ކުޑަކުދިންނަށް ކުރާ އަނިޔާއާ ދެކޮޅު ކުރެހުމެއް: އެއްމާބަނޑު ދެކުދިންނާ ބެހުނު ބައްޕަ އެކި ފަހަރު މަތިން އެ ކުދިންނާ ބެހުނު ކަމަށް އެ ކުދިން ބުނެފައިވޭ
21 ނޮވެމްބަރ 2017 - 16:06
8 comments
ނ. މަނަދޫގައި، އެއް މާބަނޑު ދެ ކުދިންނާ ބެހުނު ބައްޕައަކު 20 އަހަރަށް ޖަލަށްލާން ކުރި ހުކުމް ހައި ކޯޓުން މިއަދު ދަމަހައްޓައިފި އެވެ.
ގދ. އަތޮޅުގެ ރަށަކަށް ނިސްބަތްވާ އެ މީހާ ޖަލަށްލާން ކްރިމިނަލް ކޯޓުން 2014 ގައި ހުކުމްކުރީ އޭނާ 12 އަހަރުގެ އެއްމާބަނޑު ދެ ކުދިންނާ 2011 ވަނަ އަހަރުން ފެށިގެން އެކިފަހަރު މަތިން ބެހުނު ކަން ސާބިތުވެގެންނެވެ.
ޖަލުގައި ހުރި މީހާގެ މައުލޫމާތު އެނގުނު ނަމަވެސް ޚަބަރުގައި ހިމަނާފައި ނުވަނީ އަނިޔާ ލިބުނު ކުދިންގެ މައުލޫމާތު ހާމަވެދާނެތީ އެވެ.
ޖަލު ހުކުމް އެ މީހާގެ ފަރާތުން އިސްތިއުނާފް ކުރުމުން ހައި ކޯޓުން ވެސް ނިންމީ އޭނާ އެ ކުދިންނާ ބެހުނުކަން ސާބިތުވާ މިންވަރުގެ ހެކި އެބަހުރި ކަމަށާއި އެހެންވެ، ޖަލަށްލާން ކުރި ހުކުމް ރަނގަޅު ކަމަށެވެ.
ހައި ކޯޓުގެ ހުކުމުގައިވަނީ އެ ދެ ކުދިންނާ އެ މީހާ ބެހުނު ކަމަށް އެ ދެ ކުދިން ވެސް ބުނާއިރު ދެ ކުދިންނަށް ވެސް، އަނެއް ކުއްޖާއާ އެ މީހާ ބެހޭ މަންޒަރު ފެނިފައިވާ ކަމަށް އެ ކުދިން ބުނެފައިވާ ކަމަށެވެ. އެ މީހާއަކީ އެ ކުދިންގެ ބައްޕަ ކަމަށްވާއިރު ބައްޕައާ ބެހޭގޮތުން އެފަދަ ވާހަކަތަކެއް އެ ކުދިން ހަދައިގެން ދައްކަފާނެ ކަމަށް ބެލެވޭ ސަބަބެއް ނެތް ކަމަށް ހުކުމުގައިވެ އެވެ.
"ޖިންސީ ގޯނާކުރި މަންޒަރު ފެނުނު ކަމަށް އަދި ބަދު އަޚުލާގީ އަމަލު ހިންގާ ހަދާ ކަމަށް ބުނެ އެ ކުދިން އެ ވާހަކަތައް ހަދައިގެން ދައްކާނެ ކަމަށް ބުއްދީގެ ހަމަތަކުން ގަބޫލު ނުކުރެވޭ" ކަމަށް ހުކުމުގައިވެ އެވެ.
އަނިޔާ ލިބުނު ކުދިން ދީފައިވާ ބަޔާނުގެ އިތުރުން އެ ވާހަކަތައް އެ ކުދިންގެ އެހެން ބައެއްގެ ގާތުގައި ވެސް ބުނެފައިވާ ކަމަށް އެ މީހުން ހެކިބަސް ދީފައިވާ ކަމަށް ހުކުމުގައިވެ އެވެ. އެ ކުދިންނަށް ޖިންސީ ގޯނާ ލިބިފައިވާ ކަމަށް އެ ކުދިންގެ މެޑިކޯ ލީގަލް ރިޕޯޓުގައި އޮތްއިރު އަދި ހެކިބަސް ދިން ހެކިންގެ ހެކިބަހާ މެދު ސުވާލު އުފެދޭ ކަމެއް ފެންނަން ނެތް ކަމަށް ވެސް ހުކުމުގައިވެ އެވެ. އެހެންވެ، ލިބިފައި ހުރިހާ ހެއްކެއް ގުޅުވާލުމުން، ކުޑަކުދިންނަށް ޖިންސީ ގޯނާ ކުރުމުގެ ކުށް ސާބިތުކުރަން ބޭނުންވާ މިންވަރަށް އެ މީހާއާ ދެކޮޅަށް ހެކި ލިބިފައިވާ ކަމަށް ތިން ފަނޑިޔާރުންގެ އިއްތިފާގުން ކުރި އެ ހުކުމުގައިވެ އެވެ.
އެ މައްސަލަ ބެއްލެވީ ފަނޑިޔާރު އަބްދުﷲ ހަމީދާއި ފަނޑިޔާރު އަބްދުއްރައޫފް އިބްރާހިމް އަދި ފަނޑިޔާރު އަލީ ސަމީރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝުޢައިބު
23 November 2017
އެއްމެ އިންސާފު ވެރި ތިން ފަނޑިޔާރުން ނެވެ. ވަރަށް ރަގަޅު ހުކުމެވެ.
ޝިނާ
22 November 2017
އަދިވެސް މަދު.. އުމުރަށް ޖަލަށްލާންވީ. މިކަހަލ މީހުނެގް ނަމާއި އެއްޗިހި ވެސް ހާމަ ކުރަންވަނީ
ސޭކުބެ
21 November 2017
ބުއްދީގެ ހަމައިން ވިސްނާއިރު މީ އިންސާނުންނޭ ބުނެވިދާނެބާ!
ފަގީރުމީހާ
21 November 2017
ތިކަންކުރާ މީހުންޖެހެނީ އުމުރުދުވަހު ޖަލުގާބާތިއްބަން
ރިއާޔަތު
23 November 2017
އަސްލު ވީ މަރަން
މަނަދޫ މީހާ
21 November 2017
މި މީހާއަކީ އޭނާގެ ޗާލާކީ ދުވަސްވަރު ވަރަށްވެސް ފޮނިކޮށް އަދި އެހާމެ އަންހެންކުދިން ހިތް އަތުލާޒާތައް މަނަދޫގައި އުޅުނު މީހެކެވެ. އަދި އެ ދުވަސްވަރު އެކި އެކި ޖިންސުންލަތީފުންގެ ހިތް ލަންބާ މަނަދޫގައި ތިބި ރީތި ކުދިން އޭނައަށް ހިމާޔަތްދީ އެކުދިންވެސް މީނަ ބޭނުންވެގެން އުޅުނުކަމަށްވެެއެވެ. އެެހެނަސް މީހެއްގެ އަސްލު ސޫރު ފެނިގެން މިދިޔައީ ވަރަށް ދެރަ އަތި އެހާމެ ހިތިކޮށްނެވެ. އަޅުގަނޑުވެސް އެކުދިންގެ ހައްގުގައި އެމީހަކީ ކާކުކަން ބުނަން ބޭނުން ނުވެއެވެ. އެހެނީ އެކުދިން ނަކީ މިއަދު މުޖުތަމައުގައި ބޭނުންތެރި އަދި ބުލީ ކުރެވިގެން ނުވާނޭ ކުދިންގެ ގޮތުގައި ތިބެންޖެހޭ ކުދިންނެވެ. އަދި މިމީހާ ސަލާމަތް ކުރަން މަސައްކަތް ކުރާ ވަކީލު ނުވަތަ މީހުންވެސް އެކުރަނީ ގޯސްކަމެކެވެ. ފަހަރެއްގައި އިންސާނަކު އޭނައަށް ކުރެވުނު ބޮޑުފާފަ ނުވަތަ ނުބައި އަމަލަށް ތައުބާވެ އިސްލާމް ދީނުގެ ރީތި އާދަތަކައިގެން އެނބުރި އަތުވެއްޖެނަމަ އެމީހަކަށް މާއާފުކޮށް މުޖުތަމުއުގައި އަޚެއްގެ މަގާމު ދިނުމަކީވެސް ރަނގަޅުކަމެކެވެ.
ޢިހުސާން
22 November 2017
ޖަމަލެއް ގެ މަޤާމް ދިނުން ކިހިނެއްތޯ؟
އަލީބެ
21 November 2017
ތިމީހާ 50 އަހަރައް ޖަލައް ލިޔަސް އޭނަޔައް ދޭންޖެހޭ ހައްގު އަދަބު ނުލިބޭ އަދި ބައްޕަޔޯ ކުދިގަލުން ތަޅާ ރަޖަމުކުރަން ވީ