ކުރީގެ ނައިބު ރައީސް މުހައްމަދު ޖަމީލް އަހުމަދު.---ރައީސް އޮފީސް ފޮޓޯ
29 ޖެނުއަރީ 2018 - 11:42
17 comments
ރާއްޖޭގައި ދިމާވެގެން އުޅޭ އެންމެ ބޮޑު މައްސަލައަކީ އެންމެ މީހަކަށް ވުރެ ގައުމު ކުޑަވެފައި އޮތުން ކަމަށާއި ރައްޔިތުންނާއި ގައުމުގެ މަސްލަހަތު އިސްކޮށް، އެކުލަވައިލި ގާނޫނުއަސާސީ އަށް އަމަލުނުކުރާ ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހްމަދު ރޭ ވިދާޅުވެއްޖެ އެވެ.
ރާއްޖެ ޓީވީގައި ވާހަކަ ދައްކަވަމުން ޖަމީލް ވިދާޅުވީ ރައްޔިތުންގެ އަސާސީ ހައްގުތައް ނިގުޅައިގަނެފައިވާ އިރު، ގާނޫނުއަސާސީއާ ޚިލާފަށް އެތައް ކަމެއް ހިންގައި، ކޮރަޕްޝަނާއި ފަސާދަ އާއްމުވެފައިވާ ކަމަށެވެ. މިއީ، ދިވެހި ރައްޔިތުންނަށް ވަންހަނާވެފައިވާ ކަންކަމެއް ނޫން ކަމަށް އެ މަނިކުފާނު ވިދާޅުވި އެވެ.
"އެންމެ މީހަކަށް ވުރެން ގައުމު މިއޮތީ ކުޑަވެފައި، އެއީ ވެގެންވާނެ ގޮތެއް ނޫން. ގައުމު ބޮޑުވާން ޖެހޭނީ. ގާނޫނުއަސާސީ އެންމެ ފަހުގެ އެއްޗަކަށް ވެގެންދާން ޖެހޭ އިރު، އެއްވެސް ހާލެއްގައި އެއްވެސް ފަރުދަކު ބޮޑެއް ނުވާނެ މުއައްސަސާތަކަށް ވުރެ،" ޖަމީލް ވިދާޅުވި އެވެ.
ރައީސް އަބްދުﷲ ޔާމީނަށް ފާޑުވިދާޅުވަމުން ވިދާޅުވީ، އެއާ ޚިލާފަށް ހުރިހާ ބާރުތަކެއް ވަނީ އެކެއްގެ މުށުތެރެ އަށް ޖަމާކުރައްވާފައި ކަމަށެވެ. ގާނޫނުއަސާސީގެ ހުރިހާ އިންފާރެއް މި ސަރުކާރުން ވައްޓާލާފައިވާ ކަމަށް ވެސް ވިދާޅުވި އެވެ.
ޖަމީލް ވިދާޅުވި ގޮތުގައި ހުރިހާ ބާރުތަކެއް ވަކިކޮށް ގާނޫނުއަސާސީ އެކުލަވައިލީ، ސަބަބުތަކަކާ ހެދި އެވެ. މައްސަލައަކަށްވީ، ރައްޔިތުންގެ މަޖިލީހުން ވެސް އެކަން ގަބޫލުނުކޮށް ގާނޫނުއަސާސީއާ ޚިލާފަށް ކަންތައްތަކެއް ކުރިއަށް ގެންދިއުން ކަމަށް ވިދާޅުވި އެވެ.
ހިންގަން ނުވާ ކަންތައްތަކެއް، އިޖުރާއަތުތަކާ ޚިލާފަށް ކުރިއަށް ގެންދަން މަޖިލީހުގެ މެމްބަރުން ޖާގަ ދެއްވުމުގެ ނަތީޖާއަކީ، ޖަމީލް ވިދާޅުވި ގޮތުގައި، ރައްޔިތުންގެ މަޖިލީސް ވެސް މިހާރު ހުއްޓިފައި އޮތުމެވެ. އެ މަނިކުފާނު ނައިބު ރައީސް ކަމުގެ މަގާމުން ވަކިކުރީ ވެސް ކަނޑައެޅިގެން ގާނޫނުއަސާސީއާ ޚިލާފަށް ކަން ފާހަގަކުރައްވައި، އެކަމަށް ވޯޓު ދެއްވި ހުރިހާ މެމްބަރުންނަށް ފާޑުވިދާޅުވި އެވެ.
އެއާއެކު ވެސް ޖަމީލް ވިދާޅުވީ، އެ ހާލަތު މިހާރު ބަދަލުވެފައިވާ ކަމަށެވެ. ރައްޔިތުންގެ މަޖިލީހުގެ މެމްބަރުން، މަޖިލީހަށް ވެންނެވުމުގެ ފުރުސަތު ދީފި ނަމަ ވަރަށް ގިނަ ކަންކަން އިސްލާހުވާނެ ކަމަށް ވިދާޅުވި އެވެ.
"ހަގީގަތުގައި އަޅުގަނޑުމެންގެ އިހްލާސްތެރިކަމެއް މި ކަމުގައި ހުރި ނަމަ، ރާއްޖޭގެ ރައްޔިތުންގެ މަޖިލީހުން އަޅުގަނޑު ނުބައިކޮށް ވަކިކުރި ކުރުން، އެއީ ވެސް ސައްހަ ކަމެއް ނޫން ކަމަށް ކަނޑައަޅަން ޖެހޭ. އިތުރު މީހަކު މަގާމަށް ގެންނަން ވާހަކަ ދެއްކުމުގެ ހުއްޖަތެއް އޮތް ކަމަކަށް އަޅުގަނޑު ގަބޫލެއް ނުކުރަން،" ޖަމީލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންސާނާ
29 January 2018
ގައުމު ކުދަވީމަތާ ފިލާފަ ތިޔަތިބެނީ
ތަކުރާ
29 January 2018
ހާދަހާ ވަރަކައް ތިތެޅިގަތީ ޙާއްސަކޮށްޖިހާދުއާއި ވެރިކަން ހަވާލުކުރާގޮތަކައް ދޭހަވާގޮތައް ބަޔަކުމޮޔަތެޅުމުން... ޖަމީލު.... އަހަރުމެން އެއްގޮތަކައްވެސް ބޭނުމެއްނުވޭ ބަދަލުވާކަށެއް މިއަދު މިއޮތް ވެރިކަން..... ސަވަބުތައް ވަރައްގިނަ...އަހަރުމެންނަކީ ޕީ އެޗް ޑީ ހާސިލުވެފައި ނެތް ބަޔެއްކަމަކު ކަންތައްތަކައް އަމިއްލަ ސިކުނޑީން ވިސްނުމުގެ ބާރު ހުރުމުން.. ވާނުވާ އެނގޭ.. ރާއްޖޭގެ ފައިސާގެ އަގެއް ނުވެއްޓޭ... ދައްކަން ޖެހޭ ދަރަނި އެބދެއްކޭ...އަހަރުމެން އާއްމު ރައްޔަތުން އުޅެނީ އުފަލުގައި... ޕޮލީޓިކަލް މީސްމީހުންގެ ބަހައް އަހަރުމެން އެއްގޮތަކައްވެސް ބޭނުމެއްނޫން ގައުމު ހަލަބޮލިވުމަކަށް...
ސޮކްތެރެޕީ
29 January 2018
މިހާރު ޖަމީލުމެން ސިއާސީ ދާއިރާއިން ދުރުވާންވެއްޖެ.
ވަސީމު
29 January 2018
12 ވަރަކައް މީހަކައް ވުރެ މި އޮތީ ގައުމު ކުޑަ ވެފަ ޖަމީލޫ،
ހަސަނު.
29 January 2018
އެމީހާގެ ބާރު ގަދަ ކަމާޢި، ބިޔަ ކަމާއި، ބޮޑު ކަމާއި، ހައިބަތުގެ ތަނަވަސް ކަމާއި، ފާޓު ފުޅާކަން އެއިން ދޭހަވަނީ. އެވަރުގެ ވަރުގަދަ ޝަޚްޞެއް އަދި މިޤައުމަކު ނެތް. އެހެންވީމާ އެ ޝަޚްޞާ ތޮޅެން އުޅެންޏާ ވާނެހާ ގޮތް މިހާރު ފެންނަމުން މިދަނީ. ފިރުޢައުނަކީ ކަލާނގެއެކޭ ބުނެދިނީ ހާމާނު. އެހިސާބުން ފިރުޢައުނު އެކަމަށް ދަޢުވާ ކުރަން ފެށީ. ތިބާއީ ދުނިޔޭގައި ނެތް ވަރުގެ އިކޮނޮމިސްޓެކޭ ބަޔަކު ބުނީތީ އޭނާ އެކަމަށް ދަޢުވާ ކުރަންފެށީ.
އިބުރާހިމްބެ
29 January 2018
ކޮބާ ޖަމީލު ހިތިރަހަ އެބަދޭ ދޮތަ. އެކަމަކު މިހާރު އަހރުމެން ކޮޅުބަދަލުކޮށް މިހާރު މިތިބީ ޔާނު އާއި އެކު. ތިކިޔާއެއްޗެއްގެ އަޑެއް ނައަހުމު
ދުއްލިސާ
29 January 2018
ހިތްވަރުހުންނަ ގައުމުދެކެ ލޯބިވާދަރިން ތިބޭނީ ކޮންމެހާލެއްގައިވެސް ރައްޔިތުންނަށް ޚިދުމަތްކުރުމަށްޓަކާ ގައުމުގައި. ފިއްލަވައިގެން ނުތިއްބަވާނެ. ވަރަށްސަލާމް.
ރަން އިލޮށިން
29 January 2018
ހޮވުނަސް ހަވާލު ނުކުރާނަން ޖަމީލު ގަދަބަސް ! ތިބޭފުޅާ އައް މިހާރު ތިޔަ ފަރިއްކުޅު ވެނީ ރަންއިލޮށިން ކަދުރު........!!!!!!!!!
މަޒް
29 January 2018
ގައުމަށްވެރެން އެހެން ބޮޑުވެފައި މިއަދު ހުރެވިދާނެއެވެ. މާދަމާ އަސްލު ސައިޒު އިނގޭނެއެވެ. މިއަދު ސަރުކާރު މުއައްޒިފުންނަށް ކެންޕެއިން ޖަގަހަތަކަށް ގޮސް މަސައްކަތްކުރަން އެންގިދާނެއެވެ. މާދަން އެއީ ސާފު ރީތިބަހުން ކޯޓުތަކުގައި ހެކިދޭނެ މީހުންކަން ކަށަވަރެވެ.
އަހްމަދު
29 January 2018
މަނިކުފާނުވެސް ދިފާއުގައެއްވެސްއެއްޗެއް ވިދާޅުވާންބޭނުންފުޅެއްނުވިނޫންތޯ؟ ކީއްވެތޯއެފުރުސަތުބޭނުންނުކުރެއްވީ؟ އަޅުގަނޑުމެންނައް ގަބޫލުކުރެވުނީ މަނިކުފާނައްވެސް ގޯސްތަކެއްހެއްދެވިފައޮތީމައޭ ދިފާޢުގައެއްޗެއްބުނަން ވަޑައިނުގެންނެވީ އެހެންނޫންތޯ؟ މިހާރުމަނިކުފާނުވެސް ގައުމާގުޅޭ ހުތުބާދެއްވަވައި ޓުއިޓު ކުރައްވާއިރު ތިމާއައް ގައުމައްކޮށްދެއްވޭނީ ކޮންކަމެއްތޯ ވަޑައިގެންބައްލަވަންވީނޫންތޯ؟
މަޒް
29 January 2018
ދިފާއުވުމުގެ ފުރުސަތު ނެތް ގައުމެއްގައި ކިހިނެއް ދިފާއުވުމުގެ ވާހަކަތަ ތިދައްކަނީ؟ އޭއްޗެކޭ މީއްޗެކޭ ކިޔައިގެން ގެނެސް ޖަލަށް ކޮއްޕާލެވޭތޯ ދޯ ތިބަލަނީ... އަނގަ ފުޅާކޮއްފަ ވާހަކަ ދައްކާތީ ދެރެއީ..