ޔޫތު މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު އިރުތިޝާމް ވާހަކަ ދައްކަވަނީ: މިހާތަނަށް އައިއިރު، 67،000 އަށްވުރެ ގިނަ ވަޒީފާ ގާއިމުކުރި ކަމަށް އޭނާ ވިދާޅުވި. - ފޮޓޯ: ޔޫތު މިނިސްޓްރީ
19 އެޕްރީލް 2017 - 18:43
60 comments
މި ސަރުކާރުގެ ފަސް އަހަރުގެ ތެރޭގައި 94،000 ވަޒީފާ އުފެއްދުމަކީ ރައީސް އަބްދުﷲ ޔާމީންގެ ރިޔާސީ ވައުދަކަށް ވާއިރު، މިދިޔަ ތިން އަހަރުގެ ތެރޭގައި 67،800 އަށް ވުރެ ގިނަ ވަޒީފާ އުފައްދާފައިވާ ކަމަށް ޒުވާނުންނާއި ކުޅިވަރާ ބެހޭ މިނިސްޓަރު އިރުތިޝާމް އާދަމް މިއަދު ވިދާޅުވެއްޖެ އެވެ.
ޔޫތު މިނިސްޓްރީގައި ބޭއްވި ނިއުސް ބްރީފިންއެއްގައި މިނިސްޓަރު ވަނީ އެ ވަޒީފާތައް އުފެދިފައިވާ ގޮތުގެ ތަފުސީލު ހާމަކުރައްވައިފަ އެވެ.
އިރުތިޝާމް ވިދާޅުވި ގޮތުގައި 67،800 ވަޒީފާގެ ތެރޭގައި ހިމެނެނީ ސިވިލް ސާވިސް އިން އުފެދުނު 3،000 އަށް ވުރެ ގިނަ ވަޒީފާ އާއި ސަރުކާރު ހިއްސާވާ ކުންފުނިތަކުގެ 5،000 އަށް ވުރެ ގިނަ ވަޒީފާ އާއި ޓޫރިޒަމް ދާއިރާ އިން އުފެދުނު 18،000 އަށް ވުރެ ގިނަ ވަޒީފާ އާއި މަސްވެރިކަމުގެ ދާއިރާ އިން އުފެދުނު 6،000 އަށް ވުރެ ގިނަ ވަޒީފާ އަދި އެހެނިހެން ދާއިރާތަކުން އަލަށް އުފެދުނު 34،000 އަށް ވުރެ ގިނަ ވަޒީފާ އެވެ.
"އަޅުގަނޑުމެން ބޭނުންވޭ ވަޒީފާގެ ފުރުސަތުތައް އަދިވެސް އިތުރު ކުރަން. އެ ގޮތުން ޒުވާނުންގެ ދުވަހެއް ފާހަގަކޮށް ޔޫތު ޗެލެންޖެއް ބޭއްވުމަށް މި ދަނީ މަސައްކަތް ކުރަމުން،" މިނިސްޓަރު ވިދާޅުވި އެވެ.
އިރުތިޝާމް ވިދާޅުވީ ކުޅިވަރުގެ ވަސީލަތްތައް ގާއިމް ކުރުމަށް ވެސް ސަރުކާރުން ހާއްސަ އިސްކަމެއް ދީގެން ކަންތައްތައް ކުރިއަށް ގެންދާ ކަމަށެވެ.
މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު އިރުތިޝާމް ވާހަކަ ދައްކަވަނީ.----ފޮޓޯ: ޔޫތު މިނިސްޓްރީ
އިރުތިޝާމް ވިދާޅުވި ގޮތުގައި ކުޅިވަރުގެ ވަސީލަތްތައް ގާއިމު ކުރަމުން އަންނައިރު، އެތަންތަން ބަލަހައްޓައި ވަޒީފާ އުފެއްދުމުގެ މަސައްކަތް ވެސް ކުރެ އެވެ. ބޮޑެތި މަޝްރޫއުތައް އެކި ރަށްރަށުގައި ހިންގަމުން އަންނައިރު، އާބާދީ ބޮޑެތި ރަށްރަށުގައި ސްޕޯޓްސް އެރީނާތައް ގާއިމު ކުރުމުގެ މަސައްކަތް ވެސް އޭގެ ތެރޭގައި ހިމެނޭނެ ކަމަށް އޭނާ ވިދާޅުވި އެވެ.
ދައުލަތުގެ މި އަހަރުގެ ބަޖެޓުން ޔޫތު މިނިސްޓްރީ އަށް ކަނޑައެޅި 300 މިލިއަން ރުފިޔާގެ ތެރެއިން ޒުވާނުންނާ ގުޅޭ ކުޅިވަރުގެ އެކިއެކި ހަރަކާތްތައް ތަންފީޒު ކުރުމަށް 167 މިލިއަން ރުފިޔާ އަށް ވުރެ ގިނައިން ހޭދަކޮށްފައިވާކަން މިނިސްޓަރު ފާހަގަކުރެއްވި އެވެ. އަދި ގިނަ އަދަދެއްގެ ފުޓްސަލް ދަނޑާއި ވޮލީ ކޯޓާއި ބަށި ކޯޓުތައް ގާއިމުކޮށްފައިވާ ކަމަށް ވެސް ވިދާޅުވި އެވެ.
ޔޫތު މިނިސްޓްރީން ބުނި ގޮތުގައި ބައެއް ރަށްރަށުގެ ކައުންސިލްތަކުގެ އެއްބާރުލުން ނުލިބޭތީ، މިނިސްޓްރީން ހިންގަން ބޭނުންވާ ބައެއް ޕްރޮޖެކްޓްތައް ނުފެށި އެބަހުއްޓެވެ. އެހެންވެ ސީދާ މިނިސްޓްރީން އިއުލާންކޮށްގެން ރަށްރަށުގައި ޕްރޮޖެކްޓްތައް ހިންގަން މަސައްކަތް ކުރާ ކަމަށް ޔޫތު މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖެހިގެން އޮންނަ ރަށަށް ގޮނޑުވާ މުދިންބެ
09 August 2017
އަޖާއިބު، ކޮންތާކަށްބާ ތިޔަ ވަޒީފާލާ ފޮރުވާފަ ހުރީ . އަހަރެން ދުވާލު ހަތަރު ދަމު ސީވީ ގަޑެއް އަތަށްލައިގެން އަވީގަ ދެކޮޅަށް ދުވެ ވަޅޯމަސްގަޑަކަށްވެ ދެންހަދާނެ ގޮތްހުސްވެފައި މިހިރީ ތިކިޔާ ވަޒީފަޔަކާއި ދިމަލެއްނުވި. އަޅެ ވަޒީފާ ތިކިޔަނީ ފެލިވަރުން ދަޅުގައި ބަންދު ކުރާއެއްޗަކަށްބާ
ޙަލީމް
20 April 2017
ވަޒީފާތައް އިތުރުވާހެން ސަރުކާރު މުވައްޒަފުންގެ މުސާރަވެސް ބޮޑުކޮށްދެއްވާށެވެ. މިލިބޭ 5000 ރ މިހާރު ދިރިއުޅޭނީ ކިހިނަކުން ހެއްޔެވެ. މުސާރައިގެ ތަފާތުތައް އެހާ ބޮޑެވެ. ޖުޑީޝަރީގެ އެޑްމނިސް އޮފިސަރަކަށް 12000ރ ލިބޭއިރު ސިވިލްސާރވިސް މީހަކަށް ލިބެނީ 5000ރ އެވެ. ރިޓަޔ ގާޒީއަކަށް 22000ރ ލިބޭއިރު ޑިރެކްޓަރަކަށް މިލިބެނީ 10، 12 ވަރަކަށްހާސް ރުފިޔާއެވެ. މިއީ އިންސާފްހެއްޔެވެ. މަސައްކަތު މީހަކަށް 3100ރ އެވެ. އެކަމަކު މުސްކުޅިންނަށް (މުއްސަދިބޭފުޅުންނަށްވެސް) 5000 ލިބެއެވެ. މިއީ ކިހާ ދެރަކަމެއްތޯއެވެ. އަންނި އިރު މުވައްޒަފުންގެ މުސާރަ ބޮޑުކުރުގޮތަށް އަދި ބޮޑެއް ނުލކުރެއެވެ. މިހާރު 7 އަހަރުވީއެވެ.
ވަޒީފާ.
20 April 2017
ތިޔަ ވަޒީފާތަށް އުފަށްދަވައިގެން ތިޔަ އުޅުއްވަނީ ޗައިނާ ގައި.
މރ. ހަދާނެއް ނުނެތޭ.
20 April 2017
މީގެ ކުރިންވެސް ތިޒާތުގެ ކޮންމެވެސް ހަފުލާއެއްގަ މިސަރުކާރުގެ ބޭފުޅަކު ވިދާޅުވި، މިހާރު 94 ހާސް ވަޒީފާ ހަމަ ވެއްޖެޔޭ، ދެން އަނެއްކާ މިނިސް ތިޔަ ވިދާލުވި އެއްޗަކުން ހާދަ ދޮގުވަސް ދުވައޭ، ތަބީޢީ ކަމެއްވިއްޔަ ދެއްތޮ.
ރިޝް
20 April 2017
އެކަކަށްވުރެ ބޮޑު ދޮގެއް އަނެކަކު ހެދޭތޯބަލަނީ ވެރިމީހާގެ ރުހުން ހޯދުމަށްޓަކާކަމަށް ބެލެވެއެވެ . ދޮގުހެދުމުގެ ސަގާފަތެއް ސަރުކާރު ތެރޭގާ އަށަގަންނަމުންދާތީ ސަރުކާރުގެ އަގުވަނީ ރައްޔިތުން ކުރިމަތީގައި ވެއްޓިފައެވެ. ފާޅުގައި ބޮޑަތި ދޮގުހަދާ ބަޔަކަށް ރައްޔިތުން އިހްތިރާމެއް ނުކުރާނެއެވެ. ރައްޔިތުންގެ ކުރިމަތީގައި އަގެއްވެސް ނޯންނާނެއެވެ. މީ ސަރުކާރު ފެއިލްވެފައިވާކަމުގެ ނިޝާންތަކެވެ.
ކޭޑު
20 April 2017
ދިވެހިންނަކީ މީޑިއާ ތަކަުގެ އަވައިގައި ޖެހި ހުސްވެފަވާ ބަަައެއްކަން މި އެނގުނީ އަދި ކިރިޔާ. 94000 ވަޒީފާ އުފައްދާ އޭގެ ތަފާސް ހިސާބުތައް ދެއްކިޔަސް މޫސާގެފާނުގެ ގަުމުގެ މީހުން ބުނިގޮތައް ބުނާނެ ތިޔައީ ސިހުރޭ! ލޮލް
މުހައްމާ
20 April 2017
ދޮގެއް ހަދާނުލާ މަޑުމަޑުން ހުރިއްޔާ ތަނެއްވިރެނީތޯ. މިހާރު މިސަރުކާރުން ތެދެއްހެދިޔަސް އަހަރެމެން ގަބޫލެއްނުކުރާނަން.
އލހ
20 April 2017
އަޅޭ.... މިސަރުކާރުގަ ބޯހަމަޖެހޭ އެއްމެ މިނިސްޓަރެއްވެސް ހަމަނެތީތަ! ވެރިމީހާ އެއްޗެއް ބުނެފިއްޔާ އެ އެއްޗެއް ދިފާޢުކުރަން ކޮންމެފަދަ އެއްޗެކޭވެސް ކިޔާފާނެދޯ!
ޖޯކު ސަރުކާރު
20 April 2017
http://maldivesindependent.com/politics/government-claim-of-adding-70000-jobs-ridiculed-119938 2015 ނޮވެމްބަރު 18 ގައި ޒުހޫރު އިއުލާނު ކުރި 70،000 ވަޒީފާ މިހާރު ދަށަށްތަ މިދަނީ؟؟؟؟؟
ހޭލަ
20 April 2017
67،800 ވަޒީފާ އުފެދުނީ ޖައްވުގައިތޯއެވެ. ހަމަގައިމުވެސް އިރުތިސާމް ވަޒީފާއެއް ހޯދިކަން އަހަރެމެންނަށް އެނގެއެވެ. ދެން ތިޔަ ވަޒީފާތައް ލިބުނު ބައެއް ނޭންގެއެވެ.