މީރާ: ޓެކްސް ނުދައްކައިގެން ގިނަ ފަރާތްތަކެއްގެ މައްސަލަ މިހާރު ވެސް ކޯޓުގައި ދަނީ ހިނގަމުން-- މިހާރު ފައިލް ފޮޓޯ
06 ޑިސެމްބަރ 2017 - 11:03
6 comments
ދައުލަތަށް ޓެކްސް ނުދައްކާ ހަތް ފަރާތެއްގެ މައްސަލަ މޯލްޑިވްސް އިންލެންޑް ރެވެެނިއު އޮތޯރިޓީ (މީރާ) އިން ސިވިލް ކޯޓަށް ހުށަހަޅައިފި އެވެ.
ވަކިވަކިން ހަތް ފަރާތެއްގެ މައްސަލަ ހުށަހެޅި ދައުވާތަކުގައި، ދައުލަތަށް ހޯދަން އެދޭ ފައިސާގެ އަދަދު 2.7 މިލިއަނަށް ވުރެ މައްޗަށް އަރަ އެވެ. އެއީ މުދަލާއި ޚިދުމަތުގެ އަގުން ނަގާ ޓެކްސް، ޖީއެސްޓީ އާއި ވިޔަފާރީގެ ފައިދާއިން ނަގާ ޓެކްސް، ބީޕީޓީގެ ގޮތުގައި ލިބެންޖެހޭ ފައިސާ އެވެ.
އެ މައްސަލަ ސިވިލް ކޯޓުން މިހާރު ވަނީ ބަލައިގަނެ، ރަޖިސްޓަރީ ކޮށްފަ އެވެ.
ޓެކްސް ނުދައްކާ 12 ފަރާތެއްގެ މައްޗަށް މީރާ އިން މިދިޔަ މަހު ވެސް ވަނީ ދައުވާކޮށްފަ އެވެ. އެ މައްސަލަތައް ވެސް މިހާރު ދަނީ ކުރިއަށެވެ. އޭގެ ކުރިން ވެސް ގިނަ ފަރާތްތަކެއްގެ މައްޗަށް ވެސް މީރާއިން ވަނީ ދައުވާކޮށްފަ އެވެ.
ޓެކްސް އާއި ޖޫރިމަނާ އާއި އެހެނިހެން ފީގެ ގޮތުގައި ހޯދަން މީރާއިން ކޯޓުގައި ދައުވާކުރާ އަދަދު މިހާރު ވަނީ ދެ ބިލިއަނަށް ވުރެ ގިނަ ރުފިޔާ އަށް އަރައިފަ އެވެ. ޓެކްސް ނުދައްކާ ފަރާތްތަކުގެ މައްސަލަތައް ޝަރީއަތަށް ހުށަހެޅުމުގެ އިތުރުން އެ ފަރާތަކަށް ދައުލަތުގެ އިދާރާތަކުން ދޭ ޚިދުމަތްތައް ހުއްޓާލުމާއި އެކައުންޓް ފްރީޒް ކޮށްގެން ފައިސާ އަތުލުން ފަދަ ފިޔަވަޅުތައް މީރާއިން އަޅަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރުކާނު
06 December 2017
ޖީއެސްޓީ އަކީ ވިޔަފާރި ކުރާ ފަރާތްތަކުން ދައްކަންޖެހޭ އެއްޗެއްނޫން. އެއީ ވިޔަފާރި ކުރަންދާ މީހުން ދައުލަތަށް ދައްކާ އެއްޗެއް. އެ ހަވާލުކުރަނީ ވިޔަފާރިވެރިޔާއާ. އޭނަ އަތުން ދައްކަާނަމަ ވިޔަފާިއަށް ގެއްލުން ވެދާނެ. އިޚްލާސްތެރިކަމެއް ނެތި އަމާނާތަށް ޚިޔާނަތްތެރިވީމާ މިދުނިޔޭގަވެސް އާޚިރަތުގަވެސް ވާނީ ހުލި. ޖީއެސްޓީ ސަކަރާތޭ ގޮވަނީ ކޮންމެވެސް ބަހަނާއެއް ދައްކަން.
އާދަމް ޒާހިރު
06 December 2017
ޖީ އެސްޓީ ތައާރަފު ވި ފަހުން ކުދިވިޔަފާރި ތައް އުވެމުން ހުލިވަމުން ދާތަން އެބަފެނޭ. މީގެ ސުންޕާކަން މިއަދު ދިވެހިން ދެކެމުން މި ދަނީ، މި އަށް ވޯޓުދިން މީހުން ދެން ދުވަހަކު ވެސް މަޖިލިސް ތެރެއަށް ނުވެއްދުމަށް ދިވެހި ރައްޔިތުން ނަށް ގޮވާލަން
އިސްމާލް އަލީ
06 December 2017
މި ޖީއެސްޓީ އަކީ ދިވެހިންނަށް ޖރހުނު ބޮޑު މުސީބާތެއް. މި ޖީ އެސްޓީ ތައާފަފު ކުރި ބަޔަޔަކު މަގިލީހުންވެސް ނެރެން އެބަޖެހޭ
މަހާރަދުން
06 December 2017
ތިޔަ ބުނާ ބައެއްގެ ނަންތަށް ހާމަކުރަންވީނު އަވަހަށް ތިޔަ ބައެއްގެ ފްރީޒް ކުރެވިފަ ހުރި ބޭންކް އެކައުންޓްގެ ޗެކްތަކު ގެ މަޅީގަ ޖެހި އާއްމު އެތައްބަޔަކު ޝަހީދު ނުވަނީސް
އަހުމަދުބެ
06 December 2017
ދައްކަން ޖެހޭ ފައިސާ އަށް ވުރެ ޖޫރިމަނާ ޑަބަލް ބޮޑުކޮށް ނެގުމަކީ ހަމަ ޖެހޭ އިސޫލެއް ނޫނެވެ. ލިމިޓެއް އޮންނަން ޖެހެއެވެ.
ހަސަން
06 December 2017
ރާއްޖޭގެ ކުދި މެދުފަންތީގެ ގިނަ ކުންފުނި ތަކަކީ މިހާރު ބަނގްރޫޓު ވެފަ ނޫނީ ބަނގްރޫޓު ވުމުގެ މަގުމަތީގައި އުޅޭ ކުންފުނިތަށް ... ސަރުކާރުގެ ލޯނުތަކާއި އެކު ލާރިވަރަށް ބަޔެއްގެ އަތުގައި ވަރަށް ތިޔާޤި ... ފެންނަ ފެނުމަށް އިގްތިސޯދު ވަރަށް ބާރުލާފައި އެބަ ކުރިއަރާ ... އެގިގޮތްގޮތުން އެބަޔަކަށް ލިބޭ ލާރިން އިމާރާތްތަށް އެބަ އަރާ ، ފިހާރަ ތަކާ ކެފޭތަށް ، ގެސްޓް ހައުސްތަށް އެބަހުޅުވާ ... ލޯނު ލާރިގަނޑު ހުލިވެ ހިރަފުސް އޮބޭއިރު ވަރަށް ކަމެއް ހުންނާނެ. އެއިރަކު އޮންނަ ސަރުކާރަކަށް ކެތެއްނުވާނެ ...