ގާޒީ ނިހާން ކްރިމިނަލް ކޯޓުން ނެރެގެން ގެންދަނީ -- ފޮޓޯ: މިހާރު
30 ޖެނުއަރީ 2018 - 10:36
5 comments
ޖަލު ހުކުމެއް ތަންފީޒު ކުރައްވަމުން ގެންދަވާ އދ. މާމިގިލީ ކޯޓުގެ އިސް މެޖިސްޓްރޭޓް އަހުމަދު ނިހާނަށް ރޭ ކުއްލިއަކަށް ދިމާވި ސިއްހީ މައްސަލައަށް ފަރުވާ ދިނުމަށް ފަހު މާފުށީ ޖަލަށް އަނބުރާ ގެންގޮސްފައިވާ ކަމަށް ކަރެކްޝަންސް އިން މިއަދު ބުނެފި އެވެ.
ރައީސް އަބްދުﷲ ޔާމީން ހައްޔަރުކުރަން ކޯޓު އަމުރެއް ނެރެފައިވާ ކަން ދައްކަން ސައްހަ ނޫން ލިޔުމެއް ތައްޔާރުކުރެއްވި މައްސަލާގައި ނިހާން 17 އަހަރަށް ޖަލަށް ލާން ކްރިމިނަލް ކޯޓުން ވަނީ ހުކުމްކޮށްފަ އެވެ.
ކަރެކްޝަންސްގެ އޮފިޝަލަކު ވިދާޅުވީ ނިހާން ރޭގެ ވަގުތެއްގައި އައިޖީއެމްއެޗަށް ގެންދިޔައީ ބަލިވެގެން ކަމަށެވެ. އެކަމަކު އޭގެ ތަފްސީލެއް އޭނާ ނުދެއްވަ އެވެ.
އަޑު ފެތުރުނު ގޮތުގައި ނިހާނަށް ފަރުވާ ދިނުމަށް މާލެ ގެނައީ ޖަލުގައި ހުންނަވަނިކޮށް ހާޓް އެޓޭކެއް ޖެހިގެންނެވެ.
ނަމަވެސް ނިހާނަށް ހާޓް އެޓޭކެއް ޖެހުނު ވާހަކަ ކަރެކްޝަންސްގެ އޮފިޝަލް ދޮގުކުރެއްވި އެވެ.
"ނިހާނަށް މާ ބޮޑު ކަމެއް ނުވޭ. މިކޮޅަށް ގެނައިއިރު ވެސް ނޯމަލް. ހޮސްޕިޓަލުގައި ފަރުވާ ދިނުމަށް ފަހު، މިއަދު ހެނދުނު 7:30 ގައި ޖަލަށް ވަނީ ގެންގޮސްފައި،" އޮފިޝަލް ވިދާޅުވި އެވެ.
މިދިޔަ އަހަރުގެ ފެބްރުއަރީ 6 ވަނަ ދުވަހުގެ ރޭ ދަންވަރު މާމިގިލީ ކޯޓު ހުޅުވައި، ކ. މާފުށީ ކޯޓުގެ ނަމުގައި އެ ލިޔުން ތައްޔާރުކުރި މައްސަލާގައި ނިހާންގެ މައްޗަށް ހުކުމް އައީ ޓެރަރިޒަމްގެ އަމަލެއް ކުރަން އުޅުމާއި އެކަމުގައި ބައިވެރިވެވަޑައިގަތްކަން ސާބިތުވުމުންނެވެ.
ނިހާންގެ މައްޗަށް އެ ހުކުމް އައި ނަމަވެސް އޭނާއަށް ފަނޑިޔާރުކަމުގެ މަގާމެއް އަދި ނުގެއްލެ އެވެ. ގާނޫނު އަސާސީ ބުނާ ގޮތުން ފަނޑިޔާރަކު މަގާމުން ވަކިކުރެވޭނީ އެ ފަނޑިޔާރަކު މަގާމުން ވަކިކުރަން ރައްޔިތުންގެ މަޖިލީހުގެ ތިން ބައި ކުޅަ ދެ ބައިގެ އަޣުލަބިއްޔަތުން ފާސްކުރުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސައިން އިލްހާމް
30 January 2018
ނޫނޭ ގޯހެއް ނޫން އެހުކުމް.....ގައުމުގެ ވެރިމީހާ ދުއްވާލަން ޝަރުޢީދާއިރާގައި މަސައްކަތް ކުރާ ޒިންމާދާރު މީހަކު މިފަދަ ކަމެއް ކުރުމަކީ ވ ވ ވ ބޮޑު މައްސަލައެއް...... ރައްޔިތުންނަށް އިންސާފާއި ހަމަހަމަ ކަން ހޯދައިދިނުމުގެ ފުރިހަމަ ޒިންމާ ކޮނޑުއަޅައިގެން ތިބެމެ އެހާނާތަހުޒީބީ ދަށުދަރައިގެ ޢަމަލެއް ހިންގާ މީހަކަށް ކޮންރައްޔިތެއްބާ އިތުބާރުކުރާނީ.....މިފަދަ ކުޅޭ ކުޅޭ ގާޒީންގެ ސަބަބުން ކިތައްމީހުންގެ ހައްގު ގެއްލި ބޭއިންސާފުން ހުކުމްކޮށް ޖަލުގަ އެތިބީ.
އިސްމާލް
30 January 2018
ކުއް ސާބިތުވާނަމަ ގާޒީންގެ އަދަބު ބޮޑުވާން ވާނެ. ވަލިއްޔުލް އަމްރު ޤާނޫނާ ޚިލާފަށް ބަންދު ކުރަން ގާޒީއަކު ވަގު ލިއުމެއް ނެރެފި ނަމަ އެއީ ބޮޑެތި ކުއް ތަކުގެ ތެރެއިން ކުށަކަށްވާނެ. ޙައްގުންދެވޭ އަދަބަކީ އަނިޔާއެއްކަމުގައި ނުބެލެވޭނެ. ކުއްކުރާމީހުންގެ ދިފާޢުގައި ވާހަކަ ދައްކާނީވެސް އެކަމަށް ދެވިހިފާފައިވާ ބައެއް. ޝުކްރިއްޔާ
ރޫރީ
30 January 2018
ހުވާކޮށްފަ މިބުނީ މި ނިހާންނަށް އެދޭ އަނިޔާއިން މަ ހިތް ހަލާކުވޭ. ޞައްޙަ ނޫން ކޯޓް އަމުރެއް ހެދި ކަމުގައިވިއަސް ޓެރަރިޒަމްގެ ދައުވާކޮށް 17 އަހަރަކަށް ޖަލަކަށް ނުލެވޭނެ. ވަގު ފައިސާ ޖަހާ މީހުންވެސް އެތިބީ ދޫކޮށްފަ. ދެން އެފަދަ އަމުރެއް ހެދީމަ ޖެހޭނީ ޞައްޙަ ނޫން ލިއުމެއް ތައްޔާރުކުރިކަމުގެ ދައުވާކޮށް އެ އޮންނަ އަދަބެއްދޭން. ހަސަދައާއި ބަދަލު ހިފުމަކީ ހާދަހާވާ ނުބައިކަމެކޭ.
ހުތާ
30 January 2018
ވަގު ލިޔުމެއް ހަދަން އުޅެފާނެކަމަށް އަދި ހެދިކަމަށް ބުއްދި ގަބޫލެއް ނުކުރެވެއެވެ. އަސްލު ލިޔުމެއްވެސް މަގުމައްޗަށް އެއްލާފައި އޮވެދާނެކަމަށްވެސް ގަބޫލު ނުކުރެވެއެވެ. އަސްލު ލިޔުމެއް މަގުމަތިން ފެނުނަސް ފުލުން އެއަށް އަމަލު ކުރާކަށްވެސް ނުޖެހެއެވެ. ނިހާނަށާއި އާއިލާއަށް ކެތްތެރިކަން ދެއްވުން އެދި ދުއާކުރަން. ނިހާންގެ އަނބިދަރިންނަށް އެހީތެރިވުމަކީ މިއަދު ގައުމުދެކެ ލޯބިވާ ކޮންމެ ރައްޔިތެއްގެ ވާޖިބެއްކަމަށްވެސް ދެކެމެވެ.
އިންސާނާް
30 January 2018
ހެޔޮނުވާނެ. މިފަދަ ލާއިންސާނީ އަިނޔާ މީހުންނަށްދޭން. ހައްޤަކާނުލައި ވެރިކަން ދިފާއުކުރަން މީހުން ޖަލަށް ލަނީ