ިޕިކަޕެއްގައި ކުނި އުފުލަނީ: ގަވާއިދަށް ގެނައި އިސްލާހު ބުނާގޮތުން ކުނި އުފުލުމުގެ އުސޫލުތަކާ ޚިލާފްވެއްޖެ ނަމަ 501ރ. އާއި 100 މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރެވޭނެ--ފޮޓޯ/މިހާރު
04 ޑިސެމްބަރ 2017 - 13:35
15 comments
އެއް ތަނުން އަނެއް ތަނަށް ކުނި އުފުލުމުގައި އަމަލުކުރަން ޖެހޭ އުސޫލުތަކާ ޚިލާފަށް އަމަލުކުރާ ފަރާތްތައް ޖޫރިމަނާ ކުރާ ގޮތަށް ކުނި މެނޭޖް ކުރުމާ ބެހޭ ގަވާއިދު އިސްލާހުކޮށްފި އެވެ.
ކުނި މެނޭޖް ކުރުމާ ބެހޭ ގަވާއިދު ކުރިން އޮތް ގޮތުން އެއް ތަނުން އަނެއް ތަނަށް ކުނި އުފުލުމުގައި ގަވާއިދާ ޚިލާފްވެއްޖެ ނަމަ ޖޫރިމަނާ ކުރުމެއް ނޯވެ އެވެ.
އެކަމަކު އެ ގަވާއިދަށް މިއަދު ގެނެސް އަމަލުކުރަން ފެށި އިސްލާހު ބުނާ ގޮތުން އެއް ތަނުން އަނެއް ތަނަށް ކުނި އުފުލުމުގައި އަމަލު ކުރަންޖެހޭ އުސޫލުތަކާ ޚިލާފްވެއްޖެ ނަމަ 501ރ. އިން ފެށިގެން 100 މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރެވޭނެ އެވެ. ކުނި އުފުލުމުގައި އަމަލު ކުރަންޖެހޭ އުސޫލު ކަނޑައަޅާނީ އެންވަޔަރްމަންޓަލް ޕްރޮޓެކްޝަން އޭޖެންސީ (އީޕީއޭ) އިންނެވެ.
މީގެ އިތުރުން ވިޔަފާރި ކުރާ ތަންތަނާއި ކެފޭ އަދި ރެސްޓޯރެންޓްތަކުގެ ބޭރުގައި ކުނި ބެހެއްޓުމަކީ މަނާ ކަމެއް ކަން އަންގައިދޭ އިންޒާރުގެ ސްޓިކާއެއް ހަރު ކުރަންޖެހޭ ގޮތަށް ވެސް އެ އިސްލާހުގައި ވަނީ ހިމަނައިފަ އެވެ. އެ ސްޓިކާ ހަރު ނުކޮށްފި ނަމަ 2،000ރ. އިން ޖޫރިމަނާ ކުރެވޭނެ ކަމަށް ވެސް އެ އިސްލާހުގައިވެ އެވެ.
އެ އިސްލާހު ބުނާ ގޮތުން އެފަދަ ތަންތަނުގެ ބޭރުގައި ހަރުކުރަން ޖެހެނީ އެ ގަވާއިދުގައި ބުނާ ނަމޫނާ ސްޓިކާއާ އެއްގޮތަށް ތައްޔާރު ކޮށްފައިވާ ސްޓިކާ އެކެވެ. އެ ސްޓިކާ ހުންނަން ޖެހޭނީ އާންމުކޮށް ފެންނަ ގޮތަށް ހަރުކޮށްފަ އެވެ.
ނަމޫނާ ސްޓިކާއެއް އެ އިސްލާހުގައި ހިމަނާފައިވާ އިރު، އެ ސްޓިކާގައި ބުނާ އިންޒާރުގައި ވަނީ ގަވާއިދާ ޚިލާފަށް ކުނި ބަހައްޓާ ފަރާތްތައް 501ރ. އިން ފެށިގެން 100 މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރެވޭނެ ކަމަށެވެ.
ނުރައްކާތެރި ކުންޏާއި ޚާއްސަ ކުނި ރާއްޖެ އިން ބޭރު ކުރާ ނަމަ އެއް މަސް ދުވަސް ކުރިން އެކަމުގެ ހުއްދަ ހޯދަން ޖެހޭ ގޮތަށް ވެސް އެ އިސްލާހުގައި ވަނީ ހަމަޖައްސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު
04 December 2017
އުސޫލާއެއްގޮތަށް ވެމްކޯއިން އަހަރެމެންގެ ގެއިން ކުންނެއްނުނަގާ. އެހެންވީމާ ވެމްކޯ ޖުރިމާނާކުރުމުގެ ހައގު އަހަރެމެންނަށްވެސް އޮންނަންވާނެ. ކުނިނުނަގާކޮންމެދުވަހަކަށް 501ރުފިޔާ ހުރިމާނާކުރެވޭނެ.
ޙިޔަމަ
04 December 2017
ވެމްކޯ އަށް ކުއްޔެއް ނުނެގޭ ގޭގެޔާ މަގުމަތީ ކުނި ތޮއްޖެހެނީ ނުވިއެއްނުން އިސްތިއުފާ
ބިސްބެ
04 December 2017
މިގޭ ކުނި ނޫކާތާ 3 ދުވަސް
އަހުމަދުބެ
04 December 2017
ބޭރުގެ ދަރަނި ބޮޑުވާނަމަ އެކި ނަން ނަމުގަ އާއްމުން އަތުން ޓެކްސް ނަގާނެއެވެ. ފޮރުވިފަ ސިއްރެއް ވެއެވެ.
ޟަމީރު
04 December 2017
ބަލިތަކާ އެއްޗެހި ގިނަވާ ވާހަކަ މިދައްކަނީ ސަރުކާރުން ކުނިއުކާން ކުންފުންޏެއްހަދާ އެކަމެއްނުކުރެވޭ. އަހަރެމެންގޭގަ ޢާއްމުގޮތެއްގައި ކުނި އުކަން އަންނަނީ ދެދުވަހުން އެއްދުވަހު. މުޅިގޭތެރެގަ ކުނިވަސް މެހީގެ ެުދަގޫ އހާބޮޑު ހަމަގުޅާލާއިރަށް މިފޮނުވަނީ އަމިއްލައަށް ބަޔަކުލއްވާ އުކިއިރު ދުވާލަކު ދެފަހަރު ކުނިބަލާއާދޭ.
އަނެއްކޮޅު
04 December 2017
ވެމްކޯގެ ތަޖުރިބާ ވަރަށް ރަގަޅު މިހާތަނަށް. ކުނި ތިރީގަ ބަހައްޓާއިރުވެސް އެބަ މައްޗަށް އަރާ އަހާ ބައެއް ފަހަރު ކުނި ނެތްތޯވެސް. އެއީ ލާމަސީލު ޚިދުމަތެއް އެހެންވީމަ.
ބޯޅަ
04 December 2017
ތީއެއްވެސް ކަމެއް ވާބައެއް ނޫ... ކުންފުނި ތަކަށް ވެސް ކުނިއުކާދެނީ ހަމަ ދައްކާލަން..އެމީހުން ގެންދަނީ ކުޑައެތި ކޮޅެއް އޮފީސް ނިމޭ ފަހުން ހަމަ އެއްކަލަ ބިންގާޅި މީހުން އައިސް ކުނި އުކާދެނީ..
ޗިކުސް
04 December 2017
ޕިކަޕަކުން ކުނި އުކާދޭވަރު އިގޭތޯ؟ ކުނިއުކާދޭވަރު ކުޑަކޮއްލަ ބަލަ ، ޕިކަޕްވެރިން ހިތައްއެރި އަގެއްކިޔަނީ ވެސް.
ވާލުސޮރު
04 December 2017
މިދެން ބޮޑު އުނދަގުލަކަށް ވެއްޖެ ކަމެއް. އިހަކަށް ދުވަހު ވަދެލި ގެއެއްގެ ކޮންމެ އެޕާޓްމެންޓް އެއްގެ ކުރިމަތީ ދެތިން ކުނިކޮތަޅު ސިޑި /ލިފްޓް ގޮޅި އަށް ވަނީމަ ހީވަނީ ކުނިކޮށިތެރޭ ހުރެވޭހެން. މިވަރުން ދަންޏާ އާ ބައްޔެއްގެ ޖަރާސީމު ލަހެއްނުވެ ރާއްޖޭން ފެނިދާނެހެން ހީވޭ.
ނެތީބާ
04 December 2017
އެގޭގޭގެ މީހުންނަށް ކުނިކޮތަޅުލާނެ ޑަސްބިނެއް ގަނެލާނެހާ ލާރިކޮޅެއްވެސް ނުލިބެނީބާ؟
ރާއްޖެ
04 December 2017
ތިޔަ ކަމުގައި ސަރުކާރު ކުށްވެރިވާނީ ދޯ؟ ދުނިޔޭގެ އެހެން ގައުމުގައި ވެސް އުސްއިމާރާތް ތަކުގެ އެންމެ ތިރީ ބުރީގައި އެ ގޭގެ މީހުން ކުނި އަޅަން ޑަސްބިން ބަހައްޓާފަ ހުރޭ. ދިވެހިން މީ ބޭރުފުށުން ސާފްތާހިރު ކަމަށް ހެދިގެން އުޅޭބައެއް.
ރުޅިގަދަ
04 December 2017
ވެމްކޯއަށް މާލޭގެ ކުނި އުކުމުގެ މަސައްކަތް ފުރިހަމައަށް ނުކުރެވޭކަން އެބަ އިނގޭ މުޅި މާލެތެރެއަށް ބަލައިލިއަސް. އެހެންވީމަ އެހެން ފަރާތްތަކަށް ކުނި އުކުމުގެ ހިދުމަތް ދިނުމަށް ހުޅުވާލަން އެބަޖެހޭ. ބަލައިލި ކޮންމެ ދިމާލެއްގަ ކުނި. މުޅި މާލެ ކުނި ގޮނޑަކަށް ވެއްޖެ
އުދުހޭ
04 December 2017
އެއްވެސް އުސޫލެއްނެތި މާލޭ މަގުތަކާ ކަަންކަންމައްޗައް ކުނި ޖަމާކޮށްފަ ބެހެއްޓުން މައްސަލައެއް ނެތް؟ ވެމްކޯ އައިސް މުޅި މާލޭގެ މަގުތަށް ގޮނޑުކޮށްފި. މިކަމާ ފިޔަވަޅެއް ނޭޅޭތަ؟