އއ. ކުރަމަތި ރިސޯޓުގެ މޫދަށް އެރި އުޅުނު ޓޫރިސްޓަކު މަރުވެފައި އޮއްވާ މިއަދު ހަވީރު ފެނިއްޖެ އެވެ.
ފުލުހުންގެ މީޑިއާ އޮފިޝަލް ވިދާޅުވީ، އުމުރުން 29 އަހަރުގެ އެ ފިރިހެންމީހާ މަރުވެފައި އޮއްވާ ފެނުނު ހާދިސާގެ ރިޕޯޓް ލިބުނީ ހަވީރު 5:15 ހާއިރު ކަމަށެވެ.
"މިހާރު ވެސް ފުލުހުން އެ ރިސޯޓުގައި އެބަ ހަރަކާތްތެރިވޭ. މި ހާދިސާ ހިނގި ގޮތް މިދަނީ ބަލަމުން،" ފުލުހުންގެ އޮފިޝަލް ވިދާޅުވި އެވެ.
ރާއްޖެއަށް ގިނަ އަދަދެއްގެ ޗައިނާ ޓޫރިސްޓުން ޗުއްޓީ ހޭދަކުރުމަށް އަންނައިރު، އޭގެ ތެރެއިން ފަތަން ނޭނގުމުންނާއި ތަފާތު އެކި ހާދިސާތަކުގައި މަރުވާ މީހުން ގިނަކަން ފަހަކަށް އައިސް ފާހަގަކުރެވެ އެވެ.
