ކުއްލި ނުރައްކަލުގެ ހާލަތު އިއުލާންކުރައްވައި ރައީސް ޔާމީން ގައުމާ މުހާތަބު ކުރައްވަން ބޭއްވި ހަފުލާގައި ވަޒީރުންނާއި ސަރުކާރުގެ އިސްވެރިން ބައިވެރިވެ ވަޑައިގަންނަވަނީ.-- ފޮޓޯ: ރައީސް އޮފީސް
19 ފެބުރުއަރީ 2018 - 21:10
49 comments
ރައީސް އަބްދުﷲ ޔާމީން އިއުލާންކުރެއްވި ކުއްލި ނުރައްކަލުގެ ހާލަތަށް އިތުރު 30 ދުވަސް ބޭނުން ވަނީ ގާނޫނުއަސާސީ ހިމާޔަތްކޮށް، ގާނޫނު ނަގަހައްޓައި ގައުމީ ސަލާމަތާއި ރައްޔިތުންގެ ރައްކާތެރިކަން ދެމެހެއްޓުމަށް ކަމަށް ރައީސް އޮފީހުން މިރޭ ބުނެފި އެވެ.
މި މަހު 5 ގައި ރައީސް ޔާމީން އިއުލާންކުރެއްވި ކުއްލި ނުރައްކަލުގެ ހާލަތު، އިތުރު 30 ދުވަހަށް ދަމަހައްޓަން ރައްޔިތުންގެ މަޖިލީހުގައި މިއަދު ބޭއްވި ޚާއްސަ ޖަލްސާ އަށް ހުށަހެޅިކަން ފާހަގަކޮށް ރައީސް އޮފީހުގެ ވެބްސައިޓުގައި މިކަމާ ބެހޭ މައުލޫމާތު އާންމުކޮށްފައިވެ އެވެ. މަޖިލީހުގެ ޖަލްސާ އަށް ހާޒިރުވެވަޑައިގެންނެވި ސަރުކާރަށް ތާއީދުކުރާ 39 މެމްބަރުންގެ ތެރެއިން 38 މެމްބަރުންގެ ވޯޓާ އެކު ގައުމީ ސަލާމަތާ ބެހޭ ކޮމެޓީ އަށް ގަރާރު ފޮނުވައި އެ ކޮމެޓީން ހުށަހެޅުން ފާސްކޮށްފައިވާ ކަން ވެސް ފާހަގަކޮށްފައިވެ އެވެ.
"ރައީސުލްޖުމްހޫރިއްޔާގެ ހުށަހެޅުއްވުން މަޖިލީހުން ފާސްކުރައްވައިފި ނަމަ، މިހާރު އިއުލާނުކުރައްވާފައިވާ ކުއްލި ނުރައްކަލުގެ ހާލަތު ޖުމްލަ 45 ދުވަހަށް ދެމިގެންދާނެ އެވެ،" ރައީސް އޮފީހުގެ ވެބްސައިޓުގައިވެ އެވެ.
ކުއްލި ނުރައްކާ ދިގު ދަންމަން ޖެހޭ ސަބަބެއް ކަމަށް ބުނެފައި ވަނީ، ގާނޫނު ނެގެހެއްޓުމެވެ.
ރައީސް އޮފީހުން ބުނިގޮތުގައި ކުއްލި ނުރައްކަލުގެ ހާލަތު އިއުލާންކުރަން ޖެހުނީ، ސުޕްރީމް ކޯޓުން މި މަހު 1 ގައި، ނެރުނު އަމުރުން ދައުލަތުގެ ހިންގުން އޮޅުންބޮޅުންވެ، މުއައްސަސާތަކުގެ ހިންގުމުގެ ނިޒާމަށް ބުރޫއަރައި ގައުމާއި ރައްޔިތުންނާ ގުޅުން ހުރި އެތައް މަސްލަހަތުތަކެއް ގެއްލިދާނެތީ އެވެ.
މި މަހުގެ 1 ގައި ސުޕްރީމް ކޯޓުގެ ފަސް ފަނޑިޔާރުން ސޮއި ކުރައްވައި ނެރުއްވި އަމުރުގައި ސިޔާސީ ލީޑަރުން ދޫކޮށްލުމަށާއިި ޕާޓީ ބަދަލުކުރިއަސް މެމްބަރުންގެ ގޮނޑި ނުގެއްލުމުގެ އިތުރުން އިލެކްޝަންސް ކޮމިޝަނުން ގޮނޑި ގެއްލުނު ކަމަށް ނިންމި މެމްބަރުންނަކީ، މަޖިލީހުގެ ސައްހަ މެމްބަރުން ކަމަށް ވަނީ ކަނޑައަޅައިފަ އެވެ. އެއީ، އިދިކޮޅު ފަރާތްތަކުން ބަޣާވާތެއް ގެންނަން އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދަށް ރިޝްވަތު ހުށަހަޅައި ނެރުއްވި އަމުރެއް ކަަމަށް ބުނެ އެ ދެ ފަނޑިޔާރުން ހައްޔަރުކޮށް، އަމުރު ވަނީ ބާތިލްކޮށްފަ އެވެ.
ކުއްލި ނުރައްކަލުގެ ހާލަތު ދިގު ދަންމަން މަޖިލީހަށް ހުށަހަޅާފައިވީ ނަމަވެސް އެ ގަރާރު ފާސްކުރަން ބޭނުންވާ އަދަދަށް ވެރިކަންކުރާ ޕީޕީއެމަށް މެމްބަރުން ހަމައެއް ނުވެ އެވެ.
ގާނޫނުއަސާސީގެ 87 ވަނަ މާއްދާގައ ބުނެފައިވާ ގޮތުގައި ރައްޔިތުން އެ މައްޗަށް އަމަލުކުރުން ލާޒިމްކުރާ އެއްވެސް ކަމެއް ރައްޔިތުންގެ މަޖިލީހުންް ފާސްކުރަން ވޯޓަށް އަހަން ވާނީ މަޖިލީހުގެ ޖުމްލަ މެމްބަރުންގެ ދެ ބައިކުޅަ އެއްބަޔަށް ވުރެ ގިނަ މެމްބަރުން އެ ވޯޓެއް ނަގާ ޖަލްސާ އަށް ހާޒިރުވެ ތިބޭ ވަގުތެއްގަ އެވެ. އެއީ މަޖިލީހުގެ މިހާރުގެ ޖުމްލަ މެމްބަރުންގެ އަދަދުން ބަލާއިރު 43 މެމްބަރުންނެވެ.
ސަރުކާރު ކޯލިޝަނުން މިއަދު ޖަލްސާގައި ބައިވެރިވެވަޑައިގަތީ 39 މެމްބަރެކެވެ. މެމްބަރުން ބެހިފައިވާ ގޮތުން ގަރާރު ފާސްކުރަން ބޭނުންވާ އަދަދު ސަރުކާރު ކޯލިޝަނަށް 43 މެމްބަރުން ހަމައެއްނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަދީބު
20 February 2018
ޤާނޫނު ނެގެހެއްޓުމަށް ޓަކައި، ފެބްރުއަރީ 1 ގައި ސުޕްރީމް ކޯޓުން ކުރި ހުކުމް ތަންފީޒު ކުރާށެވެ. މަޖިލިސްގެ ދައުރު ފަށާށެވެ.
ތައްތި
20 February 2018
އެހެންވީމަ ގާނޫނު ނަގަހައްޓަން ބޭނުންވަނީ 30 ދުވަހަށް އެކަނިތަ؟ 30 ދުވަސް ހަމަވީމަ ދެން ނަގަހައްޓާކަށް ނުޖެހޭތަ؟ ބަހަނާއެއް ދައްކާއިރުވެސް ހަމަޖެހޭ އެއްޗެއް ކިޔާނަމަ ދޯ.. ތިއުޅެނީ ކޮންމެހެން ގާނޫނު ނަގަހައްޓާކަށް ނޫންކަން މިރާއްޖޭގެ އެންމެން ދަނޭ.. އަދި ހައްޔަރުކުރަން ބޭނުންވާ ބަޔަކު ތިބީކަމަށްވާނީ..
އެއިން
20 February 2018
ހެޑްލައިން ގޯސް. ވެރިކަން ދަމަހަށްޓަން
އެކްސް
20 February 2018
ފުނޑާލާފައި އޮތްއެއްޗެއް ނަގަހައްޓާ ދަމަހައްޓަނީ ކޮންގޮތަކުންކަން ބުނެދީބަލަ.
ހިފެހެއްޓުން
20 February 2018
އިތުރަށްދެން މަނިކުފާނު ރައްޔިތުންގެ އެއްޗެއް ދަމަހައްޓާ ހިފަހައްޓާނެކަމެއްނެތް. ރައްޔިތުން އަމުދުން ނޫޅޭ މަނިކުފާނުލައްވާ އެއްވެސް އަސާސެއް އަދި އަސާސީއެއް ހިމާޔަތްކުރުވާކަށް. ކަމެއްކުރައްވަންޏާ ކާރީގަ ތިތިއްބެވި މަނިކުފާނުންގެ އިއްޒަތްތެރި އައުވާނުންގެ ރައްކާތެރިކުރަން އެއްޗެއް އޮވެއްޖެއްޔާ އެއްޗެއް ހިފަހައްޓަވައިގެން މަނިކުފާނު ހުންނެވީމަ ރަގަޅުވާނެ. ރައްޔިތުންގެ ކަންތައް ރައްޔިތުންނަށް ހަވަހަށް ދޫކޮށްލައްވާ.
އަލްޖިބްރާ
20 February 2018
ޤާނޫނު ފުޑާލާ ފައިދަށުލީ މީހަކު ޤާނޫނު ނަގަހައްޓާނެ ގޮތެއް ނޯންނާނެ !
އުމަރު
20 February 2018
އިތުރު 12 މަސްދުވަސް ދިނަސް ދެނެއް ޤާނޫނެއް ދަމަހެއްޓޭނެކަމަށް އަދި އިތުރު ކުރިއެރުންތަކެއް ލިބޭނެކަމަށް ބަލައިގެންނުވާނެ، ކަރަށް ފެތިފައިވާ މަޅި ދެންދާނީ ބާރުވަމުން، އަދިވެސް ގޮތްދޫކޮށް ބަލި ގަބޫލުކޮށް ތިމާއަށް ތަބާވެގެންތިބި އަދި ތިމާގެ މަގާމު ދިފާއުކުރި މީހުންނަށް ހަމްދަރިދިވެ އެމީހުންގެ ހައްގައްޓަކައިނަވަމެސް ގޮތްދޫކުރަންޖެހޭ، ފުޓްބޯޅަމެޗެއްވެސް ކުޅެވޭނެި ވަކި ވަގުތަކާއި ޖެހެންދެން، ކޮންމެކަމަކަށްވެސް ވަގުތެއް އޮންނާނެ، 30 ދުވަސް އިތުރުކޮށްފިއްޔާ މުޅި ޤައުމު ނިކަމެތިވެ މިހާރު ވެރިކަން ކުރާ ޕާޓީގެ މީހުންނަށްވެސް އޭގެ ގެއްލުން ފޯރާނެ، ދެން އުފެދޭނީ އެތެރޭގެ އަނެއް ބޮޑުރާޅު، އެރާޅުގައި ޖެހުނީމަ ދެން ސަލާމަތެއްނުވާނެ، އެހެންކަމުން ރައީސް ޔާމީނުގެ އަރިހުގައި ތިއްބެވި ހުރިހައި މީހުން ތިޔަ އަނިޔާވެރިކަމުން ދުރުވާންޖެހޭ، ހަމަ ގައިމުވެސް އެދުވަހަކު ހިތަށް ފިނިކަން ލިބިގެންދާނެ އެއީ ޖަލުގައި އޮންނަންޖެހުނަސް
ޓެސްލާ
20 February 2018
އެހެންދެއްތޯ ،،، އެއީ އަނެއްކާ ކޮންތާކުއޮތް ގާނޫންއަސާސީއެއްތޯ ؟؟ ހުރިހާ ގާނޫންއެއް އޮޅާލާފައި ވީދާލާފައި ހުރިހާ ކަމެށް ކޮއްފައި ދެންކޮންގާނޫންއަސާސީޢެއްގެ ވާހަކަތޯ <<< އަސްލަކީ މިހާރު ރާއްޖޭގައި ގާނޫންއަސާސީއެއްވެސް ނެތް ،،، ގާނޫންތަކެއްވެސް ނެތް ،،،، މިތާއޮތީ މިލިޓަރީ ،،، ސިފައިނގެ ވެރިކަމެށް ،،، އެމީޙުންބޭނުންވާ ގޮތެއް އެއީ ގާނޫންއަސާސީ ،،، އަސްލުގައި ރައްޔަތުންގެ ގާނޫނީ ވެރިކަންނިމި މިހާރުމިއޮތީ ސިފައިނގެ ވެރިކަމެށް ،،،، ބަރުމާގައިވެސް އޮންނަ ޒާތުގެ މިލިޓަރީ ވެރިކަމެށް ،،، މައައްސަލާމާ
ސާޅީސް ފަހެއް ނޫން ،30 ދުވަސް
20 February 2018
އިއްޔެ ޤަރާރު އިއްވި އިރު ކީ 30 ދުވަހަށް އިތުރު ކުރަން ހުށަހަޅާކަމަށް، 30 ދުވަސް އިތުރު ކުރާކަށް ނޫން، އޮޅުވާ ނުލާ، ސޯ 30 ދުވަހަށް އިތުރު ކުރަންޏާ އިތުރުވާނީ 15 ދުވަސް
މަރިޔަމްމަނ
20 February 2018
މާތާހިރުވާނެ އިސްތިއުފާ ދެންވެސް ދިނީޔާ
ދޮން ތަކުރު
20 February 2018
ހޯހޯ ތިނުން އެހެން ކަމަކު ބުނޭ. މަގޭ ސޯޓު ބާލަން ނޫޅޭ