ޕެރެޑައިސް ރިސޯޓުގައި މިއަދު ފެށި ޑަބްލިއުއެޗްއޯގެ ސައުތު އީސްޓް އޭޝިޔާ ގައުމުތަކުގެ ރީޖަނަލް މީޓިންނާ ގުޅޭގޮތުން ހެލްތް މިނިސްޓަރު ނާޒިމް މިއަދު ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
06 ސެޕްޓެމްބަރ 2017 - 18:42
11 comments
ރާއްޖޭގެ ސިއްހީ ދާއިރާއަށް ކުރަމުން އަންނަ ހޭދައާ އެއްވަރަށް ހިދުމަތް ފޯރުކޮށްދެވޭ ކަމަށް ހެލްތު މިނިސްޓަރު އަބްދުﷲ ނާޒިމް އިބްރާހިމް މިއަދު ވިދާޅުވެއްޖެ އެެވެ.
ވޯލްޑް ހެލްތު އޯގަނިޒޭޝަން (ޑަބްލިއުއެޗްއޯ)ގެ ސައުތު އީސްޓް އޭޝިޔާ ސަރަހައްދުގެ ބައްދަލުވުން ފަށަން ޕެރެޑައިސް އައިލެންޑް ރިސޯޓުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ނާޒިމް ވިދާޅުވީ ސިއްހީ ދާއިރާގެ ބަޖެޓުން މައިގަނޑު ގޮތެއްގައި ބޮޑު ދެ ހަރަދެއް ކުރަން ޖެހޭ ކަމަށެވެ. އެއީ ސިއްހީ ހިދުމަތް ދޭ ތަންތަނުގެ މަރާމާތުތަކަށާއި ފަރުވާއަށް ބޭރަށް ދާ މީހުންނަށް ކުރަން ޖެހޭ ހަރަދުތައް ކަމަށެވެ.
ދައުލަތުގެ ބަޖެޓުން ސިއްހީ ދާއިރާއަށް ބޮޑު ހޭދައެއް ކުރާއިރު ސްކޭނެއް ހަދަން އެތައް ދުވަހަކު މަޑުކުރުމަކީ ސިއްހީ ދާއިރާގެ ކާމިޔާބީއެއްތޯ ނޫސްވެރިއަކު ސުވާލުކުރުމުން ނާޒިމް ވިދާޅުވީ ސިއްހީ ނިޒާމު ފުރިހަމަވެގެން އަންނަނީ ތަންތަން މަރާތުކޮށް އަދި އިމާރާތް ވެސް ކޮށްގެން ކަމަށެވެ. އެހެންކަމުން ހިދުމަތް ރަނގަޅު ކުރުމަށް ބަޖެޓުން އެ ހަރަދުތައް ކުރަން ޖެހޭ ކަމަށް ވިދާޅުވި އެވެ.
ނާޒިމް ވިދާޅުވީ މިހާރު ވެސް ރާއްޖޭގެ އެކި ހިސާބުތަކުގައި ހޮސްޕިޓަލްތަކުގެ މަސައްކަތް ކުރިއަށް ދާއިރު، އިތުރު މެޝިންތަކާއި އާލާތްތައް ވެސް ބަހައްޓާނެ ކަމަށެވެ.
ޑަބްލިއުއެޗްއޯއިން މި ސަރަހައްދަށް ކަނޑައަޅާފައިވާ ރީޖަނަލް ޑިރެކްޓާ ޑރ. ޕޫނަމް ކެތްރަޕަލް ސިންހާ ވަނީ ސިއްހީ ދާއިރާގައި ސަރުކާރުން ހޯދާފައިވާ ބައެއް ކާމިޔާބީތައް ފާހަގަކުރައްވައިފަ އެވެ. އެގޮތުން އޭނާ ވިދާޅުވި ގޮތުގައި ރާއްޖޭގައި މީހުން ދިރިއުޅޭ ހުރިހާ ރަށެއްގައި ބޭސްފިހާރަ ގާއިމްކުރުމަކީ ވެސް ސިއްހީ ދާއިރާގެ ކާމިޔާބީގެ ހެއްކެކެވެ.
ޕެރެޑައިސް ރިސޯޓުގައި މިއަދު ފެށި ޑަބްލިއުއެޗްއޯގެ ސައުތު އީސްޓް އޭޝިޔާ ގައުމުތަކުގެ ރީޖަނަލް މީޓިންނާ ގުޅޭގޮތުން އެ ޖަމިއްޔާއިން މި ސަރަހައްދަށް ކަނޑައަޅާފައިވާ ޑިރެކްޓާ ޑރ. ޕޫނަމް ވާހަކަދައްކަވަނީ .-- ފޮޓޯ: ނިޝާން އަލީ/ މިހާރު
އޭނާ ވިދާޅުވީ މި ސަރަހައްދުގެ އެހެން ގައުމުތަކާ ހިލާފަށް ރާއްޖެއަކީ ޖަޒީރާ ރަށްތަކަކަށް ބެހިފައިވާ ގައުމަކަށް ވާއިރު، ހިދުމަތްތައް ފޯރުކޮށްދިނުމާއި ހިދުމަތް ދިނުމުގައި ގޮންޖެހުންތަކެއް ދިމާވާނެ ކަމަށެވެ. އެހެންކަމުން އެކަންތައްތައް ވެސް ގަބޫލުކުރަން ޖެހޭނެ ކަމަށް ވިދާޅުވި އެވެ.
ޕޫނަމް ވިދާޅުވި ގޮތުގައި ސައުތު އީސްޓް އޭޝިޔާގައި ހިމެނޭ 11 ގައުމުގެ ތެރެއިން، ރާއްޖެ ފާހަގަކޮށްލެވެނީ ބަލިތަކަށް ފަރުވާ ހޯދަން ބޭރަށް ދާން ބޭނުންވާ މީހުން އުޅޭ ގައުމެއްގެ ގޮތުގަ އެވެ. މީގެ އިތުރުން ރާއްޖެއަކީ މި ސަރަހައްދުން ވެސް ސިއްހީ ދާއިރާއަށް އެންމެ ބޮޑު ހޭދައެއް ކުރާ ގައުމު ކަން ވެސް އޭނާ ފާހަގަކުރެއްވި އެވެ.
"މިއީ މި ސަރަހައްދުން ވެސް ފެނުނު ހަމައެކަނި ގައުމު، ބައްޔަށް ފަރުވާ ހޯދަން ރާއްޖޭން ބޭރަށް ދާން ބޭނުންވާ ގިނަ މީހުން މި ގައުމުގައި އުޅޭ. އެއީ ވެސް ވަރަށް ބައިވަރު ހަރަދުތައް،" ޕޫނަމް ވިދާޅުވި އެވެ.
ރާއްޖޭގައި އަމިއްލަ އަދި ސަރުކާރު ހޮސްޕިޓަލްތައް ހަދަމުން އަންނަ އިރު ހިދުމަތަށް ނުކުންނަ މީހުންގެ އަދަދު ވެސް އިތުރުވާނެ ކަން އޭނާ ފާހަގަކުރެއްވި އެވެ.
މިނިސްޓަރު ނާޒިމް ވިދާޅުވީ ދިވެހި ރައްޔިތުންނަށް ހިލޭ ބޭސްފަރުވާ ކުރެވޭނެ އިންތިޒާމު ސަރުކާރުން ހަމަޖައްސައިދޭ އިރު އަމިއްލަ އަތުން ބޭސްފަރުވާއަށް ކުރާ ހޭދަ 29 ޕަސެންޓަށް ދަށްކުރެވިފައިވާ ކަމަށެވެ. އަދި ފަރުވާއަށް ކޮންމެ ބޮލަކަށް 810 ޑޮލަރު (12،490ރ.) ގެ މަގުން ސަރުކާރުން ކޮންމެ އަހަރަކު ވެސް ހަރަދުކުރަމުން އަންނަ ކަމަށް ވިދާޅުވި އެވެ.
"އެއީ މަތީ އަދި މެދު ފަންތީގެ ގައުމުތަކާ އަޅާބަލާއިރު ވެސް ދެ ގުނަ އަދަދެއް،" ނާޒިމް ވިދާޅުވި އެވެ.
އަންނަ އާދިއްތަ ދުވަހާ ހަމައަށް ޕެރަޑައިސް ރިސޯޓުގައި ބާއްވާ މި ބައްދަލުުވުގައި މައިގަނޑު ގޮތެއްގައި މަޝްވަރާކުރާނީ ތިމާވެއްޓަށް އަންނަ ބަދަލުތަކުން ސިއްހަތަށް ކުރާ އަސަރުތަކާ ގުޅޭ ގޮތުންނެވެ. އަދި މި ސަރަހައްދުގެ ގައުމުތަކަށް ދިމާވާ ސިއްހީ މައްސަލަތަކާ ގުޅޭ ގޮތުން ވެސް މަޝްވަރާކޮށް މުހިއްމު ނިންމުންތަކެއް ނިންމާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
08 September 2017
ކުރާ ހަރަދު ތަކާ އެއްވަރަކަށް ސިއްހީ ހިދުމަތެއް ނުލިބޭ ،އިމާރާތާ ، އިށީންނަ ގޮނޑިޔާ މެސިނަރީ ގެނައިކަމުގާ ވިޔަސް މޭން ޕަވަރ ކަމުގައިވާ ތަޖްރިބާކާރު މުވައްޒަފުންނެތް. މިސާލަކަށް ކާޑިއޯ ކިއު ، ކިޑްނީ ބަލިމީހުންގެ ކިއު .ނާރުތަކުގެ އެނަލައިސް ހަދަންޖެހޭ މީހުންގެ ކިއު 4 މަސް 5 މަސް 6މަހަށް އެރީމަ އެއީ ހިދުމަތް ދެވުމެއްނޫން. އަދި އެމްއާރު އައި ކިއު ބައްލަވާލައްވާ ، މީހުން ހޮސްޕިޓަލަށް ދަނީ ރީތި ގޮނޑިތަކެއް ހުރުމުން އޭގަ އިށިނދެ އޮށޯވެ ނިދާކަށް ނޫން. ދިވެހިން ބޭނުންވަނީ އަވަސް ހިދުމަތް.
ކކގނދ
07 September 2017
ހެލްތު ދާއިރާ ވަނީފެއިލްވެފައި 1970ން 2008ށް މިރީޖަނުގެ ނަމޫނާ ޕަބުލިކު ހެލްތު ސިސްޓަމު އޮތީ މިރާއްޖޭގައި މިހާރު ވަނީ ފެއިލްވެފައި އެޑިޔުކޭޝަންނުން ފޫޅުމައިން ތަމްރީން ކުރާ ހިސާބައް މިހާރު ހެލްތު ސިސްޓަމު ފެއްލަވެފައި
އުޑު
07 September 2017
މީނަ އެކަހަލަ ބޭރު މީހުންގެނެސް ކިތަންމެ އެއްޗެއްކިޔަސް އެއްވެސް ކުރިއެރުމެއް ނެތް ސިއްހީދާއިރާއަށް އައިސްފަކާ އޮތީ ފެއިލުވެފައި އައިޖީއެމްއެޗްއަށް ބަލަމާ ޑޮކްޓަރަށް ދެއްކުމަށް އެތަށްދުވަހަކު ކިއުގައި ތިބެންޖެހުން ، ފެންވަރުހުރި ޑޮކްޓަރުންނެތުން، ބަލިމީހުންނަށް ރަގަޅުފަރުވާ އެއްނުދެވުން،، ބަލިމީހުން ބާއްވާނެ ޖާގަނެތުން، މަރުވާމީހުން ބާއްވާ މޯޓަރީ ފުލްވެ ޖާގަނެތުން އިތުރު މޯޓަރީތައްނެތުން/ ތިބުނާ ބަދަލަކީ މިއީއެވެ.
ދވހ ރއޔތއ
11 September 2017
"ފެއިލް ވުން" މީ މިހާރު މާނަގެއްލިފައިއޮތް ލަފްޒެއް. އަސްލު ފެއިލްނުވާއެތައްކަމަކަށްބޭނުން ކުރުމުން ވާގޮތް އެއީ. ތިވާހަކަ ތިޔައްވުރެން ތަފްސީލް ކުރިއްޔާމާރަނގަޅުވާނެ.
ޢަލް
07 September 2017
ހޭދަ ކުރޭ. ބަލައިގަނޭބާ؟
ހުވަދޫ މޮހޮނު
07 September 2017
ސަރުކާރުން ޞިއްޙީ ދާއިރާއަށް ޚަރަދުކުރަނީ ކޮންމެހެން ރައްޔިތުންނަށް ފެންވަރު ރަގަޅު ބޭސްފަރުވާ ހޯދައިދިނުމަށް ނޫންކަމަށް ސަރުކަރުން އެއްބަސް ވެއްޖެ!
ހުވަދޫ މޮހޮނު
07 September 2017
މިނިސްޓަރ ވިދާޅުވީ ރަގަޅު ވާހަކަފުޅެއް! ރައްޔިތުން ހިތްހަމަޖެހޭފަދަ، އެކަށީގެންވާ ރަގަޅު ޚިދުމަތެއް ދެވޭ ފެންވަރަށް، ރައްޔިތުންގެ ބޭސްފަރުވާއަށް ސަރުކާރުން ޚަރަދެއް ނުކުރޭ! ސަރުކާރުން ޚަރަދުކުރާ ފެންވަރަށް ޚިދުމަތްތައް މިހަރުވެސް ލިބޭ!
ހޯރަ
06 September 2017
ކަލޭމެން ސިންގަޕޫރުން ބޭސް ކުރާ މީހުންނަކަށް ނޭނގޭނެ! އެޕޮއިންޓް މަންޓް ލިބެނީ އެއްއަހަރު ފަހުން. ހެދޭ ޓެސްޓެއް ނޯވޭ ބޮޑު ކަމެއް ވެއްޖިއްޔާ. ދާންޖެހެނީ ބޭރަށް. އާސަންދަ ހޯދަން މަރަށް ތެޅެން ޖެހެނީ ބޭރުން ބޭސް ކުރަން ޖެހިއްޖިއްޔާ. ރާއްޖެތެރޭގަ އެއް ކަމެއްވެސް ނުވޭ.
ތުއްޕުޅު
06 September 2017
މިނިސްޓަރުގެ ވާހަކައިން މުހިއްމު ދެ ނުކުތާ "ބަޖެޓުން މައިގަނޑު ގޮތެއްގައި ބޮޑު ދެ ހަރަދެއް... އެއީ ސިއްހީ ހިދުމަތް ދޭ ތަންތަނުގެ މަރާމާތުތަކަށާއި ފަރުވާއަށް ބޭރަށް ދާ މީހުންނަށް ކުރަން ޖެހޭ ހަރަދުތައް... މާނައަކީ ރާއްޖޭގައި ދެވޭ ޚިދްމަތަށް ކުރަން ޖެހެނީ ނިސްބަތުން ދަށް އަދަދެކޭބާ؟ ތަފާސް ހުސާބު ކޮޅެއް ނެތްބާ؟
އައްޔާ
06 September 2017
ޑރ އެޕޮއިންޓްމަންޓް އަށް އައިޖީއެމްއެޗުން އެދިގެން އުޅޭތާ މަސްދުވަސްވަނީ. ޑރ އަށް ދެއްކިގެނެއްނުން ޚަރަދެއް ދާނީ. ހޭދައެއް ކުރެވޭނީ ހިދުމަތެއް ލިބިގެނެއްނުން.
މެންޓަލިސްޓް
06 September 2017
އަޅުގަނޑުވެސް ދަންނަވާލަންއޮތީ އައިޖީއެމްއެޗްގެ ސިއްހީ ޙިދުމަތްތަށް މިހާރު ކުރިއާއި އަޅައިބަލައިރު ވަރަށްބޮޑުތަން ރަގަޅުކަމުގައި ،،، އަޅުގަނޑަކީވެސް ދޭތެރެދޭރޭން އެތަނަށްގޮސް އުޅޭމީހަކަށް ވުމާޢި އެތަނުގެ ބައެއް ސާރޖަނުންނަކީ އަޅުގަނޑުގެ ކުލާސްމޭޓުންނަށްވީމައި ކޮންމެވެސް ވަރެއްގެ މައުލޫމާތްކޮޅެށް ހިއްސާކޮއްއުޅުނު ،،، އެމީހުންގެ ވާހަކަތަކުން އެނގުނު އެތަނަށް ވަރަށްބޮޑު އެދެވޭ ބަދަލުތަކެށް އަންނަމުން ދާކަމަށް ،،، އަދިއައިކަމަށް ،، އޭގެ މާނައަކީ މިހާރު އަޅަމުންދާ 25 ބުރީގެ އިމާރާތް އެޅުމުގައި ކޮރަޕްޝަން ނެތެކޭނޫން ،،، ވާހަކައަކީ ވާހަކައަކީ ސިއްހީ ޙިދުމަތްތަށް ވަރަށް ބޮޑުތަން ކުރިއާޢި އަޅައިބަަލައިފައި ރަގަޅޭ ،،،، ވަރަށްވެދުން