އެންވަޔަރްމަންޓް މިނިސްޓަރު ތޯރިގް އިބްރާހިމް ވާހަކަދައްކަވަނީ: މާލެއާ ރަށްރަށުގެ ކަރަންޓުގެ އަގުގެ ފަރަގު ބޮޑުވުމުން ފާޑުކިޔުންތައް އަމާޒުވި-- ފޮޓޯ: ނިޝާން އަލީ/ މިހާރު
22 އޮކްޓޯބަރ 2017 - 22:56
9 comments
ކަރަންޓުގެ ހިދުމަތަށް މާލެ އާއި ރަށްރަށުގައި ނަގާ އަގުގައި ހުރި ބޮޑު ފަރަގު ކުޑަކުރަން މަސައްކަތް ކުރާ ކަމަށް އެންވަޔަރްމަންޓް މިނިސްޓަރު ތޯރިގް އިބްރާހިމް މިރޭ ވިދާޅުވެއްޖެ އެވެ.
ޝީ ބިލްޑިންގައި ބޭއްވި ރަސްމިއްޔާތެއްގައި ވާހަކަދައްކަވަމުން މިނިސްޓަރު ތޯރިގް ވިދާޅުވީ ރައީސް އަބްދުﷲ ޔާމީން މަގާމާ ހަވާލުވެވަޑައިގަތުމުގެ ކުރިން މާލެ ހިމަނައިގެން ހަ ޓެރިފެއް ހަމަޖައްސާފައިވާ ކަމަށެވެ. ނަމަވެސް ފާއިތުވި ހަތަރު އަހަރެއްހާ ދުވަހުގެ ތެރޭގައި މާލެ އާއި ހުޅުމާލެ އަދި ވިލިނގިއްޔަކީ ވަކި ޓެރިފެއްގެ ގޮތުގައި ހަމަޖައްސާފައިވާ ކަމަށް ވިދާޅުވި އެވެ.
މިނިސްޓަރު ވިދާޅުވީ ރާއްޖޭގެ އެހެން ސަރަހައްދުތައް ވެސް ވަކި ޓެރިފެއްގެ ގޮތުގައި ހަމަޖައްސާފައިވާ އިރު އެއީ އުނދަގޫ މަސައްކަތެއް ކަމަށެވެ.
"އަޅުގަނޑުމެން އަދިވެސް މިދަނީ އިތުރަށް މަސައްކަތް ކުރަމުން، މާލެ އާއި އަތޮޅުތެރޭގެ [ކަރަންޓުގެ އަގުގެ] ފަރަގު ކުޑަކުރުމަށް. އެ ކަންތައްތައް ވެސް ވަރަށް ބާރަށް މި ކުރި އަށް ގެންދަނީ އިއާދަ ކުރަނިވި ހަކަތައާ އެހެން ވަސީލަތްތައް ވެސް ބޭނުންކޮށްގެން،" މިނިސްޓަރު ވިދާޅުވި އެވެ.
"ސަރުކާރުން އަދި ވެސް މަސައްކަތް ކުރަނީ ރައްޔިތުން ހަކަތައިގައި ކުރާ ހޭދަ ކުޑަކުރެވޭތޯ،"
މާލެއާ އަޅައި ބަލާފައި ރަށްރަށުގެ ކަރަންޓުގެ އަގު ބޮޑުވުމުން ސަރުކާރަށް ދަނީ ފާޑުކިޔުންތައް އަމާޒުވަމުންނެވެ. އެ މައްސަލަ ހައްލުކުރަމުން އަންނަ ކަމަށް ސަރުކާރުން ވަނީ ބުނެފަ އެވެ.
.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ ބެއްޔާ
23 October 2017
ސުބުޙާނަﷲ ތިޔައީ ފަސޭހައިން ކުރެވޭނެ ކަމެއް ނޫނޭ މަކޮޔާ!! ނުވިހާ ދަރިއެއްގެ ފޫޅާ، ނޮފޯދޭ ގަހެއްގެ ފަޅޮލަކާ ނީލަކޯރު އައްސޭރިން ވެއްޔާ، މުސިމްބީއިން 3 ހިލަކޮޅާ، މަލަބާރުން ޓިނު ގަނޑަކާ، ފަލަސްތީނުން ބިންކޮޅާކާ، ހުވަދޫކަނޑުމެދުން 3 ނާޅި ހަނޑުލާ ހޯދައިގެން ތިޔަކަމަށް ފުރަތަމަ ނިޔަތްގަނެވޭނީވެސް. މީދެން ވަރަށް ވާހަކަ.
އަރިއަތޮޅު
23 October 2017
ތިޔައީ މިނިސްޓްރަށް އުނދަގޫ ކަމަކަށްވަނީ ކީޢްވެ؟ ސަރުކާރުން ނިންމެވީމަ ނިމުނީއެނުން........ވަރަށް ފަސޭހަ، މެމޯއެއް ލިޔެފަ ސްޓެލްކޯއަށާއި ފެނަކައަށް ފޮނުވާލަން އުނދަގޫނަމަ ވައިބަރ މެސެޖަކުންވެސް ހަމަޖައްސާލެވޭނެ
އުމަރު
23 October 2017
މުޅި ދުނިޔޭގެ އެކި އެކި ގައުމުތަކުން މަޑުމަޑުންގޮސް 2020 އަންނަންވާއިރަށް 80 ޕަސެންޓް ރިނިއުބަލް އެނާޖީން ކަރަންޓް އުފައްދައިގެން ކަރަންޓްގެންދަނީ އަގުހެޔޮކުރަމުން، ރާއްޖެއަކީ އެންމެ ގިނައިރު ވަންދެން ސާފް އިރު އަރާ އެއްގައުމު، މުޅި ރާއްޖެއަށް ބޭނުންވާ ކަރަންޓް އަދިވެސް ހިއެއްނުވޭ 200 މެގަވޯޓް އަރާހެނެއް، އެކަމަކު އަދިވެސް އެއުޅެނީ ތެރަށް ބަރޯސާކޮށްގެން ރިިނިއުބަލް މެދުވެރިކޮށް ކަރަންޓް އުފެއްދޭނެ ހިއްވަރެއް ނެތިގެން، ތޯރިގް ކިތަންމެ މަސައްކަތެއް ކުރިޔަސް ސަރުކާރުން ތެޔޮވިއްކުން ހުއްޓައެއްނުލާނެ، އެހެންކަމުން ސަރުކާރުން ބޭނުންނުވާނެ ސޯލާޖަހައިގެން ކަރަންޓް އުފައްދާކަށެއް، އެހެންކަމުން މަނިކުފާނު ވިވައުދު %30 ރިނިއުބަލްއަށް ރާއްޖޭގެ ރަށްތަކެއް ދެންއޮތް ކުޑަ ދުވަސްކޮޅުގެ ތެރޭގައި ބަދަލެއްނުކުރެވޭނެ، މިހާރު ތިޔަތަންތާގައި ތިބި ސިނކުޑިތަކުގައި އެފަދަ ވިސްނުމެއްނެއް، ސިޔާސީވެގެންގޮސް ތިޔަތިބެނީ އަބަދުވެސް މެޑަމް ފަހަތުގައި ދެން ކިހިނެއް ކަރަންޓް އަގުހެޔޮކުރެވޭނީ؟
ޢާމިރު
23 October 2017
ބ.ގޮއިދުގައި މިހާރު ގިނައިން ބޭނުންކުރަނީ ސޯލާ ކަރަންޓް ބިލުގެ ރޭޓަށް އެއްވެސް ބަދަލެއްނާދޭ ޔަގީނުންވެސް ތެޔެބޭނުން ކުރާވަރު މިހާރު މަދުވާނެ. މިރަށާއި އަދި މިގޮތަށްހުރި އެހެންރަށާއި ދޭތެރޭވިސްނަވާފައި އަވަހަށް ރޭޓަށް ބަދަލުގެނެސްދީ
މެންޓަލިސްޓް
23 October 2017
ސްޓެލްކޯއަށާއި ފެނަކައަށް ވަމުންދާ ގެއްލުން ފޫބެއްދޭނެގޮތެއް ރާވަން އެބަޖެހޭތާ ،،، އަހަރަކު 100 މިލިއަން ގެއްލުން ވުމަކީ ކަޑަކަމެއްތާ ،، ވީމާ އަޅުގަނޑު ދަންނަވާނީ ޑީސްލް ކަރަންޓް ސިސްޓަމްއަށް ބަދަލެއްގެނެސްގެން ނަމަވެސް ނޫނީ ވިންޑްފާރމްއެއް އިންސްޓޯލްކޮއްގެންނަމަވެސް ނޫނީ ސޯލަރގެ ނިޒާމެއްހޯދައިގެން ނަމަވެސް އެބަޖެހޭ ތިޔަގެއްލުމުން ސަލާމަތްވާނެ ،،، މިހާރުވެސް ސްޓެލްކޯގެ ޖުމްލަގެއްލުން 1.6ބ އަށްއަރާކަމަށް އެބަނުނޭ ،،،، ހިސާބުކިތާބު ބަލަހައްޓާ އެކައުންޓިންގ ނިޒާމެއް ގެންގުޅޭކަމުގައި ވަނީނަމަ އެބަލަންސްވާނޭ ކޮންމެވެސް ނިޒާމެއްވެސް ގެންގުޅެންވާނެ ،، އަބަދަކު އަތަށްގޮވާފައި އިންނަ ބެލެންސްޝީޓްއެއް ގެންގުޅޭކަށްނުވާނެ ،، އެހެންނޫނީ ހިސާބުކިތާބު ބެލުން ހުއްޓާލާ ،،، އޭރުން މާސަޅިވާނެ ،،، ވަރަށްވެދުން
ޕެންޓިއަމް
23 October 2017
އައްޑޫގައި ވިންޑް ފާރމް ޖަހަން ސްޓަޑީކުރަމުން ދަނިކޮށް މަގުމަތުން ވެރިކަން ބަދަލުކުރީ. އަދިވެސް އޭރިއަލް ސްޓަޑީސް އެންޓަނާ އެހެރީ ފެންނާން.
ސްޕައިޑަރު
23 October 2017
ކ އަތޮޅު ވިލިނގިލީގަ ދޭރޭޓުގަ ގ.އ ވިލިނގިއްޔަށްވެސް ކަރަންޓާ ފެން ދެވޭނެ. ހަމައެކަނި ތަފާތަކީ ކ އަތޮޅު ވިލިނގިލީގަ މާލޭ ގަބީލާމީހުން އުޅޭކަން. ނަސްލީ ތަފާތުކުރުން ނައްތާލާ.
އަލީ.
23 October 2017
އަޅުގަނޑު ވަރައްއެދެން ކުދިވިޔަފާރިތަކައް މިހާރު ތިނަގާ ވަރުކުޑަކޮއްދިނުމައް 1800 ރުފިޔާގެ ބިލެއް 3800 ވީމަ ގަބޫލެއް ނުކުރެވޭ
ރައްޔިތުމީހާ...
23 October 2017
ކަރަންޓްގެ އަގު ކޮށްމެހެންވެސް ކުޑަކުރައްވަންޖެހޭ ކުޑަކުރަން މަސައްކަތެއް ނޫންކުރައްވަންވީ ކުރީގެ ބިލަށް އަރާވަރާއި މިހާރުގެ ބިލަތަކަށް އަރާވަރު ބަލާލުމުން ކޮންމެމީހަކަށްވެސް އެނގޭނެ ހުރިތަފާތު.! މިމޭރުމުން އަޅުގަނޑަށް ދެންނޭވޭނީ އެއގަމު އުޅަދުން ނަގާ އަހަރީފީ ފަދަ ފީވެސް ނަގަންވާނީ މަގުތައް ހަދާދެވިފައިވާ ރަށްތަކުގައޭ އިނގޭތޯ... ސަބަބު ހުރިހައިފަރާތްތަކަށް އެނގޭނެކަން ޔަޤީން... ޝުކުރަން