އިހަވަންދޫ އިން ޕިީޕީއެމަށް ސޮއިކުރި މީހެއްގެ ފޯމު، ފިޝަރީޒް މިނިސްޓަރު ޝައިނީ (މ) އަދި ހޯރަފުށީ ދާއިރާގެ މެމްބަރު (ވ) އަށް ހަވާލުކޮށްދެއްވަނީ.-- ޓްވީޓް ފޮޓޯ: ޝައިނީ
18 ޑިސެމްބަރ 2017 - 10:30
16 comments
ހއ. އިހަވަންދޫގެ 80 އަށް ވުރެ ގިނަ މީހުން ޕީޕީއެމަށް ރޭ ސޮއިކޮށްފި އެވެ.
ފިޝަރީޒް މިނިސްޓަރު ޑރ. މުހައްމަދު ޝައިނީ ރޭ ކުރެއްވި ޓްވީޓެއްގައި ވިދާޅުވީ އެ ރަށުގެ އެމްޑީޕީ ކެމްޕެއިން މެނޭޖަރާއި ގިނަ އެކްޓިވިސްޓުންތަކެއް ޕީޕީއެމާ ގުޅިފައިވާ ކަމަށެވެ. އެއީ އެ މީހުންނަށް އިހުތިރާމް ނުކުރި އެމްޑީޕީ ކައުންސިލަރުންނަށް ދިން ރައްދެއް ކަމަށް ޝައިނީ ކުރެއްވި ޓްވީޓުގައި ފާހަގަކުރެއްވި އެވެ.
More than 80 people from Ihavandhoo, including MDP’s activist and campaign manager Shad joins PPM and handed over the applications to submit to PPM. Congratulations and Thank U. A response to MDP’s Counsellors, who disrespected them. pic.twitter.com/b6irnAGwHt
— Mohamed Shainee (@mshainee) December 17, 2017
ޝައިނީ ކުރެއްވި ޓްވީޓް
އެ ރަށުން 80 އަށް ވުރެ ގިނަ މީހުން ޕީޕީއެމަށް ސޮއިކޮށްފައި މި ވަނީ، މަސްވެރިންގެ ދުވަހާ ގުޅިގެން އެ ރަށުގައި ބޭއްވި ހަރަކާތްތަކުގައި އެމްޑީޕީ މެޖޯރިޓީ އޮންނަ އިހަވަންދޫ ކައުންސިލާއި ރަށުގެ ޕީޕީއެމްގެ ސަޕޯޓަރުންނާ ހިޔާލު ތަފާތުވެފައި ވަނިކޮށެވެ.
ޝައިނީ ވިދާޅުވީ މަސްވެރިންގެ ދުވަސް ފާހަގަކުރަން ކައުންސިލްގެ އެއްބާރުލުން ނުލިބޭ ކަމަށާއި އެކަމުގެ އިންތިޒާމުތައް ހަމަޖެއްސީ ރައްޔިތުންގެ ތެރެއިން އަމިއްލަ ބަޔަކު ކަމަށެވެ. އިހަވަންދޫ މަސްވެރިންނަށް ލިބެން އޮތް ރީތި ނަމާއި ފަޚުރެއް، ކައުންސިލުން ހަޑިކޮށްލުމަށް މަސައްކަތް ކޮށްފައިވާ ކަމަށް ވެސް އެ ޖަލްސާގައި ވާހަކަދައްކަވަމުން ޝައިނީ ވިދާޅުވި އެވެ.
މަސްވެރިންގެ ދުވަސް ފާހަގަކުރުމަށް އިހަވަންދޫގައި ގިޑިގެތައް ތައްޔާރުކޮށްފައި ހުރީ ސަރުކާރު ބަދުނާމުކުރާ ގޮތަށް ކަމަށް ބުނެ، އެ ތަކެތި ނަގަން ވެސް ކައުންސިލަށް އެންގި އެވެ. އަދި އެ ޖަލްސާއާ ދިމާކޮށް ބައެއް މަސްވެރިން ނުކުމެ މުޒާހަރާ ވެސް ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮންޓޭ
18 December 2017
80000 ރުފިޔާ
އަފިހުން ގޮއްޔެ
18 December 2017
މަސްވެރިންގެ ދުވަހާ ގުޅިގެން ހިންގި ހަރަކާތްތަކުގަ، ޝައިނީ ބުނަނީ ހުރިހާ މަސައްކަތެއް ކުރީ ޝައިނީ ކަމަށް، ކައުންސިލުން ބުނަނީ އެމީހުން ކަމަށް، އެހެންވީމަ މިކަމުގަ ކޮންމެވެސް އެއްބަޔަކު އެބަ އިތުރުފުޅު ހައްދަވާ، ކަން ހިނގާ ގޮތުން ކައުންސިލަރުންވެސް ނޫނީ ޝައިނީވެސް އިތުރުފުޅު ހައްދަވާފާނެ، ތީ ނިކަން ފާޑެއްގެ ބައެއް.
ކޮމެންޓޭ
18 December 2017
ހޫ ގުބޯ ހައްދަން ނުޅޭ،ސޮއި ލިބުނީމަ ވޯޓު ޔަގީންވޭތަ،ނުވާނެ.ކައުންސިލް އިންތިހާބުން އޮންނާނީ ސޮޔަކީ ވޯޓު ޔަގީން ވީ ނޫންކަން ދައްކާދީފަ.
ނަޖީބ
18 December 2017
ދެންމެ ބަލައިފިން މީނާ އަދިވެސް އޮތީ އެމްޑީއޭ ލިސްޓުގައި.
ފަރުހާ
18 December 2017
އާސިމާ ކޮބައިތަ ގިނބަޔަކީ، 3000 މީހުން އުޅެ ރަށަކުން 80 މީހުން ސޮއި ކުރީމަ އެވާނެތަ ރަށުގެ ގިނަ ބަޔަކު ސޮއި ކުރިކަމަށް،
އަފިހުން ގޮއްޔެ
18 December 2017
އެދެން ގާތްގަޑަނކަށް މެޖޯރިޓީލިބި، 2018 ކަށަވަރު ވީނޫންބާ، ހީހީހީ.
ހޮޓްކިންގ
18 December 2017
އިހަވަންދޫއަކީ ކުރިން ހާދަ އެކުވެރި މީހުން އުޅުނު ރަށެކޭ. މިއުޅޭ ސަރިޔަންކަޓޭ އެރަށް ހަލާކު ކޮށްފި.
އަހްމަދު
18 December 2017
މި ޝައިނީއަކީ އެމް.ޑީ.އޭގެ ސްލޮޓެއްގަ ވަޒީރުކަމުގައި ހުރި މީހެއް ނޫންތަ؟ މީނަވެސް މިއުޅެނީ ޔާމީނުއަށް ވައިޖަހަން ޕީޕީއެމްއަށް މެންބަރުން އިތުރު ކުރެވޭތޯ އަދިވެސް.
ކޮސްކަލޯ
18 December 2017
ސޮއިލިބިދާނެ މިލިއަނުންވެސް..........އެކަމަކު ޝައްކު މިނިވަންއިންތިހާބަކާ ކުރިމަތިލާން ކެރޭ އެއްވެސް ބަޔަކު މިސަރުކާރުގައި ނޫޅޭ....އެހެން މިބުނީ ޕޯޑިއަމުތަކުގައި ދައްކާވާހަކއިން ސިކުޑިއެއްހުރިމީހަކުވެއްޖެއްޔާ ވިސްނޭނެ ދެއްތޯ!!
ހަމަސާބަސް
18 December 2017
ސަރުކާރުގެ ފަރާތުން މަސްވެރިންގެ ދުވަސް ފާހަގަކޮށްފާ ހަމަ އެނޭވާގައި ޕާޓީ ފޯމުފުރުވުމުން އެނގެނީ ސަރުކާރުގެ އިޙުލާސްތެރިކަން ރައްޔިތުންނަށްޓަކައި ނެތެްކަން އަދި ދޭހަވަނީ ހުދުމުހުތާރުކަން.
އިހަވަންދޫ ކުއްޖާ
18 December 2017
އިހަވަންދޫ މީހެއްގެ ހައިސިއްޔަތުން ބުނެލަން ބޭނުމީ ތިތާހުރީ އެމްޑީޕީ އެންމެ މީހެއް. ދެނތިބި މީހުންނަކީ ކުރިންވެސް ޕީޕީއެމްގަ އުޅޭމީހުން. ޗަރުކޭސް ދެއްކިޔަސް ތީ ބޮޑުވަރު.