ހުޅުމާލޭގައި އެކްސިޑެންޓެއް ހިނގި ސަރަހައްދުގައި ފުލުހުން ހަރަކާތްތެރިވަނީ.
03 ސެޕްޓެމްބަރ 2017 - 09:50
11 comments
މިދިޔަ ބުދަ ދުވަހު ހުޅުމާލޭގައި ހިނގި އެކްސިޑެންޓެއްގައި މީހަކު މަރުވި މައްސަލައާ ގުޅިގެން ދެ މީހަކު ހައްޔަރުކޮށްފި އެވެ.
ބުދަ ދުވަހު ހަވީރު ހިނގި އެކްސިޑެންޓުގައި ތ. ތިމަރަފުށީ އިރަމާގޭ، އިބްރާހީމް ރަޝީދު އާދަމް، 62، މަރުވީ ހުޅުމާލޭ ހޮސްޕިޓަލްގައި ފަރުވާ ދިނުމަށް ފަހު، އޭޑީކޭ އަށް ގެންގޮސް ފަރުވާ ދެނިކޮށް ހުކުރު ދުވަހު އެވެ.
މި އެކްސިޑެންޓާ ގުޅިގެން ދެ މީހަކު ހައްޔަރު ކުރި ނަމަވެސް އެ މީހުންނާ ބެހޭ އެއްވެސް ތަފުސީލެއް ފުލުހުން ނުދެ އެވެ.
ހައްޔަރުކުރީ އެކްސިޑެންޓްވިއިރު ސައިކަލް ދުއްވަން އިން މީހާ ކަމެއް ވެސް ނޭނގެ އެވެ. ދެ މީހަކު ހައްޔަރު ކުރި އިރު، ސައިކަލް ދުއްވަން އިން މީހާ ފިލާފައިވާތީ އޭނާ ހޯދުމުގެ މަސައްކަތް ވެސް ކުރަމުން އަންނަ ކަމަށް ފުލުހުން ވަނީ ބުނެފަ އެވެ.
ރަޝީދު އެކްސިޑެންޓްވީ ހަބީބު ބޭންކް ކުރިމަތީގައި އޭނާގެ ސައިކަލް ޕާކް ކުރަން އުޅެނިކޮށް ބާރު ސްޕީޑްގައި ދުއްވާފައި ދިޔަ ސައިކަލެއް، ރަޝީދުގެ ސައިކަލްގައި ޖެހިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާހޯރަ
04 September 2017
ސައިކަލް ދުއްވި މީހާގެ މައިންބަފައިންނާއި ބަލަދުވެރިން، އޭނާ ތަރުބިއްޔަތު ކުރި މުދައްރިސުން، އެކުގަ އުޅޭ ރައްޓެހިން އަދި ގައުމުގެ ޒިންމާދާރުވާންޖެހޭ އެހެން މުއައްސަސާތައް ކޮބާ؟ ކަމެއްވާއިރަށް ފުލުހުންގެބޮލަށް ކަނޑާލިޔަކަސް ނުވާނެ
1234
03 September 2017
14 އަހަރާ 16 އަހަރުގެ ދެ ކުދިންކަމަށް ވަނީ އެ ސައިކަލު ދުއްވީ
ނިމުނީ
03 September 2017
ސައިކަލްގެ ވެރިޔާ ސައިކަލްގެއްލިގެން ފުލުހަކަށް ނާންގާ. ރައްޓެއްސެއްކައިރީ ނުބުނޭ. އަދި ސޯޝަލްމީޑިޔާގައި ވެސް ނުޖަހާ. އޭނާ އޮޅުވާލުންތަކެއް ގެންގުޅޭހެން ހީވަނީ
ހާމިދު
03 September 2017
އެކްސިޑެންޓްތަކުގައި މީހަކު މަރު ނުވަންޏާ ތުހުމަތު ކުރެވޭމީހާ ހައްޔަރު ނުކުރާކަން ފާހަގަވޭ! މިއީ ކޮން ހަމައަކުން ކުރާ ކަމެއްބާ؟
ށަވިޔަނި
03 September 2017
ދެމީހަކު ހައްޔަރު ކުރި އިރު އެއީ ކޮން ބައެއްކަން ނުބުނެދެވޭތީ ތި ބުނާ އެއްޗަކަށް އިތުބާރެއް ނެތް.
އަހުމަދުބެ
03 September 2017
ބަންދުގެ މުއްދަތު ޖަހަމުން ޖަހަމުން ގޮސް ދޫކޮށްލާ މައްސަލަ ބަލަން ޖެހެއެވެ.
އަބުލާ
03 September 2017
ކޮމެންޓްތައް ކިޔާލުމުން ސާފުވަނީ ދިވެހި ފުލުހުންނާއި ތަންފީޒީ އިދާރާތަކަށް އެއްވެސް ބަޔަކު މިހާރު އެއްވެސް މިންވަރަކަށް އިތުބާރު ނުކުރާކަން. މިއީ ފުލުހުން ވަރަށް ބޮޑަށް ވިސްނާން ޖެހޭ މައްސަލައެއް. ކަންމަތި ތަކުގައި ތިބޭ ގޭންގް ކުދިން ކާރިޔަށް މަޑުކޮށްފަ މުއާމަލާތުކުރުމުގަ ގެންގުޅޭ އޯގާތެރިކަން ކަމާއި ހިތްހެޔޮކަން އާދައިގެ ރައްޔިތުމީހާ އާއި ދޭތެރޭގަ ވެސް ބާއަވަންޖެހޭ. ބިރުގަންނަންވީ ހެއްދެވި ފަރާތަށް، ގޭންގު މީހުންނާއި އެމީހުންނަށް ހިއްވަރުދޭ ވެރިންނަކަށް ނޫން.
ނަޑެއްލާ
03 September 2017
އިތުބާރު ވަނީ ގެއްލިފާ. އެއްވެސް ދިވެހި ދަރިއަކު ތަމެންނަކަށް އިތުބާރެއް ނުކުރޭ ނުކުރޭ. ފޭކު ބައެއް. ވ ސަލާން.
ހޭބަލިވެގެން ހަމަ ދުއްވަނީ
03 September 2017
ހައްޔަރު ކުރުމުން ނުފުދޭ، ތިޔަހެން ހައްޔަރު ކުރި ޗާންދަނީމަގުން ކުޑަކުއްޖާ ގޮވައިގެން ހިނގާފައި ދިޔަ މާބަނޑު މީހާ ގައިގައި ޖެއްސި ޒުވާނާ ވެސް، ޖުމްހޫރީމައިދާން ކައިރިން ފުލުހެއް ގައިގައި ސައިކަލުން ޖައްސައިފައި ދިޔަ ޒުވާނާވެސް 2 ފުރާނަ ދުނިޔެ އާއި ވަކިވި އިރު 2 ޒުވާނުންނަށް ލިބުނު އަދަބަކީ 10 އަހަރަށް ލައިސަންސް ހިފެހެއްޓުން. އަދިވެސް އެދެމީހުން ފުރަ މާލޭގެ މަގުތަކުގައި ސައިކަލު ދުއްވާ..... ކޮބާ އިންސާފް؟ މިއީބާ މިރާއްޖޭގައި ފުރާނައިގެ އަގަކީ..
ޙަސަން އަޙްމަދު
03 September 2017
ޒުވާނަކު ފޫހި ފިލުވާލީމާ ގެއްލެނީ ކުށެއް ނެތް ފުރާނައެއް. ޟަމީރުގެ ތަރުބިއްޔަތު ލިބިފައި ނެތީމަ ފިލަނީ.
ހަމަހޭ
03 September 2017
ބައެއް ޒުވާނުންގެ މައުލޫމާތު ހާމައެއްނުކުރެވޭނެ. ދުވަސްކޮޅެއްފަހުން ބަޔަކު ސުވާލުކޮއްފިއްޔާ ބުނާނެ އެއީ ކަމާގުޅުންހުރިބައެއްކަމުގެ ހެކިނެތިގެން ވަނީ ދޫކޮއްލާފައޭ. ހަގީގަތުގަ ހައްޔަރުކޮއްފީމޭ އެ ބުނާބަހުގެ އެއްވެސް އިތުބާރެއް ނެތް. ކޮންމެވެސް ކަމެއް ކުރާކަން އަންގާލަ ދިނުމުގެ ގޮތުން ބުނެލިއެއްޗަކާ ބޮޑަަށް ވައްތަރީ.