ޓީބީ ނައްތާލުމުގެ ކެމްޕެއިން އިފްތިތާހް ކުރުމުގެ ހަފްލާގައި މިނިސްޓަރު ނާޒިމް މިއަދު ވާހަކަ ދައްކަވަނީ.---ފޮޓޯ: ހުސެއިން ވަހީދު/މިހާރު
15 ފެބުރުއަރީ 2018 - 13:33
13 comments
ރައީސް އަބްދުﷲ ޔާމީންގެ ސަރުކާރުން މިހާތަނަށް 350 ޑޮކްޓަރުން ޚިދުމަތަށް ނެރެފައިވާ ކަމަށް ހެލްތު މިނިސްޓަރު އަބްދުﷲ ނާޒިމް އިބްރާހީމް މިއަދު ވިދާޅުވެއްޖެ އެވެ.
ޓީބީ ނައްތާލުމުގެ ގައުމީ ކެމްޕެއިން އިފްތިތާހު ކުރުމުގެ ޖަލްސާގައި ވާހަކަ ދައްކަވަމުން މިނިސްޓަރު ނާޒިމް ވިދާޅުވީ، ސަރުކާރުގެ ހޮސްޕިޓަލްތަކަށް އެކަނި ވެސް 350 ޑޮކްޓަރުން އަލަށް ނެރެފައިވާއިރު، އެ ހޮސްޕިޓަލްތަކަށް 130 ވޯޑު ވެސް އިތުރު ކޮށްފައިވާނެ ކަމަށެވެ. އަދި މިހާތަނަށް 121 ބޭސް ފިހާރަ ހުޅުވައި، 25 ސީ އެމްބިއުލާންސް މި ސަރުކާރުން ހޯދައިދީފައިވާ ކަން މިނިސްޓަރު ފާހަގަ ކުރެއްވި އެވެ.
ނާޒިމް ވިދާޅުވި ގޮތުގައި މިހާރު ވެސް ރާއްޖޭގެ ކޮންމެ ރަށަކުން ސިއްހީ ފަރުވާ ލިބޭނެ ނިޒާމެއް ވާނީ ގާއިމްކޮށްފަ އެވެ. އަދި އޭނާ ވިދާޅުވީ، ސިއްހީ ދާއިރާ އިން ރާއްޖެ ދައްކަމުން އަންނަނީ ނަމޫނާއެއް ކަމަށެވެ.
"އަޅުގަނޑުމެން މިއަދު ފަހުރުވެރިކަމާއެކު މިބުނަނީ ދިވެހި ކޮންމެ ރައްޔިތަކު ހުރި ފަސްގަނޑަކުން ސިއްހަތުގެ ފުރަތަމަ ފަރުވާ ލިބޭނެ ކަން ކަށަވަރު ވެފައިވާކަން،" ރައީސް އަބްދުﷲ ޔާމީން ވެސް ބައިވެރިވެވަޑައިގަތް ރަސްމިއްޔާތުގައި ހެލްތު މިނިސްޓަރު ވިދާޅުވި އެވެ.
ބޭސްފަރުވާ އަށް ރާއްޖެ އިން ބޭރަށް ދާ މީހުންގެ ނިސްބަތް މަދު ކުރުމަށް ރައީސް ޔާމީން މަސައްކަތްޕުޅު ކުރައްވާކަން ފާހަގަ ކުރައްވައި މިނިސްޓަރު ނާޒިމް ވިދާޅުވީ އެކަމަށް ގިނަ މަސައްކަތްތަކެއް ކުރާ ކަމަށެވެ.
ދަރުމަވަންތަ ހޮސްޕިޓަލާއި ޓްރީޓޮޕް ހޮސްޕިޓުގެ އިތުރުން އަތޮޅުތެރޭގައި ގާއިމްކުރާ ޓާޝަރީ ހޮސްޕިޓަލްތަކާއެކު، ބޭސްފަރުވާ އަށް ބޭރަށް ދާން ޖެހޭ މިންވަރު ދަށްވާނެ ކަމަށް ނާޒިމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަތަކޮ
16 February 2018
ކޮބައިތަ ޗެހެންޔާމު އެމީހުން؟ ޗިޔަބުނީ ޕޕމ ގެ ޖަލްސާ ތަކަށް ނެރުނުވާހަކަ ތޯ؟
ޙުވަދޫ
16 February 2018
ޢެއީ އާއިލީ ޑޮކްޓަރުން ހިމަނައިގެންތަ.ޑޮޚްޓަރު އަބްދުއްޞަމަދު މެމޯރިއަލް ހޮސްޕިޓަލެއްގެ ނަންބޯޑު ޖަހައިގެން އެތަނުން ވާކަމެއް ހަރާމް ސްޕަސަލިސްޓެއް ނެތް މަދުބަޔަކު ފިޔަވައި.މަގުމަތީގައި އުޅޭ އެކްޓިވިސްޓުން ގޮތަށް ވާހަކަ މާކަގިނަކުރާކަށް ނެތިން ވޯޓުން ދައްކާނީ ސަލާމް
މަންސޫރު
16 February 2018
300 ޑޮކްޓަރުން ހޯދަން ގޮވައިގެން ކުރިމަތިލީ 2 މީހުން. 160 ހޯދަން ގޮވީމައި ކުރިމަތިލީ އެކަކު. ބޮޑެތި ނަންބަރު ކިއިދާނެ ޕޯޑިއަމްތަކުގައި.
ޢަބްދުﷲނާފިޒު
15 February 2018
ބަލަގަ މިނިސްޓަރޫ، 350 ޑޮކްޓަރުންނެއް ނޫން، 3500 ޑޮކްޓަރުން ޚިދުމަތަށް ނެރުނަސް އަހަރުންނަށް ހެވޭ، ރ ޔާމީނަށް ވޯޓެއް ނުދޭނަމޭ، ސާފުވެއްޖެ ދެއްތޮ، ވަރަށް ސަލާމް.
ޑޮކްޓަރުން
15 February 2018
ޑޮކްޓަރުން ނެރުނަސް އަދި ކަމަކު ނުދާނެ އިހަށް ލެބޯޓްރީގެ ޚިދުމަތް ފޯރުކޮށްދެވޭތޯ ބައްލަވާ. މިހަފްތާގަވެސް ޖެހިޖެހިގެން ފަސްދުވަހު ހުސްގޮހޮރާ ހަދަންޖެހޭ ޓެސްޓެއް ހަދަން ލޭނަގަން ދިޔައިން. އެކަމަކު ލޭނެގޭގޮތެއްނުވި. ސިސްޓަމް އެރާއެއް ދިމާވެގެންނޯ. މީ ދިވެހިރާއްޖޭގަ ހުރި އެންމެބޮޑު ހޮސްޕިޓަލް (އައިޖީއެމް ހޮސްޕިޓަލް) ގެ ހާލަތު ހުރިގޮތް. ނިކަން މިކަން ދޮގުކޮށްބައްލަވާ. ދެން ޑޮކްޓަރުން ތިއްބަސް ކީތްތޯކުރާނީ. ފޮނިކެނޑުން ނޫން އެއްވެސް ކަމެއް ނުކުރެވޭ.
ރާއްޖެ
15 February 2018
ޕޮޕިއުލޭޝަން ރޭޝިއޯއަށް ބަލާއިރު މިވަރަށް ޓޮކްޓަރުން ތިބި ގައުމެއް މިސަރަހައްދުގަ ނޯންނާނެ.
އެމްސް
15 February 2018
މުހިއްމީ ބަލިން ފަސޭހަ ވެގެން ނިކުތް ޢަދަދު، ސިޔާސީ ބައިސާ އެއް ނޫން
އޯކޭ
15 February 2018
ތިހާ ބައިވަރު ޑޮކްޓާރ އުޅޭއިރު ، އެޕޮއިންޓްމެންޓް ނުލިބެނީ ކީއްވެތަ ؟
ފައްކާ
15 February 2018
ބުނަން މިއޮތީ ފައްކާ ވެރިކަމެއް!
ޑޮކްޓަރު
15 February 2018
މިހާރު ޑޮކްޓަރުކަން ކިޔަވަން ނަގަނީ 4 އަހަރުތަ؟ ޔަމީން ސަރުކާރުން 350 ޑޮކްޓަރުން އެ ނެރުނީ.....
ރާއްޖެ
15 February 2018
ތަމްރީނު ކުރި ވާހަކައެއް ނެތެއްނުން އެއަކު؟