މަތީ ތައުލީމަށް ކިޔެވުމަށް އެޑިއުކޭޝަން މިނިސްޓްރީން ދޭ ލޯނު ލިބުނު ދަރިވަރަކަށް، އެޑިއުކޭޝަން މިނިސްޓްރީގެ ސްޓޭޓް މިނިސްޓަރު ޝަފީއު ލިޔުން ހަވާލުކޮށްދެއްވަނީ .---މިހާރު ފޮޓޯ: ހުސެއިން ވަހީދު
09 ނޮވެމްބަރ 2017 - 23:11
10 comments
މަތީ ތައުލީމް ހާސިލްކުރަން އެޑިއުކޭޝަން މިނިސްޓްރީން ދޫކުރާ ލޯނު ލިބޭ ދަރިވަރުންގެ ވަގުތީ ލިސްޓް އާއްމުކޮށް އެ އަށް ޝަކުވާ ހުށަހަޅަން މިއަދު ހުޅުވާލައިފި އެވެ.
ހަޔަ އެޑިއުކޭޝަން ޑިޕާޓްމަންޓުން ކުރި އިއުލާނުގައި ބުނީ މަތީ ތައުލީމުގެ ލޯނު ލިބުނު ދަރިވަރުންގެ ވަގުތީ ލިސްޓަށް އަންނަ ހަފުތާގެ ބުދަ ދުވަހާ ހަމައަށް ޝަކުވާ ހުށަހެޅޭނެ ކަމަށެވެ.
އެޑިއުކޭޝަން މިނިސްޓްރީގެ ސްޓޭޓް މިނިސްޓަރު އަބްދުﷲ ނަޒީރު "މިހާރު"އަށް ވިދާޅުވީ، ބައެއް ކޯސްތަކަށް ކަނޑައެޅި ޖާގަތަކަށް ވުރެ ހުށަހެޅި ދަރިވަރުންގެ އަދަދު ގިނަވުމުން، ކޮންމެ ކޯހަކުން ވެސް އިތުރަށް 30 ޕަސެންޓް ޖާގަ ދޭން ނިންމާފައިވާ ކަމަށެވެ. އެހެންކަމުން ގިނަ ދަރިވަރުންނަށް ޖާގަ ދެވިގެންދާނެ ކަމަށް ނަޒީރު ވިދާޅުވި އެވެ.
"އަބަދު ވެސް ބައެއް ކެޓަގަރީތަކަށް، ކަނޑައަޅާފައިވާ ޖާގައަށް ވުރެ ހުށަހަޅާ ދަރިވަރުންގެ އަދަދު ގިނަ. އެހެންވެ ސްކޮލަޝިޕްގެ ބޯޑުގެ ލަފައާއެކު މިފަހަރު މި ކަނޑައެޅީ، ކޮންމެ ކެޓަގަރީއަކުން 30 ޕަސެންޓް އިތުރަށް ދިނުމަށް. މީގެ ކުރިން ވެސް އޮންނާނެ މިގޮތަށް އަމަލުކޮށްފައި،" ނަޒީރު ވިދާޅުވި އެވެ.
"އޭރުން ވީހާ ވެސް ގިނަ ދަރިވަރުންނަށް ފުރުސަތު ދެވިގެންދާނެ. ކުރީ އަހަރުތަކާ ހިލާފަށް މި އަހަރު އެއް ކޯހަށް ވުރެ ގިނަ ކޯހަށް ކުރިމަތިލެވޭނެ. ބޭނުމަކީ ވީވަރަކުން ގިނަ ދަރިވަރުންނަށް ފުުރުސަތު ދިނުން."
މި ލޯނުގެ ތެރެއިން 16 ދާއިރާއަކުން ރާއްޖޭން ކިޔެވުމަށް ދެނީ 428 ފުރުސަތެވެ. ސާކުގެ އަށް ގައުމުގެ އިތުރުން ޗައިނާ އާއި މެލޭޝިޔާ، ޕިލިޕީންސް އަދި ތައިލެންޑުގައި ތިބެގެން 28 ދާއިރާއަކުން ކިޔަވަން ދީފައިވަނީ 572 ފުރުސަތެވެ. މި ލޯނަށް 600އަށްވުރެ ގިނަ ދަރިވަރުން ވަނީ ކުރިމަތިލައިފަ އެވެ.
ނަޒީރު ވިދާޅުވީ ލޯނަށް ކުރިމަތިލި ހުރިހާ ދަރިވަރުންގެ މޮބައިލް ފޯނަށް ވެސް، އެ ލިސްޓް އާއްމުކުރި ކަމުގެ މެސެޖު ކޮށްފައިވާ ކަމަށެވެ. އަދި ލިސްޓަށް ހުށަހަޅާ ޝަކުވާތައް ބެލުމަށްފަހު، އަންނަ ބުރާސްފަތި ދުވަހު ދާއިމީ ލިސްޓް އާއްމުކުރުމަށް މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.
މި ލޯނުގެ ދަށުން އެންމެ ގިނައިން ދަރިވަރުން ހުށަހަޅާފައިވަނީ ޑިގްރީގެ ޕްރޮގްރާމްތަކަށެވެ. ވަކިވަކި ކޯހަށް ބަލާއިރު އެންމެ ގިނައިން ހުށަހަޅާފައިވަނީ ޕައިލެޓްކަން ކިޔެވުމަށެވެ.
އެޑިއުކޭޝަން މިނިސްޓްރީން ބުނިގޮތުގައި އަންނަ ޖެނުއަރީ މަހު ކިޔެވުން ފެށުމުގެ ކުރިން ދަރިވަރުންނަށް ލޯނު ލިބުނުކަމުގެ ލިޔުން ހަވާލުކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންނަވާ
10 November 2017
ތި ލޯނުނަގައިގެން ކިޔަވައިގެން މޮޅުވެގެން އައިމަ ލިބޭ ވަޒީފާގެ މުސާރައިން ލޯނު ދެއްކޭވަރު ވުވާކަން ހިތާމަޔާއެކު ފާހަނގަކޮށްލަން. މާލޭބަ ތިބެގެން ނޫނީ ވަޒީފާ ލިބޭކަށް ނެތް. މާލޭގަ ތިބެންޏާ ލިބޭ ހުރިހާ ލާރިއެއް ގެ ކުއްޔަށް ދަނީ. ދެން ކިހިނެތް މިކަން ދެކޮޅު ޖައްސާނީ. ސަރުކާރަށް ދައްކަން ޖެހޭބައި 50% އަށް ހާދާލަ ދޭނަމަވެސް ހާދަހާވާ ރަނގަޅޭ. ކިޔެވުނު މޮޔަ ހިތަށް އަރާމިހާރު. މިވާހަކަ ދައްކާނެ މީހެއް ދެއްކީމަ އަޑުއަހާނެ މީހަކުވެސް ނެތް..
އާދަމް
10 November 2017
ޝަކުވާ ހުށަހަޅަން އަމިއްލަ ނަފްސާ ސުވާލުއުފައްދާ ހިނދު ހިތަށް އަރަނީ , ހަޔަރއެޑިއުކޭޝަންގެ ޕޮއިންޓިންގ ކްރައިޓީރިޔާ އޮތް ގޮތް. މިސާލަކަށް ލަންޑަން ސްކޫލް އޮފް އިކޮނޮމިކްސް އަކީ ދުނިޔޭގެ 5 ވަަނަ , އެކައުންޓިންގ އާއި އިކޮނޮމިކްސް އެޑިޔުކޭޝަން އިން. އެތަނުން ކިޔަވައިދޭ ސަބްޖެކްޓްގެ ޕާސް % އާއި ދުނިޔޭގެ ރޭންކިންގެ 5000 އަށްވުރެ ދަށުގެ ޔުނިވަރސިޓީތަކުން ކިޔެވި ކުދިންގެ % ބެލީ އެއްހަމަޔަކުން. ކިޔެވި ޔުނިވަރސިޓީތަށް ބޭންޑްކުރެވި އެއަށް ޕޮއިންޓް ދެވުނު ނަަމަ ވަރަށް އިންސާފްވެރިވީސް.
އެކްޕާތް
10 November 2017
މިވާހަކައަށް ތާއީދު. ރާއްޖޭގެ ފަސްޓް ކްލާސް އިކޮނޮމިކްސް ޑިގްރީއަކާ އެލް.އެސް.އީ ގެ ތަރޑް ކްލާސް އިކޮނޮމިކްސް ޑިގްރީއަކާވެސް އެއްހަމައެއް ނުވާނެ. އިކޮނޮމިކްސް އެކަންޏެއް ނޫން: ރާއްޖޭގެ ޔުނިވަރސިޓީ/ކޮލެޖްތަކުންދޭ ފަސްޓް ކްލާސް އެލް.އެލް.ބީ އަކާއި އޮކްސްބްރިޖް، ކޭ.ސީ.އެލް، ޔޫ.ސީ.އެލް، ޑަރހަމް، ފަދަ ތަންތަނުގެ އެލް.އެލް.ބީގެ ތަރޑް ކްލާސް ގްރޭޑަކާ ނުވަތަ ހާވަރޑް، ޔޭލް، ސްޓެންފަރޑް ގެ ޖޭޑީގެ ޕާސް ގްރޭޑަކާވެސް އެއްހަމައެއް ނުވާނެ. ކިޔަވާދިނުމާއި، ސިލަބަސް ޑިފިކަލްޓީއާއި، ރިސަރޗް ކޮލިޓީއާއި، ގްރެޖުއޭޓް ޕްރޮސްޕެކްޓްއަށް ބެލިޔަސް.
ހުމް
10 November 2017
ނަން އާންމުކުރުމުން ފްލެޓް މައްސަލައިގައި ހައްގު ގެއްލޭ މިކަމުގަ އޯކޭ. ދެނާޅި ސިޔާސަތު.
ޑަބިޔާ
10 November 2017
ދީފަހުރީ މިސަރުކާރުގެ ބަޔަކަށް. ސަކުވާފޯމު ހުށައަޅާނަން އެކަމުވެސް ވާނެކަމެއް ނޯންނާނެ.
ބޮޑޭ
10 November 2017
އޭ ޕުލަސް ހޯދިޔަސް ސަރުކާރާ ދެކޮޅު ބަޔަކަށް ލޯނެއްވެސް ނުދޭ!
މަނަދޫ ގާދިރު
10 November 2017
ރައީސް ޔާމީން އައް ވެދުން ސަލާމައްފަހު ދަން ނަވަން..ތައުލީމަށާ. ރާއްޖެ ތަރައްގީ ކުރަން ތިޔަކުރައްވާ މަސައްކަތް. މައުމޫނާ ނަސީދު ކިތައްމެ އުދަގުލެއް ކުރިޔަސް ހުއްޓާ ނުލައްވާށޭ..
މަނަދޫ ގާދިރު
10 November 2017
ރައީސު މައުމޫނު އަދި ރައީސު ނަޝީދު މި ދެބޭފުޅުން ގައުމުގެ ދަރީންގެ ތަޢުލީމު ކުރި އެރުއްވުމައް ކުރެއްވި މަތިވެރި ގުރުބާނީ އެއްވެސް ބަޔަކު ހަނދާން ނައްތައި ލައިގެން ނުވާނެެެވެ.
ތަމް
10 November 2017
ދަރިވަރުގެ އައީޑީކާޑް ނަމްބަރާއި ލިބުނު ޕޮއިންޓްގެ އަދަދު އާންމުކޮށްފަ މިއޮތީ ނުވޭ މައްސަލަޔަކަށް. ފްލެޓް ލިބުނު މީހުންގެ ޕޮއިންޓް އާންމު ކުރީމަ ގައުމީ މައްސަލަޔަކަށް ސަރުކާރަަށް މިވަނީ. ޖަރީމާ ހިންގަންވީމަ ކޮންމެ އެއްޗެކޭވެެސް ކިޔާނެކަން މިއޮތީ ފެންނަން.
ނާއިމް މޫސާ
10 November 2017
ދިވެހި ސަރުކާރުން ޑިޕާޓްމަންޓް އޮފް ހަޔާރ އެޑިއުކޭޝަން އުފައްދައި ބަޖެޓް ދީގެން ރާއްޖޭގެ އެތަކެއް މަތީތައުލީމް ފޯރުކޮށްދޭ މަރުކަޒުތަށް ރަޖިސްޓްރީކޮށް އެތަންތަން ކުރިއަރުވަން މޭންޑޭޓެއް ހަވާލުކޮށް ދިނީމާ، ޓެކުސް ފައިސާ ހަރަދުކޮށްގެން ކުދިން ރާއްޖެއިން ބޭރަށް ކިޔަވަން ފޮނުވުން ނޫންކަމެއް އެތަނަކުން ކުރާތަނެއް ނުފެނޭ، މުޅި ހަޔާ އެޑިއުކޭޝަން ޑިޕާޓްމަންޓް އޮތީ މުޅިން މިކަމަށް ހުސްވެފައި، ވޯލްޑްބެންކުގެ އެހީފައި 2011 ގައި ދިރާސާއެއް ކުރެވުނު، އަދި ހަމަ ވޯލްޑް ބެންކުގެ އެހީގައި 2016 ވަނަ އަހަރު ދިރާސާއެއް ކުރެވި މާސްޓާރ ޕްލޭނެ ކަނޑައެޅުނު، އެއިން އެއްވެސް ކަމަކަށް ނުބަައްލަވައި އެގެންދަވަނީ 2000 ވަނަ އަހަރުއްސުރެން ނުވަތަ ރާއްޖޭގައި ޔުނިވަސިޓީއެއް ގާއިމްކުރުމުގެ ކުރިންވެސް ކުރަމުން އަންނަ މަސައްކަތް، އެއީ ސަރުކާރުގެ ވެރިންގެ ދަރިން ބޭރަށް ފޮނުވާފައި ނިކަމެތި ދަރިން މާލޭގައި ކިޔަަން ފުރުސަތުދިނުން، މިކަން ބަލާނެ ތިންވަނަ ފަރާތެއްނެއް