ސުޕްރީމް ކޯޓުގައި ބޭއްވި އިސްތިއުނާފުގެ ޝަރީއަތަކަށް ނާޒިމް ވަޑައިގަންނަވަނީ. އޭނާގެ މައްސަލާގައި އޮގަސްޓް 20 ގެ ކުރިން ޖަވާބުދާރީވާން ސަރުކާރަށް ވަނީ އަންގާފައި. ---ފޮޓޯ: ނިޝާން އަލީ/މިހާރު
29 ޖޫން 2016 - 12:21
4 comments
ކުރީގެ ޑިފެންސް މިނިސްޓަރު މުހައްމަދު ނާޒިމްގެ ޖަލު ހުކުމާ ގުޅިގެން އދ.ގެ ވޯކިން ގްރޫޕް އޮން އާބިޓްރަރީ ޑިޓެންޝަނަށް ހުށަހަޅާފައިވާ މައްސަލާގައި ދިވެހި ސަރުކާރުން އޮގަސްޓް 20ގެ ކުރިން ޖަވާބުދާރީވާން އަންގާފައިވާ ކަމަށް ނާޒިމްގެ އާއިލާ އިން ބުނެފި އެވެ.
ހަނގުރާމަވެރި ހަތިޔާރު ގެންގުޅުނު ކަމުގެ ކުށުގައި ނާޒިމަށް 11 އަހަރުގެ ޖަލު ހުކުމް އިއްވީ "ފްރޭމްކޮށްގެން" ކަމަށް ބުނެ އާއިލާގެ އެދުމުގެ މަތިން އެ މައްސަލަ ވޯކިން ގްރޫޕަށް ހުށަހެޅީ އެމްނެސްޓީ އިންޓަނޭޝަނަލް އިންނެވެ.
"އެމްނެސްޓީން އާއިލާ އަށް އެބައޮތް އަންގާފައި ސަރުކާރުން ޖަވާބުދާރީ ވުމުގެ ފަހު މުއްދަތަކީ އޮގަސްޓް 20 ކަމަށް،" ނާޒިމްގެ ކޮއްކޮ، އެސްޓީއޯގެ ކުރީގެ މެނޭޖިން ޑިރެކްޓަރު އާދަމް އާޒިމް މިއަދު ވިދާޅުވި އެވެ.
ނާޒިމްގެ ވަކީލް ސުއޫދު (މ) އަދި ކޮއްކޮ އާދަމް އާޒިމް (ވ) ނޫސްވެރިންނާ ވާހަކަ ދައްކަވަނީ. --ފޮޓޯ: ނިޝާން އަލީ/މިހާރު
އެމްނެސްޓީ މެދުވެރިކޮށް ނާޒިމްގެ މައްސަލަ އދ.ގެ ވޯކިން ގްރޫޕަށް އާއިލާ އިން ހުށަހެޅީ ރާއްޖޭގެ ޝަރުއީ ނިޒާމްގެ ތެރެއިން ނާޒިމަށް އިންސާފުު ނުލިބޭނެ ކަމަށް ބުނެ އެވެ.
ނާޒިމަށް ހުކުމް އިއްވީ ރަނގަޅަށް ކަމަށް ސުޕްރީމް ކޯޓުން މިދިޔަ ހަފުތާގައި ވަނީ ނިންމައިފަ އެވެ. އެކަމަކު ކޯޓުން މިގޮތަށް ނިންމާފައިވާއިރު ނާޒިމްގެ ކޮޓަރިން ފެނުނު ފިސްތޯލަ އިން ކުރީގެ ނައިބު ރައީސް އަހްމަދު އަދީބްގެ ޑީއެންއޭ ފެނިފައިވާ ކަމަށް ފުލުހުން ވަނީ ބުނެފަ އެވެ.
ނާޒިމަށް އިއްވި ހުކުމާ ގުޅޭ އެތައް ޝައްކުތަކެއް ހުއްޓައި އިންސާފު ހޯދަން ހުރި ހުރިހާ ދޮރުތަކެއް ބަންދުވުމުން އޭނާގެ ވަކީލުން އަންނަނީ ކަންބޮޑުވުންފާޅުކުރައްވަމުންނެވެ. ނާޒިމްގެ މައްސަލަ ދެން ކުރިއަށް ގެންދެވޭނީ ފުލުހުންނާއި ޕްރޮސިކިއުޓަ ޖެނެރަލަށް ކަން ފާހަގަކުރައްވައި އެ މުއައްސަސާ އިން ޒިންމާ ނަގަން ޖެހޭ ކަމަށް ގާނޫނީ ބައެއް ވަކީލުން ވެސް ގެންދަވަނީ ވިދާޅުވަމުންނެވެ.
ނާޒިމްގެ މައްސަލަ އދ.ގެ ވޯކިން ގްރޫޕަށް ހުށަހަޅާފައިވާއިރު ކުރީގެ ރައީސް މުހައްމަދު ނަޝީދުގެ މައްޗަށް 13 އަހަރުގެ ޖަލު ހުކުމެއް އިއްވި މައްސަލަ ވެސް އެތަނުން ބެލި އެވެ. އެ މައްސަލާގައި ވޯކިން ގްރޫޕުން ނިންމީ ނަޝީދުގެ ޝަރީއަތް ކުރިއަށް ގެންދިޔައީ ގާނޫނުތަކާ ހިލާފަށް އަވަސް އަރުވާލައިގެން ކަމަށެވެ. އެހެންވެ ނަޝީދު ވަގުތުން ދޫކޮށްލަން ވެސް އެ ގްރޫޕުން ސަރުކާރަށް އެންގި އެވެ. އެކަމަކު އެއީ ވަކިކޮޅަށް ބުރަވެ ނިންމާފައިވާ ނިންމުމެއް ކަމަށް ބުނެ ސަރުކާރުން އެއަށް އަމަލެއް ނުކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ އަލީ
28 January 2017
ރާއްޖޭގެ ގާނޫނުތައް ގަބޫލު ނުކުރާ އާއިލާ އަކަށް ސަރުކާރުން ޖަވާބު ދާރީ ވާކަށެއް ނުޖެހޭނެ. އާއިލާ އާ ސުވާލު ކޮށްލަން ބޭނުންވަނީ ނާޒިމް ކޮޓަރިން ފިސްތޯލަ އެއް ފެނުނުތޯ ؟ އެކޮޓަރި އަށް ފިސްތޯލަ ވެއްދި މީހެއްގެ ވާހަކަ ސަރީއަތުގާ ނާޒިމް ވިދާޅުވެ ދެއްވިތޯ ، ފިސްތޯލައަކީ ރާއްޖެ އަށް އެތެރެ ކުރަން ގާނޫނުން މަނާ އެއޗެއްތޯ ؟ ފިސތޯލައަކީ ނާޒިމް ބޭނުންކުރަން ހުއްދައޮންނަ އެއްޗެއްތޯ ؟ އެމީހެއްގެ ބެލުމުގެ ދަށުގާ އެމީހަކު ބަލަހައްޓޠާ ތަނެއްގާ ، އެމީހަކު ނިދާކޮޓަރީގާ މަނާ އެއްޗެއް އޮވެއްޖެނަމަ އެމީހެއްގެ އެއްޗެއްނޫންކަން ސާބިތު ނުކޮށްދޭ ނަމަ ގާނޫނީ ގޮތުން އެކޮޓަރީގަ ނިދާމީހާޒިންމާވާން ނުޖެހޭނެތޯ ؟
ސަލީމްބެ
29 June 2016
ދީނާ ގައުމަށްޓަކާ ކުރާ ކަމެއް ގޯހެއް ނުވާނެ. ހުރިހާވެސް އެއްޗަކީ ނިޔަތް. އެހެންވީމާ ދީނާ ގައުމަށްޓަކާ އެ ނިޔަތުގަ އަދީބު ކުރި ކަންތައްތައްވެސް ގޯހެކޭ ނުބުނެވޭނެ ޓެކްނިކަލީ.
anonymous
29 June 2016
ނާޒިމް ހައްޔަރުކޯށްފައި އެހެރީ ދީނާއި ގައުމަށްޓަކއި. އަދި މިހާރު ޓޫރިޒަމްގެ ބޭނުމަށް ފަޅުތަކާ ރައްރަށާއި ތަންތަން ދޫކުރަން އެއުޅެނީވެސް ދީނާއި ގައުމަށްޓަކައި ނުވިތާކަށް އަދީބު ނައިބު ރައީސްކަން ދިނީވެސް ހަމަ ދީނާއި ގައުމަށްޓަކައި .. މަގޭ ބޯހަލާކު ދިވެހިން ވާ ހިތްވަރުގަދި ކިހާ ދުވަހެއްވަންދެން ތިގޮތަށް އަނގައިން ބުނަންނުކެރި ތިބެންބާ ތިއުޅެނީ..
ތުއްތޮންބެ
29 June 2016
ދެވަނަ ބޮޑުހަނގުރާމައިގެ ދުވަސްވަރުގެ ނޫސް ތަކުގަ ބަޑި ހަރުކުރި ޓޭންކް އަށް "ހަނގުރާމަމަތީ ތާނގީ" އޭ އޮތްހެން ރިޔާޒު ރަޝީދުގެ ވެސް ބުންޏެއްނު އދ.ގެ ތަނެއްގަ އުޅޭ މަސައްކަތު މީހުންގެ ގްރޫޕަކުން ނިންމާ ނިންމުމެއް މި ސަރުކާރަކުން ބަލައެއް ނުގަންނާނެޔޭ. ބަލަންތިބޭ މިފަހަރުވެސް ވާވީ ހަމަ އެހެން.