ހުޅުމާލޭގެ ޓެކްސީތަކަށް ކާޑުން ފައިސާ ދެއްކޭގޮތް ބީއެމްއެލް އިން ހަދައިފި

ކާޑުގެ އިތުރުން ބީއެމްއެލް މޮބައިލް ޕޭ ބޭނުންކޮށްގެން ވެސް ޓެކްސީ އަށް ފައިސާ ދެއްކޭނެ.

އަލީ ޝިނާން، މިހާރު

13 ފެބުރުއަރީ 2018 - 19:26

ބޭންކް އޮފް މޯލްޑިވްސް (ބީއެމްއެލް)ގެ ޑެބިޓް އަދި ކްރެޑިޓް ކާޑު ބޭނުންކޮށްގެން ޓެކްސީތަކަށް ފައިސާ ދެއްކޭ "ބީއެމްއެލް ކޭޝްލެސް ރައިޑް" ހިދުމަތް ހުޅުމާލެ އަށް މިއަދު ތައާރަފު ކޮށްފި އެވެ.

މިދިޔަ އަހަރުގެ ފެބްރުއަރީ މަހު ބީއެމްއެލް އިން ތައާރަފްކުރި މި ހިދުމަތަކީ ޓެކްސީތަކުގައި ބަހައްޓާފައި ހުންނަ ޕޮއިންޓް އޮފް ސޭލް (ޕީއޯއެސް) މެޝިނެއް މެދުވެރިކޮށް ދަތުރަށް ފައިސާ ދެއްކޭ ގޮތަށް ޑިޒައިންކޮށްފައިވާ ހިދުމަތެކެވެ. ބީއެމްއެލް އިން ބުނީ މާލޭގައި މި ހިދުމަތަށް ވަރަށް ބޮޑަށް ތަރުހީބެއް ލިބޭ ކަމަށެވެ.

މި ހިދުމަތް މެދުވެރިކޮށް، ބީއެމްއެލްއިން ގަބޫލުކުރާ ކޮންމެ ޑެބިޓް ނުވަތަ ކްރެޑިޓް ކާޑެއް ބޭނުންކޮށްގެން ވެސް ޓެކްސީ އަށް ފައިސާ ދެއްކޭނެ އެވެ. މީގެ އިތުރުން ބީއެމްއެލްގެ "ކޮންޓެކްޓް ލެސް ޕޭމަންޓް" ކަމަށްވާ މޮބައިލް ޕޭ ބޭނުންކޮށްގެން ވެސް ޓެކްސީ އަށް ފައިސާ ދެއްކޭނެ އެވެ.

ބީއެމްއެލްއިން ގަބޫލުކުރާ ކޮންމެ ޑެބިޓް ނުވަތަ ކްރެޑިޓް ކާޑެއް ބޭނުންކޮށްގެން ވެސް ޓެކްސީ އަށް ފައިސާ ދެއްކޭނެ.

"މި ހިދުމަތް ތައާރަފް ކުރުމުން، ޓެކްސީ ދަތުރަށްފަހު ފައިސާ ހަމަކުރުމަށް ނުވަތަ ބާކީ ލާރި ލިބެންދެން މަޑުކުރަން ނުޖެހި ފަސޭހަކަމާއެކު ކަސްޓަމަރުންނަށް ދަތުރު ނިންމާލައި ފައިސާ ދެއްކުމަށް މަގު ފަހިވެގެން ދާނެ،" ހުޅުމާލެ އަށް މި ހިދުމަތް ތައާރަފް ކޮށްދެއްވުމަށް ފަހު، ބީއެމްއެލްގެ ޑެޕިއުޓީ ސީއީއޯ އަދި ޑައިރެކްޓާ އޮފް އޮޕަރޭޝަންސް މުހައްމަދު ޝަރީފް ވިދާޅުވި އެވެ.

ބީއެމްއެލް ކޭޝްލެސް ރައިޑް ހުޅުމާލެ އަށް ތައާރަފްކުރީ، މުޖުތަމައަށް އެހީތެރިކަން ފޯރުކޮށްދިނުމަށް ބޭންކުން ފަށާފައިވާ "އަހަރެންގެ ބޭންކް" ޕްރޮގްރާމްގެ ދަށުންނެވެ.

ރާއްޖޭގައި ބޭންކިންގެ ހިދުމަތް އެންމެ ފުޅާ ދާއިރާއެއްގައި ދެމުން އަންނަ ބޭންކުން ބުނީ "އަހަރެންގެ ބޭންކް" ކެމްޕޭންގެ ދަށުން މުޅި އަހަރު ދުވަހަށް ބަހާލައިގެން 300 މިލިއަން ރުފިޔާ ހޭދަކުރަން ނިންމާފައިވާ ކަމަށެވެ. އެ ބޭންކުން މިދިޔަ އަހަރު ވެސް "އަހަރެންގެ ބޭންކް"ގެ ނަމުގައި ހިންގި ކެމްޕޭންގެ ދަށުން 300 މިލިއަން ރުފިޔާ އިންވެސްޓްކޮށްފައިވެ އެވެ.

ހުޅުމާލެ ބީއެމްއެލް ޓެކްސީ ހިދުމަތް ކޭޝް ކާޑް ވިޔަފާރި ޕްރޮމޯޝަން

2 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފުންއަސަރު

14 February 2018

ތިޔަފެއްޓެވި އާ، އަދި މުހިންމު ޚިދުމަތް އަހަރެމެން ބަލައިގަންނަން. އެކަމަކު ބަލައި ނުގަނެވިގެން މިއުޅެނީ ހުޅުމާލެއިން 3 މިނިޓާ 5 މިނިޓާ ދޭތެރޭ ވަގުތެއްގާ ކޮންމެ ދަތުރެއް ނިންމާލެވޭ. އެކަމަކު 25 ރުފިޔާ. އޭތިކަޑަ. ހަމަ އެގޮތަށް ޕިކަޕުގެ ޚިދުމަތަށް 50 ރުފިޔާ ނަގާ. އޭތިވެސް ކަޑަ. ތޮއްޖެހިފާވާ މާލެއިން 15 މިނިޓާ 30 މިނިޓާދޭތެރޭ ދަތުރަކަށް 25 ރުފިޔާ. ޕިކަޕު ދަތުރަކަށް 40 ރުފިޔާ. މިވަނީ ކީތްކަމާމެދު ވިސްނަނީ ކާކުތޯ؟ ހުޅުމާލޭގާ 40 ރުފިޔާއަށް ދަތުރެއްކޮށްދިން މީހަކު އުޅުނު. އެކަމު އެމީހަކަށް އިންޒާރުތައް އަންނަލެއް ގިނަވުމުން މިހާރު އޭނާވެސް ދަތުރެއް ކޮށްދެނީ 50 ރުފިޔާއަށް. މީކީ ކަންކަން ވެގެންވާނޭ ގޮތެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޮމމ

13 February 2018

ޓެކްސީ ޑްރައިވަރުން އަތުން އެއްވެސް ފައިސާއެއް މިހާރު ނުނެގިޔަސް އާޚިރުގައި އެމީހުންނަށް ވަރަށް ގެއްލުންވާނެއެވެ. ބޭންކުގެ ބޭނުމަކީ އަޅުވެތިކުރުމެވެ. ފަށައިގަންނަ އިރު ނުނެގިޔަސް އެންމެން ކާޑުން ފައިސާ ދައްކަން އާދަކުރުވާފައި އިސާހިތަކު ނަގަން ފަށާނެއެވެ.