މަންދު ކޮލެޖްގެ ތަކެއްޗަށް ދައުލަތުން ހަތަރު ލައްކަ ދޭން ޖެހިއްޖެ

މަންދު ކޮލެޖު: އެތަނުގެ ބައެއް ތަކެތި ގެއްލުނީ އެމްއީއެސް ހިންގި އިމާރާތަށް އަރަބިއްޔާ ދަރިވަރުން

މުއިއްޒު އިބްރާހިމް، މިހާރު

01 ނޮވެމްބަރ 2017 - 10:47

މަންދު ކޮލެޖު ކުރިން ހިންގި ކުރީގެ އެމްއީއެސްގެ އިމާރާތަށް އަރަބިއްޔާ ސްކޫލްގެ ދަރިވަރުން ވަގުތީ ގޮތުން ބަދަލު ކުރުމުގެ ތެރޭގައި ގެއްލުނު، އެ ކޮލެޖްގެ ތަކެއްޗަށް ހަތަރު ލައްކަ އަށް ވުރެ ގިނަ ރުފިޔާ ދައްކަން ދައުލަތުގެ މައްޗަށް ސިވިލް ކޯޓުން ހުކުމްކޮށްފި އެވެ.

އެމްއީއެސްގެ އިމާރާތުގައި ހިންގި މަންދު ކޮލެޖުގެ ބައެއް ފަރުނީޗަރު ގެއްލުނީ 2010 ގައި އަރަބިއްޔާ ސްކޫލްގެ ކިޔެވުން ވަގުތީ ގޮތުން އެމްއީއެސްގެ އިމާރާތަށް ބަދަލު ކުރިއިރު، އެތަނުގައި ހުރި މަންދު ކޮލެޖްގެ ފަރުނީޗަރު ފަހުން އަނބުރާ ހަވާލުކުރާ ގޮތަށް އެޑިއުކޭޝަން މިނިސްޓްރީގެ ބެލުމުގެ ދަށަށް ގެންގޮސްފައި ވަނިކޮށެވެ. އެ ތަކެތީގެ އަގު ހޯދަން މަންދު ކޮލެޖުން އެޑިއުކޭޝަން މިނިސްޓްރީގައި އެދުމުން އެ މިނިސްޓްރީން 2013 ގައި އަންގާފައި އޮތީ ގެއްލުނު އަދަދަށް ފަރުނީޗަރު ދޭނެ ކަމަށެވެ.

އެކަމަކު ބަދަލުގައި ދޭން ބުނި ފަރުނީޗަރު ހަވާލު ނުކުރާތީ، މަންދު ކޮލެޖް ހިންގާ މާލޭ ހައި ޕްރައިވެޓް ލިމިޓެޑުން އެ ތަކެއްޗަށް ވާ އަގު ހޯދަން ދައުވާ ކުރުމުން މިދިޔަ ހޯމަ ދުވަހު ސިވިލް ކޯޓުން ދައުލަތުގެ މައްޗަށް ހުކުމްކުރީ އެ ތަކެތީގެ އަގުގެ ގޮތުގައި 451،000ރ. އެއް މަސް ތެރޭގައި މަންދު ކޮލެޖަށް ދެއްކުމަށެވެ.

އެ ފައިސާ ލިބުން ލަސްވުމުން ޖޫރިމަނާ ފައިސާ ނަގައި ދިނުމަށް އެ ދައުވާގައި އެދިފައި ވިޔަސް ކޯޓުން ނިންމީ ޖޫރިމަނާ ނަގައި ނުދެވޭނެ ކަމަށެވެ.

ސަރުކާރުން 2015 ގައި ވަނީ އެމްއީއެސް އިމާރާތުގައި މަންދު ކޮލެޖް ނުހިންގޭނެ ކަމަށް ބުނެ، އެތަން އަތުލައިފަ އެވެ.

ސިވިލް ކޯޓް އަރަބިއްޔާ ސްކޫލް މަންދު ކޮލެޖް

6 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމީދު

01 November 2017

ނަޝިދުގެ ތަކެތި ވިއްކައިގެން ދޭން ޖެހޭފައިސާއެއް. އެހެން ނޫނީ އަރަބިއްޔާ ކުދިންނަށް ޖާގަ ހަދާށޭ ކިޔައިގެން ދައުލަތުން ނެގި ލާރިން ކަނޑަން ޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމާސާ

01 November 2017

ތިޔަ ފައިސާ ދައްކަންޖެހޭނީ އެޑިއުކޭޝަން މިނިސްޓަރ ގެ ޖީބުން. ދައުލަތުން (ރައްޔިތުންގެ ފައިސާއިން) ޚަރަދު ކޮށްގެންނުވާނެ. ސަބަބަކީ އެތަކެތި ގެއްލުނީ މިނިސްޓްރީގެ އިހުމާލުން ކަމަށްވާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

01 November 2017

2010 ގާ އޮޅުވާލައިގެން ހިންގާފައިވާ އަމަލެއް . އަރަބިއްޔާ ފުނޑާލުމުގެ ޒިންމާ ވެސް ނަސީދު ނަންގަވަންޖެހޭނެތީ ތިފައިސާ މަންދު ކޮލެޖަށް ދޭންޖެހޭނީ ވެސް ނަސީދު . ކޮބާ ؟ތައުލީމީ ފަންޑުން މަންދު ކޮލެޖަށް ދޫކުރި 3 މިލިއންރުފިޔާ ދެއްކީތަ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރީދާ

01 November 2017

މިއީ މައްސަލައަކި ސަރުކާރުގެ އިދާރާތަކުން ކުރާކުށަކަށް އަދަބްނުލިބޭ މައްސަލަ، ދައުލަތުން އެފައިސާނުދީ ހިފަހައްޓައި މަންދު ކޮލެޖުން ކޯޓަށް ދިޔައީމާ ލޯޔަރުގެ ފީ ހިމެނޭނެ އަދި ޖުރިމައިނާވެސް ހިމެނެންޖެހޭނެ، ސަރުކާރުން މިހާރުވެއްޖެ ދައުލަތުން ހިންގާ ގޯސްކަމެއްގެ ސަބަބުން އަމިއްލަ މީހުންނަށް ލިބޭ ގެއްލުން ދައުލަތުން އެގޯސް ހަދާ މީހާގެ ކިބައިން ހާސިލްކުރާނެ އުސޫލެއް، ދައުލަތުން އަމިއްލަ މީހާއަށް ކޮންމެފަދަ ލަނޑައެއްވެސް ހަމަދޭންވީ ދެން ކޯޓަށް ދާށޭ މިބުނަނީ، އިބްރާ އެތަނުން ބޭރުކޮށް ޔުނިވަސިޓީގެ ފެކަލްޓީއެއް އެތަނަށް ވެއްދީ އެތަނުގައި 100 ކުދިންވެސް ކިޔަވާހެނެއް ހިއެއްނުވޭ، އެކަމަކު އިބްރާ ފުލުހުންގޮސް ނެރެ އިބްރާގެ ކޮލެޖުގެ ކުދިން މަގުމަތިކޮށްލީ، ސަރުކާރަކީ އަބަދުވެސް އަމިއްލަ މީހުންކުރާ ކަންކަމަށް ހިއްވަރު ދިނުމުގެ ބަދަލުގައި ޖެއްސުންކޮށް އެމީހުން ނެތިކޮށްލަން އުޅޭބައެއް، އެއީ ސަރުކާރެއްނޫން އެއީ ސަރުކާރުގެ ބައެއް ވެރިންނިންމާ ނިންމުން