ފައިގެ އޮޕަރޭޝަނަށް ފަހު ޑރ. ނާޒު އައިޖީއެމްއެޗުގައި: ކަށީގެ ޑިޕާޓްމެންޓް ވަރަށް ބޮޑަށް ކުރިއަރާފައިވާކަން ޑރ. މުޒުނީ ފާހަގަކުރެއްވި. ފޮޓޯ: އިންސްޓަގްރާމް، ޓްވިޓާ
12 ނޮވެމްބަރ 2017 - 08:15
61 comments
އައިޖީއެމްއެޗަކީ އަބަދުވެސް އެތައް ބައެއްގެ ފާޑުކިޔުމާއި ޝަކުވާތަކާއި ރުޅިވެރިކަން އަމާޒުވާ ހޮސްޕިޓަލެކެވެ. އެކަމަކު އެ ތަނުގެ ހުރިހާ ކަމެއް ގޯހެކޭ ނުބުނެވޭނެ އެވެ. އެއް ކަމަކީ ކަށީގެ ޑިޕާޓްމެންޓުން ދޭ ޚިދުމަތްތަކެވެ. އެ ހޮސްޕިޓަލުގެ ޑޮކްޓަރު އަލީ މުޒުނީ ރޭ ހިއްސާކުރެއްވި ވާހަކަ އޭގެ ހެއްކަކަށް ފުދެ އެވެ.
އައިޖީއެމްއެޗުގައި އޭނާ އިއްޔެ ހެނދުނު ކުރެއްވި އޮޕަރޭޝަނަކީ، ޑރ. މުޒުނީ ވިދާޅުވި ގޮތުގައި، "ދުނިޔޭގެ އެހެން ހުރިހާ ތަނަކުން" ވެސް ލިބޭނެ އެ ބާވަތުގެ "އެންމެ ފުރިހަމަ" ފަރުވާ އެވެ.
ޑރ. މުޒުނީ. ފޮޓޯ: ފޭސްބުކް
ނަފްސާނީ ބަލިތަކުގެ ޑޮކްޓަރު އައިޝަތު އަލީ ނާޒުގެ ފައިގެ ކަށިމަތިން ކަށިގަނޑެއް ބިންދައިގެން ދިޔައީ އިންޑިއާގެ ވެރިރަށް ނިއު ދިއްލީގައި ހުންނަވަނިކޮށެވެ. ފޭސްބުކް ޕޯސްޓެއްގައި ޑރ. މުޒުނީ ވިދާޅުވި ގޮތުގައި އެ އަނިޔާ ލިބިވަޑައިގަތުމުން ޑރ. ނާޒު ފުރަތަމަ ފަރުވާ ހޯއްދެވީ އިންޑިއާގެ އެންމެ ރަނގަޅު މެޑިކަލް އިންސްޓިޓިއުޓްތަކުގެ ތެރޭގައި ހިމެނޭ އެއިމްސް އިންނެވެ. އެކަމަކު އެއަށް ފަހު ރާއްޖެ ވަޑައިގެން އެއާޕޯޓުން އޭނާ ސީދާ ވަޑައިގަތީ އައިޖީއެމްއެޗަށެވެ.
"ޑރ. ނާޒްގެ ބައެއް ގާތްތިމާގެ މީހުންނާއި ރައްޓެހިން ލަފާ ދިނީ ފަރުވާ ހޯދަން އިންޑިއާ އަށް ނުވަތަ ސިންގަޕޫރަށް ދާން. އެކަމަކު އޭނާ (ބޭރަށް) ވަޑައިނުގެންނެވީ އަޅުގަނޑުމެންނާ މެދު އެހާ ވެސް ބޮޑު އިތުބާރެއް އޮތީމަ،" ޑރ. މުޒުނީ ލިޔުއްވާފައިވެ އެވެ.
ފައި ބިންދައިގެން ދިޔުމާ ބެހޭގޮތުން ޑރ. ނާޒު ލިޔުއްވި ފޭސްބުކް ޕޯސްޓެއް
ކާމިޔާބު އޮޕަރޭޝަންގެ ތަފްސީލް ދެއްވަމުން އޭނާ ވިދާޅުވި ގޮތުގައި ބިނިދިފައި ހުރި ކަށިގަނޑު ފޭވެފައި ވަނިކޮށް، ފަޅާލައިގެން ކަށިގަނޑު އަޅުވައި ޕްލޭޓަކާއި އިސްކުރު ވަނީ ހަރުކޮށްފަ އެވެ.
"އެހެން އެއްވެސް ތަނަކުން މި އަށް ވުރެ ރަނގަޅަކަށް މި ކަމަށް ފަރުވާ ނުދެވޭނެކަން އަޅުގަނޑަށް ޔަގީން،" މުޒުނީ ވިދާޅުވި އެވެ.
ސަރަހައްދީ ފެންވަރުގައި ވެސް ފާހަގަކުރެވޭ ޚިދުމަތްތަކެއް ދޭ ގާބިލް ދިވެހި ޑޮކްޓަރުން ތިބި ތަނެއްގެ ގޮތުގައި ކުރިންސުރެ ސިފަކުރެވިފައިވާ ކަށީގެ ޑިޕާޓްމެންޓުން ބޮޑެތި ގިނަ އޮޕަރޭޝަންތަކެއް ކުރަމުން އަންނަތާ އަހަރުތަކެއް ވަނީ ވެފަ އެވެ. އެ ތަނުގެ ކުރިއެރުމާ މެދު ޑރ. މުޒުނީ ވަރަށް ބޮޑަށް ހިތްހަމަޖެހިވަޑައިގަންނަވަ އެވެ.
"އަޅުގަނޑުމެންނަށް ކަށީގެ އޮޕަރޭޝަންތައް މި ފެންވަރަށް ތަރައްގީކުރެވިފައިވާ ކަމާ މެދު އަޅުގަނޑުމެން ފަޚުރުވެރިވެ އުފާކުރަން. އަދިވެސް ކުރަން ޖެހޭ ވަރަށް ގިނަ ކަންކަން އެބަހުރި. އަޅުގަނޑުމެންނަށް އިތުރަށް ކުރިއަށް ދެވޭނެ ހަމައެކަނި ގޮތަކީ ސަރުކާރުގެ ވަރަށް ބޮޑު އެހީތެރިކަމެއް ލިބުން،" އޭނާ ވިދާޅުވި އެވެ.
ތަނުގެ ހިންގުމަށް މި ފަހުން ގެނައި ކުރިއެރުންތަކާ އެކު ޚިދުމަތްތަކަށް ހެޔޮ ބަދަލުތަކެއް ގެނެސްފައިވާ އައިޖީއެމްއެޗަކީ ރާއްޖޭގެ އެންމެ ގިނަ ބަޔަކު ބަރޯސާވާ ހޮސްޕިޓަލެވެ. އެ ތަނުން ލިބޭ ޚިދުމަތްތަކާއި ފަރުވާ ރަނގަޅުވެފައިވާ ކަން ފަހަކަށް އައިސް ބައެއް މީހުން ސޯޝަލް މީޑިއާގައި ފާހަގަކުރެ އެވެ. ފަހަރުގައި، މިހާރު ހަމައެކަނި ބޭނުންވަނީ ޑރ. ނާޒު ކުރެއްވި ފަދަ އިތުބާރެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާލޯސް
13 November 2017
އޭޑީކޭގައި ލައިވްކޮށް ދެއްކި މައިބަދައިގެ އޮޕަރޭޝަނަކީ ވެސް އެތަނުގެ ހޭނައްތާ ޑޮކްޓަރެއްގެ އޮޕަރޭޝަނެއް .ނިކަމެތި ގޮތެއް ނެތިފައި ތިބޭ ނިކަމެތި ރައްޔިތުންނަކަށް މިރާއްޖޭގައި ނޯންނާނެ އެޕޮއިންޓްމެންޓެއް ވެސް ގިނަފަހަރައް ލިބޭކަށް.
އެދުރުބެމަ
13 November 2017
ޑޮކްޓަރ ތިކަންކުރެއްވީ ފައިބިންދައިގެން ޑޮކްޓަރ އެއްކަމައްވާތީ ނިކަމެތި ރަޢިއްޔަތަކު ކިތަންމެ ބޮޑުކަމެއްދިމާވިޔަސް އަޅާލުމެއް އޯގާތެރިކަމެއް ނުހުރެ މިވާހަކަ އަޅުގަނޑު މިލިޔަނީ އަޅުގަނޑު އައި.ޖީ.އެޗަށް ކަށީގެމައްސަލައެއްގައި ފަރުވާހޯދަންގޮސް ފަރުވާނުލިބި އޭ.ޑީ.ކޭ އަށްގޮސް އޯގާތެރި ކަމާއިއެކު ފަރުވާލިބިފައިވާތީ އަޅުގަނޑު އައި.ޖީ.އެމް ހޮސްޕިޓަލުގެ އެމަޖެންސީ ރޫމުގައި 18 ގަޑިއިރު އޮވެ އެއްވެސް ފަރުވާއެއް ނުލިބުނުތާ ރާއްޖޭގެ މޮޅު ކަށީގެ ޑޮކްޓަރަކު ލޮލަށްވެސް ނުފެނި ފުރާނަ ސަލާމަތްކުރުމަށްޓަކާ އޭ.ޑީ.ކޭއަށް ބަދަލުވާންޖެހުނުވާހަކަ ހިތާމަޔާއިއެކު ފާހަގަކުރަން ކަށީގެ ބައެއް ޑޮކްޓަރުންނަކީ ވަރަށްކިބުރުވެރިކަމާއިއެކު މަސައްކަތްކުރާ ޑޮކްޓަރުންކަމުގައި ދަންނަވަން
ހަބޭސް222
13 November 2017
ހަމަގައިމުވެސް އަހަރެން ހެއްދި އެޕޮއިންޓްމެންޓް އޮތީ 2300 ވަނާގައި، އަހަންނަށް ޑޮކްޓަރަށް ދެއްކެން ވަނީ 2 އަހަރު ފަހުން، ޑޮކްޓަރުން ޑޮކްޓަރުންނަށް ވީމަ ތިހާ ރަނގަޅަށް ތިކަން ތިވީ! އާދައިގެ މީހެއް ނަމަ ހަމަލާހިކެނުން ތިކަމެއް ތިހެން ވާކަށް!!
ހަޒާނާ
12 November 2017
މި ހިދުމަތާއެކު ޑރ. ނާޒްގެ ފޭސްބުކް ސަރުކާރާ ދެކޮޅު ކޮމެންޓްތައް މަދުވެ، ހަމައާއި އިންސާފުގެ ތެރޭގައި ފާޑު ވިދާޅުވާނޭކަމަށް އުންމީދު ކުރަން .
ދެރަ
12 November 2017
އަހަރެންގެ ދަރިފުޅު ކަށީގެ ހާއްސަ މީހަކަށް ދައްކަން އެޕްއިންޓްމަންޓްހެދީ 2016 ޖުލައިގަ. އެޕޮއިންޓްމަންޓް ހަމަޖެހުނީ 2017 އޮކްޓޫބަރ.. މިދެން ބޮޑުވަރުދޯ. ބިދުނުމީހާބިދި މަރުވެ، މަސްތަކާއި ކަށިތައް ވެއްޔަށް ވާފަހުން...
އަނގްފޫޅު
12 November 2017
އައިޖީއެމްއެޗް އަކީ އަދި ސިއްހީ ދާއިރާ އަކީ "އަތްލާން ކެރޭވަރު ނުވާތީ އަންނި އަތް ނުލާ" ދޫކޮށް ލާފައިވާ ތަނެކެވެ.އަންނި ބުނީ "އައިޖީއެމްއެޗް އަކީ އަތްލަން ނުކެރޭވަރަށް ހަލާލުވެފައި ވާތަނެކޭ" ހުޅުލޭ އެއަރޕޯޓް އަކީ "ބާލިދީ އެއަރޕޯޓޭ" ހުޅުލެއަރ މާލެއާ ދެމެފު "ބްރިޖް އަޅާނީ ކިހިނެއް ހޭ" ވެސް އަންނި ބުނި ތާއެވެ.ކޮބާ ދޮންރިހަ ކުދިން ނަށް މިހާރު އެއްޗެއް އެބަފެނޭ ތާ؟ އަދި އަނގަ ގަދަ ކުރައްޗޭ..ހަދާފައި ދައްކާނަމެވެ.ބްރިޖް މަތިން ބުރިޖަހަން ތިބެއްޗޭ.
ދޮނަކުޅި
12 November 2017
މި ކޮމެންޓް ވެސް ހަޖަމު ނުވެގެން ޑިސްލައިކް ކުރަނީ ތޯއެވެ؟ ބަލަ މިއީ އެއްމެން ދަންނަ ތެދު ބަހެކެވެ.ކަލޯމެނަށް ހަޤީޤަތެއް ވެސް ހަޖަމު ވަނީ އަންނި ގޯހެއް ގޮވިޔަސް އެއީ ނުބުނާ އެއްޗެއް ކަމަށް ހެދުމުން ތާއެވެ.
ފިލޯސަފަރު
13 November 2017
ކޮންމެ ކަމެއް ސިޔާސީކޮށް ޔާމީނޭ އަންނިއޭ ފިޔާތޮއްޓޭ ރީނދުލޭ ކިޔަންޖެހޭ ހެއްޔެވެ؟ އަޅެ ބުނެބަލާށެވެ. އައިޖީއެމްއެޗު ހެދީ ކޮން އަހަރަކު ހެއްުޔެވެ؟ އޭގެ ކުރިން ސެންޓުރަލް ހޮސްޕިޓަލުު ހަނދާން އެބަހުރި ހެއްޔެވެ؟ ޑރ. މުޒުނީ ޑޮކްޓަރީކަން ކިޔަވަން ފެށުނީ ކޮްން އަހަރަކު ކިހިނަކުން ހެއްޔެވެ؟ އައިޖީއެމްއެޗުގައި ކަށީގެ ޑިޕާޓްމެންޓު ތަރައްގީވާން ފެށީ ކިހިނަކުން ކޮން އަހަރަކުން ފެށިގެން ހެއްޔެވެ؟ އެތާ ހުރި މެޝިނަރީޒް ލިބެންފެށީ ކޮންގޮތަކަށް ހެއްޔެވެ؟ އެތަނުގައި މިހާރު ތިބި ދިވެހި ޑޮކްޓަރުން ތަމްރީނުވީ ކިހިނަކުން ހެއްުޔެވެ؟ ބުަނަން މިއުޅޭ އެއްޗަކީ ތަރައްގީ އަކީ ވަކި ތަރުތީބަކުން ވަމުން އައި ކަމެކެވެ. އެ ދާއިރާއެއްގެ ގިނަ ސިޔާސީ ނޫން ޕްރޮފެޝަނަލުންގެ މިންނެތް މަސައްކަތުންނެވެ. ސިޔާސީ ވެރިންނަށް "ކްރީމް" ކޮޅު ދޭން ނޫޅޭށެވެ.
ވަަރު
12 November 2017
ތިޔ މޮޅު ފަރުވާ ލިބެނީ ހަމަ އެކަނި މޮޅު މުއްސަދިންނަށް، އާދައިގެ ދެރަ ނިމަމެތިން ޖެހޭނީ 2 3 އަހަރު ބިންދުން ކަށިގަނޑާއެކު އުޅެން.
ޕަކަޕަކަ
12 November 2017
މިސަރުކާރުން ކުރާ ކޮންމެ މޮޅު ކަމެއް ފުރިހަ ކުރާނެ ކަން އެގޭ އިރަށް އެމްޑީޕީ ސޮރުން މިހާރު ކިޔާ އެއްޗަކީ ތިއީ އަންނި ކުރަން ޤަސްތު ކޮށްފައިވާ ކަމެކޭ..ބްރިޖް ވެސް އަޅަން އަންނި އޮތީ ޤަސްދު ކޮށްފަޔޯ؟ އެކަމު އަންނި ތައީސް ބުނީ ކިހިނެއްހޭ މާކެއާއި ހުޅުލެއާއި ދެމެދު ބުރުޖް އަޅާނީ..ކޮންތާކުންހޭ ލާރި ހޯދަނީ؟ ހެހެހެ
ޖޫން
12 November 2017
ބަޔަކަށް ހަޖަމު ނުވިޔަސް މި ވެތިކަމުގައި ޚާއްސަކޮށް ރާއްޖޭގެ ސިއްހީ ދާއިރާއަށް ވަރަށް ބޮޑު ކުރިއެރުމެއް މި ހަތަރު އަހަރު ތެރޭ ގެނެސްފި އެވެ.ޖުމްލަ ކޮށް ހުރިހާ ދާއިރާ އަކަށެވެ.
ޑޮރާމާ ކުޢީން
12 November 2017
ޑރ ނާޒްގެ ހަބަރ ތައް މާގިނުވެގެން މިއުލެނީ ހަމަ އިއްތިފާގަކުންބާ؟
ހާމަ333
12 November 2017
ބަލަ މެޝިނަރީޒާއި އިމާރާތާއި ޑޮކްޓަރުންނެތިގެން ނޫނޭ ޝަކުވާ ބޮޑުވަނީ....ރާއްޖޭގެ އެހެން ސަރަހައްދުތަކުގައި ރަނގަޅު ބޭސްފަރުވާ ނިޒާމުނެތީމަ އެންމެން މާލެއަށް ތޮތްޖެހޭ މައްސަލަ...އައިޖީއެމްއެޗަށް ތޮތްޖެހޭ މައްސަލައޭ މައްސަލައަކީ...ތިތާ ކިއު ނަންބަރު އުޅެނީ 1 އަހަރު ފަހަތުގަ...ތިއީ ތިތާ ޑޮކްޓަރެއްވީމަ ވަގުތުން ދެއްކުނަކަސް އާންމު ރައްޔިތުމީހާ ދާންޖެހޭނީ ކިއުގެ ފަހަތަށް...ވަރަށް ސަލާމް...