ހިތަދޫގައި މިރޭ ބޭއްވި އިދިކޮޅު ޕާޓީތަކުގެ ޖަލްސާގައި އަލީ ހުސައިން ވާހަކަ ދައްކަވަނީ. ފޮޓޯ: އެމްޑީޕީ
13 އޮކްޓޯބަރ 2017 - 23:59
37 comments
އައްޑޫގެ ރައްޔިތުން ބޭނުންވާ ތަރައްގީއެއް މި ސަރުކާރަކުން ރައީސް އަބްދުﷲ ޔާމީނަށް ނުގެނެސް ދެއްވުނު ކަމަށާއި އެހެންވީމާ އައްޑޫ ތަރައްގީ ކުރާނެ ގޮތް ނިންމާނީ އައްޑޫ ރައްޔިތުން ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސައިން މިރޭ ވިދާޅުވި އެވެ.
އިދިކޮޅު ސިޔާސީ ޕާޓީތަކުން މިރޭ ހިތަދޫގައިި ހުންނަ އެމްޑީޕީގެ ހަރުގޭގައި ބޭއްވި ޖަލްސާގައި އޭނާ ވިދާޅުވީ މި ސަރުކާރަކީ އައްޑު އަށް ކަރަންޓް ވެސް ޔަގީންކޮށް ދެވުނު ސަރުކާރެއް ނޫން ކަމަށެވެ.
"އަޅުގަނޑު މި ސަރުކާރަށް ދަންވަން އޮތީ އައްޑޫގެ ރައްޔިތުން ބޭނުންވާ ތަރައްގީ ރައީސް ޔާމީނަށް މިހާތަނަށް ހޯދައެއް ނުދެވުނޭ. އައްޑޫ ރައްޔިތުން ބޭނުންވާ ކަރަންޓް [ވެސް] މަނިކުފާނަށް ހޯއްދަވައެއް ނުދެވުނޭ،" އަލީ ވިދާޅުވި އެވެ. "އެހެންވީމާ އައްޑޫގެ ތަރައްގީ ކުރާނެ ގޮތް، އައްޑޫގެ ތަރައްގީ ބައްޓަން ކުރާނެ ގޮތް އެނގޭނީ ސީދާ އައްޑޫ ރައްޔިތުންނަށް."
އޭނާ ވިދާޅުވީ ރައީސް ޔާމީން ދެން އައްޑު އަށް އެއްވެސް ކަމެއް ޔަގީންކޮށް ދެއްވުމުގެ ބޭނުމެއް ވެސް ނެތް ކަމަށެވެ.
"މަނިކުފާން ތި ހުންނެވީ ފެއިލްވެފައޭ. އަވަހަށް އިސްތިއުފާ ދެއްވާފައި ގެއަށް ވަޑައިގަންނަވާށޭ،" އަލީ ވިދާޅުވި އެވެ.
ހިތަދޫގައި މިރޭ ބޭއްވި އިދިކޮޅު ޕާޓީތަކުން މިރޭ ބޭއްވޮ ޖަލްސާގެ ތެރެއިން. ފޮޓޯ: އެމްޑީޕީ
އޭނާ ފާހަގަ ކުރެއްވި ގޮތުގައި ރައީސް ޔާމީނަކީ އެއްވެސް އުންމީދެއް ގެނެސް ދެއްވޭނެ ބޭފުޅެއް ނޫން ކަމަށާއި ކުރައްވަން އެނގިވަޑައިގަންނަވާހާ ކަމަކީ "ވައްކަމާއި ކޮރަޕްޝަން ހިންގުން" ކަމަށެވެ. އަލީ ވިދާޅުވީ ފައިސާއަކީ ބަލިމަޑު ކަމެއް ކަމަށާއި އެއާ ޖެހުމުން މީހާ ހަލާކު ވެދާނެ ކަމަށެވެ. އަދި ރައީސް ޔާމީން މިއަދު ހުންނެވީ އެފަދަ ހާލެއްގައި ކަމަށާއި ފައިސާގެ ފަހަތުން ދުވާ މީހުންނަށް "ފިނިފެން މަލުން ދުވާ މީރު ވަހެއް ނޭނގޭނެ" ކަމަށެވެ.
އަލީ ވިދާޅުވީ އިދިކޮޅު ޕާޓީތައް ގުޅިގެން ކުރާ މަސައްކަތުން ކާމީޔާބީތައް ލިބެމުން އަންނަ ކަމަށާއި އެ މީހުން މިހާރު ތިބީ އުންމީދީ ހިސާބެއްގައި، އުންމީދީ ކައްޕިތާނުންތަކަކާ އެކު ކަމަށެވެ.
"އަޅުގަނޑުމެން މިތިބީ ރަނގަޅު ތަނުގައި، ރަނގަޅު ފަޅުވެރިންނާ އެކީގައި އަދި އެއަށް ވުރެ ރަނގަޅު ކައްޕިތާނުންނާ އެކީގައި،" އޭނާ ވިދާޅުވި އެވެ. "ތިޔަ ބޭފުޅުން ތިޔަހެން އަޅުގަނޑުމެންނާ އެކީގައި ތިއްބެވިއްޔާ އަޅުގަނޑުމެންގެ އުންމީދެއް ނުގެއްލޭނެ."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަލޭކަ
15 October 2017
ކަރަންޓް ނެތިގެން އަލީހުސޭނު އެހުރީ ފުޅިބައްތި ޖަލްސާއެއްގަޔޯ.
މެންޓަލިސްޓް
15 October 2017
އައްޑޫރައްޔަތުން ބޭނުންވި ތަރައްގީއެއް ވެލާނޭގޭ އިބްރާހިމް ނާސިރުޒަމާނުއްސުރެން ވެރިކަން ކުރިއެއްވެރިއަކަށްވެސް ނުކުރެވުނު ،،، އައްޑޫއަކީ ނިސްބަތުން އިންޓެލްކްޓުއަލް މީހުންގިނަ އެކަޑެމިކްމީހުންއޮތް އިންޑަސްޓްރިއަލް މީޙުންތިބި އަތޮޅެށް ،،، ރާއްޖޭގެ ޓްއަރިޒަމްއިންޑަސްޓްރީގައި އައްޑޫމީހުން ކުރިމަސައްކަތް ވަރަށް ފުރިހަމަވާނެ ،،، އައްޑޫއަކީ މާލޭއިންޓަރނޭޝަނަލް އެއަރޕޯޓްއަށް ވުރެ ރަގަޅުރަންވޭއެއް ކުރީންސުރެންއޮތްތަނެށް ،،، އެހެންވީމައި އައްޑޫ ސަޅިކޮށް ތަރައްގީކުރަން ބޭނުންވިނަމަ އެކަންކުރެވުނީސް ،،، ނަމަވެސް މާލޭގައި އުޅޭމީހުންނާޢި އައްޑޫމީހުންނާޢި ކުރީންސުރެން އޮވޭ ޒާތީކަމެށް ،،، ހުރިހާ ވެރިންވެސް އެބައިއޮވޭ ސަބަކޮންޝަސް ލެވެލްއެއްގައި ،، ހަމައެކަނި ރައިސްނަޝީދު ފިޔަވައި އެހެންއެންމެންގެ އެކަން ފެންނާންހުރީ ،، ، ވަރަށްވެދުން
ހަލުމް
15 October 2017
ކޮންމެހެން ވަކި އައްޑޫ ނުޖެހޭ ތަރައްގީ ކުރަން. ތަރައްގީ ކުރަން ފެންނަ ތަން ތަން ތަރައްގީ ކުރާނެ. ކަންތައް ކޮށްދޭން ޖެހެނީ ސަރުކާރަށް ތާއީދު ކުރާ ބަޔަކު އުޅޭ ތަނަކަށް.
ބެއްޔާ އައްޑޫ
15 October 2017
އަދިވެސް އެބަހުރި ނަޝީދުގެ މަސައްކަތުގެ ވާހަކަތައް.މިސަރުކާރުން މިތަނައް ކޮށްދިން ކަމެއް ލިޔެލާނެ ހިތްވަރެއް އެބަހުރި އެއްވެސް ކިއްޖެއަގައިގަ
މިގޭ
15 October 2017
ބަލަ އަލީ ހުސޭނާ ކަލޭގެ ލޮލުގެ މައްސަލައެއް އެބައުޅޭހެން ހީވޭ؟ އަވަހަށް ޑޮކްޓަރައްދައްކާށެވެ. ޔަހޫދީންގެ ވައްތަރަކީ ލޮލަށްފެންނައިރުވެސް ނުފެންނަކަމށް ހަދައިގެން އިދިކޮށް ވާހަކަދެއްކުން.
ބެއްޔާ އައްޑޫ
15 October 2017
ރައީސް ނަޝީދުގެ ސަރުކާރުގައި ފެށުނު ބިންގާ އެޅުނު ޕްރޮޖެކްޓްސްތަކަކީ: 1. ކޮންވެންޝަން ސެންޓަރ 2. ހިތަދޫ މަގުތަކުގއި ތާރު އެޅުން 3. އައްޑޫގެ ފެނުގެ މަޝްރޫޢު 4. އައްޑުގެ ނަރުދަމާ 5. ހިތަދޫ ބަނދަރު މަރާމާތުކޮށް އިތުރައް ބޮޑުކުރުން 6. މަރަދޫ ބަނދަރު ސަރަހައްދުގައި ތާރުއެޅުން 7. ފޭދޫ ބަނދަރު ބޮޑު ކުރުމާއި ތޮށިލުން 8. އައްޑޫ ގޭން އެއަރޕޯޓް ތަރައްޤީ ކުރުމުގެ މާސްޓަރ ޕްލޭން އކުލަވާލައި ކުންފުނި ނަގައި ކޮޅައް ޖެހުން. 9. އައްޑޫ ކުނި ނައްތާލާނެ ނިޒާމެއް ގާއިމު ކުރުމުގެ މަސައްކަތް ފެށުނު އަދި ބޭރުގެ އެހީ ހޯދަން މަސައްކަތް ފެށި އެހީ ލިބޭނެ ކަމުގެ ފެހި ސިގްނަލް ލިބުނު 10. ފޭދޫގައި 25 ރޯ ހައުސް އިމާރާތް ކުރެވުނު 11. އައްޑުގައި 750 ފްލެޓް އެޅުމުގެ މަސައްކަތައް ބޭނުންވާ ފައިސާ އާއި ކޮންޓްރެކްޓަރ ފައިނަލް ކުރެވުނު. 12. މަރުކަޒީ އިންޖީނުގެ ތިމާވެއްޓާއި ރައްޓެހި ތަނަކަށް ބަދަލު ކުރުމުގެ މަސައްކަތް ފެށުނު 13. ސްޓޭޓް ހައުސް އެއް ގާއިމު ކުރި 14. ދިވެހި ގައުމީ ބޮޑު ދިދައެއް ނަގައި އެތަން ފަރުމާ ފެށުނު
އަބްދުއްލާ
14 October 2017
މިގައުމު ގެ ތަރައްގީ މަޑުޖެހިގެން ދިޔައީ ގައުމުގާ އުފެއްދި ކައުންސިލް ތަކުގެ ސަބަބުން .މިހާރުން މިހާރަށް ކައުންސިލް ތައް އުވާލަނިކޮށް ތަރައްގީ ވެދާނެ
ކުންޑިބާ
14 October 2017
އަލީ ހުސޭނުގެ ތިޔަވާހަކަ ޤަބޫލް ކުރެވޭކަށްނެތް. އައްޑުއަށް އެމްޑީޕީއަކުން ގެނެސްދިން ތަރައްޤީއެއްނެތް. ކުރިހާވެސް ކަމަކީ މައުމޫނު ސަރުކާރުން ކޮށްދީފައިވާ ހުރިހާކަމެއްގައި އަލިފާން ރޯކޮށް އަންދާ އަޅިއަށް ހަދާލުން. ޔާމީންގެ ސަރުކާރުން ކަންތައްތަކެއް އައްޑޫ ރައްޔިތުންނަށް އެބަކޮށްދޭ. ކޮންމެހެން ޔާމީނުދެކެ ލޯބިވާކަށްނުޖެހޭ. އޭނާގެ ވެރިކަމުގައި ތަރައްޤީގެނެސްދެންޏާ އަދި ކުރިމަގު އުޖާލާވާނެކަމަށް ފެންނަންޏާ ވޯޓްދޭނެ. އެކަންކުރާނީ ފިތުނަ އުފައްދާބަޔަކު ބުނާބުނުމަކަށް ނޫން. މީގެކުރިންވެސް ތިޔަގޮތަށް ވިލިގިލިކިޔާ ފަޅުރަށެއް ބޭނުންކޮށްގެން އައްޑޫ ރައްޔިތުން އެކިފަހަރުމަތިން ކުރީގެ ސަރުކާރުތަކުން ވާވައްދައިފި. މިހާރަކު ބޭނުމެއްނުވޭ އެމަޅީގައި އަނެއްކާވެސް ޖެހޭކަށް.
ހޮޓްކިންގ
14 October 2017
ނަޝީދު އޮތީ އައްޑޫ ތަރައްގީ ކޮށް ނިންމާފައި. އެހެންވެ އެތަން އިތުރަށް ތަރައްގީ ކުރުމަށްވުރެން ތަރައްގީ ނުވެ ހުރި ތަންތަން މި ރައީސް ތަރައްގީކުރުން މުހިއްމު ވީމާ އެދަނީ އެކަން ކުރަމުން.
އައްޑޫ މީހާ
14 October 2017
ހަމަޔަގީނުންވެސް އެމްޑީޕީގެ 3 އަހަރު ތެރޭ ރައީސް ނަޝީދަށް އައްޑޫ އަށް ކުރެވުނު އެއްވެސް ކަމެއް ނެތްއިރު ރައީސް ޔާމީނުގެ މިސަރުކާރުން ކިތަންމެ މަދުންނަމަވެސް ކުރެވުނު ކަންތައް އެހެރީ ފެންނަން