ކުޅުދުއްފުއްޓާއި ފަރުކޮޅުފުނަދޫ އަދި މާފަރު އެއާޕޯޓުގެ މަސައްކަތް މިއަހަރު ފަށާނަން: ރައީސް ޔާމީން

ކޫއްޑޫ އެއާޕޯޓު ތަރައްގީ ކުރުމަށް ފަހު، ރައީސް ޔާމީން އެތަން މިއަދު އަލުން ރަސްމީކޮށް ހުޅުއްވައި ދެއްވަނީ.---ފޮޓޯ: ރައީސް އޮފީސް

މުހައްމަދު ޔާމީން، މިހާރު

25 ސެޕްޓެމްބަރ 2017 - 18:48

55 comments

ރާއްޖޭގެ ތިން ރަށެއްގައި އެއާޕޯޓު އެޅުމުގެ އަމަލީ މަސައްކަތް މި އަހަރު ފަށާނެ ކަމަށް ރައީސް އަބްދުﷲ ޔާމީން މިއަދު ވިދާޅުވެއްޖެ އެވެ.

ކޫއްޑޫ އެއާޕޯޓު ތަރައްގީ ކުރުމަށް ފަހު އަލުން ހުޅުވުމަށް އެ ރަށުގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުން ރައީސް ޔާމީން ވިދާޅުވި ގޮތުގައި އެއާޕޯޓު އެޅުމުގެ މަސައްކަތް ފަށާނެ ތިން ރަށަކީ ހދ. ކުޅުދުއްފުއްޓާއި ށ. ފަރުކޮޅުފުނަދޫ އަދި ނ. މާފަރުގެ އެއާޕޯޓެވެ.

"މި ތިން އެއާޕޯޓުގެ މަސައްކަތް ދައުލަތުގެ ބަޖެޓުންނާއި ބޭރުގެ އެހީއާއެކު މި އަހަރުގެ ތެރޭގައި މަސައްކަތް ފަށާނަން،" ގިނަ ބަޔަކު ބައިވެރިވި ޖަލްސާގައި ރައީސް ވިދާޅުވި އެވެ.

ކޫއްޑޫ އެއާޕޯޓު ތަރައްގީ ކުރުމަށް ފަހު، އެތަން ރަސްމީކޮށް އަލުން ހުޅުވުމަށް މިއަދު ބޭއްވި ރަސްމިއްޔާތަށް ރައީސް ޔާމީން ވަޑައިގަތުމުން މަރުހަބާ ދަންނަވަނީ.---ފޮޓޯ: ރައީސް އޮފީސް

އެމަނިކުފާނު ފާހަގަކުރެއްވި ގޮތުގައި ރާއްޖޭގައި ވައިގެ ބަނދަރުތައް ހެދުމަކީ ކުރިން އުނދަގޫ ކަމަކަށް ވިޔަސް، އެކަން ކުރަން މިހާރު ފަސޭހަ އެވެ. ރާއްޖޭގައި އެއާޕޯޓުތައް އެޅުމަކީ ދިވެހިން ދަތުރު ކުރުމަށް ލިބޭނެ އިތުރު ފަސޭހައެއް ކަން ފާހަގަ ކުރައްވައި، ރައީސް ވިދާޅުވީ އެއާޕޯޓުތައް އެޅުމަކީ އިގުތިސާދީ ގޮތުން ރާއްޖެ އަށް އިތުރު ތަނަވަސްކަމެއް ލިބޭނެ ކަމެއް ކަމަށެވެ.

"މި ދާއިރާތަކުން މަސްވެރިކަމާ އެކީގައި ޓޫރިޒަމްގެ ސިނާއަތް ފުޅާވެގެން ދިޔައީމަ އަޅުގަނޑުމެންގެ އާބާދީ އަށް އިތުރު ފައިދާތަކެއް ލިބިގެންދޭ. ވަޒީފާގެ ފުރުސަތު އިތުރުވެގެން ދޭ. މި ނޫން އެތައް ވިޔަފާރިތައް، ޓޫރިޒަމާ ގުޅުން ހުރި ވިޔަފާރިތައް އިތުރުވެގެން ދޭ،" ރައީސް ވިދާޅުވި އެވެ.

ކޫއްޑޫ އެއާޕޯޓު ތަރައްގީ ކުރުމަށް ފަހު، އެތަން ރަސްމީކޮށް އަލުން ހުޅުވުމަށް މިއަދު ބޭއްވި ރަސްމިއްޔާތުގައި ބައިވެރިވި ބައެއް މީހުން.---ފޮޓޯ: ރައީސް އޮފީސް

ރައީސް ޔާމީން ވިދާޅުވި ގޮތުގައި މިއީ އިންވެސްޓަރުންނާ ރައްޓެހި ސަރުކާރެކެވެ. އެގޮތުން ސިންގަޕޫރުގެ އިންވެސްޓަރުން ރާއްޖޭގައި އިންވެސްޓްކުރަމުން އަންނަ ކަން އެމަނިކުފާނު ފާހަގަކުރެއްވި އެވެ.

ތިން ރަށެއްގައި އެއާޕޯޓު އެޅުމުގެ މަސައްކަތް ފަށާނެ ކަމަށް ރައީސް ވިދާޅުވިއިރު، ފަސް ރަށެއްގައި ޑޮމެސްޓިކް އެއާޕޯޓް އަޅަން 57.7 މިލިއަން ޑޮލަރަށް މެލޭޝިއާގެ ކުންފުންޏަކާ ޓޫރިޒަމް މިނިސްޓްރީން މިދިޔަ މާޗު މަހުގެ ކުރީކޮޅު ވަނީ ހަވާލުކޮށްފަ އެވެ. އެ ފަސް ރަށުގެ ތެރޭގައި ކުޅުދުއްފުށީގެ އިތުރުން ށ. ފުނަދު އާއި ފ. ނިލަންދު އާއި ގދ. މާވަރުލު އަދި ގދ. ފަރެސްމާތޮޑާ ހިމެނެ އެވެ.

ތަރައްގީގެ މަޝްރޫއުތައް ދިވެހި ސަރުކާރު ހދ. ކުޅުދުއްފުށި ނ. މާފަރު ރައީސް އަބްދުﷲ ޔާމީން ށ. ފަރުކޮޅު

55 ކޮމެންޓް, 61 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަށްޑޫ މީހާ

26 September 2017

ގެއިން ބަދިގެޔަށް އެއަރޕޯޓް. ލާރި ގިނަވީތާދޯ. ހެޔޮ ނުވާނެ ގައުމުގަ ފުލެޓްއާ އެއަރޕޯޓްނާޅާ އެ ބޭނުންކުރަން އުޅޭ ޒުވާނުން މަރުން ސަލާމަތް ކޮށްދީފާނަންތަ. ފުލުހުންނާ ސިފައިން ބޭނުންކުރަނީ ޕާކު އެޅުމަށްއެކަނި. ރައްޔިތުން ސަލާމަތްކުރުމަށް ކުރާ އެއްވެސް ކަމެއް ނެތް. މިއޮތީވާ ސަރުކާރެއް.2018ގަ ނާންނާތި އާދޭސްކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހުމަދު

26 September 2017

ޥ.ދެރަވެއްޖެ.ގައްދޫ. ރައްޔިތުންގެ އުންމީދުތައް ފުނޑުފުނޑު ވެެއްޖެ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިލަދުންމަތީގެ އާދޭސް

26 September 2017

ފަރުކޮލު ފުންދޫގައި އެއާރޕޯރޓް އަޅައިގެން ށ.ގޮއިދޫ ، ކަނޑިތީމު ، ބިލެއްފަހި ، ފޭދޫ ، ނޫމަރާ ، ފޯކައިދޫ، މަރޮށި ........ މީހުންނަށް ވާނެ ފައިދާއެއް ނޯންނާނެ!!! މި ސަރުކާރަށް މުހިންމީ ދެތިން ރަށެއްގެ މަސްލަހަތުތޯ ނޫނީ މެޖޯރިޓީ ރަށްތަކުގެ މަސްލަހަތުތޯ؟؟ ގައިމުވެސް ވޯޓެއް ހޯދަން ބެލިޔަސް މި ރަށްތައް އެއްގަލަކަށް އަރައިފިއްޔާ ހޯދާކަށް ލާހިކެއް ނޫން! މިހާ އޯގާތެރި ސަރުކާރެއް ވިއްޔާ ރައްޔިތުންނަށް ފަސޭހަވާނެ ގޮތަކަށް ކަންތައްތައް ކޮށްދިނުން އެދެން އަދި މި ކޮމެންޓް ޖަހާލަދޭނެ ކަމަށްވެސް އުންމީދުކުރަން. ވަރަށް ސަލާމް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަހާ

26 September 2017

ހަގީގަތުގަ ކުޅުދުއްފުށީގަ އެއަރޕޯރޓެއް އެޅުން އެއީ އެރަށަށްވެސް ލިބޭ ގެއްލުމެއް އެތައްބަޔަކު ދިރިއުޅެން އޮތް ބިންކޮޅުވެސް ގެއްލުނީ ދެރަކަމެއް ކުޅުދުއްފުށީ ރައްޔިތުންނަށް ކަމެއް ކޮންދެންޏާ އެއަރޕޯރޓް ހަދަންވީ ނޮޅިވަރަމްގަ