ހުޅުމާލޭގެ މަގެއް މަތި: ރަށުތެރޭގައި ބަހައްޓާފައި ހުރި ޑަސްބިންތައް ނަގަން ވަނީ ނިންމާފައި -- މިހާރު ފޮޓޯ
24 ޖެނުއަރީ 2018 - 12:12
8 comments
ހުޅުމާލޭ ނެއިބަހުޑް އެކަކާއި ތިނެއްގައި އާއްމުން ކުނި އުކަން ބަހައްޓާފައި ހުރި ބޮޑެތި ޑަސްބިންތައް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ނަގަން ނިންމައިފި އެވެ.
އެޗްޑީސީން ނިންމާފައިވާ ގޮތުން އަންނަ ބުރާސްފަތި ދުވަހުން ފެށިގެން އެ ޑަސްބިންތައް އެ ތަންތަނުގައި ނުހުންނާނެ އެވެ.
އެތަނުގެ އޮފިޝަލަކު ވިދާޅުވީ މީހުން ދިރިއުޅޭ ސަރަހައްދާ ކައިރި އަށް ކުނި އުކާތީ ތިމާވެއްޓާއި ސިއްހީ އިދާރާތަކުން ވެސް ކަންބޮޑުވުން ފާޅުކުރަމުންދާތީ، ބުރާސްފަތި ދުވަހުން ފެށިގެން ކުނި އުކަން ޖެހޭނީ ވެމްކޯ މެދުވެރިކޮށް ނުވަތަ އެ މީހަކު އަމިއްލަ އަށް ގޮނޑަށް ގޮސްގެން ކަމަށެވެ.
"މިހާރު އޮންނަ ގޮތުން ކޮންމެ މީހަކަށް ވެސް ގޮސް ޑަސްބިންތަކަށް ކުނި އުކާލެވޭނެ. ބައެއް މީހުން ގޮސް ކުނި ކޮތަޅުތައް ޑަސްބިނަށް ނުލައި އެ ސަރަހައްދަށް ވެސް އުކާލާ. އެހެންވެ، އެޗްޑީސީން މިހާރު ބޮޑަށް އެދެނީ ވެމްކޯ މެދުވެރިކޮށް ހުރިހާ ގެއަކުން ކުނި އުކަން،" އޮފިޝަލް ވިދާޅުވި އެވެ.
ހުޅުމާލެ. ރަށުތެރެ ސާފުކުރުމަށް ނެއިބަހުޑް އެކަކާއި ތިނެއްގައި ހުރި ޑަސްބިންތައް ވަނީ ނަގަން ނިންމާފައި.
އޭނާ ވިދާޅުވީ ވެމްކޯގައި ރަޖިސްޓްރީވުމުން އެ ގެއަކަށް ގޮސް އެ ހިދުމަތް ދޭނެ ކަމަށާއި އެހެންވެ، ކުނި އުކުމުގައި ދައްޗެއް ކުރިމަތިވާނެ ކަމަށް ގަބޫލު ނުކުރެވޭ ކަމަށެވެ.
ހުޅުމާލޭގެ ކުނިގޮނޑު ހުންނަނީ ހުޅުލެ އާއި ހުޅުމާލެ ގުޅުވައިދޭ މަގު ފެށޭ ސަރަހައްދުގަ އެވެ. ވެމްކޯގައި ރަޖިސްޓްރީ ނުކުރާ ނަމަ، އަމިއްލަ އަށް ގޮނޑަށް ގޮސް ވެސް ކުނި އުކާލެވޭނެ ކަމަށް އެޗްޑީސީން ބުންޏެވެ.
ހުޅުމާލޭގައި ވެމްކޯ އިން ހިދުމަތް ދޭން މިދިޔަ ނޮވެމްބަރު މަހުގެ ތެރޭގައި ވަނީ އޮފީހެއް ވެސް ހުޅުވާފަ އެވެ.
ހުޅުމާލޭގައި މީހުން ދިރިއުޅެން ފެށިތާ 14 އަހަރު ވެފައިވާއިރު އެ އަވަށުގައި މިހާރު 40،000 އަށް ވުރެ ގިނަ މީހުން ދިރިއުޅެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު ރަޝީދު
24 January 2018
ވެމްކޯ އިން ޚިދުމަތް ދެއްވަނީ ޚިދުމަތަށް އެދޭތާ 7 ދުވަސް ފަހުން. ބުރާސްފަތި ދުވަހުން ފެށިގެން ޚިދުމަތް ކަނޑާލާއިރު އިތުރު 7 ދުވަސް ދެއްވަން އެބަޖެހޭ. އެހެން ނޫނީ އެ 7 ދުވަހުގެ ތެރޭގައި ޕްރޮސެސް ވާނެތީ.
ވަސްމީރު
24 January 2018
ދަތިވަނީ ކުނި ނުއުކިގެނެއް ނޫން. ދަތިވަނީ އަތުގަ ލާރިއެއް ނެތް އިރު ކުނިއުކާލަންވެއް ފައިސާ ޚަރަދު ކުރަންޖެހޭތީ!!
ވާލުސޮރު
24 January 2018
ހުޅުމާލޭގަ ތިޔަ ޑަސްބިންތަކުގެ ބޭނުންހިފަނީ މަދު ބަޔެކެވެ. ގިނަބަޔަކު އާންމުކޮށް ކުނިއުކަނީ ރަށުތެރޭގެ ފަޅު ތަންތަނަށެވެ. މިގޮތުން މިހާރުގޮސް ނޫސްވެރިން ރަށުތެރެ ޗެކްކޮށްލިޔަސް ހުޅުމާލޭ ގޮނޑުގަހުރި ކުންޏަށްވުރެ ރަށުތެރޭގެ އެކި ހިސާބުތަކުގަ ހުރި ކުނި ގިނަވާނެއެވެ. ތިޔަ ޑަސްބިންތައް ނެގުމުން ދެން އަދި އިތުރަށް ހުޅުމާލެ ގޮނޑުވުންނޫންކަމެއް ނުވާނެއެވެ.
ހޭންޑީ
24 January 2018
ކޮންމެ ކަމެއް ވެސް ފައިސާ ދީފައި ކުރާ ގޮތަށް ތިޔަ ރާވަނީ
ފުންއަސަރު
24 January 2018
ދޮރުގާ ޓަކިޖަހާލާއިރަށް ކުނިކޮތަޅު މި ހަވާލުކޮށްލަނީ. އެކަމަކުވެސް ކުނިބަލާއަންނަ ބައެއްމީހުން ރުޅިއާދޭ ލަސްވާތީ. އެކަމަކު ރުޅިއަޔަސް ވަކިގަޑިއެއްނުބުނެ ކުނިބަލާ އަންނަންޏާ، ތާބަދަކު ދޮރުން ބޭރަކު ކުންޏެއް ނުބެހެއްޓޭނެ. އަންނަމީހުނަށޤ ފަސޭހަވިޔަސް، މަމެންނަށްވެސް އުންދަގޫވޭ ދޮރުންބޭރުގާ ބަހައްޓާފާ އިރުއިރުކޮޅާ ކުނިކޮތަޅު ގޮރާކުރަން. އެކަމަކު ކޮންމެ ރެޔަކުވެސް އެއްގަޑިއެއްގާ އަންނަންޏާ ކުނިތައް ބަރާބަރު ގަޑިޔަށް ނެރެވޭނެ.
ގުއިއްޒު
24 January 2018
ކޮންމެ ގޭ ބިސީއަކުންވެސް ޗާޖުކުރޭ. ގޭގޭގަ އެޕާރޓްމަންޓް ހުރި ޢަދަދުޢާއި ގޭގެ ވެރިފަރާތް ހައުސިންގ މިނިސްޓްރީއަށް އެނގޭނެ. ކުނި ނަގާނެ އިންތިޒާމު ހަމަޖައްސާ ގޭ ބިސީ ތަކަށް އަންގާ. ހިލޭ އުކޭނެ ބަޔަކު ނުތިބޭނެ. އެއީ ކޮންމެ މީހަކުވެސް އެބަ ކުނި އުފައްދާ. އަދިވެސް އެއްފަހަރު މި ބުނަނީ ކުނި ކަލެކްޓް ކުރެވޭނެ ބުއްދި ގަބޫލުކުރާ އިންތިޒާމެއް ހަމަޖައްސާ. ވަރިހަމަ 1ވަނަ ދުނިޔޭގެ ގައުމަތަކަށް ޓީމުތައް ފޮނުވައިގެން އެކަންކަން ދަސްކޮށްދީގެންވިޔަސް. ބޮޑުމީހާ ގޮޑީގަ އިދެފަ މިހެން ހަދާ އެހެންހަދާ ކިޔަކިޔަ އިނުމުގެ ބަދަލުގައި. މާތްކަލާކޯ ދުނިޔޭގަ މީހުން ކަން ކޮށް އުޅޭގޮތަށް ކޮށްބަލަ.
ޗޮމމ
24 January 2018
އެތަންތަނުގައި ޑަސްބިން ހުރުމުން ވެމްކޯއަށް ލާރިދީގެން އާއްމުން ކުނިނުއުކާތީ ކުރި ކަމެކެވެ. ކޮންމެ ގޮތެއް ހަދައިގެންވެސް އާއްމުން އަތުން އެލާރި ފެލައިލަން ޖެހޭދެއްތޯ؟ މީގެ ފަހުން މަގުމައްޗަށް ކުނިއުކާ ވާހަކަ ދައްކައިގެން ނުވާނެއެވެ.
ސޮކްތެރެޕީ
24 January 2018
ބައެއްބޭފުޅުން ޕޭމަންޓްމަތީގަ ހުންނަ ޑަސްޕީނައްވެސް ކުނިވާޒާތުގެ ކުނި އަޅަ މީދެރަކަމެއް.