މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ދޭ ދަތުރުފަތުރުގެ ހިދުމަތް، ނުކުޅެދުންތެރިކަން ހުންނަ މީހުންނަށް ހިލޭ ދޭން އެ ކުންފުނިން ނިންމައިފި އެވެ.
އެމްޕީއެލް އިން ބުނީ ނުކުޅެދުންތެރިކަން ހުންނަ މީހުން އެމްޕީއެލްގައި ރަޖިސްޓްރީ ކުރުމުން އަންނަ މަހުން ފެށިގެން ކާޑެއް ދޭނެ ކަމަށެވެ. އަދި އެ ކާޑު ހިފައިގެން ދިއުމުން ދަތުރު ހިލޭ ލިބޭނެ ކަމަށް ބުންޏެވެ.
މިހާރުވެސް އެ ކުންފުނިން އަންނަނީ 65 އަހަރުން މަތީގެ މީހުންނާއި ދެ އަހަރުން ދަށުގެ ކުދިންނަށް ހިލޭ ދަތުރުތައް ކޮށްދެމުންނެވެ.
އެމްޕީއެލްއިން މިހާރު އަންނަނީ ފުވައްމުލަކާއި އައްޑޫގައި ފެރީ އަދި ބަހުގެ ހިދުމަތް ދެމުން ދެމުންނެވެ. އަދި ލ. ގަމުގައި ވެސް އަންނަނީ ބަހުގެ ހިދުމަތް ދެމުންނެވެ.