އަރަބިއްޔާ ސްކޫލު ކުރިން ހިންގި ބިމުގައި އިމާރާތް ކޮށްފައިވާ "މާލޭ ގްރޭންޑް" ގެ ފްލެޓްތައް.---މިހާރު ފޮޓޯ: ނިޝާން އަލީ
05 ޑިސެމްބަރ 2017 - 13:25
14 comments
ގިނަ އަދަދެއްގެ ބަޔަކު ކިޔޫ ހަދާފައި ވަނިކޮށް، މިދިޔަ ހޮނިހިރު ދުވަހުގެ ރޭ ވިއްކުން މަޑުޖައްސާލި ޓާޓާ ފްލެޓްތައް ގަންނަން ޝައުގުވެރިވާ ފަރާތްތަކަށް ފަސޭހަ އިންތިޒާމެއް ހަމަޖެއްސުމުގެ މަސައްކަތްކުރަމުން އަންނަ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން މިއަދު ބުނެފި އެވެ.
މާލޭގެ ގާކޮއްޓާއި އަރަބިއްޔާ ސްކޫލް ކުރިން ހިންގި ބިމުގައި އިންޑިއާގެ ޓާޓާ ކުންފުނިން އިމާރާތް ކޮށްފައިވާ ފްލެޓްތައް ގަތުމަށް ފޯމު ހުށަހަޅަން ގިނަ ބަޔަކު، ދެ ދުވަސް ކުރިން ކިޔޫ ހަދައިގެން ތިއްބައި އެކަން މަޑުޖައްސާލީ ހައުސިން މިނިސްޓަރު މުހައްމަދު މުއިއްޒު ކުރެއްވި ޓްވީޓަކުންނެވެ.
އެ 264 ފްލެޓްގެ ތެރެއިން، 105 ފްލެޓް ވިއްކުމުގެ ފޯމް ހޯދަން ގިނަ ބަޔަކު ކިޔޫ ހެދުމުން މިނިސްޓަރު އެ ރޭ 11 ޖަހާކަންހާއިރު ކުރެއްވި ޓްވީޓެއްގައި ވިދާޅުވީ އެ ފްލެޓް ގަތުމަށް "ރައްޔިތުން ކިޔޫ ހަދަން ޖެހުމަކީ ސަރުކާރުން ގަބޫލުކުރާ ކަމަކަށް" ނުވާ ކަމަށެވެ.
ސަރުކާރުގެ މި ނިންމުން އައިއިރު، ފްލެޓްތައް ގަތުމުގެ ފޯމް ހޯދުމަށް ހޮނިހިރު ދުވަހު އިރުއޮއްސުނު ވަގުތުން ފެށިގެން ގިނަ ބަޔަކު ހުޅުމާލޭގެ ޣާޒީ ސްކޫލް ކައިރީގައި ބޮޑު ކިޔޫއެއް ހެދި އެވެ. އެ ކިޔޫގައި 200 ވަރަކަށް މީހުން ކިޔޫގައި ތިބި ކަމަށް ލަފާކުރެވެ އެވެ.
މާލޭގެ އަރަބިއްޔާ ސްކޫލްގެ ބިމުގައި ހަދާފައި ހުރި ފްލެޓް: އިޖްތިމާއީ ބޯހިޔާވަހިކަމުގެ ދަށުން ދޫކުރާ މި ފްލެޓްތަކުގެ އަގުތައް އަގުތައް ހުރީ ވިޔަފާރި ރޭޓުގައި.
އެޗްޑީސީގެ އިސް އޮފިޝަލަކު މިއަދު ވިދާޅުވީ ހައުސިން މިނިސްޓަރު ވިދާޅުވެފައިވާ ފަދައިން ފްލެޓް ގަތުމަށް ޝައުގުވެރިވާ ފަރާތްތަކަށް ފަސޭހަ އިންތިޒާމެއް ހަމަޖައްސަން ކަމާ ބެހޭ ފަރާތްތަކާއެކު މަޝްވަރާކުރަމުން އަންނަ ކަމަށެވެ.
"އަޅުގަނޑުމެން މިބަލަނީ ދެން މިކަންކުރާއިރު އެންމެ ފަސޭހަ އިންތިޒާމެއް ހަމަޖައްސަން. އަޅުގަނޑުމެންނަށް ހީނުކުރާވަރުގެ ތަރުހީބެއް ލިބިގެންދިޔަ. އެހެންވީމަ އެކަމަށް ޝައުގުވެރިވާ ފަރާތްތަކަސް އެއަށްވުރެ ފަސޭހައިން އެކަންކުރެވޭނެ ގޮތްތަކެއް ހޯދުމަށްފަހު ނޫނީ ހުޅުވައެއް ނުލާނަން،" އޭނާ ވިދާޅުވި އެވެ.
އެ އޮފިޝަލް ވިދާޅުވީ ފްލެޓް ގަތުމަށް ޝައުގުވެރިވާ ފަރާތްތަކަށް އަލުން ހުޅުވާލެވޭނެ ތާރީހެއް ކަނޑައަޅާފައިނުވާ ކަމަށެވެ. އަދި އެކަމަށް ހުޅުވާލާނީ ކަމާ ބެހޭ ފަރާތްތަކާއެކު މަޝްވަރާތައް ނިމުމުން ކަމަށް ވެސް އޭނާ ވިދާޅުވި އެވެ.
އެ ފްލެޓެއް ވިއްކުމަށް ނިންމާފައިވަނީ ދެ މިލިއަން ރުފިޔާ އަށެވެ. އަރަބިއްޔާ ހުރި ބިމުގައި ހަދާފައިވާ "މާލޭ ގްރޭންޑް" އަދި ގާކޮށީގައި ހަދާފައިވާ "މާލޭ ސްކެއާ"ގެ ފްލެޓްތައް 268 މީހަކަށް ގުރުއަތުން ލިބިފައިވާއިރު ފްލެޓްތައް ލިބެނީ ކަނޑައަޅާފައިވާ މުއްދަތުގެ ތެރޭގައި ފައިސާ ދައްކާ މީހުންނަށެވެ. ވިއްކާލަން އިއުލާންކުރީ ފައިސާ ނުދެއްކު މީހުންނަށް ލިބުނު ފްލެޓްތަކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެޑަމް
06 December 2017
އެންމެ ފުރަތަމަ އަންނަ މީހާއަށް އިސްކަންދޭ އުސޫލުން އެކަން ކުރަން އުޅުނީމަ ވީގޮތް ނުންތޯ؟ އޭރުން އޮންނާނީ އަޑުގަދަ މީހާ ރުއްގިނަވާ އުސޫލު ނުންތޯ؟ މިހާރު އެއީ ކުރީގަ ބޮޑުކެކުރި ބެހި އިރު ހެދިގޮތޭ. މިހާރު އެގޮތް ކަޑައޭ. މިހާރު ތިޔަކަހަލަ ކަންކަން ކުރާ ގޮތަކީ ވަކި މުހުލަތެއް ދީފާ ފޯމް ހުށައެޅީމާ އެކަމަށް ކަނޑައަޅާފައި އޮންނަ ޝަރުތު ތަކާ އެއްގޮތަށް ސަޅިކޮށް އިންސާފުވެރިކޮށް ޕޮއިންޓްދީ ނިންމާލީމާ ނިމުނީ.. ސަޅި ނުންތޯ...
އަލީ.
05 December 2017
މަމިހުރީ ލަންކާގަ މަށައްވެސް ފޯމުލެވޭނެ ގޮތެއްބޭނުން ގުރުއަތުން ހޮވާތި މަހަކު ކިހާވަރެއްތަ ދައްކަންޖެހޭނީ
ލޯފާރު
06 December 2017
މުއިއްޒު ކައިރި ޓްވީޓަކުން އަހާލީމާ އެގިދާނެ ތޯއްޗެއް
އޮޅި
05 December 2017
ޕާޓީ ކުދިން ކޮޅަށް ލިބޭގޮތަށް، މަހުޖަނުންނަށް! ނިކަމެތިން ނިކަމެތިންގެ ގޮތުގައި، ހައިރާނުން އަންތަރީސް! ދެންއަތްޖަހާ!
ހދހހ
05 December 2017
އަޅެ ކޮންގޮތެއްތަ ހަމަޖައްސަނީ. ތި 100000 ރ. ގެރެންޓީ ނުނަގަ އެންމެން އޮންލައިންކޮށް އެޕްލައިލުރާގޮތަށް ހަދާބަ ލޯބިވާ މުއިއްޒޫ
ޓަސްޓަސް
06 December 2017
މިހެންވެތަ އަމާޒުލާހޫރޭ އަމާޒު ވިއްސިވިހާލި ކިޔަނީ؟
އަތްޖަހާ
05 December 2017
ތިހަމަޖައްސަން އުޅެނީ ވަކިބަޔަކަށް ފްލެޓް ގަނެވޭ ގޮތް ހަދާށެއް ނޫންތަ. އޭރުން އެމީހުންގެ އަތުން އެހެންމީހުން ޖެހޭނީ ކުއްޔަށް ހިފަން.
ވާލުސޮރު
05 December 2017
ތީގަ މަށަށް ފެންނަ އެންމެ ރަނގަޅުގޮތަކީ ސަރުކާރަށް ތާއީދުކުރާ ރައީސް އަށް ވަފާތެރި މީހުންނަށް އިސްކަންދީގެން ތިޔަ ފްލެޓްތައް ދީ ނިންމާލުން. ކޮންމެހެން ޝަރުތުހަވޭތޯއާއި އަނބިދަރިންގެ ގެދޮރުހުރިތޯ ބަލާނެކަމެއްނެތް. އޭރުން އިދިކޮޅުފިކުރުގެ މީހުން ޕީޕީއެމް އަށް ހިތްޖެހި ޕާޓީ އަށް ސޮއިކުރަންފަށާނެ. ތަރައްގީ އާ 2018 ޔަގީންވާނީ ފިސާރި ގަޓުހުރެފަ ފިރިހެންވެގެން. ފްލެޓް ދިންގޮތާމެދު ބަޔަކު ސުވާލުކޮށްފިއްޔާ ކަލޭމެންނާ ބެހޭކަމެއްނޫނޭ ބުނެފަ ނިންމާލީމަ އެވީ! ހުރިހާ ސިޔާސީ ލީޑަރުން ހައްޔަރުކުރުމަށްވުރެ މިކަން މާ ކާމިޔާބުވާނެ.
އަހުމަދުބެ
05 December 2017
ޑިމާންޑް ބޮޑުކަމަށް ފެންނާތީ އަގުބޮޑު ކުރަނީއެވެ. ދެން އަގު ބޮޑު ވީމަ މުއްސަނދި މީހާ ގަންނާނެއެވެ.
އާބަހާރު
05 December 2017
ފްލެޓްތަކުގެ ހައްގުވެރިން އަތުން ފެލްޓް ފޭރި ޕީޕީއެމް ކުދިންނަށް ހިބަކޮށްދޭން ޖައްސާ ސްޓަންޓެއް
ބޭސް
05 December 2017
ޓާޓާ ފުލެޓްތައް ވިއްކަންވީ ސަބަބެއް ނުވިސްނުނެވެ. ދައުލަތުގެ ފަރާތުން ބޯހިޔާވަހިކަމަށް 15 ހާސް މީހުން އެދިފައިވަނިކޮށް އެ މީހުންނަށް އިސްކަން ނުދީ އެހެން ބަޔަކަށް ފުލެޓްތައް ވިއްކާލުމަކީ 15 ހާސް އާއިލާއަށް ދެވޭ ނިކަމެތިކަމެވެ. ބޭއިންސާފެކެވެ. ބޯހިޔާވަހިކަމަށް އެދިފައިވާ 15 ހާސް މީހުންގެ ތެރެއިން އެންމެ ބޭނުން ޖެހިފައިވާ މީހުންނަށް ފުލެޓްތައް ލިބޭނެ އިންތިޒާމެއް ހަމަޖެއްސުމަށް އެދެމެވެ.
އާދަމް
05 December 2017
ހޮހޮހޯ!! ދާދި ފަހުންވެސް ފްލެޓްތައް ބަހަން މޮޅު އިންތިޒާމެއް ހަމަޖެއްސި. އެކަން ހިނގާ ދިޔަގޮތެށް އަދި ދިވެހީންނެއް ހަނދާނެއް ނުނެތެ.