ސައުދީގެ ޑިފެންސް މިނިސްޓްރީ ގޮއްވާލަން އައިއެސް އިން އުޅެފި

ސައުދީ ޑިފެންސް މިނިސްޓްރީ އަށް ހަމަލާ ދޭން އުޅުނު ކަމުގެ ތުހުމަތުގައި ހައްޔަރުކޮށްފައި ވަނީ ޔަމަނުގެ ދެ މީހަކާއި ސައުދީގެ ދެ މީހެއް.

ހަސަން އާމިރު، މިހާރު

12 ސެޕްޓެމްބަރ 2017 - 12:30

3 comments

ރިޔާޒް (ސެޕްޓެމްބަރު 12) - ސައުދީ އަރަބިއާގެ ޑިފެންސް މިނިސްޓްރީ ގޮއްވާލަން ޖާނުންފިދާވުމުގެ ހަމަލާ ދޭން އުޅުނު އިސްލާމިކް ސްޓޭޓް (އައިއެސް)ގެ ބަޔަކު ހައްޔަރުކޮށްފައިވާ ކަމަށް ސަލާމަތީ އޮފިޝަލުން މިއަދު ބުނެފި އެވެ.

ހަމަލާ ދޭން އުޅުނު ކަމަށް ބުނެފައި ވަނީ ގަވާއިދާ ޚިލާފަށް ސައުދީގައި އުޅެމުންދާ ޔަމަނުގެ ދެ މީހަކާއި ސައުދީ އަރަބިއާގެ ދެ މީހެކެވެ. ސްޓޭޓް ސެކިއުރިޓީން ބުނެފައި ވަނީ އެ މީހުންގެ އަތުން ޖާނުންފިދާވުމުގެ ހަމަލާ ދޭން ބޭނުންކުރާ ސާމާނު ފެނިފައިވާ ކަމަށެވެ. އޭގެ ތެރޭގައި ގޮވާތަކެތި ހަރުކޮށްފައިވާ ޖެކެޓާއި އަތު ބޮން ވެސް ހިމެނޭ ކަމަށް ބުނެފައިވެ އެވެ. ކޮންމެ ބެލްޓެއްގައި ހަތް ކިލޯގެ ގޮވާތަކެތި ހަރުކޮށްފައިވެ އެވެ. މީގެ އިތުރުން ނުވަ އަތު ބޮމާއި ބަޑިބޭހާއި ވަޅި ފަދަ ތަކެތި އެ މީހުން ދިރިއުޅުނު އަލް ރިމާލް ޑިސްޓްރިކްޓުގައި ހުރި ގެއިން ފެނިފައިވާ ކަމަށް ވެސް ސަލާމަތީ އޮފިޝަލުން ބުނެފައިވެ އެވެ. އެ އެއްޗެހި ބޭނުން ކުރާނެ ގޮތުގެ ތަމްރީނު އެ މީހުންނަށް ދީފައިވާ ކަމަށް އޮފިޝަލުން ބުނެފައިވެ އެވެ.

ސައުދީ ރަސްމީ ނޫސް އެޖެންސީން ބުނީ މި މައްސަލަ މިހާރު އިތުރަށް ތަހުގީގު ކުރަމުންދާ ކަމަށެވެ. ސައުދީގެ ސަލާމަތީ ތަންތަނަށް ހަމަލާ ދިނުމަށް އައިއެސްއާ ގުޅުން އޮންނަ ގްރޫޕުން މަސައްކަތް ކޮށްފައި ވަނީ ބޭރުގެ ޕާޓީތަކަކާ ގުޅިގެން ކަމަށް ވެސް ސްޓޭޓް ސެކިއުރިޓީން ބުނެފައިވެ އެވެ.

ސައޫދީ އަރަބިއްޔާ ސުއިސައިޑް ހަމަލާ ޑިފެންސް މިނިސްޓްރީ އިސްލާމިކް ސްޓޭޓް (އައިއެސް)

3 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުޑޭ

13 September 2017

ތީ ސްޓަންޓެއް، ހަމަ ހަދައިގެން ދައްކާ ވާހަކަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައިވެރިބެ

12 September 2017

ގައުމުގައި އޮތް ބަލިމަޑުކަން މިއޮތީ ފެންނަން. ބަޔަކަށް ކޮންމެ ފަދަ ގެއްލުމެއް ދޭންއުޅުނަސް އެކަމާ އުފާކުރާ ބަޔަކު އުޅޭނެ. އެފަދަ މީހުންގެ ސިކުނޑީގައި އުނިކަމެއް ނޫނީ ނުވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޔާ

13 September 2017

ވާހަކަ ރަނގަޅު އަދި ގޮއްވުމަކީ ހައްލެއްވެސްނޫން ނަމަވެސް މިވަގުތު ސައުދީން އަދާކުރަމުންދަނީ މުސްލިމުންނާ އިސްލާމީއުންމަތަށް އެހީތެރިވުމެއްވެސްނޫން... އެމެރިކާޔަކީ އެމީހުންގެ ދިފާއުކަމުގައެއްނުބެލެވޭނެ... އަދި މަމުސްލިމަކަށްވާއިެު މަގޭގެ ގޭގެބިމުގައި ތިބެގެން މަގޭއުންމަތުގެ އަހުންނަށް އަނިޔާދިމަރުމަކީ ސުވާލުއުފެދޭކަމެއް...