ހުޅުމާލޭ ފަޅުގައި އަޅާފައި ހުރި ބައެއް ސަފާރީ އުޅަނދުތަކެއް: ޔޮޓް ބަނދަރު ހަދައި ހިންގުމާ ބެހޭ ގަވާއިދަށް ވަނީ އިސްލާހު ގެނެސްފައި
20 ޑިސެމްބަރ 2017 - 13:47
6 comments
ހުޅުމާލޭގައި ހަދާ ޔޮޓް ބަނދަރާއި އެނބޫދޫފިނޮޅުގައި މިހާރު ތަރައްގީކުރާ އިންޓަގްރޭޓެޑް ރިސޯޓްގައި ތަރައްގީކުރާ ޔޮޓް ބަނދަރު ނޫން އެހެން ޔޮޓް ބަނދަރެއް ހުޅުމާލެއިން ފެށިގެން 50 މޭލު ސަރަހައްދެއްގައި ނުހެދޭ ގޮތަށް ޓޫރިޒަމް މިނިސްޓްރީން ހަމަޖައްސައިފި އެވެ.
ޔޮޓް ބަނދަރު ހަދައި ހިންގުމާ ބެހޭ ގަވާއިދަށް އެ މިނިސްޓްރީން ގެނައި އިސްލާހުގައި އެގޮތަށް އޮތުމުން މާލެ އަތޮޅުގެ ހުޅަނގާއި ދެކުނު ސަރަހައްދުގައި އެއްވެސް ޔޮޓް ބަނދަރެއް ނުހެދޭނެ އެވެ. އުތުރުން ހުޅުމާލެއާ 50 މޭލު ދުރުން މާލެ އަތޮޅުގައި އޮންނަނީ ކާށިދޫ އެކަންޏެވެ. ދެކުނުން ނަމަ 50 މޭލު ހަމަވަނީ ވ. އަތޮޅަށެވެ.
އާ އިސްލާހުގައިވާ ގޮތުން ޔޮޓް ބަނދަރުތައް ހުންނަން ވާނީ މަދުވެގެން 20 ޔޮޓް ބަނދަރުކުރެވޭ ގޮތަށެވެ. އަދި ބުނެފައި ވަނީ އެފަދަ ޔޮޓް ބަނދަރު ބޭނުންކުރެވޭނީ ޓޫރިޒަމަށް ފަޅު ހިއްކައިގެން ތަރައްގީކުރާ ރިސޯޓެއްގެ ބޭނުމަށް އަންނަ އުޅަނދުފަހަރަށް އެކަނި ކަމަށެވެ.
ހުޅުމާލޭގެ ދެވަނަ ފިޔަވަހީގައި ޔޮޓް ބަނދަރެއް ތަރައްގީކުރަން ޕްލޭންގައި ހިމަނާފައިވެ އެވެ. އެހެންކަމުން ޓޫރިޒަމް މިނިސްޓްރީގެ އިސްލާހުގެ މައިގަނޑު މަގުސަދަކީ ހުޅުމާލޭގެ ދެ ވަނަ ފިޔަވަހީގެ ކުރިމަގުގެ ޕްލޭންގައި ހިމެނޭ ޔޮޓް ބަނދަރާއި ތައިލެންޑްގެ ސިންގާ އެސްޓޭޓުން އެނބޫދޫފަޅުގައި ތަރައްގީކުރާ އިންޓަގްރޭޓެޑް ރިސޯޓް ޕްރޮޖެކްޓްގައި ހަދާ ޔޮޓް ބަނދަރަށް ފުރުސަތު ފަހިކޮށްދިނުން ކަމަށް ބެލެވެ އެވެ.
ކ. އާރަށް ކައިރީގައި އޮންނަ ދިޔަނެރު ފަޅުގައި ޔޮޓް މެރީނާއެއް ހަދައި ހިންގާނެ ބަޔަކު ހޯދަން 2013 ގައި ޓްރާންސްޕޯޓް އޮތޯރިޓީން ބިޑަށް ހުޅުވައިލި އެވެ. ނަމަވެސް ފަހުން އެކަން ކެންސަލްކުރީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ.
21 December 2017
ރައްޔިތުންނައް ގައްދާރުވުން ހުއްޓާނީ ކޮންއިރަކުން ރާއްޖެޔައް ވަންނައާމްދަނީ އަކީ މާލޭފުޅު ސަރަހައްދުގެ ހަމއެކަނި ހައްގެއްނޫންކަން ވެރިކަމުގެ މަތިފަޑީގަ ތިބި ފުންނާބުއުސް ފަރާތްތަކަށާ ރިސޯޓު އޯނަރުންނައް ހަނދުމަކޮއް އަރުވަން 7 ސަރަހައްދައް ހަމަހަމަ ކޮއްއަދުލުވެރިކަމާއެކު ގައްދާރުނުވެ ވެރިކަންކުރުމައް ދިވެހިދައުލަތައް ގޮވާލަން ފައިސާއިސްރާފު ނުވާނެ ގޮތަކައް ކަްކުރުމައް ހަނދުމަކޮއް އަރުވަން އެއްފަހަރު ކުރާމަސަތްކަތް ފަސްހަފަރު ތިޔަކުރަނީ ތިޔައީ ރައްޔިތުންގެ ޖައްގު ތިޔައީ ވެރިކަމުގެ މަތިފަޑީތިބި މީހުންގެ ހައްގެއްނޫން ޔާމިނު އިސްތިޔުފާ
ކޮލެޖް އިކޮނޮމިސްޓް
21 December 2017
ވައިގެ ބަނދަރު ކިތައްމެ ގިނައިން ވެސް ހެދޭނެ. ނުހެދޭ ބަނދަރަކީ ޔޮޓް މެރީނާ. އެކަމަކު ބަނދަރެއް ނެތަސް ކަނޑުގައި ނަގިލި ލައިގެން ރަށާއި ކައިރީ ތިބެވޭނެ. އާ ގަވައިދުގެ މަގްސަދަކީ ހީވަނީ ގުރައިދޫ، މާފުށި، ފަދަ ރަށްތަކަށް ކުރި ޖެއްސުމެއް ހެން.
ރުޅި
20 December 2017
ދެން ދުވަސްކޮޅަކުން އިއުލާންކުރާނީ ދިވެހިން ޗައިނާ މުދާ ނޫން އެއްޗެއް އެތެރެކޮށްގެންނުވާނެ ކަމަށާއި ވިޔަފާރިކުރެވޭނީ ހަމައެކަނި ޗައިނާ ރައްޔިތުންނަށް އެކަނިކަމަށް. ހާދަ ދެރައޭ. ދިވެހިން ދިވެހިންގެ ބިމުގައި ނިކެތިވެ އަޅުންނަށް ވަނީ
ކުރެދި
20 December 2017
އެކަމަކު ޖެހިގެން އޮންނަ 2 ރަށުގަ އެއާޕޯޓު އެޅިއަސް އޯކޭ. ވާނުވާ.
އުދުހޭ
20 December 2017
ވަކި ބަޔަކަށް ނުވަތަ މީހަކަށް ހެޔޮވަރަށް ކަނޑިކި ފެހުންނޫންކަމެއް ކުރާކަށް ނޭންގުނުތަ؟ މީހާ ބަދަލުވީމަ އަނެއްކާ ގާނޫނުއިސްލާހު ކުރަންވީ؟ ތަންކޮޅެއް ހަރުދަނާވިއްޔާ ކަމަކުނުދާނެތަ؟
ހާމިދުހުސް
20 December 2017
ކގއަތޮޅު އެކަނި ޓުއަރިޒަމް ހިންގަން ނިންމާލިނަމަ.