ކުރީގެ އަރަބިއްޔާ ހުރި ބިމުގައި އިމާރާތްކޮށްފައިވާ ފްލެޓްތައް. މީގެތެރެއިން ބައެއް ފްލެޓްތައް ވިއްކަން ހުޅުވާލީ، ފްލެޓް ލިބުނު ބައެއް މީހުންނަށް ފައިސާ ނުދެއްކިގެން ކަމަށް އެޗްޑީސީން ބުނޭ. - ފޮޓޯ: ނިޝާން އަލީ/މިހާރު
18 ފެބުރުއަރީ 2018 - 11:07
20 comments
އިންޑިއާގެ ޓާޓާ ކުންފުނިން އިމާރާތް ކުރި ފްލެޓްތަކުގެ ތެރެއިން ވިއްކަން ހުޅުވާލި ހުރިހާ ފްލެޓެއް ވިކި ހުސްވެއްޖެ ކަމަށް ހުޅުމާލެ ޑިވެލޮޕްމެންޓް ކޯޕަރޭޝަން (އެޗްޑީސީ) އިން މިއަދު ބުނެފި އެވެ.
ކުރީގެ ގާކޮށި ބިމާއިި އަރަބިއްޔާ ސްކޫލް ހިންގި ބިމުގައި އިމާރާތްކުރި 264 ފްލެޓުގެ ތެރެއިން ވިއްކަން އިއުލާންކުރީ 105 ފްލެޓެވެ. އެއީ، އެ ފްލެޓްތައް ލިބުނު މީހުން ދައްކަން ޖެހޭ ފައިސާ ސަރުކާރަށް ނުދެއްކުމުންނެވެ.
އެ ފްލެޓްތައް ވިއްކަން އެންމެ ފުރަތަމަ ހުޅުވާލުމުން އެތައް ބަޔަކު ކިޔޫގައި ޖެހުނެވެ. ބޮޑު ކިޔޫއެއްގައި ރައްޔިތުން ޖައްސައިގެން ފްލެޓް ދޫކުރުމަކީ ސަރުކާރުން ގަބޫލުކުރާ ކަމެއް ނޫން ކަމަށް ބުނެ މެދުކަނޑާލުމަށް ފަހު، މިހާރު ފްލެޓް ވިއްކަނީ އޮންލައިން ޕޯޓަލްއެއް މެދުވެރިކޮށެވެ.
އެޗްޑީސީން މިއަދު ނެރުނު އިއުލާނެއްގައި ބުނީ ހުރިހާ ފްލެޓްތައް މިހާރު ވިއްކާފައިވާއިރު، ހަމަޖައްސާފައި އޮތް އުސޫލުން ފައިސާ ނުދައްކާ މީހުންގެ އަތުން އަތުލައި، އެ ފްލެޓެއް އަލުން ވިއްކަން ހުޅުވާލާނެ ކަމަށެވެ. އެެހެންކަމުން އެއްބަސްވުމާ އެއްގޮތަށް ފައިސާ ދައްކަން އެ އިއުލާނުގައި އެޗްޑީސީން ވަނީ އެދިފަ އެވެ.
ފްލެޓް ވިއްކަނީ ދެ މިލިއަން ރުފިޔާ އެއްފަހަރާ ދެއްކޭނެ ކަމުގެ ލިޔުމެއް ނުވަތަ ބޭންކުން ލޯނު ހަމަޖެހޭ ކަމުގެ ލިޔުން ދޭ ފަރާތްތަކަށެވެ. އުމުރުން 21 އަހަރު ވެފައިވާ ދިވެހި ކޮންމެ ރައްޔިތަކަށް މި ފްލެޓްތަކަށް ކުރިމަތިލެވެ އެވެ.
ފްލެޓްތައް ވިއްކާލަން ހުޅުވާލުމުން، ބޮޑު ތަރުހީބެއް ލިބިފައިވާ ކަމަށް ބުނެ، ކުރިިމަތިލީ ފަރާތްތަކަށް އެޗްޑީސީން އިއުލާނުގައި ވަނި ޝުކުރު އަދާކޮށްފަ އެވެ.
ފްލެޓްތައް ވިކި ހުސްވެފައިވާއިރު، އޮންލައިން ޕޯޓަލްއަކީ ދ ފުށް ފެންނަ އުސޫލެއް ނޫން ކަމަށް ބުނެ ގިނަ ބަޔަކު ފާޑުކި އެވެ. އެ ތުހުމަތުތައް ދޮގުކޮށް، އެޗްޑީސީން ބުނެފައި ވަނީ، ފްލެޓްތައް ވިއްކީ ދެފުށް ފެންނަ އުސޫލުން ހަމަހަމަކޮށް ކަަމަށެވެ.
އެޗްޑީސީން ބުނެފައިވާ ގޮތުގައި، ފްލެޓް ވިއްކީ ޝަރުތު ހަމަވެ، އެންމެ ފުރަތަމަ ފައިސާ ދައްކާ މީހުންނަށް އިސްކަންދީގެންނެވެ.
ތިން ކޮޓަރި އާއި ދެ ފާޚާނާ އަދި ބަދިގެ ހިމެނޭ ފްލެޓްތަކުގެ ތެރެއިން ގާކޮށިން 75 ފްލެޓް ވިއްކާ އިރު، އަރަބިއްޔާ ބިމުން ވިއްކަނީ 30 ފްލެޓެވެ. ބައެއް މީހުންނަށް ފައިސާ ނުދެއްކުނީ، މި މަޝްރޫއު ހުޅުވައިލި އިރު ފްލެޓްތައް ވިއްކަން ކަނޑައެޅި އަގަށް ވުރެ މާ ބޮޑު އަގަކަށް ވިއްކަން ނިންމުމާ ގުޅިގެން އުފުލަން ޖެހުނު މާލީ ތަކުލީފުތަކާ ހެދި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާރި
18 February 2018
ބަހާ ހުސްވީ ދޯ؟
18 February 2018
ހުސްނުވެޔޭ ބުނީމަ އަވަހަށް އެޕްލައިކުރަން މިއުޅުނީ، އެދުވަހުވެސް 38 ބާކީހުރި. ކިހިނެއްބާ މުއްދަތު ހަމަވި އިރުވެސް ނުވިކިހުރި ހުރިހާތްނެއް ކުއްލިޔަކަށް އެއްދުވަހުން މި ވިކުނީ؟؟؟؟؟
ހާސިމް
19 February 2018
....ބަލަ ނަމުގަ އެއީ އެފޯޑަބަލް ހައުސިން، ދެން ބީ.އެމް.އެލް އިންވެސް ނިކަމެތި މީހާއަށް ކޮންމެވެސް އެއްޗެކޭ ކިޔާފަ ނުދީ ޕުރޮސެސް ކުރީ އެމީހުންނާއި އާއިލާ މީހުންގެ ފޯރމް. ސަރުކާރުން ގެދޮރުވެށި ކުރަންޖެހޭނީކީ ބޭންކް ސްޓާފުންނާއި ޕާޓީކުދިންނޭ މިހާރު
ވަޓް އެވަރ
18 February 2018
ބަލަ ނަމުގަ އެއީ އެފޯޑަބަލް ހައުސިން، އެކަމަކު ނިކަމެތި މީހާއަށް ދިނުމުގެ ބަދަލުގަ ލާރި ލިބޭ މުއްސަނދިންނަށް ދިން ފްލެޓް އެއީ. ދެން ބީ.އެމް.އެލް އިންވެސް ނިކަމެތި މީހާއަށް ކޮންމެވެސް އެއްޗެކޭ ކިޔާފަ ނުދީ ޕުރްސެސް ކުރީ އެމީހުންނާއި އާއިލާ މީހުންގެ ފޯރމް. މިކަންކަން އެންޓި ކޮރަޕްޝަނުން ބަލަން ޖެހޭ. ސަރުކާރުން ގެދޮރުވެށި ކުރަންޖެހޭނީކީ ބޭންކް ސްޓާފުންނާއި މުއްސަނދިންނެއް ނޫން.
ހާސިމް
18 February 2018
އެންޓިކޮރަޕްޝަން ކޮމިޝަނަށް އަހަރެން ހަމަ ތެދެއް ތިޔަ މައްސަލަ ވައްދާނަން
ބޮކި
18 February 2018
ވިކި ހުސް ވީއޭ ވިކި ހުސް ވީއޭ ހަމަ އަސްލުވެސް . ކޮބާ ތަމެންނައް ފޭނޭ ފެނޭދޯ
ފަކް
18 February 2018
އެޗް ޑީ ސީ އަކީ ކޮރަޕްޓް ވެ ފެއިލް ވެފަވާތަނެއް
ތައްޚާން
18 February 2018
ސާބަހޭ، ވިއްކެން ހުރި ތަނެއްވިޔާ ވިއްކާ ހުސްކުރޭ. ކުޑަ ވަގުތު ކޮޅެއްދެން އޮތީ.
ޏ އައިކު
18 February 2018
ހުރިހާ ފްލެޓެއް ވިކި ހުސްވެއްޖެ: އެޗްޑީސީ × ހުރިހާަފްލެޓެއް ބަހާ ހުސްވެއްޖެ: އެޗްޑީސީ ✓
ސަރުދާރު
18 February 2018
ކިޔުގައި ނުޖައްސައި ސަރުކާރުން ދެން ކޮށްދޭނީ ކޮންކަމެއް؟ ވޯޓު؟!! ކަންތަކާ ޖެހުނީ.
ރައީސް ޖުހާ
18 February 2018
ސުވާލަކީ ފުލެޓް އަޅަނީ ކީއްކުރަންހޭ؟ ބަޔަކަށް ބޯހިޔާވަހިކަން ހޯދަދޭން؟ ސަރުކާރަށް ލާރި ހޯދަން؟ މުއްސަނދިންއަށް އަގު ބޮޑުކޮށް ފުލެޓް ވިއްކައިގެން އިތުރަށް މުއްސަނދިކުރުމަށް؟
ހައްޖަ
18 February 2018
ކިތަންމެ ބޭނުމަސް އަހަރެމެން ކުރާނީ ކީތްތޯ؟ މިހާރުވެސް މިއުޅެނީ މަހުކުލިދައްކައިފިއްޔާ ކާނެބޯނެއެއްޗެއް ގަނެލާނޭ ފައިސާއެއް އަތުގާ ނެތިގެން. ތެދެއް މިލިއަނުން ބިލިއަނުން ކިޔާލިޔަސް ހަމަ އެއްފަހަރުން ފައިސާ ދައްކާލެވޭވަރުމީހުން މިހާރު މަދެއްނޫން. ބޭނުންވަނީ ސިޔާސީދާއިރާއެއްގެ ދޫހެލޭމީހަކަށްވާން. އޭރުން އެހުރިހާކަމެއް ފުރިހަމަވީ.