ޖަސްޓިސް ބިލްޑިން: މިދިޔަ އަހަރު ހުށަހެޅި މައްސަލަތަކުގެ 46 ޕަސެންޓަކީ އާއިލީ މައްސަލަތައް --ފޮޓޯ/މިހާރު
22 ޖެނުއަރީ 2018 - 11:07
2 comments
މިދިޔަ އަހަރު ކޯޓުތަކަށް ހުށަހެޅުނު މައްސަލަތަކުގެ ތެރެއިން އެންމެ ގިނައީ އާއިލީ މައްސަލަތައް ކަމަށް ތަފާސް ހިސާބުތަކުން ދައްކައިފި އެވެ.
ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން(ޑީޖޭއޭ) އިން އާންމުކުރި ތަފާސް ހިސާބުތައް ދައްކާ ގޮތުން މިދިޔަ އަހަރު ވެސް ކޯޓުތަކަށް ހުށަހެޅުނު މައްސަލަތަކުގެ އަދަދު އުޅެނީ 20،000 އިން މަތީގަ އެވެ. މިދިޔަ އަހަރު 20،600 އަށް ވުރެ ގިނަ މައްސަލަ ކޯޓުތަކަށް ހުށަހެޅިއިރު އެއީ 2016 ވަނަ އަހަރާ އަޅާ ބަލާއިރު ތިން ޕަސެންޓް އިތުރު އަދަދެކެވެ.
އާންމުކޮށް އެންމެ ގިނައިން ކޯޓުތަކަށް ހުށަހަޅަނީ މަދަނީ މައްސަލަތައް ކަމަށްވިޔަސް، އެ ހިސާބުތައް ދައްކާ ގޮތުން މިދިޔަ އަހަރު އެންމެ ގިނައިން ހުށަހެޅީ އާއިލީ މައްސަލަތަކެވެ. އެގޮތުން ހުށަހެޅުނު މައްސަލަތަކުގެ 46 ޕަސެންޓަކީ އާއިލީ މައްސަލަތައް ކަމަށް އެ ހިސާބުތަކުން ދައްކަ އެވެ. އެކަމަކު ހުށަހެޅި މައްސަލަތަކުގެ ތަފްސީލެއް އަދި ހާމައެއް ނުކުރެ އެވެ.
ދެވަނަ އަށް އެންމެ ގިނައީ މަދަނީ މައްސަލަތަކެވެ. އެއީ ހުށަހެޅި މައްސަލަތަކުގެ 28 ޕަސެންޓެވެ. ޖިިނާއީ މައްސަލަތަކުގެ ގޮތުގައި ހުށަހެޅީ 26 ޕަސެންޓް ކަމަށް އެ ހިސާބުތަކުން ދައްކަ އެވެ.
މިދިޔަ އަހަރު ހުށަހެޅި މައްސަލަތަކުގެ 2016 ވަނަ އަހަރަށް ވުރެ އިތުރުވިޔަސް، މިދިޔަ އަހަރު ނިންމި މައްސަލަތަކުގެ އަދަދު ވަނީ މަދުވެފަ އެވެ. މިދިޔަ އަހަރު ކޯޓުތަކުން ނިންމީ 18،300 މައްސަލަ ކަމަށް ވާއިރު، އެއީ 2016 ވަނަ އަހަރު ކޯޓުތަކުން ވަނީ 20،000 އަށް ވުރެ ގިނަ މައްސަލަ ނިންމައި، ރެކޯޑެއް ހަދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައްދާމް
22 January 2018
ވައްކަން އެންމެ ކުރީގައި.......... ދެން މީހުން މެރުން........ އަހަރުމެން ނަށް ލިސްޓް ކިޔައިދޭނެ ކަމެއް ނެތް......
ސިޔާމު
22 January 2018
މައްސަލަތައް ނިމޭލެއް މަދުވުމުގެ ސަބަބުތަކަށް ރިޕޯޓުގައި ބެލުނުނަމަ، ނުވަތަ ރިޕޯޓުގައި އޮތް ނަމަ، މި ލިޔުމުގައި އެކަން ގެނެސްފައި އޮތުން ރަނގަޅުވީސް. އަދި ކޯޓުތަކުގައި ފަނޑިޔާރުން ތިބި އަދަދާ ހުށަހެޅޭ މައްސަލަތަކުގެ އަދާ އަޅާކިޔާލުންވެސް ރަނގަޅު. މިސާލަކަށް މާލޭގައި ޖިނާއީ މައްސަލަތައް އެންމެ މަދުން ހުށަހެޅެނީ، ޖުވެނައިލް ކޯޓަށް. އެތަނުގައި އަދަބުދިނުމުގެ ގޮތުން ބަދަލުކުރި ގާޒީންނާއެކު 4 ގާޒިން އެބަތިބި. ކްރިމިނަލް ކޯޓާއި ޑްރަގް ކޯޓަކީ ޖިނާއީ މައްސަލަތައް ފުނިފުންޏަށް ހުށަހެޅޭ ތަންތަން. ކްރިމިނަލް ކޯޓުގައި އަދި ޑްރަގް ކޯޓުގައި ކޯޓެއްގައި އެންމެ 5 ވަރަކަށް ގާޒީން. ދެން ބަލާ މައްސަލަތަކުގެ ސްޕީޑަށް ވާނެ ގޮތް. އަދި ބައްލަވާ ކިތައް މައްސަލަތޯ ދައުވާލިބޭ މީހުން ކޯޓަށް ނައިސްގެން، ނޫނީ ހާޒިރުނުކޮށްދެވިގެން ނުހިންގިވަނީ. މިއީވެސް އާންމުންނަށް އެނގެން ރަނގަޅު މައުލޫމާތު.