އަމީނިއްޔާ ސުކޫލުގެ މިދިޔަ އަހަރުގެ އަހަރީ އިނާމު ދިނުމުގެ ޖަލްސާގައި ސީއެޗްއެސްސީގެ ދަރިވަރުންތަކެއް ޓްރޮފީ ހިފަހައްޓައިގެން: އޭ ލެވެލް އަދި އޯ ލެވެލްގައި ކިޔަވަމުން އަންނަ ދަރިވަރުންނަށް ހާއްސަ ޕްރޮގްރާމްތަކެއް ފަށަން ވަނީ ތައްޔާރުވެފައި-- ފޮޓޯ: ނިޝާން އަލީ /މިހާރު
02 ނޮވެމްބަރ 2017 - 23:34
3 comments
އޯ ލެވެލް އަދި އޭ ލެވެލް ކިޔަވާ ދަރިވަރުންނަށް ހާއްސަކޮށްގެން ވާޗުއަލް ލާނިން ސަޕޯޓު ޕްރޮގްރާމެއް ފަށަން މާލެ ހައި އިންޓަނޭޝަނަލް ސްކޫލް އިން ތައްޔާރުވެއްޖެ އެވެ.
މިއީ އެ ދަރިވަރަކު ކިޔަވާ ސްކޫލެއްގައި ތިބެގެން އިތުރު އެހީ ބޭނުންވާ ދަރިވަރަށް ރަނގަޅު ނަތިޖާއެއް ހާސިލްކޮށްދިނުމަށް ކުރިއަށްގެންދާ ޕްރޮގްރާމެކެވެ. އަންނަ ހޮނިހިރު ދުވަހު ސްޓެލްކޯގެ މާލަމުގައި ވާޗުއަލް ލާނިން ޕްރޮގްރާމްގެ އޯޕަންޑޭ ބާއްވަން ވަނީ ހަމަޖައްސައިފަ އެވެ.
މާލެ ހައި އިންޓަނޭޝަނަލް ސްކޫލުން ނެރުނު ބަޔާނުގައި ބުނިގޮތުގައި އޯޕަންޑޭގައި ބައިވެރިވެ، ޓެކްނޮލޮޖީގެ ބޭނުންކޮށްގެން ކްލާސްތައް ހިނގާގޮތް ތަޖުރިބާ ކުރުމުގެ ފުރުސަތު ލިބިގެންދާނެ އެވެ.
މަންދު ކޮލެޖު ވެސް ހިންގަމުން އަންނަ ކުންފުނިން ބުނިގޮތުގައި އެ ޕްރޮގްރާމުގައި ކޮންމެ މާއްދާއެއް ވެސް ކިޔަވައިދޭނީ ފެންވަރު ރަނގަޅު ޓީޗަރުންނެވެ. އެގޮތުން ޓީޗަރާއި ދަރިވަރުން ދުރުގައި ތިބެގެން ވާޗުއަލް ޓެކްނޮލޮޖީ ބޭނުންކޮށްގެން ކްލާސްތައް ކުރިއަށްގެންދާނެ އެވެ.
"މާލެ ހައި އިންޓަނޭޝަނަލް ސްކޫލާއި ކުދިންނާއި ގުޅުވައިދެވިފައި ހުންނާނީ ކޮމްޕިއުޓަރާއި ލެޕްޓޮޕާއި ވެބްކެމް އަދި ހެޑްސެޓުގެ ޒަރީޔާއިންނެވެ. ދަރިވަރުން ކްލާހާ ގުޅޭނީ އެކަމަށް ހާއްސަ ޑޮންގަލް އެއް ބޭނުންކޮށްގެންނެވެ. ކަނޑައެޅިފައިވާ ޓައިމްޓޭބަލް އަކަށް ހިންގާ ކްލާސްތަކުގައި، ވަގުތުން ދަރިވަރުންނަށް ސުވާލުކުރުމާއި އެހެން ދަރިވަރުންނާ ވާހަކަދައްކައި ހެދުމުގެ ފުރުސަތު އޮންނާނެ އެވެ،" އެ ބަޔާނުގައި ބުންޏެވެ.
ކްލާހުގައި ބޭނުން ކުރަން ދޭ އެއްޗެހިތައް ސްކޫލުގެ ޕޯޓަލް އިން ލިބެން ހުންނާނެ ކަމަށާއި އޭގެ އިތުރުން ދަރިވަރުންނަށް ބޭނުންވާ އިރުޝާދާއި ކައުންސެލިން އަދި އިމްތިހާނުތަކަށް ފަރިތަކުރުން ވެސް އެ ޕްރޮގްރާމުގެ ތެރެއިން ލިބެން ހުންނާނެ ކަމަށް މާލެ ހައި އިންޓަނޭޝަނަލް ސްކޫލު ކުންފުނިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަތްފުނާ
02 November 2017
ރާއްޖޭގައި މިދެކޭ ކާމިޔާބް ތައުލީމުގެ ބާނީއަކީ ކުރީގެ ރައީސް މައުމޫނު.
އުމަރު
03 November 2017
އަޅުގަނޑު ތިޔަވާހަކައަށް ވަރަށް ތާއިދު، އެމަނިކުފާނު ވެރިކަމުގައި ހުންނަވައިގެން ހިންގި ހުރިހައި ދިރާސާއެއްގެ ބޭނުން ވަރަށް ރަނގަޅަށް ފުރިހަމަކުރެއްވި، މިހާރު މިއެނގެނީ ތަފާތު، މައުމޫނުގެ ވެރިކަމާއި ހިސާބުން ރާްޖޭގެ މަތީތައުލީމުވެސް މެދުމަދުރަސީ ތައުލީމުގެ ފެންވަރު މުޅިން ވެއްޓިއްޖެ، އެއީ ހަމަ ސަރުކާރުގެ ދޯހަޅި ސިޔާސަތުގެ ސަބަބުން، ޑރ. އައިޝަތު ޝިހާމު މިހާރު ފަށައިގެން އުޅެނީ ކޯޑިންގް ދަސްކޮށްދޭނެ، އެކަމަކު އޭގެ އިންޑަސްޓްރީއެއް ރާއްޖޭގައިނެއް، ރާއްޖޭގައި އޮތީ ޓޫރިޒަމް އިޑަސްޓްރީއާއި މަސްވެރިކަމުގެ އިންޑަސްޓްރީ، އެކަމަށް ފޯކަސްނުކޮށް އެކަމަނާ ދިމާކުރަނީ ބޭރުގެ އެޖެންޓެއް ވިއްކާ ކޮންމެވެސް އެއްޗެއް ވިއްކޭތޯބަލަން، އެހެންވަނީވެސް މިނިސްޓްރީގައިތިބި ނާގާބިލު ވެރިންގެ ސަބަބުން، އެއިން ކޮންމެމީހެއްގެ އަމިއްލަ އެޖެންޑާ ބޮޑުކަމުން، ކޮރަޕްޝަން ހައްދު ފަހަނަޅާ އޮތުމުގެ ސަބަބުން،
ފައިސަލް މޫސާ
02 November 2017
ރާއްޖޭގައި ފުރަތަމަ ވާޗުއަލް ކުލާސްތަށް ހިންގަންވާނީ އެކަން ހިންގާނެ ގާބިލު ލެކްޗަރާއިން އުފެއްދިގެން، ދުނިޔޭގެ ކުރިއަރާފައިވާ ގައުމުތަކުގައި ވާޗުއަލް އަދި އީލާނިންގް ހަދައިގެންތިބި ލެކްޗަރާއިންނަށްވެސް އެއުޅެނީ އަދިވެސް ވާޗުއަލް ކުލާސްރޫމުތަކުގައި ކިޔަވައި ނުދެވިގެން، ރާއްޖޭގެ ކިޔަވާކުދިންނަށް ކޮމްޕިއުޓަރު މެދުވެރިކޮށް ސްކޫލުގައި ކިޔަވައިދޭ މާއްދާތަކަށް އެހީތެރިކަން ފޯރުކޮށްދެވިދާނެ، އެކަމަކު ސުވާލަކީ މިހާރުވެސް ކުލާހުގައި ހޭދަކުރާ ވަގުތުގައިވެސް ޕްރޮޑަކްޓިވް ވަގުތެއް ހޭދަނުކުރެވޭއިރު ވާޗުއަލްކޮށް ކިހިނެއްތޯ ރާއްޖޭގައި ކިޔައިދީ ފެންވަރު ހިފަހައްޓާނީ؟ އޯލަވްލް އޭލަވަލް ކުދިންނަށް އިތުރަށް ބޭނުންވަނީ ކިޔެވި އެއްޗެއް ބޭނުންކުރާނެގޮތް އެކަން ކުރެވޭނެގޮތެއް ރާއްޖޭގައިނެއް، ސަރުކާރުގެ ސިޔާސީ އެޖެންޑާ ބޮޑުވެގެންގޮސް އެކަން ކުރެވޭނެ މާހައުލެއްނެއް