އެނާޖީ މިނިސްޓަރު ތޯރިގް ވާހަކަ ދައްކަވަނީ.
04 އޮކްޓޯބަރ 2017 - 15:53
26 comments
ފެނަކަ އިން ދޭ ކަރަންޓުގެ ޚިދުމަތަށް ސަރުކާރުން މަހަކު 10 މިލިއަން ރުފިޔާ ދައްކާ ކަމަށާއި އެއީ އެ ކުންފުންޏަށް ލިބޭ ގެއްލުން ކުޑަކުރުމަށް އަޅާފައިވާ ފިޔަވަޅެއް ކަމަށް އެނާޖީ މިނިސްޓަރު ތޯރިގު އިބްރާހިމް މިއަދު ވިދާޅުވެއްޖެ އެވެ.
މިނިސްޓަރު ތޯރިގާއި ކަރަންޓުގެ ޚިދުމަތް ދޭ ކުންފުނިތަކުގެ އެންމެ އިސް ވެރިންނާ އެކު، ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ރައްޔިތުންގެ މަޖިލީހުގެ ކޮމެޓީން ބޭއްވި ބައްދަލުވުމުގައި ވާހަކަ ދައްކަވަމުން އޭނާ ވިދާޅުވީ ފެނަކަ އަށް ކޮންމެ މަހަކު 10.5 މިލިއަން ރުފިޔާ ސަރުކާރުން ދެނީ ރަށްރަށުގައި ކަރަންޓު ދިނުމަށް ހަދާފައިވާ އެންމެ ދަށް ބޭންޑުން ލިބޭ ގެއްލުން ކުޑަކުރަން ކަމަށެވެ.
"އެއީ ވެސް އެ ކުންފުނީގެ ގެއްލުންތައް ވަކި މިންގަނޑެއްގައި ހިފަހައްޓަން. ވަރަށް ބޮޑު ގެއްލުމެއް ލިބޭ އެ ކުންފުންޏަށް،" މިނިސްޓަރު ވިދާޅުވި އެވެ.
ތޯރިގު ވިދާޅުވި ގޮތުގައި ރާއްޖޭގައި މީހުން ދިރިއުޅޭ 186 ރަށުގައި އިޔާދަކުރަނިވި ހަކަތަ ބޭނުން ކުރުމުގެ މަޝްރޫއެއް ވަނީ ފަށައިފަ އެވެ. އަދި އަމާޒަކީ އަންނަ އަހަރު ނިމެންވާއިރަށް އެ މަސައްކަތް ފެށުން ކަމަށް ވެސް މިނިސްޓަރު ވިދާޅުވި އެވެ. އެ މަޝްރޫއުގެ ދަށުން ހއ. އަދި ހދ. ގެ ހުރިހާ ރަށަކަށް އިޔާދަކުރަނިވި ހަކަތަ ދިނުމަށް ބަޔަކާ ހަވާލުކޮށްފައިވާ ކަމަށް ވެސް ތޯރިގު ވިދާޅުވި އެވެ.
މިނިސްޓަރު ވިދާޅުވީ ސަރުކާރުގެ މަސައްކަތް ކުރަނީ މާލެ އާއި ރަށްރަށުގައި ދެމުން އަންނަ ކަރަންޓުގެ ހަރަދުގެ ފަރަގު ކުޑަކުރަން ކަމަށެވެ.
މިނިސްޓަރު ދެއްކެވި ވާހަކަތަކާ ގުޅިގެން ކޮމިޓީގައި ވާހަކަ ދައްކަވަމުން ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ޝަރީފް ވިދާޅުވީ ސަރުކާރުން ކޮންމެ މަހަކު ދެމުން އަންނަ 10.5 މިލިއަން ރުފިޔާ ބޭނުން ކުރަނީ ފެނަކައިގެ އަމިއްލަ ޚަރަދުތަކުގެ ބަދަލުގައި ފިއުލް ސަޕްލައިސް އަށާއި އެހެން ކުންފުނިތަކަށް ދައްކަން އޮތް ދަރަނި ހަލާސް ކުރުމަށް ކަމަށެވެ.
އޭނާ ވިދާޅުވި ގޮތުގައި ފެނަކަ ކޯޕަރޭޝަން އުފެދުނުއިރު، އެ ކުންފުންޏަށް ކުރީގެ ޔުޓިލިޓީސް ކުންފުނިތަކުން 500 މިލިއަނެއްހާ ރުފިޔާ ގެއްލުން ވަނީ ވާރުތަވެފަ އެވެ. އަދި ފެނަކަ އަށް ލިބިފައިވާ ޖަނަރޭޓަރު ސެޓްތަކަކީ ވެސް ވަރަށް ބޮޑަށް ބާވެ އަދި މަރާމާތު ނުކުރެވި ގިނަ ދުވަސްތަކެއް ވެފައި ހުރި ތަކެތި ކަމަށް ވެސް ޝަރީފް ވިދާޅުވި އެވެ.
"މިހާރުގެ ހާލަތަށް ބަލާއިރު ރައްޔިތުންނަށް އެންމެ ފުރިހަމަ އަށް ހިދުމަތް ދެވޭ ހާލަތެއްގައެއް ނޫން އަޅުގަނޑުމެންނާ ހަމައަށް އައިރު އެ ޖަނަރޭޓަރުތައް ހުރީ. އެހެން ނަމަވެސް ގަބޫލުކުރަން ޖެހޭ ހަގީގަތަކީ އަޅުގަނޑުމެން ވޭތުވެދިޔަ އަހަރުތަކުގައި ދިރިއުޅުމަށް އައި ބަދަލުތަކާ ގުޅިގެން ކޮންމެ ރަށެއްގައި 10-20 ޕަސެންޓް ކަރަންޓު ބޭނުންކުރާ އަދަދު އިތުރުވެއްޖެ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރު އަޕް ޓު
05 October 2017
މަހަކު 10 މިލިއަން ސަރުކާރުން.... އޮޑިޓް ރިޕޯރޓް އަށް ބަލައިފިއްޔާ މީގެ ބޮޑުބައި ދަނީ ކޮރަޕްޝަން ގެ ތެޜެއިން ބައެއްގެ އަމިއްލަ ފައިދާއަށް...
ހާމަ333
05 October 2017
ކޮބާ ބޮޑުބިލް ފޮނުވައިގެން ފެނަކައިން ދެވޭ ހިދުމަތަކީ? އައްޑޫގެ ކަރަންޓް އިރުއިރުކޮޅާ ކެނޑޭތާ މީ ކޮންދުވަހެއް.....ކޮބާ ތިލާރި ހަރަދުކޮށްގެން ދެވޭ ހިދުމަތަކީ...ކޮބާ މެގަވޯޓުގެ އިންޖީނުތައް?
މަކަރޭ
05 October 2017
ކަލޯ! ކަރަންޓު އަގުބޮޑު ކުރަން ބަހަނާ ދައްކަވަނީތޯއެވެ؟
ހަބޭސްބބބބ
05 October 2017
ރަށްރަށުގައިތިބި ހުރިހާ ޕާޓީ މީހުންނަށް ތިބުނާތަނުން ވަޒީފާ ދިނީމާ ތިއައްވުރެ އިތުރަށްވެސް ދޭންޖެހޭނެ؟ ކުދި ކުދި ރައްރަށުގައި 15 އިން މަތިން މީހުން ލާފައިއެބަތިބި ؟
ދެކެންވީ
05 October 2017
ވިސްނުންތެރި ގޮތަށް ޕްލޭން ކުރާނަމަ ދިވެހިސަރުކާރަށް ފެނަކަ ވެސް ނުހިންގޭނެ ސްޓެލްކޯ ވެސް ނުހިންގޭނެއެވެ. މިތަންތަން ހިންގޭނީ ފައިދާ ގައެވެ. ގެއްލުމުގައި ނުހިންގޭނެ ހިންގައިގެން ވެސް ނުވާނެއެވެ. އެކަން ކުރެވެން އޮތީ ސްޓެލްކޯ ވެސް ފެނަކަ ވެސް ސްޓްރެޓެޖިކް ޕްލޭނެއް އެކުވަލާ ތަންފީޒް ކޮށްގެން ނެވެ. އެގޮތުން ބަލާ އިރު މިރާއްޖޭގެ 15 ހާހުން ދަށުގެ އާބާދީ ހިމެނޭ ހުރިހާ ރަށް ތަކުގެ މީހުންނަށް އޮޓޯ މައިގްރޭޝަން ޕޮލިސީ އެއް ގެ ދަށުން މާލެ ސަރަހައްދަށް އެމެން ބަދަލުވާނެ އުސޫލުން މާލެ ސަރަހައްދުގައި އަހަރަކު 50 ހާސް ފްލެޓްސް އަޅާ ފްލެޓެއް ގެ މަހު ކުއްޔަކީ އެއީ 1000 ރުފިޔާ ކަމުގައި ހަދާ ފްލެޓްސް ބޭނުންވާ އެންމެންނަށް ކުއްޔަށް ދީގެން ނެވެ. ކަން މިހެން ހުރުމުން މިކަން ކުރެވޭތޯ މަޖްލީހުގެ މާލިއްޔަތު ކޮމެޓީގެ މުގައްރިރު އަދި ފިނޭންސް މިނިސްޓަރު ވިސްނަން ޖެހޭނެއެވެ. ރާއްޖެތެރޭ އެމްޕީން ތައް ގޮވާނެ ވަރަށް ގިނަ ކަނޑުކޮސް ގޮުވުން ތައް. އެއިން ކުރި ފައިދާ އެއް ދައްކަބަލަ. ވިސްނުންތެރި ލޮލަކުުން ދެކެންވީ.
ފާނަކޮށި
05 October 2017
ސަރުކާރުން ދޭ ލާރިގަނޑު ފެނަކައިގެ ބޮޑުންގެ ޖީބަށްދޯ ވަންނަނީ....
ޖައްސަބަލަ
05 October 2017
ފެނަކަ އަށް މަހަކު 10 މިލިއަން ރުފިޔާ ސަރުކާރުން ދޭ ކަމަށް މިނިސްޓަރު ވިދާޅުވާނަ އެފައިސާ އަކީ އެއީ މާލެ ސަރަހައްދުގައި ތިބޭ އަމިއްލަ ކުންފުނި ތަކުން ރެއާއި ދުވާލު ބުރަ މަސައްކަތް ކޮށްގެން ހޯދާ ފައިސާ އިން ސަރުކާރަށް ދައްކާ ޖީއެސްޓީ އެއް ނޫންތޭ. ކީއްވެގެންތޭ ރާއްޖެތެރެއަށް މަމެން ދޭ ފައިސާ އިސްރާފް ވާ ގޮތަށް ޚަރަދު ކުުރަން ޖެހެނީ. މާލެ ސަރަހައްދުގައި ވިޔަފާރި ފުޅާ ކޮށްލުމަށް ޓަކައި ބިން ކޮޅެއް ހިއްކާލާނެ ފައިސާ ކޮޅެއް މާލެ ސަރަހައްދުގެ ބަޖެޓަށް އިތުރު ކޮށްގެން އެކަން ކުރަން ސަރުކާރުން ވެސް ނުވިސްނާ އަދި މާލެ ސަރަހައްދު ތަމްސީލް ކުރާ އެއްވެސް އެމްޕީ އެއް ވެސް އެކަމާއި މަޖްލީހުގައި ވާހަކަ ނުދައްކާ. މިއަންނަ އަހަރު ރާއްޖެތެރޭގެ އެއްވެސް ރަށަކުން ބިން ހިއްކައިގެން ނުވާނެއެވެ. އެއީ ގޯހެކެވެ. އެފައިސާއިން ބިން ހިއްކާ މާލެ ސަރަހައްދުގައި. މާލިއްޔަތު ކޮމެޓީގެ މުގައްރިރު ހަނދާން ކުރަންވާނެ މިކަން މިގޮތަށް ކުރަން. ހަނދާން ކުރާތި ހަނދާން ކުރާތި. މިކަން ނުކޮށް ވޯޓް ހޯދަން ނާންނާތި.
ޢަލިދީދީއައްޑޫސިޓީ
05 October 2017
ނޫސްވެރިންވެސް ވެއްޖެ ނޫންތޯ ފެނަކައިން ރަށް ރަށަށް ކަރަންޓާ ފެން ވިއްކާ އަގާއި މާލެއަށް ސްޓެލްކޯ އިން ކަރަންޓު ވިއްކާ އަގާއި މާލެއަށް ފެންވިއްކާ އަގު ތަންކޮޅެއް ތަފްޞީލުކޮށް ހާމަކޮށްދޭން. ސިޔާސީ ޕާޓީތަކުން ވެސް މިއުޅެނީ އަބަދު ސިޔާސީ ކޮންމެވެސް މީހެއްގެ ޕްރޮފައިލް ރީތިކުރެވޭތޯ؟ އެކަމަކު އާޚިރުގައި އަންނަން ޖެހޭނީ ހަމަ "ރާއްޖެތެރޭ" ގެ ނިކަމެތި ރައްޔިތުމީހާ ކައިރިޔަށް "މަށަށް ވޯޓުދޭތި" ކިޔަމުން. އަހަރުމެނަށް ވިއްކާ ކަރަންޓު އަގު މާލޭ މީހުނަށް ވިއްކާ އަގަށްވުރެ ޔުނިޓަކަށް 50 ލާރިއަށް ވުރެ ބޮޑިއްޔާ އެއީ ބޮޑު ތަނުން ބޮޑީ. މިކަން ގަބޫލުނުކުރެވޭ ބަޔަކު ވޯޓު ހޯދަން ނާންނާތި! ވަރަށް ސަލާމް!
އައްޑޫ ބަކުރު
04 October 2017
އިޓޮސް އޫކޭ އެއްނޫންތަ... މާލޭގެ ރައިޔަތުންނަށް 1ރުފިޔާ އަށް ޔުނިޓެއް ވިއްކާފަ ރާއްޖެ ތެރޭ ރައްތަކަށް 5 ރުފިޔާ އަށް ޔުނިޓު ވިއްކައިގެން ތިކަން ފޫބެދިދާނެ. މާލޭގެ 0-100 ލީޓަރު ފެން 22ރުފިޔާ އަށް އައްޑޫގަ 0-100 ލީޓަރު ފެން 65ރުފިޔާ އަށް ދެން މާލޭގަ 100-500ލީޓަރު 70ރުފިޔާ އަށް އައްޑޫގަ 100-200 ލީޓރު ފެން75ރުފިޔާ އަށް މާލޭގަ 501 ލީޓަރުން މަތި 95 ރުފިޔާ އަށް އައްޑޫގަ 201 ލީޓަރުން ފެށިގެން އިތުރުވާ ކޮންމެ ފެން ޓަނަކަށް 100ރުފިޔާ.. ކިހާ އިނަސާފު ވެރި ސަރުކާރެއްމިއޮތީ. ރާއްޖެތެރޭ މީހުން މިސަރުކާރަށް ފެންނަނީ ރިސޯޓު ތަކަށް އަންނަ ލާރި ވެރި ގެސްޓުންހެން.. މަސަލާން މިސަރުކާރަށް އައްޑޫ އަކުން ދެނެއްމިސަރުކާރަކަށް ވޯޓެއްނުލިބޭނެ މިއީ ހަމަ ތެދެއް މިބުނީ އަފިރިން ފަސް ފަހެތިން ސަލާން
ނޮންވެލިޑް
04 October 2017
އަންނަ އަހަރު 186 ރަށުގައި ސޯލަރ އެނަރޖީ ބޭނުން ކޮށްގެން ތެލުގެ ޚަރަދު ކުޑަ ކުރާނެ ކަމަށް ބުނި ނަމަވެސް ނުވާނެއެވެ. މިހާތަނަށް ރާއްޖެތެރޭގައި ގާއިމް ކޮށްފައިވާ އަވި ޕެނަލްސް ތަކުން އިންޖީނުގެ ތަކުން އަންދާ ލީޓަރު ޑީސަލުން އެންމެ ލީޓަރު ޑީސަލް އެއް ވެސް ސަލާމަތް ވެފައި ނެތެވެ. ވާވު ރަކީދޫން ވެސް ނެތް ތިނަދޫން ވެސް ނެތް އަދި އައްޑޫން ވެސް ނެތް އަދި ލާމުން ވެސް ނެތް. ކޮމާރޝަލީ ކޮށް ބޭނުން ކުރާ ސޯލަރ ޕެނަލްސް ތަކުން މިއުފެއްދެނީ އެއީ ޕްރޮޓޯ ޓައިޕް ސެލްސް ހިމެނޭ ތިން ލޭޔަރ ސޯލަރ ޕެނަލްސް އިން އެންމެ %20 އެވެ. އޭގެ މާނައަކީ 10 ކިލޯވޮޓް ސޯލަރ ޕެނަލް އިން ކޮންޒިއުމްކުރެވޭނީ 2 ކިލޯވޮޓް އެވެ. އެވެސް ހެދުނު 11 އިން 2 އަށް. އެއަށް ފަހު ދެން ދާނީ ދަށަށް އެފިޝެންސީ. ސޯލަރ ޕެނަލްސް ތައް ޑިސްކަވަރ ކުރަނީ އެންމެ ރަނގަޅަށް އިޒްރޭލު ސައެންޓިސްޓުން ނެވެ. އެމެން ވެސް ބުނަނީ ޕްރޯ އޮއިލް ގްރޫޕް ބޭނުން ނުވާ ކަމަށް ސޯލަރ ޕަވަރ ތަރައްގީ ކުރަން. މިނިސްޓަރު ތިޔާ ދައްކާ ވާހަކަ ނޮން ވެލިޑް ނޮން ޕްރެކްޓިކަލް.