މިމްރާހް: އޭނާ އާއި އިތުރު ކޯޑިނޭޓަރަކު ވަނީ މަގާމުން ވަކިކޮށްފައި.
29 ޖެނުއަރީ 2018 - 12:46
9 comments
ޔޫތު މިނިސްޓަރު އިރުތިޝާމް އާދަމްގެ ސެކްރެޓަރީގެ މަގާމުގައި ހުންނެވި މުހައްމަދު މިމްރާހު އާއި ކޯޑިނޭޓަރު ހުސައިން އަމީން އިއްޔެ އެ މަގާމުން ވަކިކޮށްފި އެވެ.
މިމްރާހު ހަމަޖައްސާފައި ހުރީ މިނިސްޓަރު ބިއުރޯގެ ކޯޑިނޭޓަރަކަށެވެ. ޔޫތުގެ ދެ ކޯޑިނޭޓަރުން މަގާމުން މި ވަކިކުރީ، އެނގިފައިވާ ގޮތުގައި، ރައީސުލް ޖުމްހޫރިއްޔާ އަށް ގާނޫނުން ލިބިދޭ ބާރުގެ ދަށުންނެވެ. ވަކިކުރި ސީދާ ސަބަބެއް ދެ މީހުންނަށް ވެސް އަންގާފައި ނުވާ ކަން އެނގިފައިވެ އެވެ.
މި ދެ ބޭފުޅުންނަކީ ވެސް ޔޫތު މިނިސްޓަރުގެ މަގާމުގައި ކުރީގެ ވަޒީރު މުހައްމަދު މަލީހް ޖަމާލު ހުންނެވި އިރު ވަޒީފާ ހަމަޖެއްސި ދެ ބޭފުޅުންނެވެ.
ސިޔާސީ މަސްރަހަށް އަންނަ ބަދަލުތަކާ ގުޅިގެން، އެންމެ އަވަހަށް ވަޒީފާ ގެއްލޭ މީހުންގެ ތެރޭގައި ހިމެނެނީ ކޯޑިނޭޓަރުންނެވެ.
މި ސަރުކާރުގެ އެކި މިނިސްޓްރީތަކުގައި އުފައްދާފައިވާ ސިޔާސީ މަގާމުތަކުގެ ތެރޭގައި ކޯޑިނޭޓަރުންގެ އަދަދު ގިނަވެގެން އިދިކޮޅު ފަރާތްތަކުން ދަނީ ފާޑު ކިޔަމުންނެވެ. އެކަމަކު މި ސަރުކާރުން ބުނާ ގޮތުގައި، ސިޔާސީ މަގާމްތައް އެންމެ މަދީ މި ސަރުކާރުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހި
31 January 2018
ދެން ދޭ އެމް.ޑީ.ޕީ ހަރުގެޔަށް، ގޮސް އަޑުގަދަ ކުރޭ، "ހާދަ ގޯހޭ އަޅުގަނޑަށް ހެދިލެއް، ހާދަ އަނިޔާވެރިޔޭ، އަޅުގަނޑު ކިހިނެއްތޯއޭ ދެކޮޅު ޖައްސާނީ ވަޒީފާ އަތުލީމަ". އެކަމު މީގެ ކުރީގަ ދެއަތް ފުރަގަހަށް ލައިގެން ގޮސް ހުރި އިރު އެވަރު ނެތިފަ!! މީ މި މުޑުދާރު ދިވެހިންގެ ހާލަކީ!! ގަބޫލުކުރަން ޖެހޭ ހަގީގަތަކީ މީ!!!!
ހުސައިން
29 January 2018
އަދިވެސް ބައިވަރު މީހުން ކަނޑާނެ.
އަބްދުއްލާ
29 January 2018
ނުވެއްޓޭނެ .މިއީ ނަސީދެއްނޫން ، އެމްޑީޕީ އެއްވެސް ނޫން . އެމްޑީޕީން ވެއްޓިފާހުންނައިރުވެސް ލޯޑްސްޕީކަރުގާ މިޖަހަނީ ނުވެއްޓޭނެޔޭ ، ފެތިފާ ހުރި އިރުވެސް މިޖަހަނީ ނުފެތޭނެޔޯ . މިހާ ކަންކަންނޭގޭ ބަޔަކު ލީޑް ކުރާ ކަމެްއް ރަނގަޅަށް ހިގާނެތަ ؟
ސާއިދާ
29 January 2018
ޔޫތް މިނިސްޓްރީ ގެ އެކްޓިވްކަމާ ޔާމީންގެ ޒުވާނުންގެ ވައުދު ފިސާރި ރަނގަޅަށް ފެންނާނެ
ޓޮމް
29 January 2018
ވެއްޓެނީ.
ހުސޭނުބެ
29 January 2018
ނެތް އަދި ކައިރި މުސްތަގުބަލެއްގައި ތިކަންވާކަށް!! ފަހަރެއްގައި 2023 ނޮވެމްބަރު މަހުގެ ފަހުން ތިކަންވެދާނެ!! ޓޮމް ހުރޭ އެދުވަހަށް ދޮންކޮށްގެން!! ވަރަށް ސަލާމޭ
ޤައުމު
29 January 2018
އެއެއްޗެއް ހޯދި ގޮތަކަށް ގެއްލޭނީ! ވެދުން
ފޯމާ ސްޓާފް
29 January 2018
ވަޓް ދަ! މިމްރާހުއަކީ ތިތަނުގައި ހުރި ހަމައެކަނި ކޮލިފައިޑް ކޯޑިނޭޓާ! ޔާމީން'ސް ރެޖީމް. ނޯ ސަޕްރައިޒް. ފެއިލްޑް ސްޓޭޓް!
ހުސޭނުބެ
29 January 2018
ޕްލީޒް ބީ ކްއައިޓް!!