ޑރ. ިއޔާޒް ހަފުލާއެއްގައި ވާހަކަ ދައްކަވަނީ.---ފައިލް ފޮޓޯ
16 ފެބުރުއަރީ 2018 - 16:05
54 comments
އަނިޔާވެރި ވެރިންނަކީ ނިއުމަތެއް ނޫން ކަމަށް ވިދާޅުވެ، މަޝްހޫރު ދީނީ އިލްމުވެރިޔާ ޑރ. މުހައްމަދު އިޔާޒް އަބްދުލްލަތީފް މިއަދުގެ ހުކުރު ޚުތުބާ އަށް ރައްދު ދެއްވައިފި އެވެ.
އިސްލާމިކް މިނިސްޓްރީން މިސްކިތްތަކަށް ފޮނުވާފައިވާ މިއަދު ޚުތުބާގެ މައުޟޫއަކީ "ޙާކިމާ [ވެރިމީހާ] އަކީ ނިއުމަތެއް" މި އެވެ. ޚުތުބާ ލިޔެފައި ވަނީ ވެރިމީހާ އަށް ކިޔަވަންވުމުގެ މައްޗަށެވެ. ވެރިމީހާ އަށް އެއްޗެހި ކިޔުމަކީ ދީން ހުއްދަ ކުރާ ކަމެއް ނޫން ކަމަށާއި އެ މީހުންގެ މައްޗަށް ބަދު ދުއާ ކުރުމަކީ ދީން މަނާ ކުރާ ކަމެއް ކަމަށް ވެސް ހުތުބާގައި ބުނެފައި ވެ އެވެ.
ޚުތުބާ އަށް ރައްދު ދެއްވައި ޑރ. އިޔާޒް ފޭސްބުކްގައި ލިޔުއްވާފައި ވަނީ އަނިޔާވެރި ވެރިންނަކީ ނިއުމަތެއް ނޫން ކަމަށެވެ. އަނިޔާވެރިންގެ ކިބައިން ސަލާމަތް ވުމަށް އެދި ގިނަގިނައިން ދުއާ ކުރަން ޖެހޭ ކަމަށް އިޔާޒް ވިދާޅުވި އެވެ.
"އެންމެ މަތިވެރި ޖިހާދަކީ އަނިޔާވެރި ހާކިމެއްގެ ކުރިމަތީގައި ހައްގު ބަސް ބުނުން ކަމަށް ހަދީސްގައި އޮވޭ، ހަމައެއާއެކު އަނިޔާވެރިކަމުން ސަލާމަތް ކޮށް ދެއްވުން އެދި ގިނަ ގިނައިން ދުއާ ކުރަން ޖެހޭ،" އިޔާޒު ލިޔުއްވާފައިވެ އެވެ.
އިޔާޒުގެ އިތުރުން ދީނީ އެހެން އިލްމުވެރިން ވެސް ވަނީ ޚުތުބާ ސިޔާސީ ނުކުރުމަށް ގޮވާލައި އިސްލާމިކް މިނިސްޓްރީ އަށް ފާޑު ވިދާޅުވެފަ އެވެ.
ވެރިމީހާއަށް ކިޔަމަން ވާން ޖެހޭނެ ކަމަށް ބުނެ އެ މިނިސްޓްރީން މިއަދު ކިޔުމަށް ހަމަޖެއްސި ޙުތުބާ އިން ބައެއް ވަނީ ފަހު ވަގުތު އުނިކޮށްފަ އެވެ. އުނިކޮށްފައިވާ ބައިގައި ހިމެނެނީ ވެރިމީހާއާ ދެކޮޅަށް ބަހެއް ނުބުނެވޭނެ ކަމަށް ބުނެ ލިޔެފައިވާ ރަސޫލާގެ ހަދީސް ތަކެކެވެ.
ސަރުކާރާއި އިދިކޮޅު ޕާޓީތަކުން ވެސް ވަނީ ދީނީ ނަސޭހަތްތަކާއި ހުކުރު ޚުތުބާ ސިޔާސީވެ، ވެރިންނާ މެދު އިސްލާމްދީނުގައި އަންގަވާފައިވާ ގޮތާ ޚިލާފް ވާހަކަތައް ފަތުރަމުންދާ ކަމަށް ބުނެ ކަންބޮޑުވުން ފާޅުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަގޭޤައުމު
16 April 2018
"މަޝްހޫރު" މިބަސް ތި ގެނައީ ޑޮކްޓަރ ކިޔާތީތަ؟
ޖުހާ
17 February 2018
ހައްގު ބަސްބުނުމުގައި ފަސްޖެހިވަޑާން ނުގަންނަވާތީ އުފާކުރަން. މިވަގުރު ދިވެހި ރާއްޖޭ ތިބި ގިނަ ސޭހުންނަށް ހައްގުބަސް ބުނަން ޖެހިލުން ވާކަން މާބޮޑަށްވެސް އިގޭ.
ަސަނު
17 February 2018
މަށަށްއޮޅިއްޖެ. އެބުނާ ޚުތުބާގެ ސުރުޚީގައިއޮންނާތީ މަށަށް ފެނުނީ (ޙާކިމާއަކީ(ވެރިމީހާ) ނިޢުމަތެއް) މިގޮތަށް. އަނިޔާވެރި ޙާކިމާއަކީ ނިޢުމަތެއް. މިހެން ލިޔެފައި އޮއްވާ ފެންނަނީ ކޮންބައަކަށްބާ؟ ދެން އަނެއްކޮޅުން ބަލާއިރު އަނިޔާވެރިއަކީ ކާކުކަމެއް އެނގޭބާ. އެއްބަޔަކު ކިޔަނީ މިހާރު މީ އަނިޔާވެރި ވެރިކަމެކޭ. އަނެއްބަޔަކު ބުނަނީ މިހާރު ހިނގަނީ ވަރަށް އަދުލުވެރ ވެރިކަމެކޭ. ދެން ވަކިގޮތަކަށް ނިންމާނީ ކިހިނެއް.
އުދަރެސް
17 February 2018
އަނިޔާވެރި ވެރިންނަކީ އަނިޔާކުރުވާ ވެރިމީހާ.
ސދފަސދފަސދފ
17 February 2018
ކޮބާތަ އެހެންދީނީ އިލްމުވެރިންނަކީ؟ އެމީހުންގެ ނަންތައް ވެސް ޖަހާލިނަމަ ދޯ؟ ޔަގީން 5 މީހުންވެސް ނުވާނެ.
ޢަބޫބަކުރު
17 February 2018
ޙުތުބާ ރަނގަޅު .... ޔާމިނަން ހަދާފަވާ ޙުތުބާ އެއް
ބުނެލީ
17 February 2018
ޑރ. ކަމަކީ ހަމަ ހުރެފަ އެބޭފުޅައް ލިބުނު އެއްޗެއް ނޫނޭ..ކިޔަވައިގެން ހަމަ ލިބުނު މަގާމެއް. ގަމާރުން ނަކީ އެފަދަ މީހުން ނައް އިހާނެތި ބަސް ބުނާ އަދި ހައްޤައް ބަސް ބުނުމުން އެ ޖަދަލު ކުރާމިހުން..
ނިހާދު
17 February 2018
މީދެން ކާކު ރޭޕަކަށްނުވާނޭ ބުނެފަ މާފައެދި އަލުން އެކަމަށް ގޮންޖަހާ
ހުކުރު
17 February 2018
ހުކުރު ދުވަހަކީ ބްރެޒިލްގެ ކުކުޅު މަސް ކާން ހާއްސަ ދުވަހެއް ނޫން. ހުކުރު ދުވަހު ހަވީރަކީ ފިނިބުރުން ޖަހަން މަގުމަތީގަ ވެސް އުޅެން ހަމަޖައްސަވާފަ އޮތް ދުވަހެއްވެސް ނޫން. އެ ދުވަސް ފާހަގަ ކުރަންޖެހޭ ގޮތް ދިވެހިންނަށް އިލްމްވެރިން ކިޔާ ނުދީ މިހުރިހާ ޒަމާންމިވީ.
އަހުމަދު
17 February 2018
ސަރުކާރަށް ހީވާކަހަލަ ދިވެހިންނަކީ ހެވާ ނުބައި ވަކިކުރަން ނޭނގޭ ބައެެއްކަމަށް, ކޮންމެ ދިވެއްސަކީ ލިޔަން ކިޔަން އެނގޭމީހެއް- ނޫސްތަކުގައި ލިޔެފައި ހުންނަ ތަކެތި ކިޔާ ބުއްދީގެ ބޭނުން ހިފާމީހެއް - މިކަމުގައި ނޫސްތަކުން ކުރަމުން ދެންދާ މަސައްކަތަށް ސާބަސްދޭން
އަލީ!
17 February 2018
ޔާމީނަކީ އަހަރެންގެ ވެރިއެއްނޫން.