އިދިކޮޅު މެމްބަރުންގެ ޝަރީއަތް މާދަމާ ފަށަނީ

ދައުލަތުން ދައުވާ އުފުލި، އިދިކޮޅު 13 މެމްބަރުން. ---މިހާރު ފޮޓޯތައް

މުހައްމަދު ޔާމީން، މިހާރު

25 ސެޕްޓެމްބަރ 2017 - 13:10

ރައްޔިތުންގެ މަޖިލީހުގެ އިދާރާ އަށް ގަދަކަމުން ވަތް މައްސަލާގައި އިދިކޮޅު 12 މެމްބަރަކަށް ދައުލަތުން ކުރާ ދައުވާތަކުގެ ޝަރީއަތް ކްރިމިނަލް ކޯޓުގައި މާދަމާ ފަށަން ތައްޔާރުވެއްޖެ އެވެ.

މިދިޔަ ޖުލައި 24 ވަނަ ދުވަހު ގަދަކަމުން މަޖިލިހުގެ އިދާރާ އަށް ވަން މައްސަލާގައި އިދިކޮޅު މެމްބަރުންގެ މައްޗަށް ދައުލަތުން ކުރަނީ ގާނޫނު ތަންފީޒު ކުރާ މުވައްޒަފެއްގެ މަސައްކަތަށް ގަސްދުގައި ހުރަސް އެޅުމުގެ ކުށުގެ ދައުވާ އެވެ. އެ ދައުވާ ސާބިތުވެއްޖެ ނަމަ ހަތަރު މަހާއި 24 ދުވަހުގެ ހުކުމެއް އަންނާނެ އެވެ.

މެމްބަރުންގެ މައްޗަށް ދައުލަތުން ކުރާ ދައުވާތަކާ ގުޅިގެން މާދަމާ މެންދުރު ފަހު ތިނެއް ޖަހާއިރަށް ކްރިމިނަލް ކޯޓަށް ހާޒިރުވުމަށް އެ މެމްބަރުންނަށް މިހާރު އަންނަނީ ޗިޓު ފޮނުވަމުންނެވެ. ދައުވާތަކާ ގުޅިގެން ލިޔެކިޔުންތަކާ މެމްބަރުން ހަވާލުވެފައިވާއިރު، ޖިނާއީ އިޖްރާއަތުގެ ގާނޫނުގެ ދަށުން މާދަމާ އޮންނާނީ އިބްތިދާއީ އަޑުއެހުމެވެ.

މަޖިލީހަށް ވަން މައްސަލާގައި، ދައުވާ ކުރަނީ ހިންނަވަރު ދާއިރާގެ މެމްބަރު އަދި އެމްޑީޕީގެ ޕާލަމެންޓްރީ ގުރޫޕުގެ ލީޑަރު އިބްރާހިމް މުހައްމަދު ސޯލިހް (އިބޫ) އާއި ކުރީގެ ޕޮލިސް ކޮމިޝަނަރު އަބްދުﷲ ރިޔާޒާއި ނޮޅިވަރަމް ދާއިރާގެ މެމްބަރު ހުސެއިން އަރީފާއި ހިތަދޫ އުތުރު ދާއިރާގެ މުހައްމަދު އަސްލަމާއި ހެންވޭރު ދެކުނު ދާއިރާގެ މުހައްމަދު އަބްދުލް ކަރީމް (ރުކުމާ) އާއި ހެންވޭރު އުތުރު ދާއިރާގެ މެމްބަރު އަދި މަޖިލިހުގެ ކުރީގެ ރައީސް އަބްދުﷲ ޝާހިދާއި ހިތަދޫ މެދު ދާއިރާގެ އިބްރާހިމް މުހައްމަދު ދީދީ އާއި މާފަންނު ހުޅަނގު ދާއިރާގެ މުހައްމަދު ފަލާހް އާއި ކެންދޫ ދާއިރާގެ މެމްބަރު އަލީ ހުސެއިންގެ މައްޗަށެވެ.

މީގެ އިތުރުން އިލެކްޝަންސް ކޮމިޝަން (އީސީ) އިން ގޮނޑި ގެއްލުނު ކަމަށް ކަނޑައެޅި މަޑުއްވަރީ ދާއިރާގެ މެމްބަރު މުހައްމަދު އަމީތާއި ވިލިނިގިލީ ދާއިރާގެ މެމްބަރު ސައުދު ހުސެއިނާއި ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމް (ލޯޔަރު ވައްޑެ) ގެ މައްޗަށް ވެސް ދައުވާ ކުރެ އެވެ.

ސައުދާއި އަމީތާއި ވަހީދާ ދެކޮޅަށް ދެ ދައުވާއެއް ކުރެ އެވެ. އެއީ ގާނޫނު ތަންފީޒު ކުރާ މުވައްޒަފެއްގެ ވާޖިބަށް ހުރަސް އެޅުމުގެ ދައުވާގެ އިތުރުން ހުއްދަ ނޫން ތަނަކަށް ވަނުމުގެ ދައުވާ އެވެ. ދެ ދައުވާ ސާބިތުވެއްޖެނަމަ، މެމްބަރުންނަށް ހަތަރު މަހަށް ވުރެ ބޮޑު ހުކުމެއް އަންނާނެ ކަމަށް ބެލެވެ އެވެ.

މީގެ އިތުރުން ދިއްގަރު ދާއިރާގެ މެމްބަރު އަދި ކުރީގެ ރައީސް މައުމޫން އަބްދުލް ގައްޔޫމްގެ ދަރިކަލުން އަހުމަދު ފާރިސްގެ މައްޗަށް ވަނީ މެމްބަރުންނަށް ރިޝްވަތު ހުށަހެޅުމުގެ ދައުވާ އުފުލައިފަ އެވެ. އެ މައްސަލައިގެ އިތުރުން ޝަހްސު އޮޅުވާލި ކަމަށް ބުނެ، ފާރިސްގެ މައްޗަށް ދަނީ ޝަރީއަތް ހިންގަމުންނެވެ.

މެމްބަރުކަމުގެ ގޮނޑި ގެއްްލޭޭނީ އެއް އަހަރަށް ވުރެ ދިގު ހުކުމެއް އައުމުންނެވެ. އެއަށް ވުރެ ކުރު ހުކުމެއް އައިސްގެން ގޮނޑި ނުގެއްލުނަސް ހުކުމުގެ މުއްދަތުގައި މަޖިލީހަށް ހާޒިރެއް ނުވެވޭނެ އެވެ.

Idhikolhu memberun ge shareeaiy fashan thayyaaru vejje

The most trusted news source in the Maldives

Mihaaru

ރައްޔިތުންގެ މަޖިލިސް ޕްރޮސެކިއުޓާ ޖެނެރަލް ކްރިމިނަލް ކޯޓް އިދިކޮޅު ފަރާތްތައް މަޖިލީހުގެ މެމްބަރުން ޕީޖީ އޮފީސް ރާއްޖޭގެ ސިޔާސީ ހަމަނުޖެހުން

30 ކޮމެންޓް, 57 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުމަރު

26 September 2017

މިގޮތަށް އިދިކޮޅު މެމްބަރުން ޖަލައްލައިގެން ކޯޓްތަކަށް ދަމައިގެން 2018 ގެ އިންތިހާބު ކާމިޔާބް ކުރެވޭނެކަމަކަށް ރައީސް ޔާމީނު ހީފުޅުކޮށްގެންނުވާނެ، އަދި ތިޔަގޮތަށް ހުރިހައި މީހުން ޖަލައްލައިގެން ވެރިކަން ކުރެވޭނެކަމަކަށްވެސް ދެކިގެންނުވާނެ، ރައީސް ޔާމީނު ތިޔަ ހިންގަނީ ރާއްޖެއަށް ދެވަނަ ބޮޑު ހަނގުރާމަ، ތިޔަ ހަނގުރާމަ ނިމުނީމަ ރައީސް ޔާމީނުގެ ޖަނަރަލްތަށް އަދި ކެބިނެޓް މިނިސްޓަރުން ކޯޓުގެ ފަނޑިޔާރުގެ ކުރިމައްޗަށް ގެނެވޭނެ އަދި ރާއްޖޭގެ ޤާނޫނުތަށް އައިސް ހަމަކުރާނެ، އެއީ ޔަގީންކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީނު

26 September 2017

މިއުޅެނީ އަނެއް ޑްރާމާ ކުޅެން.. ޕީޕީގެ ދަރުބާރު ފެކްޝަނުގެ މީހުންނަކީ ހަސަދަވެރި ހީލަތްތެރި ބައެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދަބު

25 September 2017

ޤަނޫނުގައި އޮތް އެއްމެ ބޮޑު އަދަބެއް ދޭނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯލް

25 September 2017

ފްޓްބޯލް މެޗެއް ކުޅެން އަރާއިރު ވެސް ޔާމީނު ވެރިކަން ކުރާ ގޮތަށް ރެޑީ ވެގެން ދަޑަށް އަރާން ވީ ނޫން ތޯއެވެ؟ އެކަމަކު އިދިކޮޅު ޓީމުގައި ތިބި މޮޅެތި ކުޅުން ތެރިންގެ ގަޔަށް ބަޑިޖަހާ މަރާފައި މޮޅުވެގެން ފޭބުމަކީ މޮޅުވުން ކަމަކަށް ނުވާނެއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްގު

25 September 2017

45މެމްބަރުން ހޯދަން މިވެރިން މަސައްކަތްކުރަނީ ﷲ އިރާދަކުރެއްވިއްޔާ ނުވާނެ އެކަމެއް އަދުލުވެރި ނުވެވޭ ވެރިންނަށް ނާކާމިޔާބާ ކުރިމަތިކުރައްވާށި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

25 September 2017

މަޖިލީހަށް ވަންނަން ދިޔަ މެމްބަރުން ނަށް ހުރަސް އެޅުން އެއީ ފުލުހުންނަށް ކުރެވޭޏެ ކަމެއް ނޫން، މަޖިލިސްކުރާގެ އެއްވެސް ސަބަބަކާ ހެދި ބަންދުކުރަން ޖެހިއްޖެނަމަ އެކަން މެމްބަރުންނަށް އަންގަންޖެހޭނީ މިޖިލީހުގެ ރައީސް. ދިވެހި ކޮންމެ ރައްޔިތަކަށްމެއް އެބަ އެނގޭ އެދުވަހު މަޖިލިހަށް މެމްބަރުން ވަނުމަށް ފުލުހުން ހުރަސް އަޅަންޖެހުނު ސަބަބާއި މަގުސަދު. ޤާނޫނުތަކާޢި އުސޫލުތަކާޢި ހަމަތަކުން މަޖިލީސް ހިންގާނަމަ މިފަދަ ކަންކަން ދިމައެއް ނުވާނެ. މަޖިލީހުގެ ރައީސްގެ ގޮތުގައި ހުރި މަސީހް ގަދަބާރުން ކަންކަން ކުރަން އުޅުނީމަ ވާގޮތްމީ. ދެންވެސް ގޮތް ދޫކޮށްލާފައި މަޖިލިހުގެ ޤާނޫނުތަކާއި ޤަވާއިދުގެ މަތިން ހިންގަނަް ފުރުސަތު ދި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯނެއް ބުރުމާ1

25 September 2017

މަޖިލީހުގެ ޖަލްސާ ނޯންނާނެވާހަކަ އަންގާފަ އޮތީ، އަދި މެމްބަރުން ނޫންމީހުން ވެސް ފާރުމަތީން ވަދެ އިންޑިޔާ އެމްބެސެޑަރު ގެންނަން ރާވާފަ އޮތީ! މިކަހަލަ ކަންތަކަކީ ފަސޭހައިން ދޫކޮށްލެވޭނެ ކަންތަކެއްނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޅުވެރިން

25 September 2017

ކުށްކުރީމައި މަޖްލިސް މެންބަރެއް، އަނެކެއް ތަފާތުވެގެން ނުވާނެ! ފިހާރައަކުން ލޯޝަން ފުޅިއެއް ވަގަށް ނަގާ މީހާ ޖަލަށް އެބަލާ ތިންހަތަރު އަހަރަށް. ސިފައިންނާއި ފުލުހުންގެ ޒިންމާއަށް ހުރަސްއަޅައި، މަޖްލިސް ހަލަބޮލިކޮށް، އެތަނުގެ ތަކެއްޗަށް ގެއްލުންދީ، ޖަލްސާތައް ބޭއްވުމަށް ހުރަސްއަޅާ ނުރައްކާތެރި މުޖްރިމުންނަށް ފިޔަވަޅު ނާޅައި ދޫކޮށްގެން ނުވާނެ! ޢާންމު ރައްޔިތަކު ކުށެއް ކުރުމާއި، މަޖްލިސް މެންބަރަކު ކުށްކުރުމާ ވަރަށް ތަފާތު! މިއީ ﷲ ގަންދީފައި ހުވާކޮށްގެންތިބި، ކޮންމެ މަހަކު ބަޔާހިބައިގެ މުސާރަ ނަގައިގެން ތިބޭ ބައެއް! އެހެން މީހުނަށް ދޭ އަދަބުގެ ދެގުނު ތިންގުނަ މިމީހުންނަށް ދޭންޖެހޭނެ!! ކުށްކުރުމަށް ހަރުއަޑުން ނޫނެކޭ ބުނަން އެބަޖެހޭ! އެހެން ނޫނީ މުޖްތަމަޢު ސަލާމަތެއް ނުވާނެ!! ދައުލަތުގެ ޒިންމާދާރު މަސްއޫލުވެރިންގެ ގޮތުގައި ތިބެގެން މިމީހުން ރައްޔިތުންނަށް، ވަކިން ޚާއްޞަކޮށް ޒުވާނުންނަށް ދައްކަމުން މިގެންދަނީ ވަރަށް ނުބައި ނަމޫނާތަކެއް! މިމީހުންނާ މެދު ހަރުކަށި ފިޔަވަޅު އެޅުމަށް ގޮވާލަން!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކަމަކު

25 September 2017

ލާރިގޯނި ހިފައިގެން ދުވިމީހާ ޖަލަކަށްނުލާ އެހެންވީމާ އެންމްނޭ ނުކިޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުކުރާތި

25 September 2017

ކޮން ކުށެއް ކުރީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބެ

25 September 2017

ގަޓް ހުރި ލީޑަރެއް ބޭނުންވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޓް ރައީސް

25 September 2017

އެ ލީޑަރަކީ ޔާމީނު އެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

25 September 2017

އާދެމަޖިލިސް ހުޅުވެންވާއިރަށް ފަޓާސްބަރިއެއްހެން ތިޔަ 13 މީހުންނަށް ހުކުމްކޮއްލާ ،،، އޭރުން ގަޓްހުރިމީހަކަށްވާނީ ،، ފަހުންވާއެއްޗެއް ބަލާނެކަމެށްނެތް ،،، ތިމާއަމިއްލަޔަށް ތިމާގެ އަނދަވަޅުކޮނެވުނަސް އަޅާލާނެކަމެށްނެތް ،،، ފަހުންވާއެއްޗެއް ވެދާނެ ،،، ފިސާރި ރިކޯޑްތަށް ޖެހޭނެ ވެރިކަމުގައި ހަދަން ،، އޭރުން އަންނައޮތް ޖީލްތަކުގައި ތިމާގެ ވާހަކަތަށް މީހުންދައްކާ ތާރީޙީފޮތްފޮތުގައި ލިއެވިގެންދާނީ ،، ކަޅުފައިސާއާޢި ކޮރަޕްޝަންކުރިއަރުވަމުންގޮސް މުޅިގައުމު އެސިސްޓަމަށް ތަބާވީމައި ހުރިހާ އެންމެނަށްވެސް ކަމުދާނީ ޔާމިން ،،، ތިޔަވާނެ ވަރަށް ކާމިޔާބް އެކްސްޕެރިމެންޓްއަކަށް ،،، ޑިމޮކްރެސީގައި އޮންނާނީ ޗެކް އެންޑް ބެލެންސް ،،، އެވެދާނެ ބޭންކް ޗެކްއާޢި ބޭންކް ބެލެންސްއަށްވެސް ،،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮންވައްތަރު

25 September 2017

ޤާޒީން މި އުޅެނީ ހަމަ މި 12 މެމްބަރުން ވެސް ޖަލަން ލާންތަ؟ މަޖްލީސް މެމްބަރުން މަޖްލީހަށް ވަނުން ސިފައިން "މަނާ" ކޮށްފައި ވަނީ ކޮށް މަޖްލީހަށް މެމްބަރުން ވަނުމަކީ ކުށެއް ކަމަށް ޤާޒީން ޤަބޫލް ކުރަނީތަ؟