ރައީސް ޔާމީން. މިއަދު ފައިނުގައި. - ފޮޓޯ: އެންވަޔަރަމަންޓް މިނިސްޓްރީ
24 އޮކްޓޯބަރ 2017 - 15:53
20 comments
ސަރުކާރާ ދިމާލަށް ރާއްޖެ ދަރަނިވެފައިވާ ވާހަކަތަ ދެއްކުމުގެ ޖާގައެއް އިދިކޮޅު އެއްވެސް ލީޑަރަކަށް ނޯންނާނެ ކަމަށް ރައީސް އަބްދުﷲ ޔާމީން މިއަދު ވިދާޅުވެއްޖެ އެވެ.
ރ. ފައިނުގެ ބަނދަރު ހުޅުވުމާއި ގޮނޑޮދޮށް ހިމާޔަތް ކުރުމުގެ މަޝްރޫއުގެ ނިމުން ފާހަގަކުރުމަށް އެ ރަށުގައި ބޭއްވި ރަސްމިއްޔާތުގައި ރައީސް ޔާމީން ވިދާޅުވީ އެކިއެކި ފަރާތްތައް މެދުވެރިކޮށް ލޯނު ނަގައިގެން މަސައްކަތް ކުރަނީ ރައްޔިތުން ބޭނުންވާ އުންމީދުތަކާއި ތަރައްގީ ހާސިލްކޮށް ދިނުމުގެ ބޭނުމުގައި ކަމަށެވެ.
ރައީސް ވިދާޅުވި ގޮތުގައި ދައުރުތަކެއް ބަދަލުވަމުން އައިސް، ޕީޕީއެމާ ވެރިކަން ހަވާލުވިއިރު، 35،000 މިލިއަން ރުފިޔާގެ ބޮޑު ދަރަންޏެއް އޮތެވެ. އެ ދަރަނި އަދާކުރުމާއެކު، ލޯނު ނަގައިގެން ހޯދައިގެން މަސައްކަތް ކުރަނީ ރައްޔިތުންނަށް ބޭނުންވެފައި ހުރި ކަންކަން ފުއްދައި ދިނުމަށް ކަމަށް އެމަނިކުފާނު ވިދާޅުވި އެވެ.
"މި ސަރުކާރު 2018 އިން ފެށިގެން ކުރިއަށް އޮންނަ ކަމަށްވާނަމަ، އެހެން ބަޔަކު ވިސްނާކަށް ނުޖެހޭނެ އެ ދަރަނި އަދާކުރެވޭތޯ. އެ ދަރަންޏަކީ އަޅުގަނޑުމެން ވަކިވެގެން ދާއިރު އެހެން ބަޔަކަށް ތަކްލީފް އުފުލިގެންދާ ކަމަކަށް އިރާދަކުރެއްވިއްޔާ ނޯންނާނެ،" ރައީސް ވިދާޅުވި އެވެ.
ރައީސް ޔާމީން ވަނީ ތަރައްގީ އަށް ކުރެވޭ މަސައްކަތުގައި ރައްޔިތުންގެ ފުރިހަމަ ބައިވެރިވުން ދައްކައި ދިނުމަށް އެދިވަޑައިގެންފަ އެވެ. އެގޮތުން ކުރިއަށް އޮތް އިންތިހާބުތަކުގައި އެކަން ދައްކައި ދިނުމަށް އެމަނިކުފާނު ވަނީ ފިނޭގެ ރައްޔިތުންގެ އަރިހުން އެދިވަޑައިގެންފަ އެވެ.
އޭރުން ރައްޔިތުންނަށް ބޭނުންވާ ތަރައްގީ އިތުރު ހަލުއި މިނެއްގައި ކުރިއަށް ދާނެ ކަމަށް ސަރުކާރުގެ ބައެއް ވަޒީރުންނާއި ސަރުކާރަށް ނިސްބަތްވާ މަޖިލިސް މެމްބަރުން ބައިވެރިވެވަޑައިގެންނެވި ޖަލްސާގައި ރައީސް ވިދާޅުވި އެވެ.
ރައީސް ވިދާޅުވި ގޮތުގައި އެއްވެސް ލީޑަރަކަށް ހިދުމަތް މިނާފައި މާކްސް ދޭނަމަ، މިނަން ޖެހޭނީ އުފައްދާފައި ހުރި ބަނދަރުތަކާއި ތައުލީމީ ނިޒާމަށް ހުރި ބަދަލުތަކާއި އަޅާފައި ހުރި ފްލެޓުތަކާއި އުމްރާނީ ގޮތުންނާއި އިންސާނީ ވަސީލަތްތަކުގެ ގޮތުން އައިސްފައި ހުރި ތަރައްގީތަކަށް ބެލުމަށް ފަހު އެވެ.
"ޕޯޑިއަމް ފަހަތުގައި މޮޅަށް ވާހަކަ ދެއްކުމަކީ އެއްވެސް ގޮތަކަށް މިން ކުރަން ނޫނީ ކިރާލާކަށް އޮތް ޖާގައެއް ނޫން. ނަތީޖާ ފެންނަން ޖެހޭނީ ކޮށްފައި ހުރި މަސައްކަތުން،" ރައީސް ވިދާޅުވި އެވެ.
ރައީސް ޔާމީން ވިދާޅުވީ ރާއްޖޭގެ ފަތިފުށް ކިޔައިގެން ވާނެ ކަމެއް ނޯންނާނެ ކަމަށެވެ. ދުނިޔޭގެ އެކި ފަރާތްތަކުން ރާއްޖެ އަށް އެހީވަމުންދާއިރު، ޓަކި ޖަހަން ޖެހޭ ދޮރުތައް ބަންދުވާވަރަށް ރާއްޖެ ބަދުނާމް ކުރީމަ ގެއްލުން ލިބޭނީ ވެރިކަން ކުރާ މީހުންނަށް ނޫން ކަމަށާއި އެކަމުގެ ގެއްލުން ލިބޭނީ ރައްޔިތުންނަށް ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މީމުހާ
25 October 2017
އިދިކޮޅު ފަރާތްތަކަށް ކޮންކަމަކާބެހޭ ވާހަކައެއް ދައްކާނެ ޖާގައެއްތޯ އޮތީ މަނިކުފާނު ވިދާޅުވެ ބައްލަވާ! ޖަލްސާއެއް ބޭއްވިއަސް ބޭއްވެނީ ޕޕމ އަށް، މަޖިލީސް އެއޮތީ ހިސޯރުކޮށްފަ، މަގަކަށް ނުކުމެވެނީކީނޫން މުގުރާ ޕެޕަރސްޕްރޭގެ ތިޔާގިކަމުން، ނޫސްވެރިންނަށް ބްރޯޑްކޮމްގެ ދުއްތުރާ! މިނިވަން މުއައްސަސާތައް މިނިވަންކަމުގައި އެއްކަމެއް ނުކޮށް، ބަލާބަލާ ދުވަހަކު ނުފެނޭ! އިދިކޮޅު ޝުޢޫރެއް އަޑުއިވި ފެނިދާނެތީ ކޯޓުތަކުން އަމުރުހޯދައިގެން ފުލުހުން އެދަނީ އެތަކެތި ނަގަމުން އަދި ޝުޢޫރުފާޅުކުރާ މީހުންގެ އަޑު މަނިކުފާނަށް އިވިވަޑައިގެންފާނެ ކަމަށް އެމީހުން ވިއްސިވިހާލިކޮށްލަމުން. އަޅުގަނޑުމެންނަށް އެނގޭ މަނިކުފާނުގެ ގަޓު ހުންނަވާނެކަން އަޑުއެހުމުގެ އެކަމަކު ދެންތިބި މީހުން އެމީހުންގެ ވާހަކަ އާއި ކުރައްވާކަންކަން ރައްޔިތުންނަށް އެނގި އެވާހަކަ ގޮވާނެތީ މަނިކުފާނަށް ސިއްރުކުރާނެ ކަމަށް ހިތާ އެކަން އެކުރަނީ. މަނިކުފާނަކީ ނުހަނު އިޚްލާސްތެރި، އޯގާތެރި، ތެދުވެރި އަލިފެއްފަދަ ބޭފުޅެއްކަން އަޅުގަނޑުމެން ޤަބޫލްކުރަން
ބޯގޯސް
25 October 2017
މަގޭ ސަބަބުން ދަރަނިވެރިވީ. މަކާލާއިގެން ދަރަނިވެރިވީމަ އެހެން މީހުން އެވާހަކަ ދައްކައިގެން ނުވާނެ. ތެދެއް މިރައީސް ތިބުނީ.
ޕޮކަންޑިމޭން
25 October 2017
35 ބިލިއަން ރުފިޔާގެ ދަރަންޏަކާއިއެކު ސަރުކާރާއި ޙަވާލުވެ ދިވެހި ދީބު ވޭތުވެދިޔަ 50 އަހަރުތެރޭގައިވެސް ނުދެކޭ މުޅި ތާރީޚާއި ނުބައްދަލު ތަރައްޤީ ގެނެސްދެއްވި ރައީސްއަށް ޝުކުރުވެރިވާން ޖެހޭ. އެހެންވެ އަހަރެމެން ކިޔަނީ "އަހަރެން ފަހުރުވެރިވަމޭ ތިޔަ ރައީސްއަށްޓަކައި، ރައީސް ޔާމީން" އޭ.
ހޮޓްކިންގ
25 October 2017
ހަގީގަތުގައިވެސް ދިވެހިރާއްޖެ ދަރުވާލައި އިގްތިޞާދީ އަނދަވަޅަކަށް ނަޝީދުގެ ވެރިކަމުގައި ރާއްޖެ ވައްޓާލި، ނަތީޖާއެއްގެ ގޮތުން ސިވިލްސާވިސްގެ މުސާރަކުޑަކުރި، ކަރަންޓް ބިލްބޮޑުކުރި، ތަރައްގީގެ ހުރިހާ މަސައްކަތެއް ހުއްޓުނު. މުޅި ރާއްޖެއިން ފެންނަމުން ދިޔައީ ވީރާނާކަން. ނަމަަވެސްް އޭރު ކަރަޕްޝަންގެ ތެރެއިން އެބައެއްގެ ޖީބަށް ފައިސާ ވަންނަމުން ދިޔަ މީހުން އަތްޖެހި އަދި އެކަމުގެ ރާހަތް ސީދާކޮށާއި ނުސީދާކޮށް ވަމުން ދިޔަ ފަރާތްތައް އަދިވެސް ދެކެނީ އެއީ އެމީހުންގެ ރަންޒަމާންކަން. އެހެންވީމާ އެފަދަ ބަޔަކު މިހާރު އެވާހަކަ ދެއްކުމުގެ ބޭނުމެއް ނެތް. ވެއްޓިފައިވާ އަނދަވަޅުން ނަގައި ގައުމު ކޮޅަށް ޖަހައި ރާއްޖޭގެ ހުރިހާ ކަންކޮޅު ތަކެއްގައި ހިންގާ ތަރައްގީގެ މަޝްރޫޢުތައް މައުމޫނުގެ 30 އަހަރު ހިންގި ކަންކަމަށްވުރެންވެސް ގިނަ.
ދޮން އާމިރު
25 October 2017
ނަޝީދު ވެރިކަމުގައި ވިއްޔާ 1.3ބިލިއަން ރުފިޔާ ފެންތައްޓަކާނުލާ ދިރުވާލީ.
ނޫރާނީ
25 October 2017
ތިޔަ ވިދާޅުވާ ގޮތަކީ ކަން ހިގާ ގޮތްނަމަ ޕޯޑިއަމް ފަހަތުގައި ތިޔަ ދައްކަވާ ވާހަކަފުޅު ވެސް ވާނީ ހަމަ މޮޅު ވާހަކަ ފުޅަކަށް....
falaku ain
24 October 2017
އެއީ 3.5 ބިލިއަން ރުފިޔާ. މިހާރު އެކަންވެސް އެ އޮޅުވާލީ. އެވަރަށް ދެރީ ގައުމާ ދީނަށްޓަކައި ކަމަށް ބުނެ ނަޝީދުގެ ސަރުކާރަށް އާމްދަނީއެއް ލިބެންހުރި ހުރިހާދޮރެއް ރައްޔިތުންގެ މަޖިލީހުން ގާނޫނު ފާސްކޮށްގެން ބަންދުކުރި ކުރުމުގެ ސަބަބުން. އެވަރުންވެސް ނަޝީދު ސިވިލް ސާވަންޓުންގެ މުސާ ދެގުނަ ބޮޑުކޮށްދެއްވައި. އާސަންދަ އުފައްދައި ރައްޔިތުންނަށް ހިލޭ ސިއްޙީ ޚިދުމަތް ދެއްވައި ރަށްރަށުގެ ފަޅުހިއްކައި ބޯފެނާ ނަރުދަމާ ފައްޓަވައި އެއަރޕޯޓް އަޅުއްވައި ގެސްޓް ހައުސްގެ މަންފާ ރައްޔިތުންނަށް ލިބޭނޭގޮތް ހަމަޖައްސަވައި ފްލެޓް އަޅުއްވައި ނިންމެވި. ދެން ޔާމީން 5 އަހަރުގެ ދައުރުގައި ނިންމިކަމެއް ދައްކަބަލަ.
ބާލަ އާދަނު
25 October 2017
ނިން މެވިކަމަކީ ކޮނޑު ހުޅުން ނެއްޓެންދެން ބާރަށް އަތް ޖެހުން.... ލޮލް.
އަބްދުއްލާ
24 October 2017
މިގައުމު އެންމެ ބޮޑަށް ދަރަނިވެރި ކުރުވީ އެމްޑީޕީ ގެވެރިކަމުގާ . ދަރަނި ނަގައިގެން ދަވްލަތް ހިންގަން ފެށީ އެމްޑީޕީ ވެރިކަމުގާ ޓީބިލް ގެ ނަމުގާ ދަރަނި ނަގާ 25000 މިލިއަނަށް ދަރަނި މަތިކުރުވީ އެމްޑީޕީ ވެރިކަމުގާ . މިހާރު ދަރަނި ނެގިޔަސް މިނަގަނީ ތަރައްގީއަށް އެ ހޯދާ ފައިސާއިން ވިޔަފާރިކޮށްއެ ނަގާ ދަރަނި ދައްކާގޮތަށް ވީމާ ދަރަންޏެ ކިޔުމުގެ ޖާގަ އެއް ނެތް ތަރައްގީއޭ ކަޔާ.
އަބްދުއްލާ
24 October 2017
މިގައުމު އެންމެ ބޮޑަށް ދަރަނިވެރި ކުރުވީ އެމްޑީޕީ ގެވެރިކަމުގާ . ދަރަނި ނަގައިގެން ދަވްލަތް ހިންގަން ފެށީ އެމްޑީޕީ ވެރިކަމުގާ ޓީބިލް ގެ ނަމުގާ ދަރަނި ނަގާ 25000 މިލިއަނަށް ދަރަނި މަތިކުރުވީ އެމްޑީޕީ ވެރިކަމުގާ . މިހާރު ދަރަނި ނެގިޔަސް މިނަގަނީ ތަރައްގީއަށް އެ ހޯދާ ފައިސާއިން ވިޔަފާރިކޮށްއެ ނަގާ ދަރަނި ދައްކާގޮތަށް ވީމާ ދަރަންޏެ ކިޔުމުގެ ޖާގަ އެއް ނެތް ތަރައްގީއޭ ކަޔާ.
އަހުމަދުބެ
24 October 2017
ސަރުކާރުގެ ދަރަނި އޮތް ވަރު ބުނެދީބަލާށެވެ.
ތެދުފުޅެއް
24 October 2017
ޖާގައެއް ނެތެވެ! ޖާގަ ޖެހޭނީ ގަދަކަމުން ހޯދާށެވެ.