އެެެނގޭނެ. އެ މީހުންނަކީ ލަދެއް ހަަޔާތެއް ނެތް ޖާހިލު ބައެއް ކަން... . މީގެފަހުން ވެސް ބޭކާރު އަނގަ ނުތަޅާ..
ނަސީދު
02 September 2017
މިހެންްމިވަނީ ގާސިމް ކިޔަވައި ދިންމީހުން އެފަކީރައް ޢަޅާނުލީމާ
އދ
02 September 2017
ސަރުކާރުގެ އިސްވެރިންވެސްދެޔޭ. ކީއްވެ ޖަލަށްނުލަނީ
އާދޭސް
02 September 2017
ވަކީލުން ތިޔަބުނަނީ ޤާސިމް ބޭސްފަތުވާއަށް ބޭރަށް ނުފޮނުވުމަކީ ލަދުވެތިކަމެކޭތަ? ތިޔައީ އެއް ނޫން ބުނަޖެހޭ ބަހަކީ. އެއީ އިންސާނިއްޔަތުކަމެއްނެތް އަނިޔާވެރިކަމޭ ބުނަންޖެހޭނީ. މިއީ މީހުންގެ ފުރާނައަށް ބެލުމެއްނެތް ސަރުކާރެއް ޔާ ﷲ ޤާސިމަށް އަވަސް ފުރުހަމަ ޝުފާއެެއް ދެއްވާންދޭވެ. އަދި އަނިޔާވެރިންގެ މައްޗަށް ޤާސިމަށް ނަޞްރުދެއްވާންދޭވެ.
އަލީ ނަސީރު
02 September 2017
ކޮންމެ މީހަކައްވެސް ކީދާނެ ކޮންމެ އެއްޗެކޭވެސް. އެކަމަކު ހަގީގަތަކީ، ގާސިމް ވެސް، އަދި ގިނަ ސިޔާސީ މައިދާނުގައި އުޅޭ ރިސޯޓް އޯނަރުންނަކީ، އާންމުންކޮއް ރިޝްވަތު ދީ، ވޯޓު ގަނެ، އެވަގުތަކު އަމިއްލަ ފައިދާ ވާ ހުރިހާ ފަރާތްތަކާ ބައިތު ހިފާ މީހުން. ގައުމައް ރަގަޅަށޭ ކިޔާފަ، ތިތަނުން އެކަކުވެސް އަނގަ ހުލުވުމަކީ ލަދުވެތި ކަމެއް!
ލލލލ
02 September 2017
މިސަރުކާރުން އަމަލު ކުރާނީ "ބޮޑުމީހާ" ބުނާގޮތައް.. ކޯރޓަކުން "ބޮޑުމީހާ" އައްފެންނަގޮތާއި ޚިލާފައް ހުކުމެއް ކުރިޔަސް އެހުކުމް ބާތިލުކުރަން މަތީކޯރޓްތަކައް ފޮނުވާނެ..
އެބަޔަކު ކުރިކަމެއް އެބަޔަކު ދެކޭނެ
02 September 2017
ދާންއޮތްތަނަށް ދެވެންނެތީ 1 މެމްބަރުން ގޮނޑިތައް ނުހައްގުން އިންސާފުންބޭރުން ގެއްލުވާލުން. 2 އަވަހަށް ތެޅިފޮޅިގަނެގެން ގާސިމް ޖަލަށްލުން. 3 މިހާރު އޮތީ ފާރިޝް އަދި ކުރިއަށް އޮތީ މެމްބަރުންތައް ހޮޅިގޮޅިއަށް ފެއްތުން މަނާތަނަކަށް ވަދެގެން. އަދި މެމްބަރުން ދަފްތަރުން އުނިކުރުމަކީ އިދާރީ ގޮތުން ކުރަންޖެހޭ ކަމެއް. މެމްބަރުން ދަފްތަރުން އުނިކުރުމަށް ފޯމުލީމަ ނުކޮށް ބާއްވާފައި އޭގެ އެތައްދުވަހެއް ފަހުން ޕީޕީއެމުން ދެފަހަރަށް 18 ޖުލައިގާ ވަކިކުރިއްޔޯ ހަމަ ވަގުތުން އިލެކްޝަނުން 19 ޖުލައިގާ މެމްބަރުން ދަފްތަރުން އުނިކުރިއްޔޯ އިލެކްޝަނުން މެމްބަރުންގެ ގޮނޑި ގެއްލުވާލުމަށް މީ ހަމަ އަދުލު އިންސާފުތޯ? ހުރިހާކަމެއް އެނގިތިބެ ބައެއްގެ ހައްގުތައް ނަގާލާއިރު މިކުރެވެނީ ކިހާވަރެއްގެ ކަމެއްކަން ހަމަ ނޭގެނީބާ? އަދި މިނޫން ދުވެއް އަންނާނެ އެދުވަހަކުން އެބަޔަކު ކުރިކަމެއް އެބަޔަކުދެކޭނެ ސަލާމަތެއްނުވާނެ ﷲއިންޝާ
އަތްފުނާ
02 September 2017
ގާސިމު ބޭރަށް ނުފޮނުވައިގެން މިއުޅެނީ ބައެއް ޑަކުޓަރުންގެ އެއްބަރުލުން ނުލިބޭތީ.މިއީ މި ވާގޮތަކީ
މުއްލާ_އުމަރު
02 September 2017
އެއީ ޑރ. ޝައިނީއާއި .. ޑރ. މުއިއްޒު ތޯ<؟؟ މަނިކުފާނު ރަނގަޅުތޯ...
ދާރު
01 September 2017
ރައީސް ޔާމީނުގެ ވިސްނުން ގެންގުޅުއްވަނީ ތަފާތު ޚިޔާލުގެމީހުން ނެތިކޮށްލަން.. ތިމާއާއި އިދިކޮޅު ޚިޔާލުގެމީހުން ބަނދެ ހިފާ ހައްޔަރުކޮށްފަ ވޯޓްހޯދުން ތިޔައީ މިކަހަލަ ތަހުޒީބު މުޖުތަމައުތަކުގަ ކުރެވޭނެކަމެއްނޫން . ނާތަހުޒީބު އެފުރިކާގެ ގައުމަކަށް ވަޑައިގަންނަވަންފެނޭ.
ސޯދުބެ
02 September 2017
ރަނގަޅު ވިސްނުމެއް.. އެހެނަސް މާ ގިނަ ދުވަހަކު ތިޔަހެން ނޫޅެވޭނެ... ވ.ސަލާމް
ވިލވިލދސދ
01 September 2017
މިސަރުކާރަކީ ގާނޫނަށް ބޯލަނބާ ސަރުކާރެއްނޫން. ބަލާބަލަ އިލެކްޝަނުން ކުރިކަންތައް, 13 ޖުލައިގެ ހުކުމުގެ ކުރިން ޕާޓީއިން ވަކިވެފައި ތިބި މެމްބަރުން. ަ ބަޔަކު ބުނެގެން ފަހުން ދަފްތަރުން އުނިކުރީއްޔޯ އެހެންވެގެން މެމްބަރުކަން ގެއްލުނިއްޔޯ 10 އަހަރުފަހުންވެސް ދަފްތަރަކުން އުނިކުރެވިދާނެ. އަދި ހުކުމުގައިނެތް އަމިއްލަ މެމްބަރުގެ ވާހަކައެއްވެސް އެކަމަކު އެމެމްބަރުގެ ގޮނޑިވެސް ގެއްލިއްޖެޯޮް ގޮނޑިގެއްލުނީ ކޮންގާނޫނެއްގެ ދަށުންކަމެއް ނޭގުނު އީސީގެ މެމްބަރުންނަށްވެސް އެނގޭތާ ބުއްދިގަބޫލުކުރެވޭތާ ދެފަހަރު ޕާޓިން ވަކިކުރެވޭކަންވެސް, އަދި އަމިއްލަ މެމްބަރު ހޮވަން އާއިލާގެ އެތައްދުވަގެއްގެ މަސައްކަތުން އެއްކުރިލާރިކޮޅުން މެމްބަރު ހޮވަން ޚަރަދުކޮށްފައިވާތީ, މީގެ ބަދަލު އިރާދަކުރެއްވިއްޔާ ކޮންމެވެސް ދުވަހަކުން އިލެކްޝަނުގެ މެމްބަރުން އަތުން ނަގައިދިނުމަށް ދައުވާކުރެވޭނެ