ޑޮލަރު ރިޒާވް ދަށްވީ ވިއްކި އަދަދު އިތުރުވެ، ދަރުމަވަންތަ ހޮސްޕިޓަލްގެ ޕޭމަންޓް ދައްކަން ޖެހުމުން: އެމްއެމްއޭ
ސިންގަޕޫރުގެ ޗަންހުއާ ކޮންސްޓްރަކްޝަނާ ހަވާލުކޮށްގެން ހަދާ ދަރުމަވަންތަ ހޮސްޕިޓަލުގެ 25 ބުރީގެ އިމާރާތް. އެ ހޮސްޕިޓަލް ހެދުމަށް 2.2 ބިލިއަން ރުފިޔާ ހަރަދުކުރޭ.
19 ޑިސެމްބަރ 2017 - 10:11
34 comments
މިއަހަރުގެ ތިންވަނަ ކުއާޓަރުގައި ޑޮލަރު ރިޒާވް ދަށްވީ ޑޮލަރު ވިއްކި އަދަދު އިތުރުވުމާއި ދަރުމަވަންތަ ހޮސްޕިޓަލުގެ ފައިސާ ދައްކަން ޖެހުމުން ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފި އެވެ.
މަރުކަޒީ ބޭންކުން ނެރުނު ތިންވަނަ ކުއާޓަރުގެ ކުއާޓަލީ އިކޮނޮމިކް ބުލެޓިންގައި ބުނެފައި ވަނީ ގްރޮސް އިންޓަނޭޝަނަލް ރިޒާވް (ޖީއައިއާރު) އާއި ޔޫޒަބްލް ރިޒާވް މިދިޔަ އަހަރުގެ ތިންވަނަ ކުއާޓަރާ އަޅާބަލާއިރު ދަށްވެފައިވާ ކަމަށެވެ. އެގޮތުން އެ މުއްދަތުގައި ޖީއައިއާރު 14 ޕަސެންޓް ދަށްވިއިރު ޔޫޒަބްލް ރިޒާވް 23 ޕަސެންޓް ދަށްވެފައިވާ ކަމަށް ވެސް އެމްއެމްއޭ އިން ބުންޏެވެ.
އެ އިދާރާއިން އިން ބުނިގޮތުގައި ގްރޮސް އިންޓަނޭޝަނަލް ރިޒާވް ދަށްވެފައި ވަނީ ބޭންކުތަކުން އެމްއެމްއޭގައި ބަހައްޓާ ޑޮލަރު މަދުވުމުންނެވެ. އަދި ޔޫޒަބްލް ރިޒާވް ދަށްވީ އެމްއެމްއޭ އިން ވިއްކި ޑޮލަރުގެ އަދަދު އިތުރުވުމާއި ސަރުކާރުގެ ލޯނުތަައް އަނބުރާ ދައްކަން ޖެހުމާއި ދަރުމަވަންތަ ހޮސްޕިޓަލް އިމާރާތް ކުރުމަށް ބޭނުންވާ ފައިސާ ދައްކަން ޖެހުމާ ގުޅިގެން ކަމަށް ވެސް އެ ބުލެޓިންގައި ބުނެފައިވެ އެވެ.
ދަރުމަވަންތަ ހޮސްޕިޓަލުގެ ނަމުގައި ސިންގަޕޫރުގެ ޗަންހުއާ ކޮންސްޓްރަކްޝަނަށް 25 ބުރީގެ އިމާރާތެއް އަޅަން ސަރުކާރުން ހަވާލުކުރީ 144 މިލިއަން ޑޮލަރު (2.2 ބިލިއަން ރުފިޔާ) އަށެވެ.
އެމްއެމްއޭ އިން ބުނެފައި ވަނީ މި އަހަރުގެ ތިންވަނަ ކުއާޓަރު ނިމުނުއިރު ގްރޮސް އިންޓަނޭޝަނަލް ރިޒާވްގެ ގޮތުގައި ހުރީ 519.4 މިލިއަން ޑޮލަރު ކަމަށެވެ. އަދި ޔޫޒަބްލް ރިޒާވްގެ ގޮތުގައި ހުރި މިންވަރު 191.9 މިލިއަން ޑޮލަރަށް ދަށްވެފައިވާ ކަމަށް ވެސް މަރުކަޒީ ބޭންކުން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲނާފިޒު
19 December 2017
އަހުން ހީކުރީ ޑޮލަރުގެ ރިޒާވު ދަށްވީ ކުރީގެ ސަރުކާރުތަކުގެ ދޯހަޅި ސިޔާސަތު ތަކުގެ ސަބަބުން ކަމަށް
އަލީ_
19 December 2017
މި ކުޑަކުޑަ ގައުމުން ދުނިޔޭގެ އެންމެ އަގު ބޮޑު އިމާރާތްތޯ މި އަޅަނީ؟
ބޭރުވެލާ
19 December 2017
ދަރުމަވަންތަ އިން ހިދުމަތް ދޭން ފެށުމާއެކު ރިޒާވް ވުޖޫދުން ގެއްލިދާނެ ބާއޭ ހީވަނީ..........
އުމަރު
19 December 2017
މިއީ އިދިކޮޅު ނުވަތަ އޮޕޮސިޝަނުން ދެއްކި ވާހަކަ، މިއީތޯ މިގައުމަށް އެންމެ ބޭނުންތެރި ޕްރޮޖެކްޓަކީ؟ އެއާއި ހެދި އަދި އެތަން ބޭނުން ނުކުރެވެނީސް ރާއްޖޭގެ ރިޒާވްއަށް އަސަރުކޮށްފި، ދެން ބަލާ ތިޔަތަން ހިންގަން ފެށުމުން ރާއްޖޭގެ ރިޒާވަށްވާނެގޮތް، ހަމަ ތިޔަގޮތަށް އަދި އިތުރު ދެޕްރޮޖެކްޓް އެބައޮތް، އެއީ އެއާޕޯޓާއި ބްރިޖް، އެހެންކަމުން މިއަދު މަޖިލިސް ހުއްޓުވާފައިބާއްވައި މިޤައުމު މިދަނީ އިޤްތިސާދީ ބޮޑު އަނދަވަޅުގަނޑަކަށް ވެއްޓެމުން އެހެންކަމުން މިއީ ވިސްނާލަންޖެހޭ ވަރަށް ސީރިއަސް މައްސަލައެއް
ޢަބްދުﷲނާފިޒު
19 December 2017
ރައީސް ޔާމީނަށް ވޯޓު ނުދޭންވި އެތައްކަމެއް ދެއްތޮ، ނުދޭނަން މިބުނީ ވޯޓެއް ނުދޭނަމޭ ދުވަހަކުވެސް
1234
19 December 2017
2018 ގައި އިލެކްޝަން ނިމޭއިރު ައިލަތުގެ ރިޒާވް އޮންނާނީ އުމަރު ބުނިހެން ބޮޑު ވަޅުގަނޑެއް
ޖަޑިބު
19 December 2017
މީތަ ނިހާނު އެބުނާ ހިސާބު ޖެހުމަކީ.... ފައިސާމިގޮތަށް ހޭދަކުރަން އެގޭނެ މަރުމޯލަކަށްވެސް.
ހަސީ
19 December 2017
ދެން ކޮނޑުހުޅުން ނެއްޓެންދެން އަތްޖަހާ.
ފަހުރިއްޔާ
19 December 2017
ގައުމަކަށް ވުރެ ބޮޑަށް ދެމަފޮރިއެއްގެ ކުންފުންޏެއްގެ ގޮތަށް ހިންގަނީ މިގައުމުން އެ ސިފަ އެބަފެނޭ ގާތަށް ކަހާ ހުސްކުރަނީ
ޖޫލްސް
19 December 2017
ދެމަފިރިން އެކަނިދޯ އެހޮސްޕިޓަލުން ޚިދުމަތްހޯދާނީ.
ގޮންގް
19 December 2017
ކޮރަޕްޝަން ނުހިމެނެއެކޭ ދަންނަވާކަށް ނުކެރޭނެއެވެ. މޮޅަށް ދެނެވޮޑިގެންވަނީ ﷲއެވެ. އިމާރާތް ކުރަން ބޭނުން ކުރެވުނު މުވައްޒަފުންގެ އަދަދާއި، އިމާރާތް ކުރަން ގެންނަން ޖެހުނު މެޝިނެރީތަކާއި ކޮންސްޓްރަކްޝަން މެޓީރިއަލްސް، ތަނުގެ ފުރިހަމަ ކަމާއި ސްޕީޑްގެ ވާހަކައާއި ރާއްޖޭގެ ކުންފުނިތަކުން އިމާރާތް ކޮށްދޭ އަގާއި އެމީހުންގެ ސްޕީޑްގެ ވާހަކަވެސް ބާއްވާފައި ދަންނަވަމެވެ. މި އިމާރަތް އެޅި، ފުރިހަމަ ހިދުމަތްތަކެއް ދެވިއްޖެ ނަމަ، ކުރިއަށް އޮތް ތަނުގައި ރާއްޖެއިން ބޭރުވާ ޑޮލަރުގެ އަދަދު މަދުވެ، އާސަންދައިން ކުރާ ހޭދަ އެތައް ގުނައެއް މަދުވެގެންދާނެއެވެ.
އަލީހ
19 December 2017
ފެންވަރު ހުރި ރަނގަޅޫ ޑޮކްޓަރުން ނެތި 1000 ބުރީގެ ތަނެއް އެޅިޔަސް ރާއްޖެއިން ބޭރަށްދާ ޚަރަދު ކުޑައެއް ނުވާނެ.
ގުއިއްޒު
19 December 2017
އާސަންދައިން ކުރާ ހޭދަ މަދުވާނެ އޮތީ އެއްމެ ގޮތެއް. އެއީ ހޭދަކުރުން ހުއްޓާލުން.
ޢަބްދުﷲނާފިޒު
19 December 2017
ގޮންގް ގެ ވާހަކައަށް ތާއީދުކުރާ ހާލު ބުނެލަން އޮތީ، ގޮންގް ތިޔަ ފާހަގަކުރި ގޮތަށް "ފުރިހަމަ ޚިދުމަތެއް" މިހާރު ނުދެވިގެން އުޅެނީ 25 ބުރީގެ އިމާރާތެއް ނެތިގެންތޯ، ނޫނީ ސްކިލްފުލް މީހުން "ބޯކޮށް" ނެތިގެންތޯ
އައްޑޫ ރަދުން
19 December 2017
ހޮސްޕިޓަލް އެޅުމާ ދެކޮޅެއް ނަހަދަން އެދުމަކީ ތިތަނުން ބޭސްފަރުވާ ނިކަމެތިންނަށްވެސް ފަސޭހައިން ކުރެވޭނެގޮތް ހަމަޖައްސާ ޕްރައިވޭޓް ކޮޓަރީގެ އަގު 350ރ އަށް ވުރެ މަތިނުވާނެ ގޮތަކަށް ހެދުން...ދެން އަދި ނަމްބަރު ނަގަން ކިޔުގަ ދެދުވަސް ވަންދެން ތިބޭ މީހުނަށް ހިލޭ އެޑަލްޓް ޑައިޕާސްއާއި ކަޕްނޫޑުލްސް ނުވަތަ ޕިކްފައިން ބޯފެނާއެކު ހަމަޖެއްސުން
ހީހީ
19 December 2017
ހީހީ ބަލަ "ހީވެސް ނުވޭ" ވެސް ހުންނަން ވާނެ ތިތާ