ޓީޗަރުންގެ ދުވަސް ފާހަގަ ކުރުމަށް ބ. އަތޮޅު ތައުލީމީ މަރުކަޒުގެ ޓީޗަރުންނަށް ދަރިވަރުން މަރުހަބާ ކިޔަނީ: މި ދުވަސް ރާއްޖޭގެ ހުރިހާ ސްކޫލެއްގައި ކުލަ ގަދަކޮށް އަންނަނީ ފާހަގަ ކުރަމުން-- ފޮޓޯ: ތޯރިގް އަބްދުއްރަހުމާން
05 އޮކްޓޯބަރ 2017 - 11:49
15 comments
ސްކޫލުތަކަށް އަންނަ އެންމެ އުފާވެރި އެއް ދުވަހަކީ ޓީޗަރުންގެ ދުވަހެވެ. މިކަން ރާއްޖޭގެ ހުރިހާ ސްކޫލަކުން މިއަދާއި އިއްޔެ ވަނީ ފެނިފަ އެވެ.
މިއަދު ފާހަގަކުރާ ބައިނަލްއަގްވާމީ ޓީޗަރުންގެ ދުވަހުގެ ހަރަކާތްތައް ވަރަށް ފޯރީގައި ކުރިއަށް ގެންދިޔަ އެވެ.
ޓީޗަރުންގެ ދުވަސް މިއަދު މާލޭގައި ފާހަގަކުރި ސްކޫލުތަކުގެ ތެރޭގައި ހިރިޔާ އާއި ހުޅުމާލޭ ރެހެންދި ސްކޫލާއި ގާޒީ ސްކޫލާއި ސީއެޗްއެސްއީ އާއި އަހުމަދިއްޔާ އިންޓަނޭޝަނަލް ސްކޫލާއި ގިޔާސުއްދީން އިންޓަނޭޝަނަލް ސްކޫލާއި ގަލޮޅު މަދަރުސާ އަދި މާފަންނު މަދަރުސާ ހިމެނެ އެވެ.
ކަލާފާނު ސްކޫލާއި ތާޖުއްދީން ސްކޫލާއި އަމީނިއްޔާ ސްކޫލު އަދި އަރަބިއްޔާ ސްކޫލުގައި އިއްޔެ ވަނީ ދުވަހުގެ ހަރަކާތްތައް ނިންމާލާފަ އެވެ.
ޓީޗަރުންގެ ދުވަސް ފާހަގަ ކުރުމަށް ހިންގި ހަރަކާތެއްގައި ތާޖުއްދީން ސްކޫލުގެ ޓީޗަރުންތަކެއް ބައިވެރިވަނީ:-- ފޮޓޯ: ހުސެން ވަހީދު/ މިހާރު
ޓީޗަރުންގެ ދުވަސް ފާހަގަކުރުމަށް، މިއިން ކޮންމެ ސްކޫލެއް ވެސް ވަނީ ވަރަށް ބޮޑަށް ޒީނަތްތެރިކޮށްފަ އެވެ. އެކި ކުލަތަކުގެ ފުއްޕާހަމާއި ކަރުދާސްތަކުން ސްކޫލު ރީތިކޮށްފައިވާއިރު، ދަރިވަރުންގެ ފަރާތުން އެތައް "ސަޕްރައިޒްތަކެއް" ޓީޗަރުންނަށް ލިބުނެވެ.
"ޓީޗަރުން މިއަދު ސްކޫލަށް ވަދެގެން އައި އިރު، ދަރިވަރުން އެއިން ކޮންމެ ޓީޗަރަކަށް ވެސް މާބޮނޑިއެއް ދިން. އަދި ޓީޗަރުންނާ އެކު ސައިބޮއެ، މަޖާކޮށް ހެދި،" ޓީޗަރުންގެ ދުވަހުގެ ހަރަކާތްތަކާ ގުޅޭ ގޮތުން އިސްކަންދަރު ސްކޫލުގެ ޕްރިންސިޕަލް ހުސެން ސައީދު ވިދާޅުވި އެވެ.
ޓީޗަރުންގެ ދުވަސް ފާހަގަކުރުމަށް އެ ސްކޫލުގައި އެކި ހަރަކާތްތައް ބާއްވާތާ މިހާރު ހަފުތާއެއް ވެއްޖެ އެވެ. ކޮންމެ ދުވަހަކު ވެސް ކޮންމެވެސް މުބާރާތެއް ޓީޗަރުންނަށް ބާއްވާ ކަމަށާއި އެ މުބާރާތްތަކުން ވަނަތައް ހޯދި ޓީޗަރުންނަށް، މާދަމާ ރޭ އިނާމުތައް ހަވާލުކުރާނެ ކަމަށް އޭނާ ވިދާޅުވި އެވެ.
ޓީޗަރުންގެ ދުވަސް ފާހަގަ ކުރުމަށް ބ. އަތޮޅު ތައުލީމީ މަރުކަޒުގައި ޓީޗަރުން ކޭކު ފަޅާއިރު ދަރިވަރުން އެ ހަރަކާތުގައި ބައިވެރިވަނީ-- މިހާރު ފޮޓޯ: ތޯރިގު އަބްދުއްރަހުމާން
ހެނދުނު ބޭއްވި ހަރަކާތްތަކަށް ފަހު، ދަރިވަރުންނަށް ހާއްސަކޮށްގެން އެ ސްކޫލުގައި އިތުރު ހަރަކާތްތަކެއް މިއަދު ހަވީރު ބާއްވަން ވަނީ ނިންމާފަ އެވެ.
ހިރިޔާ ސްކޫލުގައި މިއަދުގެ ހަރަކާތްތައް ފެށީ، ޓީޗަރުންނަށް ހާއްސަކޮށްގެން ސިޓްރަން ރެސްޓޯރަންޓުގައި ބޭއްވި ހެނދުނުގެ ސަޔަކުންނެވެ. މެރޫން ކުލައިގެ ހެދުމުގައި، އެ ސްކޫލުގެ ހުރިހާ ޓީޗަރުން މިއަދު ހެނދުނު އާޓިފިޝަލް ބީޗަށް އެއްވުމުން، ޓީޗަރުން ރެސްޓޯރަންޓަށް ގެންދިޔައީ ސްކޫލު ބޭންޑުގެ މިއުޒިކާ އެކު އެވެ.
އިސްކަންދަރެކޭ އެއްގޮތަށް ހިރިޔާގައި ވެސް މި ހަރަކާތްތައް ކުރިއަށް ގެންދާތާ މިހާރު ހަފުތާއެއް ވެއްޖެ އެވެ. ސަޔަށް ފަހު ހެނދުނުގެ ހަރަކާތްތައް ނިންމާލި ނަމަވެސް، މެންދުރު ފަހު ދަރިވަރުންނަށް ހާއްސަކޮށްގެން ކުޅިވަރުތައް ބާއްވަން ވަނީ ނިންމާފަ އެވެ.
ޓީޗަރުންގެ ދުވަސް ފާހަގަކުރަން ބޭއްވި ހަރަކާތެއްގައި އިސްކަންދަރު ސްކޫލުގެ ޓީޗަރުންނާއި ދަރިވަރުންތަކެއް ބައިވެރިވަނީ-- ފޮޓޯ: ހުސެން ވަހީދު/ މިހާރު
މި އަހަރުގެ ޓީޗަރުންގެ ދުވަސް ފާހަގަކުރާއިރު އޯލެވެލްގެ ޓެސްޓުތައް ވެސް އެބަ ކުރިއަށް ދެ އެވެ. އެހެންވެ، ހުރިހާ ހަރަކާތެއް ވެސް ބާއްވަން ޖެހުނީ ޓެސްޓު ހަދާ ކުދިންނަށް ދަތިނުވާ ގޮތަށް، އެކި ވަގުތުތަކަށް ބަހާލައިގެންނެވެ.
މާލޭގެ ސްކޫލުތަކެކޭ އެއްގޮތަށް، ރާއްޖޭގެ ހުރިހާ ރަށެއްގެ ސްކޫލުތަކުގައި ވެސް އިއްޔެ އާއި މިއަދު ޓީޗަރުންގެ ދުވަސް ކުލަގަދަކޮށް ފާހަގަކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަންމާ
06 October 2017
ޓީޗަރުންގެދުވަސް ފާހަގަކުރަން ކުރާހުރިހާކަމަކީވެސް ސްކޫލާ ބެލެނިވެރިން މަސްވަރާކޮށް ނިންމައިގެންކުރާކަމެއް ޓީޗަރުންނައްހަދިޔާއެއް ދިނުމަކީ ބެލެނިވެރިންހިންހަމަޖެހިގެންކުރާކަމެއް އަދިކިޔަވާކުދިންވެސްވަރައްއުފާވާކަމެއް ނަމަވެސް އަހަރުމެންގެ ބައެއްމީހުން ކޮންމެކަމެއްވެސްމިބަލައިގަންނަނީ އޭގެއެންމެނުބައިގޮތައް ވަރައްހިތާމަހުރިކަމެއް
ޓީޗަރުން
06 October 2017
ރޮބިންސަނުން ރޭގަނޑު ފަރިއްކޮޅެއް ދެއްވީ ހަމަ އެކަނި ގދ ތިނަދޫ ތައުލީމީ މަރުކަޒުގެ ސީނިއަރ (15 ) ސްޓާފުންނަށް. އެއްވެސް މުއައްސަސާޔަކުން މިގޮތަށް ކަންތައް ނުކުރުމަށް ، އަދި މިކަހަލަ ވަކިބަޔަކަށް އިހާނެތިކޮށް ސިފަ ކރެވޭ ދައުވަތު ގަބޫލު ނުކުރުމަށް އެހެން ޓީޗަރުންނަށްވެސް ދަންނަވަން.
އެޑްމުންޑޯ
05 October 2017
ޓީޗަރުންގެ ދުވަސް ފާހަގަކުރާ އިރު ޓީޗަރުންނަށް ދިނުމަށް ކުދިން އަތުން ސްކޫލުތަކުން ފައިސާ ނަގާފައިވާތީ ހިތާމަކުރަން ، މިހާ ދަތި ދުވަސްވަރު ދަރިވަރުން އަތުން ފައިސާ އަތުލާ ޓީޗަރުންނަށް ދީގެންނުވާނެ ކަމަށް ދެކެނީ ، ޓީޗަރުންގެ އަގު ވަޒަން ކުރަން އެޑިއުކޭޝަނުން މިދުވަހު ތައްޓާއި މެޑެލް ދޭންނިންމިއްޔާ މާރަގަޅުވާނެ ،
ޜަށުމީހާ
05 October 2017
ޢަޅުގަނޑުމެން ރަށުގައި ހުންނަ ސްކޫލްގައި ބެލެނިވެރިންގެ ދުވަސްވެސް ވަރަށް ކުލަ ގަދަކޮށް ފާހަގަ ކުރޭ. ޓީޗަރުންގެ ދުވަހެއް ފާހަގަ ކުރަނީ އެބޭފުޅުންގެ ހިދްމަތްތަކުގެ އަގުވަޒަން ކުރަން ބެލެނިވެރިންވެސް އަދި ދަރިވަރުންވެސް ބޭނުންވާތީ. ވަރަށް ވެދުން.
އިންސާފު1
05 October 2017
ބެެލެނިވެރިންގެ ދުވަސް ޓީޗަރުން ފާހަގަ ކޮށްދޭނީ ކޮން އިރަކުން. ބެެލެނިވެރިން ހުރިހާ ހަރަދެއް ކުރަން މިޖެހެނީ. ބެެލެނިވެރިންތަށް ބޭކާރު ހަރަދު ކުރަން ރެޑީގަ.... ހަމަހަމަ ކަން ކޮބާ....
ރަދީފް
05 October 2017
ކޮންމެ ބެލެނިވެރިއެއް އެއީ ޓީޗަރެއްގެ ފެންވަރު ހުރި މީހެއްތަ؟؟ ކޭން ސަމްވަން އެކްސްޕްލެއިން ދިސް ޝިޓް.
ރާބޮޑޭ
05 October 2017
ޓީޗަރުންނަށް މަލާމާތް ކުރާދުވަސް !
ރާއްޖެ
05 October 2017
ޑޮކްޓަރުންގެ ދުވަހު ބަލިމީހުން ވެސް ހަދިޔާ ހިފައިގެން ޑޮކްޓަރުން ކައިރިޔަކަށްް ނާދޭ، އެކަމަކު ޓީޗަރުންގެ ދުވަހު ކޮންމެ ކުއްޖެއް މިދަނީ ހަދިޔާ ހިފައިގެން ޓީޗަރަށް. މުސާރައިގެ އިތުރުން ލިބޭ ހަދިޔާ ވާނީ ހަމަ ރިޝްވަތަށް.
ރާބެ
05 October 2017
ދެވޭ ހަދިޔާ ރިޝްވަތަށްވަނީ ހަދިދޭ ކުދިންނަށް ޙާއްސަކޮށް އަގުބޮޑެތި ހަދިޔާ ދޭ ކުދިންނަށް ހާއްސަ ނަޒަރަކުން ބެލި އެކުދިންނަށް ފެއަރ ވެވޭތީދޯ!!!
ފާތިމާ
05 October 2017
ހަމަ ޔަޤީން ވެވޭނެކަން.
އަސްލުވެސް
05 October 2017
ޓީޗަރުންގެ ދުވަސް - ޓީޗަރުން ތުއިވާ ދުވަސް
ރަދީފް
05 October 2017
މަރުހަބާ ހުރިހާ ޓީޗަރުން . ޝުކުރިއްޔާ ހުރިހާ ޓީޗަރުން.ތިޔަ ޓީޗަރުން ތިކުރައްވަނީ ވަރަށް ބޮޑު ގައުމީ ޖިހާދެއް.ގައުމުގެ މުސްތަގްބަލް ބައްޓަންކުރުމުގެ ބުރަ މަސްއޫލިއްޔަތު އާދަކުރުމުގަ ތިޔަ ދެމިތިބެވެނީ.މިހެން ފާހަގަ ކުރާ އެންމެ ދުވަހަކުން ތިބޭފުުޅުންގެ އަގުވަޒަން ނުކުރެވޭނެ.އެހެނީ ތިބޭ ފުޅުންގެ ޒިންމާ އެއީ ނުލާހިކު ބުރަ އެއްޗެއްކަން އަޅުގަނޑުމެން ބެލެނިވެރީންނަށް އިނގޭ.ސްކޫލް ދޮރުމަތިން ކުއްޖާ ސްކޫލްތެރައަށް ދޫކޮށްލީމަ 5 ނުވަތަ 6 ގަޑިއިރުވަންދެން ތިބޭފުޅުން އަޅުގަނޑުމެންގެ ދަރީން އަމާނަތްތރިކަމާއިއެކު ގެންގުޅެ ރަނގަޅު ތަރުބިއްޔަތެއްދީ މުޖަތަމަޢައް ފައިދާ ހުރި ބަޔަކަށް ހަދަން ތިކުރާ މަސައްކަތައް މެޑަލް އަރުވަން.ޝުކުރިއްޔާ.ވ.ވެދުން
ޖަމީލުބެ
05 October 2017
ރާއްޖޭގައި ޓީޗަރުންގެ ދުވަސް ފާހަގަ ކުރުމުގެ އެންމެ މުހިއްމު ބޭނުމަކީ، އުފާވެރި މާަހައުލެއްގައި ޓީޗަރުންނަށް ކުޅިވަރު ކުޅެލާނެ ފުރުޞަތެއް ފަހިކޮށްދިނުމެވެ. ހުރިހާ ޓީޗަރުންނަށް ވަރަށް ވެދުން.