ކުޅުދުއްފުށީ ކުޅި: އެތަން ހިއްކައިގެން އެއާޕޯޓު އަޅަން ސަރުކާރުން ވަނީ ނިންމައިފަ-- ފޮޓޯ: އަހުމަދު ޝައްފާހް/ މިހާރު
26 އޮކްޓޯބަރ 2017 - 15:31
28 comments
ވަކި ގޮތެއް އަންގަންދެން، ހދ. ކުޅުދުއްފުށީ ކުޅިން ގަސް ކެނޑުމުގެ ހުއްދަ ނުދޭން އެންވަޔަރްމަންޓަލް ޕްރޮޓެކްޝަން އޭޖެންސީ (އީޕީއޭ) އިން އެ ރަށު ކައުންސިލަށް އަންގައިފި އެވެ.
އީޕީއޭ އިން މި ގޮތަށް އެންގީ، ކުޅުދުއްފުށީ ކުޅިން ގަސްކެނޑުމުގެ ހުއްދަ ދޭން ނިންމައި އެ ރަށު ކައުންސިލުން ކުރި އިއުލާނަކާ ގުޅިގެންނެވެ.
ކުޅުދުއްފުށީ ކައުންސިލްގެ ރައީސް އަބްދުއްލަތީފު ހަސަން ސޮއި ކުރައްވައި މިއަދު ކުރި އިއުލާނުގައި ބުނީ ކުޅި ހިއްކުމުގެ ކުރިން އެ ސަރަހައްދުން ތަކަފަތި، މަގޫ، ކުރެދި ފަދަ ތަކެތި ކަނޑަން ގިނަ ބަޔަކު އެދެމުންދާ ކަމަށާއި އެހެންވެ އެ ގަސްތައް ކަނޑައިގެން ގެންދިއުމުގެ ހުއްދަ ދޭން ނިންމާފައިވާާ ކަމަށެވެ.
ނަމަވެސް އިއުލާނު ކުރިތާ މާ ގިނަ އިރުތަކެއް ނުވަަނީސް، އީޕީއޭގެ އެދުމަށް އެ އިއުލާން ވަނީ ބާތިލްކޮށްފަ އެެވެ.
"މިހާރު"އާ ވާހަކަދައްކަވަމުން އެ ރަށު ކައުންސިލްގެ ރައީސް އަބްދުއްލަތީފު ވިދާޅުވީ ހައުސިން މިނިސްޓްރީން އެދިގެން، އެ ސަރަަހައްދުގައި ހުރި ރުއް ގަސްތަކުގައި ނަންބަރު ވެސް ޖަހާފައިވާ ކަމަށެވެ. އަދި ނަންބަރު ޖަހާފައިވަނީ ކަނޑަން ހަމަޖައްސާފައިވާ ރުުއް ގަސްތަކުގައި ކަމަށާއި އީޕީއޭ އިން އެކަން ހުއްޓުވީ ކީއްވެ ކަން ނޭނގޭ ކަމަށް އޭނާ ވިދާޅުވި އެވެ.
"އެއާޕޯޓު އަޅާ ސަރަހައްދުގެ ކުރެހުމެއް ފޮނުވާފައި [ހައުސިން] މިނިސްޓްރީން ބުނީ އެ ތަނުގައި ހުރި ރުއްގަހުގެ އަދަދު ބަލާފައި އެކޮޅަށް ފޮނުވަން. އޭގެ މާނައަކީ އެ ރުއްގަހަކީ ކަނޑަންޖެހޭ އެއްޗިއްސޭ. އެހެންވެ މިހާރު އީޕީއޭ އިން އެ ހައްދަވާ ގޮތެއް ނޭނގޭ،" ކައުންސިލްގެ ރައީސް އަބްދުއްލަތީފު ވިދާޅުވި އެވެ.
އޭނާ ވިދާޅުވީ ކުޅީގައި 2500 އެއްހާ ރުއްގަސް އެބަހުރި ކަމަށެވެ.
އަބްދުއްލަތީފު ވިދާޅުވީ ކުޅި ހިއްކައިގެން ނަމަވެސް އެ ރަށުގައި އެއާޕޯޓެއް އަޅަން ކުޅުދުުއްފުށީ ކައުންސިލާއި ރަށުގެ 95 ޕަސެންޓް މީހުން އެއްބަސްވާ ކަމަށެވެ.
"..އެންމެން ބޭނުންވަނީ ރަށުގެ ބިން ސަލާމަތްވާނެ ގޮތަކަށް އަޅަން. އެގޮތަށް އެންމެން ވެސް ބޭނުންވަނީ ކުޅި ހިމާޔަތްކުރެވިފައި އެހެން ތަނެއްގައި އެއާޕޯޓު އަޅަން. އެކަމަކު ހަމައެކަނި އޮތް ޗޮއިސް އަކީ ކުޅި ހިއްކައިގެން ނަމަ އެކަން ކުރަން ކުޅުދުއްފުށީ ރައްޔިތުން ބޭނުންވޭ،" ލަތީފު ވިދާޅުވި އެވެ.
ކުޅި ހިއްކަން ކުޅުދުއްފުށީގައި އެއާޕޯޓު ހަދަން ނިންމާފައިވާތީ އެކަމާ ދެކޮޅަށް ވަރުގަދަ ކެމްޕެއިނެއް ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސޭން
27 October 2017
ފަރުތައްމަރާފަވެސް، ބިންހިއްކުނުގޮތަކައް ބިންހިއްކައިގެން އެތައްރިސޯޓެއްހަދާ އަދި ހަދަމުންދާއިރު ތިމާވެއްޓެއްނެއް. ކުޅުދުއްފުށި މީހުންނައް ލާރިއެއް ރައްކާކުރެވިދާނެތީ ހާދަ ހަސަދައެއް ތިބާލަނީ
ހުސްނޫ
26 October 2017
އަތޮޅު ތަކުގެ ރައްޔިތުންނަށް އަތޮޅުތަކުގައި ތިބެގެން އާމްދަނީ ލިބި އާއިލާއާއިއެކު ދިރިއުޅެވޭނޭގޮތައް އަތޮޅުތަކުގައި ހުރި ގުދުރަތީ ވަސީލައްތައް ތައްޤީ ކޮއްބަލާށެވެ. މުޅި ގައުމު ހަލާކުކޮށްގެ ހަމައެކަނި މާލޭގެ ކުލީގެބޭނުމުގައި އަތޮޅުތަކުގެ ރައްޔިތުން މާލެއަށް ހިޖުރަކުރަން މަޖުބޫރުވާގޮތަށް ސިޔާސަތުރާވާ އެމަގަށް ކަންތައްތައް އިންތިޒާމު ކުރަން ކޮންމެހެން ޖެހޭތޯއެވެ ؟
ޗައިނާ ފުރެންޑް
26 October 2017
ކުޅުދުއްފުއްޓާ ހަނިމާދޫ އާއި ދޭތެރޭ ދެން ބޭނުން ވަނީ ބްރިޖެއް!
ނެޝަނަލިސްޓް
26 October 2017
ކައުންސިލުގެ ރައީސް ގެ ކިބައިން ސާފުކޮށްލަން ބޭނުންވަނީ 95 އިންސައްތަ ރައްޔިތުން ކުޅި ހިއްކައިގެން އެއާރޕޯޓް އަޅަން ބޭނުވާއިރު އެކަމާ ދެކުޅަށް "ވަރުގަދަ" ކެމްޕޭނެއް ތިރަށުގައި ހިންގަނީ ކޮން ބަޔެއްހޭ؟؟؟
ޢެމް
28 October 2017
5 ޕަސަންޓް
ކޮސް އިމާމް
26 October 2017
ކުޅުދުއްފުށީގެ ކުޅި ހިއްކުމަކީ މިހާތަނަށް ހިނގި ހުރިހާ ޖަރީމާ ތަކަށްވުރެ ބޮޑު ޖަރީމާއެއް.
މެންޓަލިސްޓް
26 October 2017
ބަލައެތަނުގައި ޒައިތޫންޏާއި ވައްތީނި ހުރީތޯ ؟؟ ނޫނީ ހޯލީ ޓްރީސްތަކެށްހުރީތޯ ؟؟ ގީޒާޕިރަމިޑް ކަހަލަތަނެއްތޯ އެއީ ،،، އެއީ ނެޗްރަލް ތަނެއްވެސްނޫނީ ،،، ކުރީޒަމާނުގެ ބަޔަކު ކޮނެފައިއޮތް ހިސާބެއްއެއީ ފެންވެހި ކުޅިއަކަށް ވެފައިއެއޮތީ ،،، ދެން އިޕީއޭވެސް ހީވަނީ ގަޔަށް ހިނިއަރައިގެން އުޅޭހެން ،،، ރާއްޖޭގެ ފަޅުތަކާއި ފަރުތަށް ހަލާކުކޮށް ގޮއްވާ މުޅިސަރަހައްދުގެ މުރަކަތަށް ހަލާކުރަމުން ދާއިރު ނުފެންނަނީ ކީއްވެބާ ،،،، އަޅުގަނޑު ހަމަހައިރާންވެއްޖެ ،،، ވަރަށްވެދުން
އާދަނު
26 October 2017
ކޮންތާކުން ތީނަ ހެދި ދިރާސާ އަކުން އެނގުނީ 95 ޕަސެންޓް މީހުން ބޭނުންވާކަން. އ
މމމމމމ
26 October 2017
މީހުން ކުޅުދުއްފުށި ކުޅިން ގަސް ކަނޑަނީ ކައުންސިލްގެ ހުއްދަ ހޯދާފައެއް ނޫން.
1234
26 October 2017
ދިވެހިންނަކީ 5 ކުޅަނދު މަދު ބަޔެކޭ ބުނެއުޅެނީ ސަބަބެއް ނެރިއެއް ނޫން!
ހައްހައްހާ
26 October 2017
ފާފު އަތޮޅު ވިއްކަން އުޅުނު ވާހަކަ ހަނދާންވަނީ.. ދިވެހިން މީ މޮޔަބައެއް..