ބިދޭސީންތަކެއް މަސައްކަތުގައި: ބިދޭސީންނަށް ވަޒީފާ ހަމަޖައްސައިދޭ އޭޖެންސީތަކުން ގަވާއިދާ އެއްގޮތަށް ކަންކަން އިސްލާހު ކުރަން އިތުރު ހަ މަހުގެ ފުރުސަތެއް ވަނީ ދީފައި - ފޮޓޯ: މިހާރު
30 ޑިސެމްބަރ 2017 - 17:14
6 comments
ބިދޭސީންނަށް ވަޒީފާ ހަމަޖައްސައިދޭ އޭޖެންސީތަކުގެ ތެރެއިން ގަވާއިދާ ޚިލާފްވާ އޭޖެންސީތަކާ މެދު ފިޔަވަޅު އެޅުން އިތުރު ހަ މަހަށް އަނެއްކާވެސް ފަސްކޮށްފި އެވެ.
ވަޒީފާ ހަމަޖައްސައިދޭ އޭޖެންސީއާ ބެހޭ ގަވާއިދު ކުރިން އޮތްގޮތުން އެ ގަވާއިދާ އެއްގޮތަށް ކަންކަން އިސްލާހު ކުރުމުގެ މުއްދަތު އަންނަ ހޯމަ ދުވަހު ހަމަވެ، އޭގެ ފަހުން ގަވާއިދާ ޚިލާފަށް ހިންގާ އޭޖެންސީތަކާ މެދު ފިޔަވަޅު އެޅޭނެ އެވެ. އެ ގަވާއިދުގެ ދަށުން އަޅާ ފިޔަވަޅަކީ އެފަދަ އޭޖެންސީއެއް ހިންގުމުގެ ހުއްދަ ބާތިލް ކުރުމެވެ.
އެ ގަވާއިދަށް މިދިޔަ ބުރާސްފަތި ދުވަހު ގެނައި އިސްލާހުގެ ދަށުން، އޭޖެންސީތަކުގެ ކަންކަން އިސްލާހު ކުރަން އިތުރު ހަ މަހުގެ ފުރުސަތެއް ދީ، ފިޔަވަޅު އަޅަން ފެށުން ވަނީ ފަސްކޮށްފަ އެވެ. އެ އިސްލާުހު ބުނާގޮތުން ގަވާއިދާ އެއްގޮތަށް ކަންކަން އިސްލާހު ނުކުރާ އޭޖެންސީތަކާ މެދު ދެން ފިޔަވަޅު އަޅަން ފަށާނީ އަންނަ އަހަރުގެ ޖުލައި މަހުގެ ފުރަތަމަ ދުވަހުން ފެށިގެންނެވެ.
މިއީ އޭޖެންސީތަކާ މެދު ފިޔަވަޅު އަޅަން ފެށުން އިކޮނޮމިކް މިިނިސްޓްރީން ފަސްކުރި ތިން ވަނަ ފަހަރެވެ. މިދިޔަ އަހަރު އެ ގަވާއިދު އައުމާ އެކު، އޭޖެންސީތަކަށް އެންމެ ފުރަތަމަ ދިނީ އެއް އަހަރުގެ މުއްދަތެކެވެ. އެ މުއްދަތު މިދިޔަ ޖުލައި މަހު ހަމަވުމާ އެކު، ގަވާއިދަށް އިސްލާހު ގެނެސް، ދެވަނަ ފަހަރަށް މުއްދަތު ދިނީ އަންނަ ހޯމަ ދުވަހާ ހަމައަށް ކަންކަން އިސްލާހު ކުރުމަށެވެ.
ގަވާއިދާ އެއްގޮތަށް ކަންކަން އިސްލާހު ކުރުމުގެ ފުރުސަތު އިތުރު ކުރިއިރު، ބިދޭސީންގެ މުސާރަ ބޭންކް އެކައުންޓަށް ޖަމާ ނުކުރާ ފަރާތްތައް ޖޫރިމަނާ ކުރަން ފެށުން ވެސް އިތުރު ހަ މަހަށް ވަނީ ފަސްކޮށްފަ އެވެ. ކުރިން އޮތީ އެފަދަ ޖޫރިމަނާތައް ވެސް އަންނަ ހޯމަ ދުވަހުން ފެށިގެން ކުރަން ފަށާ ގޮތަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑަވިޔަނި
31 December 2017
ތިމާ މީހާ ސީދާ ނުވެ އެހެން މީހުން ސީދާ ކުރަން ނޫޅެވޭނެތާ އެވެ
ލަނޑާގިރާވަރު
31 December 2017
އިމިގްރޭޝަނުން ތިޔަ ނިންމެވީ ވ ރަނގަޅު ނިންމުމެއް މިއުޅޭ އެޖެންސީ ތަކުން މީހުން ނުގެނޭވޭ ގޮތް ހެދުންއެއީ. ބޭރުމީހުން ގެނެސް ޑޮލަރުކޮޅުނަގާފަ އެބައިމީހުން މަގުމަތިކޮށްލަނީ ބުނަނީ ރިސޯޓަކަށޭ ގެނައީ ރިސޯޓް ފެރީނާސްގެންނޭ ލަސްވަނީ ކިޔާފަ ބޭރު ކޮންމެ މީހަކު އަތުން 2000 ޑޮލަރުނަގާފަ ތިމާގެ އަނބިންނާ ދަރިން ފެންފަރުގަ މި އުޅެނީ އެ ފައިސާގަ ކިހާ ދެރަކަމެއްމީ. ކޮންޓްރޯލާ ތިޔަނިންމެވި ނިންމެވުމަށް %100 ތާއިދުކުރަން
ފަގީރު ކޮއި
31 December 2017
ބިދޭސީ މަސައްކަތު ލައްކައެއްހާ މީހުން މީހަކަށް މަހަކު 200 ޑޮލަރު ބޭރުކުރި ނަމަ އަހަރަކު 308 މިލިއަނަށްވުރެ ގިނަ ދިވެހި ރުފިޔާގެ ފައިސާ ބޭރު އެބަކުރެވޭ. ކަރަންޓްބިލާ ފެންބިލް ފޯނުބިލް ކޭބަލްޓީވީ އަކީ މެދުފަންތީގެ މުވައްޒަފެއްގެ ޢާމްދަނީގެ 66ޕަސެންޓް. ޢާއިލާ އަށް ޚަރަދުކުރަން ލިބޭނީ އެންމެ 33 ޕަސެންޓް. މިއީ ޢައިލާއަކަށް ފުއްދާލެވޭވަރެއްނޫން. ވީމާ ވިސްނުންތެރިކަމާއެކު ގައުމުގެ އާމްދަނީ ގައުމުގެ ރައްޔިތުން އަތަށް ލިބޭނެ ގޮތެއް ވިސްނަން އެބަޖެހޭ.
އުމަރު
31 December 2017
މިހާރު އެޖެންސީއަކީވެސް އިމިގްރޭޝަން، ބިދޭސީން ގެންނަނީވެސް އިމިގްރޭޝަނުން، ކޯޓާދެނީވެސް އިމިގްރޭޝަނުން، އޮންލައިން ސިސްޓަމް ކޮންޓްރޯލްކުރަނީވެސް އިމިގްރޭޝަނުން، ވޯކްޕާމިޓް ހައްދައިދެނީވެސް އިމިގްރޭޝަނުން، ވިސާކާޑް ހައްދައިދެނީވެސް އިމިގްރޭޝަނުން، ޓިކެޓް ޑިޕޮސިޓް ނަގަނީވެސް އިމިގްރޭޝަނުން، އެފައިސާ ނުދީ ހިފަހައްޓަނީވެސް އިމިގްރޭޝަނުން، ބިދޭސީން އެތެރެކޮށް ފުރުވަނީވެސް އިމިގްރޭޝަނުން، އަދި ދުވާލަކު ގަވައިދެއް ހަދަނީވެސް އެމިގްރޭޝަނުން، އެންމެ ފަހުން ހެދި ގަވައިދަކީ އިމިގްރޭޝަންގެ އޮފިސަރުން ބަންގްލަދޭޝްގައި އެޖެންސީއެއް ހަދައި އެތަން މެދުވެރިކޮށް ބަންގްލަދޭޝްމީހުން މުޅި ރާއްޖެއަށް އެތެރެކުރެވޭގޮތް ހެދުން، ދެން އެންމެ އަވަހަށް އަދީބު އަކާއި ޒިޔަތުއެއް ފެންނާނީ އިމިގްރޭޝަނުގެ ތެރެއިން އެކަން ބަލަންތިބޭތި
އަސާސީ
30 December 2017
ގާނޫނާ ހިލާފުވާ ފަރާތްތަކުގެ މެދުގައި ތަފާތު ކުރުން! ޓްރެފިކް ވައިލޭސަންވެސް ހަ މަހަށް ފަސްކޮށްދޭންވީނު؟
ހައްސާ
30 December 2017
މުސާރަ ޖަމާ ނުކުރާނަމަ ކުރާ ޖޫރިމަނާ ވެސް އެތައްފަހަރަކު ފަސްކުރަމުން ގޮސް މިހާރު އަނެެއްކާ 3 މަސް ފަސްކޮށްފި. މިހާރު އޭޖެންސީތަކުގެ ތެރެއިން ގަވާއިދާ ޚިލާފްވާ އޭޖެންސީތަކާ މެދު ފިޔަވަޅު އެޅުން އިތުރު ހަ މަހަށް އަނެއްކާވެސް ފަސްކޮށްފި. މިއިން އެއްވެސް ޖޫރިމަނާ އެއް 2018 ގެ ރިޔާސީ އިންތިހާބުގެ ކުރިއަކުން ނުނަގާނެ. ދެން އެންމެން ބާރަށް އަތްޖަހާ!