ޝަރޫއިން މޮރިޝަސް ބޭންކަށް ކުރި ދައުވާ ނަގައިފި

އެމްސީބީ މާލޭ ބްރާންޗް: ޝަރޫއިން ދައުވާކުރީ ޑޮލަރު ނުދެވުނީ އެމްސީބީގެ އިހުމާލުން ކަމަށް ބުނެ --ފޮޓޯ/މިހާރު

މުއިއްޒު އިބްރާހިމް، މިހާރު

03 އޮކްޓޯބަރ 2017 - 10:58

ސަރުކާރުގެ ދެ ކުންފުންޏެއް ކަމަށްވާ ފެނަކަ އާއި ސްޓެލްކޯ އަށް ޑޮލަރު ވިއްކުމަށް ޝަރޫ ލޯންޗް ސާވިސް އިން ހިންގި މުއާމަލާތުގައި މޮރިޝަސް ކޮމާޝަލް ބޭންކް (އެމްސީބީ) އިން އަމަލު ކުރި ގޮތުން ގެއްލުން ވެފައިވާ ކަމަށް ބުނެ އެމްސީބީ އަތުން 150 މިލިއަން ރުފިޔާ ހޯދަން ޝަރޫ ކުންފުނިން ކުރި ދައުވާ އަނބުރާ ގެންގޮސްފި އެވެ.

ފެނަކަ އާއި ސްޓެލްކޯ އަށް ގިނަ އަދަދެއްގެ ޑޮލަރު ވިއްކުމަށް ޝަރޫ އިން ބޭންކަށް ފައިސާ ދިނުމުން ބޭންކުން ޑޮލަރު ނުދިން މައްސަލައިގައި ޝަރޫ އިން އެމްސީބީއާ ދެކޮޅަށް ދައުވާކުރީ އެ މުއާމަލާތުގައި ޝަރޫ އަށް ޑޮލަރު ދޫކުރަން އެމްސީބީން ދެކޮޅު ހެދި ކަމަށް ބުނެ އެވެ.

އެ މައްސަލައިގައި ގެއްލުމުގެ ބަދަލުގެ ގޮތުގައި 150 މިލިއަން ރުފިޔާ ހޯދަން އެމްސީބީއާ ދެކޮޅަށް ކުރި ދައުވާ ޝަރޫ އިން މިދިޔަ ބުރާސްފަތި ދުވަހު އަނބުރާ ގެންދިޔައީ އެ މައްސަލައިގެ ހުކުމް އެ ދުވަހު އިއްވަން ކޯޓުން ހަމަޖައްސާފައި ވަނިކޮށެވެ.

އެމްސީބީއާ ދެކޮޅަށް ކުރި ދައުވާ އަނބުރާ ގެންދިޔައީ ޑޮލަރު ގަތުމަށް ފެނަކަ އާއި ސްޓެލްކޯ އިން އެ ކުންފުންޏަށް ދެއްކި ފައިސާ އަނބުރާ އެ ދެ ކުންފުންޏަށް ދެއްކުމަށް ކޯޓުން ކުރިން ހުކުމް ކޮށްފައި ވަނިކޮށެވެ. ޑޮލަރު ގަތުމަށް ފެނަކަ އިން 17 މިލިއަން ރުފިޔާ ދިން އިރު ސްޓެލްކޯ އިން ތިން މިލިއަން ރުފިޔާ ދިނެވެ. އެ ހުރިހާ ފައިސާއެއް އަނބުރާ ދައްކަން ޝަރޫ އަށް މިހާރު ވަނީ ޖެހިފަ އެވެ.

ފެނަކަ އަށް ޑޮލަރު ދޭނެ ކަމަށް ބުނެ ފައިސާ ނެގި މައްސަލަ ކުރިން ފުލުހުން ވެސް ބެލި އެވެ. އެ މައްސަލައިގައި ބައެއް މީހުން އޭރު ހައްޔަރު ވެސް ކުރި އެވެ.

ސިވިލް ކޯޓް ސްޓެލްކޯ ޑޮލަރު ފެނަކަ ކޯޕަރޭޝަން އެމްސީބީ މޯލްޑިވްސް

3 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޛަހާ

04 October 2017

ތިޔައީ އައްޑޫ މީހުން ގެ ތަނެއް، ކުންފުނިއަށް ނަން ދީފަވަނީ އަނބި ގޮއްޔެގެ ނަމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިއްޒު

04 October 2017

މޮރިޝަޝް ބޭންކް ހުރި ހުރިހާ ފައިސާއެއް ކޯޓު މެދުވެރިކޮށް ޝަރޫއަށް ހޯދަދީފާނެތީ ބޭންކުން ބިރުގަތީ. އެހެންވީމަ ބޭންކުން ފައިސާކޮޅެއް ޝަރޫއަށް ދީފަ ތިކަމް ތިހައްލުކުރީ. ޕިންކޭ މެން ދަންނަމޭ ޝަރޫ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިރުގަންނަނީ ކާކުދެކެ

03 October 2017

މި ޝަރޫ ލާންޗު ސާވިސް މީ ކޮންބައެއްގެ ހިއްސާ އޮންނަ ކުންފުންޏެއްތޯ އެއްވެސް ނޫހަކުން ނުބުނަނީ ކީއްވެތޯ؟ ގުލޭމް ސެލޫނުގެ ކޯޓުކޭހާ ބެހޭ ހަބަރުގައި އެތަނުގެ ހިއްސާދާރުންގެ މައުލޫމާތު ހިމަނާފައޮތް.