ފުނަދޫ އެއާޕޯޓް އަޅާ ސަރަހައްދު ހިއްކަން މަހާޖައްރާފު އެ ރަށަށް ދިއުމުން ރައްޔިތުން މަރުހަބާ ކިޔަނީ. --ފޮޓޯ/
14 ޖެނުއަރީ 2018 - 11:19
19 comments
ށ. ފުނަދު އަށް މަހާޖައްރާފް އިއްޔެ ބަނދަރުކޮށް، އެއާޕޯޓު ހަދަން ބޭނުންވާ ސަރަހައްދުގެ ބިން ހިއްކުމުގެ މަސައްކަތް މިއަދު ފަށައިފި އެވެ.
ފުނަދޫގައި ޑޮމެސްޓިކް އެއާޕޯޓެއް އަޅަން އެ ރަށުގެ އުތުރުކޮޅުގެ ހުޅަނގު ފަރާތުން 21 ހެކްޓަރުގެ ބިން ހިއްކަން ވަނީ ހަމަޖައްސައިފަ އެވެ. އެ ތަން ހިއްކުމަށް އެ އަތޮޅުގެ އެތެރެވަރީ ކަނޑުން ނަގައިގެން ގެންނަ ވެލިތައް، ހިއްކާ ސަރަހައްދަށް އެޅުމަށްޓަކައި މިހާރު ވަނީ ހޮޅި އަޅައި، މަހާޖައްރާފުގެ މަސައްކަތްތައް ފަށާފައި ކަމަށް ކައުންސިލުން ބުންޏެވެ.
ކައުންސިލްގެ ރައީސް އަހްމަދު އިބްރާހީމްފުޅު ވިދާޅުވީ ބަންޑުވޯލް ޖަހާފައި އޮތް ސަރަހައްދު، ގާތްގަނޑަކަށް މަހެއްހާ ދުވަހުގެ ތެރޭގައި ހިއްކާ ނިންމާލާނެ ކަމަށް އެއާޕޯޓް ހިއްކުމުގެ މަސައްކަތް ހަވާލުކޮށްފައިވާ އެމްޓީސީސީން ކައުންސިލަށް މައުލޫމާތު ދީފައިވާ ކަމަށެވެ.
މިއަދު ހެނދުނުން ފެށިގެން މަހާޖައްރާފުން މިހާރު ކުރަމުން ދަނީ ބިން ހިއްކަން ބޭނުންވާ ވެލި ކަނޑުތެރެއިން ނެގުމުގެ މަސައްކަތެވެ.
ފުނަދޫ އެއާޕޯޓް ހަދާ ސަރަހައްދުގެ ހިއްކުމުގެ މަސައްކަތަށް ބަންޑުވޯލް ޖަހާފައި
"ރައްޔިތުން ވަރަށް ހިތްހަމަޖެހިފައި ތިބީ. މުޅި އަތޮޅުގެ އުއްމީދާ ގުޅިފައިވާ މަޝްރޫއެއް މިއީ،" އާބާދީގައި 2،500 އަށް ވުރެ ގިނަ މީހުން ހިމެނޭ ރަށުގެ ކައުންސިލަރު ވިދާޅުވި އެވެ.
އޭނާ ވިދާޅުވި ގޮތުގައި ރައްޔިތުން އުފާވެފައި ތިބި މިންވަރު އެ ރަށުން އިއްޔެ ވަނީ ދައްކައިދީފަ އެވެ. މަހާޖައްރާފް އެ ރަށަށް ބަނދަރު ކުރި އިރު، ގިނަ އަދަދެއްގެ ބަޔަކު މަރުބާ ކިޔަން ނިކުމެ ތިބި ކަން އަހްމަދު ފާހަގަކުރެއްވި އެވެ.
ފުނަދޫ ރައްޔިތުން ބަނދަރުމަތީގައި. --ފޮޓޯ/ ފުނަދޫލައިވް
އަހްމަދު ވިދާޅުވި ގޮތުގައި އެ ރަށުގެ އެއާޕޯޓް ވީހާ ވެސް އަވަހަށް ނިމުމަކީ މުޅި އަތޮޅަށް ލިބޭނެ ވަރަށް ބޮޑު ލުއި ފަސޭހައެކެވެ. ފުނަދޫގައި އެއާޕޯޓް ހެދުމުން، ކައިރި ރަށްތަކުން އެއާޕޯޓަށް ކުރަން ޖެހޭނީ 20 މިނެޓުގެ ލޯންޗު ދަތުރެއް ކަމަށް އޭނާ ވިދާޅުވި އެވެ.
މަހާޖައްރާފްގެ ފުނަދޫގައި: އެ ރަށަށް މި ބަނދަރުކުރީ ހދ. ކުޅުދުއްފުށިން 15 ހެކްޓަރު ހިއްކާ ނިންމާފައި. --ފޮޓޯ/
ފުނަދުއާ ދުރު ރަށްތަކުގެ ގޮތުގައި، އެ އަތޮޅު ކަނޑިތީމާއި ގޮއިދު އާއި ބިލެތްފަހި ހިމެނޭއިރު އެ ރަށްތަކަށް ކައިރިވާނީ ހދ. ކުޅުދުއްފުށީގައި އަޅާ އެއާޕޯޓު ކަމަށް އަހްމަދު ވިދާޅުވި އެވެ.
"ދެ ގޮތުން ވެސް ވަރަށް ބޮޑު ލުއި ފަސޭހަކަމަކާއި ތަރައްގީއެއް މުޅި އަތޮޅަށް ލިބިގެން މި އަންނަނީ،" އޭނާ ވިދާޅުވި އެވެ.
މަހާޖައްރާފުގެ ފަޅުވެރިން ފުނަދޫގައި: އެއާޕޯޓް އަޅާ ސަރަހައްދު ހިއްކަން ނަގާނީ މަހެއްހާ ދުވަސް ކަމަށް ކައުންސިލަށް ވަނީ މައުލޫމާތު ދީފައި. --ފޮޓޯ/ފުނަދޫލައިވް
ފުނަދޫ އެއާޕޯޓު ހަދާ ބިން ހިއްކަން މި ފެށީ، ލޯކަލް ކައުންސިލް އިންތިހާބާ ދިމާކޮށް ޖުލައި، 2017 ގައި، ކުއްލިއަކަށް ބިން ހިއްކަން ފަށައި އެ މަސައްކަތް މެދުކަނޑާލާފައި އޮތުމަށް ފަހު އެވެ. ފުނަދޫ އެއާޕޯޓްގެ މަސައްކަތް ކުރިއަށް ގެންދަން އޭރު ހަވާލުކޮށްފައި އޮތީ ނެދަލެންޑްސްގެ ކުންފުންޏެއް ކަމަށްވާ ބްރީމަންއާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީދީ
15 January 2018
ބަރަވެލި ކަންޑު ހިއްކިޔަސް ވޯޓެއް ނުދޭނަން ޔާމީނަކައް
ޢަބްދުﷲނާފިޒު
14 January 2018
ފުންކަނޑު ހިއްކާލިއަސް ހެޔޮ، އެއްވެސް ޝަކުވާއެއް ނެތް، ވޯޓެއް ނުދޭނަން، ހަމަ ޔަޤީން.
ޖަލީލު
14 January 2018
އެއްވެސް ޕްލޭން އެއް ނެތި ކައުންސިލް ވޯޓާ ދިމާކޮށް އެއޮތް ރީތި ތުނޑި ހަލާކު ކޮއްލީ. ޖާގަ އޮތް ބޮޑެތި ތަންތަން ތަރައްގީ ކުރުމަކީ ރަނގަޅުކަމެއް. އެކަމަކު ޕްލޭނެއްނެތި ސިޔާސީ ބޭނުމަށް ރާއްޖޭގެ ގުދުރަތީ ވަސީލަތްތައް ފުނޑާލުމަކީ އެތައް ޖީލަކަށް ދެވޭ ގެއްލުމެއް. މިއިން އެއްވެސް އެއާޕޯޓެއް މި ސަރުކާރަށް މި ދައުރަކު ނޭޅޭނެ. ދެން އަންނަ ބަޔަކަށްވެސް ކުއްލިއަކަށް މިކަން ކުރާކަށް ފަސޭހައެއް ނުވާނެ. ބޭނުމަކީ ތިމަންނަމެން ފެށި މަސައްކަތް އެހެން ބަޔަކަށް ނުނިންމޭނެކަން ދެއްކުން.
ދީދީ
14 January 2018
މިކަހަލަ ހަފްލާއެއްގަ ފެންހުސް ކުރިފުޅިޔައް ޖޫސް އަޅާފަ ބެހެއްޓީމަ ވަރައް ހުތުރު، ކީއްތަވާނީ ކުރުނބާ ބެހެއްޓީއްޔާ ނޫނީ ޖޫސް ތައްޓައް އަޅާފަ ބެހެއްޓިއްޔާ
މަހަށް
14 January 2018
ށަވިޔަނި އަތޮޅުގައި އެއާރޕޯރޓް ހަދަން މަމެން ޕިންކީންގެ ވެރިކަމުގައި ފެށުމުން ދެން ތަމެން ރަންރީނދުލޭ މެން ރަނގަޅު ވާނީ މިއޮށް ދޮށި ބޮނޑި ހިފައިގެން މަހަށް ދިޔައިއްޔާ އޭ މަމެން ބުނަން ނެތީމު ދޯ. މަހަށް ދޭބަލަ ދެން.
ސަޅިބައިސާ
14 January 2018
ފުނަދޫގައި 2500 މީހުނެއް ނޫޅޭނެ. ކަރުދާހުގާ ލިޔެވިދާނެ 25،000 ކަމަށްވެސް. ފުނަދޫގައި ތިއަ އެއާޕޯޓު އަޅަން ގަބޫލީ ޅައިމަގު މީހުނާއި ފުނަދޫ މީހުނާއި މާއުނގޫދޫ މީހުން އެކަނި. އެއީ އަމިއްލަ އެދުމުން ފޯވެފަތިބި ބައެއް. އަތޮޅުތަކުގާ މިކަހަލަ ބޮޑެތި ޕުރޮޖެކްޓުތައް ހިންގާއިރު އަތޮޅު ރައްޔިތުންގެ އިހްސާސްތަކަށް ނުބަލާ އަތޮޅުގެ ހުރިހާ ރައްޔިތުންނާ ގުޅުން އޮންނަ މިކަހަލަ ބޮޑެތި ޕުރޮޖެކްޓުތައް ހިންގުމުން ދޭހަވަނީ ސަރުކާރުގެ ސިޔާސަތެއް ނެތްކަން.
އަސްލު
14 January 2018
ތިޔަ ޖައްރާފަށް ކުޅުދުއްފުށިން 15 ހެކްޓަރު ހިއްކުނީ ދެމަހަށް ވުރެން ގިނަ ދުވަހުން... ދެން ކިހިނެއް 21 ހެކްޓަރ 1 މަސްދުވަހުން ހިއްކާނި؟؟ އެންމެ އަވަހަށްވެސް 75 ދުވަސް ވުމުގެ ކުރިން ލާހިކެއް ނޫން ތިޔަކަން ކުރާކަށް..ތިޔައީ މަހާޖައްރާފެއް ނޫން މިނީޖައްރާފު
ކަޅޭމެން
14 January 2018
ކުޅުދުއްފުށީ ބިން ހިއްކީ މަހާޖައްރާފަކުން ނުން! އެކްސްކަވޭޓަރާއި ހައިމާކް ބެނުން ކޮށްގެން އެބިން ހިއްކީ.
ފެއިލިއާ
14 January 2018
މާލެމީހުން ރާއްޖެތެރޭ މީހުން އަޅުންގެ ގޮތުގަ ގެންގުޅެނިއްޔޭ އަނެކައްޗެކޭ ކިޔައިގެން ހަޅޭއްލާވާ މީހުން މިފޮޓޯތައް ނިކަން ބަލާލަބަލަ. އަޅުވެތިވެގެން އުޅެނީ އަމައްލައަށް. އަމިއްލަ މިހާގެ ސިކުނޑި މިނިވަންނުވާހާ ދުވަހަކު އުޅޭނީ ކޮއްމެވެސް މީހެއްގެ އަޅެއްގެ ގޮތުގައި.
ޝަހާމް
14 January 2018
ކޮންމެ ރަށަކުންވެސް ބޭނުންވަނީ އެރަށުގައި އެއަރޕޯޓް އަޅަން. އެހެންވެސް އެކަމުގެ އަރައިރުން މިހާރު އެފެދިފައި މިވަނީ..!
މިނީޖައްރާފު
14 January 2018
1 މަސްދުވަހުމް ތިޔަތަން ހިއްކާ ނިމިއްޖެއްޔާ ކުރިތަށް އޮތް ރޯދަމަސް އަންނަންދެއް ލޮނުލީ ކާއެއްޗެއް މަ ނުކާނަން އަދި ސުންނަތް ރޯދަ ހިފާނަން.. ތިޔަ ލާހިކެއް ނޫން އޭޕްރީލުގެ ކުރިން ނިންމާކަށް.. އެހާ ސުލޯވާނެ ކުޅުދުއްފޫސީގަ 15 ހެކްޓަތ ހިއްކުނީ 2 މަހަށްވުރެއް ގިނަ ދުވަސްވީފަހުން