ރޮހިންޖާގެ ހާލަތާ ގުޅޭ ގޮތުން ތަގްރީރު ދިނުމަށް އަން ސަން ސޫކީ މިއަދު ވަޑައިގަންނަވަނީ. --ފޮޓޯ:އޭއެފްޕީ
19 ސެޕްޓެމްބަރ 2017 - 14:51
2 comments
ޖަންގޮން (ސެޕްޓެމްބަރު 19) - މިއަންމާގެ ރަކީން ސްޓޭޓުގައި މުސްލިމުންނަށް ދޭ ރަހުމްކުޑަ އަނިޔާތަކާ ގުޅިގެން މިއަންމާ ސިފައިންނަށް ދަތިކުރުމުގެ ފިޔަވަޅު އަޅަން އިންސާނީ ހައްގުތަކަށް މަސައްކަތް ކުރާ ހިއުމަން ރައިޓްސް ވޮޗުން ގޮވާލައިފި އެވެ.
އދ.ގެ ޖެނެރަލް އެސެބްލީގެ ބައްދަލުވުން ނިއު ޔޯކުގައި މިއަދު ފަށާ އިރު ހިއުމަން ރައިޓްސް ވޮޗުން ވަނީ މިއަންމާ ސިފައިންނަށް އަދަބު ދިނުމަށް ދުނިޔޭގެ ގައުމުތަކުގެ ވެރިންގެ ކިބައިން އެދިފަ އެވެ.
"އދ.ގެ ސަލާމަތީ މަޖިލީހާއި ކަމާ ގުޅުން ހުރި ގައުމުތަކުން ޖެހޭ މިއަންމާ ސިފައިންނަށް ދަތި ކުރުމުގެ ފިޔަވަޅު އަޅާ އެ ގައުމަށް ހަތިޔާރު ވިއްކުން ހުއްޓާލަން،" ހިއުމަން ރައިޓްސް ވޮޗުން ނެރުނު ބަޔާނެއްގައި ބުނެފައިވެ އެވެ.
މިއަންމާގެ އަސްކަރިއްޔާ އިން އެ ގައުމުގައި ހުދުމުހުތާރު ވެރިކަން ހިންގި ގާތްގަނޑަކަށް 50 އަހަރު ދުވަހު ތެރޭ ހުޅަނގުގެ ވަރަށް ގިނަ ގައުމުތަކުން އޮތީ މިއަންމާ އަށް ދަތިކުރުމުގެ ފިޔަވަޅު އަޅައިފަ އެވެ. ނަމަވެސް ސިފައިންގެ އަތުން ބާރުތައް ދޫކޮށް ޑިމޮކްރެސީ އަށް މިސްރާބު ޖަހަން ފެށުމާ އެކު، އޭގެ ތެރޭން ގިނަ ފިޔަވަޅުތައް މިހާރު ވަނީ އުވާލައިފަ އެވެ.
މިއަންމާގެ ހަމަނުޖެހުންތަކާ ގުޅިގެން އެ ގައުމުގެ ސްޓޭޓް ކައުންސެލާ އަން ސަން ސޫކީ މިއަދު ދެއްވި ބަޔާނުގައި ވަނީ ބައިނަލްއަގުވާމީ ފާޑުކިޔުންތަކަށް ޖެހިލުން ނުވާ ކަމަށް ވިދާޅުވެފަ އެވެ. ރަކީން ސްޓޭޓުގައި މިއަންމާ ސިފައިން މުސްލިމުންނަށް ދޭ އަނިޔާތަކަށް އިޝާރާތް ނުކުރައްވާ ބައި ގަޑިއިރުގެ ތަގްރީރުގައި އެކަމަނާ ވަނީ މިއަންމާ ސިފައިންގެ ޖަރީމާތަކުގެ ދިފާއުގައި ވާހަކަ ދައްކަވައި ގައުމުގެ ހަމަނުޖެހުންތައް ކޮންޓްރޯލް ވެއްޖެކަން ދައްކަވަން މަސައްކަތް ކުރައްވައިފަ އެވެ.
މިއަންމާގެ ހަމަނުޖެހުންތަކުގެ ސަބަބުން އެ ގައުމު ދޫކޮށް ބަންގްލަދޭޝް އަށް ދިޔަ ރެފިއުޖީންގެ އަދަދު ވަނީ ހަތަރު ލައްކަ އަށް އަރައިފަ އެވެ. ޑޮކްޓާސް ވިތައުޓް ބޯޑާސް އިން އިއްޔެ ވަނީ ހަމަނުޖެހުން ހިނގާ ސަރަހައްދުތަކަށް އެ ޖަމާއަތުގެ މެންބަރުންނަށް ދިއުމުގެ ހުއްދަ ދޭން އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިފްލީން
20 September 2017
ސޫކީއަކީ ބޮޑު ޓެރަރިސްޓެއް؟؟ އޭނަ ދޫކޮއްފަ ބަހައްޓައިގެން ނުވާނެ ހިފައި ހައްޔަރުކޮއް މުސްލިމުންގެ ގައިންބުއި ލޭ އޭނަގެގައިން ލިބެންޖެހޭ އިސްލާމަކު އޮނުދަނޑިއެއް ހިފައިގެން މަގުމައްޗަށް ނުކުތަސް ޓެރަރިސްޓެކޭ ކިޔާފައި ހިފަހައްޓަފާނެ ޓެރަރިސްޓަކީ ދީނެއްނޫން ތިތިބެނީ ހަޤީޤީ ޓެރަރިސްޓުން އ.ދ އިންނާނެ މިހާރު ނިދާފައި
ފާގަ
19 September 2017
އެއްވެސް ފިޔަވަޅެއް ނޭޅޭނެ. އޭގެ ބަދަލުގައި ގައުމުތަކުން މިކަން ރަނގަޅުވެގެން އެ ދަނީ ހަތިޔާރު ވިއްކަމުން. އަޑީގައި އޮތީ އިނގިރޭސީން. ހަމަނުޖެހުން އުފައްދަން ވެއްޖެކަން އަންގަނީ އެމީހުން. އެއީ މުސްލިމުން ވަކިވަރަކަށް ތަނަސްވެ އުފާ ފާގަތިކަމުގައި ދިރިއުޅެން ފެށުމުން. ސޫކީ ޖެހިލުން ވާކަށް ނުޖެހޭ. ބޮޑަތި ގައުމުތައް އޮތޯ އޭނާއާ އެއްކޮޅަށް.